Новости за 31.01.2020

Санкт-Петербургда спорттук-концерттик комплекстин чатыры урап түшүп, бир жумушчу каза тапты. Демонтаж маалында чатыр күтүлбөстөн ураганы видеолордо көрүнүп турат. "Фонтанка" сайтынын жазганына караганда, өлгөн адам Петрозаводсктун 29 жаштагы тургуну болушу мүмкүн. Маалыматка караганда, ал атайын тросту тагынбай иштеп жаткан. ТАСС «жабыркагандар» тууралуу маалымдап, бирок канча киши экенин тактаган эмес. Жаңы аренанын курулушунун инвестору "СКА-Арена" компаниясынын директору Игорь Забиран чатырды... Читать дальше...

Атабек эгерде депутат болбосо, дудуктардын маселеси чечилбейт деп эсептейт. Сейилдин ар бир көчөгө чыкканы чакан жеңиш. Исабек көзү соо туруп, көйгөйдү көрбөгөндөргө күйүп жүрөт. “Азаттык+” бул жолу майыптарды түйшөлткөн маселелерге кайрылды.

Кыргызстандан 2011-2017-жылдары күмөндүү жол менен чыгарылган каражаттын ичинде чет өлкөдө мүлк сатып алууга да которулган акча бар. Бул маалыматты Улуттук коопсуздук боюнча мамлекеттик комитет (УКМК) ырастады. Буга чейин кыргыз өкмөтү Айеркен Саймаити жана анын фирмасы аркылуу чет өлкөлөргө чыгарылган 932 млн. 736 миң доллар ишкерлердин товар алууга гана которгон акчасы экенин кайталап келген. Бирок банк аркылуу сыртка чыгарылган каражаттан бюджетке алты миллиард сомго жакын салык түшпөй калганы белгилүү.

Кыргызстандан бир нече жылда чыгарылган күмөндүү каражаттын ичинде чет өлкөдө мүлк алууга да которулган акча бар. Бул маалыматты Улуттук коопсуздук боюнча мамлекеттик комитет (УКМК) ырастады.

Орусияда коронавируска чалдыккан эки киши аныкталды. Эки аял - Кытай жарандары. Бул тууралуу Орусиянын вице-премьер-министри Татьяна Голикова 31-январда билдирди. Бир учур Забайкальеде, экинчиси Тюменде катталды. Экөө тең карантинге алынды. 30-январда Дүйнөлүк Саламаттык сактоо уюму коронавирустун жайылышына байланыштуу глобалдык өзгөчө кырдаал жарыялаган. Өпкөнүн сезгенүүсүнө алып келчү жаңы коронавирустан Кытайда 213 киши өлдү, 10 миңдей киши ооруну жуктуруп алды. Кытайдан сырткары 23 өлкөдө вирустун 100дөн көп учуру катталды. Читать дальше...

"Amnesty International" эл аралык уюму Орусиянын адамдын жүзүн таануучу системаны кеңейтүү планын сындады. Лондондо жайгашкан укук коргоочу уюмдун ырастоосунда, камераларды коомдук акциялар маалында орнотуу андай иш-чаралардын катышуучуларына "сөзсүз терс таасирин тийгизет". Москва шаарынын соту андай технологияларды тынч акцияларды басууга колдонууга каршы доо арызды караганы жатат. 31-январдагы билдирүүдө "Amnesty International" уюмунун Орусия боюнча жетекчиси Наталия Звягина адамдын жүзүн таануучу... Читать дальше...

Дүйнөлүк саламаттык сактоо уюму коронавирус Кытайдан башка өлкөлөргө да жайылганына байланыштуу өзгөчө абал жарыялап, бирок эл аралык каттамдарды чектөөгө олуттуу себеп жоктугун билдирди.

1-февралга караган түнү Британия Европа Биримдигиндеги мүчөлүгүн токтотот. Сириянын Идлиб аймагында карапайым тургундарга абадан чабуул коюлуп, 10 киши өлгөнү кабарланды. Коронавируска байланыштуу эл аралык өзгөчө абал жарыяланды.

Өкмөт Коопсуздук кеңешинин чечимин аткарып, айрым министрлерге, жетекчилерге катуу сөгүш, эскертүү жарыялады. Буйрукка премьер-министр Мухаммедкалый Абылгазиев кол койду. Бул тууралуу өкмөттүн сайтында жарыяланды. Жүктөлгөн милдеттерин талаптагыдай аткарбагандардын арасында катуу сөгүш алган Өнөр жай, энергетика жана жер казынасын пайдалануу мамлекеттик комитетинин төрагасы Эмил Осмонбетов, Социалдык фонддун төрагасы Медер Ирсалиев бар. Сөгүш алгандардын арасында саламаттык сактоо министри Космосбек Чолпонбаев... Читать дальше...

