Новости за 22.07.2019

Бүгүн, 22-июлда Кой-Ташта түзүлгөн “элдик штаб” жол эрежесин бузгандар үчүн салынган айып пулдар маселесин талкуулайт. Бул тууралуу “Азаттыкка” мурдагы президент Алмазбек Атамбаевди колдогон Кыргызстан социал-демократиялык партиясынын (КСДП) расмий өкүлү Кундуз Жолдубаева кабарлады. Анын айтымында, штабга келген жарандар айып пулдун жогору экенине жана “Коопсуз шаар” долбоорунун иштешине нааразылыгын билдирип жатышат. “Ошондуктан бул маселени талкулоо үчүн аянтча түзүп берүү чечими кабыл алынган”, - деди Жолдубаева. Читать дальше...

“Азаттыктын” иликтөөчү журналисти Уланбек Эгизбаевдин көзү өткөнүнө бүгүн туура бир жыл болду. Анын жылдыгына арналып бүгүн кичи мекени - Кочкордо куран окутулат. Ага экс-президент Роза Отунбаева баш болгон айрым саясатчылар, кесиптештери катышат. Улан Эгизбаев 2018-жылы 22-июлда Ысык-Көлдө көз жумган. Ички иштер министрлиги соттук-медициналык экспертизанын жыйынтыгына таянып, журналист сууга чөгүп каза болгонун жарыялаган. Бир жылда Уланбек Эгизбаевдин элесине арналган Журналисттик иликтөөлөр фонду түзүлдү. Читать дальше...

"Гонконгдогу өкмөткө каршы нааразылык акциясына он миңдеген адамдар чыкты", - деп жазды "Reuters" агенттиги. Алар демократиялык реформаны жана полициянын болжолдуу зомбулугун иликтөөнү талап кылышты. Июнда полиция чогулгандарды таратуу үчүн желим ок жана көздөн жаш агызуучу газ пайдаланган. Демонстранттар менен полициянын кагылышында 11 полиция жабыркаган. Гонконгдо кырдаал бир айдан бери тынчыбай келатат. Бийликтин кылмышка шектүү адамдарды Кытайга экстрадициялоо тууралуу мыйзамды кабыл алуу планы калың элди нааразы кылган. Читать дальше...

Украинада жергиликтүү саат боюнча 20:00гө карата добуш берүүгө катышкан шайлоочулардын жалпы саны 49,84% түздү. Борбордук шайлоо комиссиясынын маалыматы боюнча, бир катар облустарда (Винниц, Волынск, Днепропетровск, Житомирск, Запорожск, Киев, Львовск, Полтавск, Сумск, Тернопольск, Харьковск, Хмельницк, Черкасск, Черниговск) добуш бергендердин көрсөткүчү 50% ашкан. Киевде шайлоочулар эң аз катышып, добуш бергендердин саны 49 пайызга бир аз жетпей калды. 21-июлда Украинада парламенттик шайлоо өтүп... Читать дальше...

Бишкектин Жеңиш аянтында уюштурулган автоунаалардын мелдешиндеги кырсыктын себептери териштирилет. Бул тууралуу Бишкек шаардык Ички иштер башкармалыгынын басма сөз кызматы кабарлады. Маалыматка караганда, факт Кылмыштардын жана жоруктардын бирдиктүү реестрине катталып, “Жол кыймылынын эрежесин бузуу жана автомототранспорт каражатын эксплуатациялоо” беренесинин негизинде сотко чейинки териштирүү башталды. Керек болгон соттук-медициналык экспертиза дайындалды. 21-июлдагы дрифт боюнча автоунаалардын... Читать дальше...

Нарын шаарында мамлекеттик жана саясий ишмер Турдакун Усубалиевге окшош кишинин сүрөтүн илип койгон окуя боюнча “Таза-Нарын” муниципалдык мекемесинин жетекчисине катуу сөгүш берилди. Бул тууралуу “Азаттыкка” шаар мэри Эмил Алымкулов билдирди. Анын айтымында, алгач баннерге Усубалиевдин сүрөтү илинген. Шамал учуруп кеткенден кийин баннер алмаштырылып, ошого окшош кишинин сүрөтүн коюлуп калган.  "Ал боюнча териштирдик, чара көрдүк. “Таза-Нарын” ишканасынын директоруна катуу сөгүш берилди. Ага буюртма берип... Читать дальше...