Новости за 24.12.2019

Орусиянын Хабаровск крайында Су-57 үлгүсүндөгү кыргын салуучу аскердик учагы сыноо маалында кулап түштү. Анын бортундагы учкуч учактан чыгып кеткенге үлгүрдү. Авария Комсомольский-на-Амур аймагынан 120 алыстыкта орун алды. Учак жергиликтүү авиазаводго таандык болчу. "РИА Новости" маалымат агенттиги ошол маалда учактын кыймылдаткычы сыналып жатканын жазды. "Baza" телеграм-каналынын маалыматы боюнча, издеп-иликтөө иштерине Өзгөчө кырдаалдар министрлигинин өкүлдөрүн аралаштырбай коюшту. "Интерфакс"... Читать дальше...

"Мемориал" укук коргоо борбору Орусиядагы саясий туткундардын жаңыланган тизмесин жарыялады. Ага 314 адамдын аты-жөнү жазылган. Алардын 250сү дин тутуу эркиндигин жайылтуу же диний көз карашынан улам, 64ү саясий көз карашына байланыштуу темир тор артында отурат.  Укук коргоочулар бул тизмеге тек-жайы жана ишмердиги такталган кишилер гана киргенин белгилеп, саясий туткундардын чыныгы саны мындан алда канча көп болушу ыктымалдыгын кошумчалашкан.   2019-жылдын октябрында бул тизмеде 305 адамдын аты-жөнү бар эле. Читать дальше...

Украинанын чыгышындагы жаңжалды жөнгө салуу боюнча түзүлгөн үч тараптуу байланыш тобу ушул жылдын аягына чейин туткундарды башма баш алмашуу тууралуу макулдашты. Бул тууралуу украин президентинин кеңсеси 23-декабрда кабарлады. Сүйлөшүү видеоконференция форматында өттү. Бул топтогу Украинанын өкүлү Валерия Лутковская макулдашууну төрт жылдан бери туткунда отурган жарандар үчүн "чоң бакыт" деп сыпаттады. Орусиянын чабарманы Борис Грызлов тараптар бири-бирине эч кандай шарт койбой туткун алмашуу тууралуу орток пикир табышканын бышыктады. Читать дальше...

Жазуучу, котормочу, этнограф Тайтөрө Батыркуловду эскерүү.

Кримтөбөл Азиз Батукаевдин түрмөдөн мыйзамсыз бошотулганына байланыштуу иште айыпталуучулардын бири, дарыгер Абдухалим Раимжановду тез жардам кызматы алып кеткендиктен сот жараянды 26-декабрга жылдырды. Бул тууралуу “Азаттыкка” мурдагы президент Алмазбек Атамбаевдин адвокаты Замир Жоошев билдирди. Соттук кароо Улуттук коопсуздук боюнча мамлекеттик комитеттин (УКМК) имаратында өтүп жаткан. Адвокаттар отурумду Биринчи май райондук сотуна которууну жана аны Атамбаевсиз өткөрө берүүнү өтүнүшкөн. Буга УКМКнын бөлмөсүнө катышуучулар тыгылып... Читать дальше...

БУУнун Башкы катчысынын гуманитардык иштер боюнча орун басары Марк Локок Йемендин түштүгүндөгү Эд-Дали шаарындагы беш эл аралык уюмдун штабында болгон жардыруудан кийин 12 эл аралык уюм өлкөдөгү ишин токтотушканын билдирди.

Ооганстандын Коргоо министрлиги өлкөнүн түндүгүндөгү Балх провинциясындагы көзөмөл бекетке "Талибан" куралдуу кыймылы кол салып, кеминде жети жоокер ажал тапканын билдирди. Коопсуздук күчтөрүнүн дагы алты кызматкери жарадар болду. Кандуу окуя таңга маал Давлат-Абад районунда орун алды. Куралдуу кол салууну "Талибан" уюштурганын мойнуна алды. Мунун алдында америкалык бир жоокер набыт болгон. AFP маалымат агенттиги кол салууну "Талибан" куралдуу кыймылы уюштурганын мойнуна алганын жазган. Анда аталган... Читать дальше...

Ысык-Көлдүн Чок-Тал айылында тикмечи келиндер тобу аскер формаларын тигип, Орусияга экспорттоп жатышат. ФАПтын имаратында ачылган чакан тигүү цехинде азыр 15 аял эмгектенет. Цехтин ээси буюртма көбөйө турган болсо, айылдык кыз-келиндерге көбүрөөк жумуш ордун түзүүнү пландап жатат.