АКШнын мамлекеттик катчысы Майк Помпео Киевде Украинанын президенти Владимир Зеленский менен жолугушту. Алар бир сааттай сүйлөшкөн соң биргелешкен пресс-конференция өткөрүштү. Помпео АКШ Украинанын орус агрессиясына каршы күрөшүн, аймактык бүтүндүгүн калыбына келтирүү аракеттерин мурункудай эле толук колдоорун билдирди. “Вашингтон эч качан Крымдын аннексияланышын тааныбайт”,-деди Помпео. Ага чейин мамкатчы Украинанын тышкы иштер министри Вадим Пристайко менен да жолугушкан. Мамлекеттик катчынын... Читать дальше...

Матраимовдордун үй-бүлөсүнүн адвокаты Канатбек Азиз да «Ысмайыл Матраимов атындагы кайрымдуулук фондунун» эсебине Саймаити эки жолу акча которулганын ырастады. 31-январда кытайлык ишкер Айеркен Саймаитинин өлүмү, анын Кыргызстандын аткаминерлери менен байланышы, ага кыргыз паспортунун мыйзамсыз берилиши жана маалымат каражаттарына жарыяланган башка жагдайлар боюнча түзүлгөн депутаттык комиссиянын кезектеги жыйынында депутат Мирлан Жээнчороев “Аталган фондго 198 миң доллар кимден келген?” деген суроо салды. Читать дальше...

Жоокердин асылып турган сөөгү 30-январда Ички иштер министрлигине караштуу Бишкектеги №702 аскер бөлүгүндө табылган. Маркум 20 жашта болчу. Бул тууралуу Ички иштер министрлигинен (ИИМ) кабарлашты. Учурда бул факт Аскер прокуратурасында иликтенип жатат. Мындан сырткары ИИМдин ички иликтөө кызматы да териштирүү жүргүзүүдө. Кыргызстандагы укук коргоо уюмдары армияда адам укуктары сакталбайт деп сындап келишет. Укук коргоочулар армияда аскерлер арасында чоңсунуу, зомбулук, уруп-сабоо көп экенин белгилешүүдө. Читать дальше...

31-январда Жогорку Кеңеште “Азаттык”, “Клооп” жана OCCRP медиа мекемелеринин иликтөөсүнө байланыштуу түзүлгөн депутаттык комиссиянын жыйыны өттү. Анда Бажы кызматынын төрагасынын мурдагы орун басары Райымбек Матраимов менен Кыргызстандан миллиондорду чыгарып кеткен Айеркен Саймаитинин байланышы тууралуу сөз болду. Матраимовдун адвокаты Канатбек Азиз мындай дейт: “Райымбек Матраимовдун Айеркен Саймаити менен мамилеси барбы-жокпу дегенге, мен расмий түрдө "эч кандай мамиле болгон эмес" деп анын атынан айта алам”. Читать дальше...

Кытайдын тышкы иштер министри австралиялык кесиптеши менен телефондо сүйлөшүүсүндө Пекиндин коронавирус менен күрөшүүдө жасап жаткан аракеттерин атоо менен Кытай бул вирус менен күрөшүүдө ишенимдүү экенин баса белгиледи.

31-январда Казакстандын Алматы, Нур-Султан жана Чымкент шаарларында айдоочулар митингге чыгышты. Алар чет элдик номерлүү автоунааларды каттоо шарттарын жеңилдетүүнү бийликтен талап кылышты. Алардын айтымында, автоунааны каттоодон өткөрүү үчүн эле бир миллион тенге (180 миң сом) төлөш керек. 14-январда Ички иштер министрлиги “Арменияга, Кыргызстанга жана Орусияга караштуу номерлери бар машинелер Казакстандын аймагына киргенде атайын мыйзамга ылайык катталышы керек экенин” маалымдаган. Ал эми бир... Читать дальше...

1-февралга караган түнү Британия Европа Биримдигиндеги мүчөлүгүн токтотот. Эми Лондон менен Брюсселдин келечектеги алакасы кандай болору алдыдагы 11 айда чечилмекчи. Жума күнү Европа парламентиндеги британ депутаттары жумуш орундарын бошотуп беришти. Еврошаркетке 47 жыл мүчө болгон Британия бул уюмдан бөлүнүп чыккан алгачкы мамлекет болмокчу. 11 айлык өткөөл мезгил ичинде Британияда Евробиримдиктин көп мыйзамдары иштей берет. Маселен, эки тараптын жарандары мурдагыдай эле тоскоолдуксуз эки жакка каттай алышат. Читать дальше...

