Новости за 14.01.2020

Базар-Коргон районунун Арстанбап айылынын Кызыл-Алма участогуна жеке ишкер жана эмгек мигрантнын аркасы менен эки кабаттуу 180 окуучуга ылайыкташкан мектеп курулду. 2019-жылдын жай айларында башталган билим уясынын курулушун айыл тургуну жана Орусияда эмгектенген Кубатбек Досматов каржылап, устачылыкка жергиликтүү тургундар тартылган.  - Окуучулар кышкысын бир нече чакырым жол жүрүп, кыйналып сабакка барып келишет. Ата-энелердин суранычы боюнча өз чечимим менен мектептин курулушуна жардам бердим. Читать дальше...

Улуу жана кичүү Памирде жашаган кыргыздардан дагы 30 түтүн кишини көчүрүп келүүнү өтүнүп, алардын өкүлдөрү Мула Абдул Хак жана Абдул Вахид Жогорку Кеңештин депутаттарына кайрылышты. Аларды «Республика - Ата Журт» фракциясынын мүчөсү Аида Исмаилова кабыл алды. 13-январда болгон жолугушууга Мамлекеттик миграция кызматынын төрагасы Болотбек Ибраимжанов менен Тышкы иштер министринин кеңешчиси Алмазбек Асанбаев да катышты. Болотбек Ибраимжанов өкмөттүн «Кайрылман» программасы аркылуу памирлик кыргыздарды көчүрүп келсе болорун белгилеп... Читать дальше...

Бул туурасында өкмөт башчы Мухаммедкалый Абылгазиев 13-январда салык жана бажы жол-жоболорун санариптештирүүгө арналган жыйында билдирди.  - Айрым эксперттердин маалыматы боюнча, көмүскө экономиканын үлүшү 24төн 43% чейин жетет. Эгерде салык төлөмдөрүн чебер башкарса, көптөгөн социалдык маселелерди чечсе болот. Фискалдаштыруу тармагын реформалоо калктын социалдык аяр катмарын колдоого багытталат. Бирок эң негизгиси – бул реформа адилеттүүлүктү орнотушу керек, - деди Абылгазиев.  Өкмөт башчынын сөзүнө караганда... Читать дальше...

Молдовалык ишкер Владимир Плахотнюк «кара тизмеге» киргенин АКШнын мамлекеттик катчысы Майк Помпео билдирди. Маалыматка ылайык, Вашингтон ишкерди «ири коррупцияга» тиешеси бар деп эсептейт. Помпеонун сөзү боюнча, Плахотнюктун иштери Молдовадагы демократиялык институттардын өз алдынчалыгына коркунуч келтирген. Санкцияга ылайык, молдовалык ишкер өзү жана жакындары Американын визасын ала албайт. «Бул чечим АКШ Молдованын элин жана өлкөдөгү коррупцияга каршы күрөштү колдой турганын билдирет» деген Помпеонун сөзүн «Америка үнү» радиосу берди. Читать дальше...

Расмий Тегеран митингчилерге каршы курал колдонгонун танган соң, Иран дүйнө коомчулугунун көзөмөлүнө алынды. Бул жөнүндө «Азаттыкка» АКШнын Мамлекеттик департаментинин басма сөз катчысы Морган Ортагус 13-январда билдирди.  - Иран бийлиги билип коюшу керек, АКШ жана башка дүйнө байкап турат. Биз күнөөсүз митингчилердин каны төгүлүшүн каалабайбыз, - деди ал.  Украинанын жүргүнчү учагы кулатылганына нааразы болгон эл үч күн катары менен нааразылык акцияларына чыккан. Бир катар университеттердин... Читать дальше...

Кыргыз-тажик чек арасы боюнча сүйлөшүү бүгүн, 14-январда Тажикстандын Исфара шаарында өтөт. Кыргызстандын делегациясын вице-премьер-министр Жеңиш Разаков жетектеп барат. Буга чейин Разаков тараптар кыргыз-тажик чек арасындагы кырдаал, аны турукташтыруу, коопсуздукту бекемдөө жана түрдүү чыр-чатактардын алдын алуу тууралуу сүйлөшүү боло турганын кабарлаган. Мындан тышкары кыргыз-тажик чек арасын делимитациялоо жана демаркациялоо иштерин ыкчамдатуу жөнүндө да маселе коюла турганын айткан:  - Биринчиден... Читать дальше...