Кытайдын, Түштүк Кореянын жана Жапониянын лидерлери Корей жарым аралын өзөктүк куралдан арылтуу үчүн биргелешип аракеттенүү тууралуу макулдашты. Бул тууралуу Кытайдын премьер-министри Ли Кэцян 24-декабрда Чэнду шаарында үч тараптуу жолугушуудан кийинки басма сөз жыйынында билдирди. Анда бул үч өлкө Пхеньяндын атомдук программасына байланыштуу кызматташууну улантарын, маселе тынч сүйлөшүү жолу менен гана чечилет деп эсептешерин белгиледи. Мунун алдында Түндүк Корея өзүнүн Сохэ полигонунда алыскы... Читать дальше...

500 орундуу мектеп Ош шаарындагы №7 Нариманов гимназия-мектебине кошумча имарат катары курулууда. Ош шаар мэриясынын басма сөз кызматы маалымдагандай, мектептин курулушуна 54 млн. сомдон ашуун каражат жумшалат. Курулуш ишин 2020-жылдын аягына бүтүрүү пландалган. №7 Нариманов мектеби 1176 орундуу, учурда мектепте 3700 окуучу билим алат. Депозиттик эсеп 2018-жылдын июль айында президент Сооронбай Жээнбековдун буйругу менен ачылган. Башкы прокуратурага, Финполицияга, УКМКга, ИИМге жемкорлордон... Читать дальше...

Белгилүү кинорежиссер Болот Шамшиев менен коштошуу жөрөлгөсү 24-декабрда Опера жана балет театрында болду. Ага Жогорку Кеңештин төрагасы Дастан Жумабеков баштаган мамлекеттик мекемелердин жетекчилери, коомдук, маданий ишмерлер жана маркумдун жакындары катышты. Өнөрпоздун сөөгү "Ала-Арча" көрүстөнүнө коюлду. Жерге берүү расмисине президент Сооронбай Жээнбеков да катышып, куран окуду. Мунун алдында мамлекет башчы Шамшиевди акыркы сапарга узатуу зыйнатына байланыштуу көңүл айтуу кайрылуусун жолдогон. Читать дальше...

19 жаштагы жарым коргоочу Гүлжигит Алыкулов Кыргызстандын мыкты футболчусу аталды. Бул наам үчүн Кыргызстан курама командасынын капитаны Валерий Кичин жана жарым коргоочу Эдгард Бернхард ат салышкан. Футболчуга сыйлык Бишкекте өткөн салтанатта тапшырылды. Кыргызстандын футбол федерациясынын "Football awards-2019" жыл мыктыларын тандоо салтанаты 23-ноябрда Бишекте өтүп, жыл ичинде футбол тармагында ийгилик жараткандарга сыйлыктар ыйгарылды. “Жылдын мыкты машыктыруучусу” наамы улуттук курама команданын... Читать дальше...

Филиппинге кезектеги тропикалык бороон жакындап, көпчүлүк үй-бүлө "Кристмас" майрамын белгилөө үчүн чогула албай жатат. Бул тууралуу "Bloomberg" басылмасы 24-декабрда кабарлады. "Philippine Airlines" жана "Cebu Pacific" авиакомпаниялары ички каттамдарды токтотту. Жээктерде коопсуздук чаралары жарыяланды.  Филиппиндин калкынын 80% ашууну католик болгондуктан, "Кристмас" майрамынын алдында үй-бүлө мүчөлөрү бир жерге чогулуп, майрамды чогуу тосот.  Филиппиндин борбордук бөлүгүн "Фанфон" урааны шейшембиде жетип келери кабарланган. Читать дальше...

25-декабрда Кыргызстанда жаан-чачын болбойт. Чүй, Талас, Ош, Жалал-Абад, Баткен облустарынын кээ бир райондорунда туман түшөт. Жолдорго муз тоңот. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Баткен, Ош, Жалал-Абад облустарында түнкүсүн -3...-8, күндүз 0...5, Талас жергесинде түнкүсүн -12...-17, күндүз -3...+2, Чүй өрөөнүндө түнкүсүн -12...-17, күндүз -2...+3, Нарын облусунда түнкүсүн -17...-22, күндүз -5...-10, Ысык-Көл дубанында түнкүсүн -6...-11... Читать дальше...

«Адилет» укуктук клиникасы адвокаттардын суракка чакырылышы жана коркутууга кабылышы боюнча билдирүү таратып, укук коргоо органдарынын жактоочуларга басымы күчөгөнүн сынга алды.  - Көз карандысыз адвокаттарга кысым жасоо үчүн Башкы прокуратура тарабынан мыйзамды одоно жана орой бузуу аракетине Кыргызстандын коомчулугу дагы бир жолу күбө болду. Кыргызстандын мыйзамдарында адвокаттык ишмердүүлүккө кийлигишүүгө жол бербөөгө кепилдик берилгенине карабай тергөө органдары адвокаттарды суракка чакырып... Читать дальше...