1-февралда жамгыр жаабайт. Жолдор тоңголок жана тайгак болот. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүй өрөөнүндө түнкүсүн -5…-10, күндүз 6…11; Суусамыр өрөөнүндө түнкүсүн -28…-33, күндүз -12…-17; Талас облусунда түнкүсүн -7…-12, күндүз 6…11; Баткен, Ош, Жалал-Абад облустарында түнкүсүн -2…-7, күндүз 7…12; Ысык-Көл облусунда түнкүсүн -4…-9, күндүз 2…7; Нарын облусунда түнкүсүн -20…-25, күндүз -5…-10; Бийик тоолуу райондордо түнкүсүн -28…-33, күндүз -12…-17 градус болот. Читать дальше...

Дээрлик үч жарым жылга созулган талаш-тартыштан кийин Улуу Британия Европа Биримдигиндеги мүчөлүгүн токтотуп жатат. Эми Лондон менен Брюсселдин келечектеги алакасы кандай болоору алдыдагы 11 айда чечилмекчи.

АКШнын Куралдуу күчтөрү Иран Ирактагы базага ракетадан сокку урганда жабыркаган аскерлердин жаңы санын жарыялады. Пентагондун басма сөз катчысы Томас Кэмпбелл 30-январда билдиргендей, бардыгы болуп 64 кишиге мээнин жеңил жаракаты деген диагноз коюлган. Алардын 39у кызматтарына кайтып барышты. Буга чейин президент Дональд Трамп 8-январда Иран Ирактын «Айн аль-Асад» аба базасына сокку урганда америкалыктар жабыркабаганын айтып, армия ардагерлерин кыжаалат кылган. Кийин Куралдуу күчтөр 11 америкалык жарадар болгонун маалымдап... Читать дальше...

Орусиянын Коргоо министрлигинин сайты Канттагы авиабазага «Урал» үлгүсүндөгү 13 чопкутталган автоунаа алып келгенин жазды. Ал чоң автоунаага ири ок атуучу пулемёт орнотулган.   «Бул аскер автоунаасы жогорку деңгээлде корголгон жана ыкчам жүрүүгө багытталган», деп жазылат Орусиянын Коргоо министрлигинин сайтында.   Кыргызстанда Орусиянын бир нече аскер объектиси жайгашкан. Алардын эң ириси - Канттагы авиабаза. (TSh)

Кыргыз эл артисти Келдибек Ниязов куудулдук өнөрдүн ысыгына күйүп, суугуна тоңуп жарым кылымга жакын угармандардын жарпын жазып келатат.

Пакистан Кытайга жана Кытайдан бардык аба каттамдары убактылуу токтотулганын билдирди. Бейшембиде Дүйнөлүк саламаттык сактоо уюму коронавирустун жайылышына байланыштуу глобалдуу өзгөчө кырдаал жарыялаган.  Исламабад 31-январда билдиргендей, аптасына эки жакка каттаган 22 рейс 2-февралга чейин токтоп турмакчы. Пакистандын өзүндө вирус каттала элек, бирок Кытайда окуп жаткан төрт студент ооруп калганы белгилүү болду. Бул тууралуу Пакистандын Саламаттык сактоо мекемесинин өкүлү Зафар Мирза билдирди. Читать дальше...

Ислам кызматташтык уюму АКШ тарабынан сунушталган маскаралык «кылым келишими» планын карап чыгуу үчүн шашылыш жыйын өткөрөт.

30-31-январь күндөрү Ички иштер министрлигинде 2019-жылдын жыйынтыгы боюнча отурум өттү. Коллегиянын жыйынтыгы менен 30дан ашуун жетекчиге эскертүү берилип, айрымдары тартиптик жазага тартылып, биринчи чейректин жыйынтыгында ишмердүүлүгү карала турган болду. Бул тууралуу мекеменин басма сөз кызматы маалымдады.    Ошондой эле коллегиянын чечими менен коомдук тартипти сактоодогу жана кылмыштуулукка каршы күрөшүүдөгү негизги багыттардагы кемчиликтери үчүн 15 жетекчинин ишине баа берилет.  Буга... Читать дальше...

Алыш күрөшү боюнча улуттук курама команданын башкы машыктыруучусу Мирбек Карабаев аталган күрөш кыргыздардын улуттук оюндарынын арасынан дүйнөгө кеңири жайылган түрү экенин айтты.