Казакстандын Нур-Султан шаарында кечээ, 23-декабрда жыйынтыкталган алыш бел боо күрөшү боюна дүйнө чемпионатында Кыргызстандын балбандары беш алтын, бир коло байгеге ээ болду. Спорттун аталган түрү боюнча Кыргызстандын федерациясынын башкы катчысы Белек Үсөнбековдун "Азаттык" радиосуна билдиргенине караганда мелдешке 27 өлкөдөн 275 спортчу катышып, кыз-келиндер жана эркектер арасында алтыдан салмакта байгелер ойнотулду. Алтын байгелерди Кыргыз спортчуларынан эркектер арасында Марлен Абдрасулов (60 кг.)... Читать дальше...

Аксы районунда соңку жылдары мал уурулук күчөдү. Буга нааразы болгон Итагар айылынын тургундары 21-декабрда көчөгө да чыгышты.

Сириянын түндүгүндө Орусия жана Сирия аскерлеринин аба соккуларынын натыйжасында миңдеген адам Түркияга качып өтө баштады. Бул тууралуу Түркиянын президенти Режеп Тайип Эрдоган билдирип, мунун акыбети Европа үчүн аянычтуу болорун айтты.  22-январда Эрдоган 80 миңден ашуун сириялык Идлибден Түркияга сапар тартканын белгилеп, муну 2015-жылдагы миграциялык кризиске салыштырды.  Эрдоган 23-январда Сириядагы кырдаалды талкуулоо үчүн түрк делегациясы Москвага сапар тарта турганын кошумчалаган.  ... Читать дальше...

Казакстандын Эгемендик күнүндө Алматыда өткөн жүрүш маалында кармалып, 10-15 суткага камакка алынган 20дан ашуун адам сот чечимине нааразылык катары үч күндөн бери ачкачылык кармап жатат. Бул тууралуу 23-декабрда камактагы активисттер Асхат Жексебаев менен Канат Жакупов адвокат менен жолукканда билдиришкен. Ачкачылык жарыялагандар «Митинг уюштуруу жана өткөрүү тартиптерин бузуу» беренеси менен соттолгон бардык адамдарды бошотууну талап кылууда. Алматы шаардык полиция департаментинин басма сөз... Читать дальше...

Белгилүү кинорежиссер Болот Шамшиев менен коштошуу зыйнаты Абдылас Малдыбаев атындагы Опера жана балет театрында өттү. Таанымал кинорежиссер, Эл артисти Болот Шамшиев 21-декабрда дүйнөдөн кайткан.

Улуттук коопсуздук боюнча мамлекеттик комитеттин (УКМК) имаратында өтүп жаткан соттук отурумдан айыпталуучу, мурдагы президент Алмазбек Атамбаев чыгып кетти. Бул тууралуу анын адвокаты Сергей Слесарев билдирди. Анын айтымында, алар соттук отурумду Биринчи май райондук сотуна которуу өтүнүчүн келтиришкен. Буга УКМКнын бөлмөсүнө катышуучулар тыгылып, сот, прокурор жана айыпталуучулар бетме-бет отуруп калышканы себеп болду. Мындан кийин адвокаттар сотту Атамбаевсиз өткөрүүнү сунуш кылышкан. Сот өтүнүчтөрдү четке каккан. Читать дальше...

БУУнун Жакынкы Чыгыштагы тынчтык жараяны боюнча атайын координатору Николай Младенов Израилдин Иордан дарыясынын Батыш жээгине жана Чыгыш Иерусалимде жөөт конуштарын куруусу быйылкы жылы 70%га көбөйүп, 2018-жылга салыштырмалуу алардын саны 10 миңге жеткендигин айтты.

Эки жыл мурда саясаттан кеткенин жарыялаган экс-премьер-министр Өмүрбек Бабанов партия лидерлигин да расмий өткөрүп берди. Эми "Республика" партиясын депутат Мирлан Жээнчороев жетектеп калды.

Кримтөбөл Азиз Батукаевдин түрмөдөн мыйзамсыз бошотулганына байланыштуу соттук отурумдар Улуттук коопсуздук боюнча мамлекеттик комитеттин (УКМК) имаратында өтүп жатат. Бул иш боюнча мурдагы президент Алмазбек Атамбаев да айыпталып жатат. Анын уулу Кадыр Атамбаев сот аларды жараянга катыштырбай жатканын билдирип, отурумдардын атайын кызматтын имаратында өткөнүн сынга алды. Соттук процессти УКМКнын имаратында өткөрүү чечимин 19-декабрда ишти карап жаткан Бишкектин Биринчи май райондук сотунун судьясы Эмилбек Кайыпов чыгарган. Читать дальше...

23-декабрда Сауд Арабия соту беш адамды журналист Жамал Хашоггинин (Хашкажи) өлүмүнө күнөөлүү деп таап, өлүм жазасына кести.