Новости за 29.04.2019

Кыргызстандык спортчу кечээ Кытайда өткөн Азия чемпионатында алтын байге уткан.

Орусия бир катар өлкөлөргө которулуп жаткан акчанын көлөмүнө чектөө киргизет. Бул тууралуу орусиялык басылмалар жазып чыгышты.  Маалыматка ылайык чектөө кирген өлкөлөрдүн арасында Вьетнам, Кытай, Кыргызстан жана Казакстан да бар. 16-апрелден тартып акча которуу системалары аркылуу Казакстанга Орусиядан айына 150 миң рублдан ашык каражат жөнөтүү мүмкүн болбой калса, Кыргызстан, Кытай жана Вьетнамга кирген чектөө 100 миң рублду түзөт. Орусиянын Улуттук банкы мындай чечимди көмүскө операцияларга бөгөт коюу аракети менен түшүндүрүп... Читать дальше...

АКШнын санкцияларына байланыштуу Ирандын экономикасы алты пайызга төмөндөп, инфляция 40 пайызга жетиши же андан ашышы мүмкүн экени Эл аралык Валюта Фондунун (ЭВФ) божомолунда айтылат.   Вашингтон былтыр ноябрда Ирандын мунайын экспорттоого санкция киргизген.   Өткөн аптада Ак үй беш мамлекетке Ирандан мунай импорттоого берилген убактылуу жеңилдикти токтотоорун жарыялагандан бери Тегеран менен Вашингтондун ортосунда кайым айтышуу күчөдү. ЭВФтин Жакынкы Чыгыш жана Борбор Азия боюнча директору... Читать дальше...

Бишкекте ысык суу 6-майдан тартып бир айга токтотулат. Тийиштүү буйрукка шаардын мэри Азиз Суракматов кол койду.  Бул учурда шаардагы суу түтүктөрү жана жылытуучу казандар оңдолот. Былтыр ысык суу 21-майдан 21-июнга чейин токтотулган. (KR)

Ооганстандын президенти Ашраф Гани 29-апрелде «Лоя жырга» деген ат менен белгилүү улуттук курултайды ачты. Төрт күнгө созулган курултай уруу аксакалдарынын, диний аалымдардын, саясатчылар менен атактуу ооган жарандарынын башын бириктирет. Быйылкы жыйынга 3200дөн ашуун киши катышууда. Анда талибдер менен тынчтык сүйлөшүүлөрү талкууланмакчы.   Гани курултайдын катышуучуларын «тынчтыктын элчилери»​ деп атап, аларды сүйлөшүүлөргө мунаса табууга салым кошууга чакырды.  Талибдер өкмөттү «​батыштын... Читать дальше...

Бишкекте жалгыз бой аял өзүн өрттөй турганын айтып борбордук аянтка чыкты.  Асипа Кадыркулова Кочкор райондук ооруканасынын директорун, облустук сотту коррупция боюнча айыптап жатат. Аны менен президенттик аппараттын коомдук кабылдамасынын өкүлү Улан Жолдошбеков жолугуп, маселени чечүүгө көмөктөшөөрүн билдирди. Аялдын колундагы бензин менен ширеңкени кийинчирээк милиция кызматкерлери алып койду. Кыргызстанда өзүн өзү өрттөй турганын билдирип, нааразылык акциясына чыккандардын дээрлик баары аялдар. Читать дальше...

Бишкек шаардык соту Бишкектеги ЖЭБди (ТЭЦ) модернизациялоо боюнча коррупция үчүн айыптануучуларды камакта калтырууну чечти.  Буга чейин айыпталуучулардын жактоочулары сотко арыз менен кайрылып, алардын бөгөт чарасын өзгөртүп, үй камагына чыгарууну өтүнүшкөн. Адвокаттар эми Жогорку сотко кайрыларын билдиришти. Учурда УКМКнын тергөө абагында Жантөрө Сатыбалдиев, Сапар Исаков, парламенттин депутаты Осмонбек Артыкбаев, Салайдин Авазов жана Айбек Калиев сымал жогорку даражадагы мамлеттик кызматкерлер олтурат. Читать дальше...

Балыкчы шаарында уран кенин иштетүүгө каршы тынч митинг аяктап, катышуучулар жөө жүрүшкө чыкты. Бул тууралуу «Азаттыктын» кабарчысы Асеин Маданбеков билдирди.  Балыкчыдан Бишкек шаарына чейинки жөө жүрүшкө Балыкчы шаарынын мэриясы уруксат берген эмес. Андыктан милиция кызматкерлери адегенде жөө жүрүшкө чыккандарды токтотууга аракет кылышкан, бирок кийин кайра тоскоол кылбастан, тартипти сактоого чакырып, жолду бошотуп беришкен. Жөө жүрүштүн 500гө жакын катышуучулары Балыкчы шаарынын мэриясынан чыгып, шаардын автобекетин көздөй басышкан. Читать дальше...

Индонезиянын парлементтик жана жергиликтүү шайлоолордон 10 күн өткөн соң, өлкөнүн жетекчилери 272 кызматчы жумуштун оордугунан улам курман болушканын жарыялады.

 Түркия президенти өкмөтү куралдуу жана дипломатиялык террорчулукка моюн сунбагандай эле экономикалык террорчулукка дагы баш бербесин билдирди.

Кытай Эл Республикасынын төрагасы Си Цзинпин Кыргызстанга мамлекеттик сапар менен 2019-жылдын июнь айында келери белгилүү болду. Бул тууралуу президенттин аппаратынын маалымат бөлүмү кабарлады. - Былтыр сиздин (Сооронбай Жээнбековго кайрылып - ред.) Кытайдагы биринчи мамлекттик сапарыңыз ийгиликтүү болду. Биз кызматташтыгыбызды стратегиялык өнөктөштүк денгээлине чыгарарыбызды жарыялаганбыз. Биргелешкен аракет менен эки тараптуу кызматташтык туруктуу өнүгүп жатат, мен буга абдан кубанычтамын. Мен... Читать дальше...

АКШ беш мамлекетке Ирандан мунай импорттоого берилген убактылуу жеңилдикти токтотоорун жарыялагандан бери Тегеран менен Вашингтондун ортосунда кайым айтышуу күчөдү.

Бүгүн Кыргыз Республикасынын эл артисти Сатыбалды Далбаев көз жумду.  Ал 1934-жылы Базар-Коргон районуна караштуу Ооган-Талаа кыштагында туулган. 1952-жылы Москвадагы Луначарский атындагы мамлекеттик театралдык институтка тапшырып, аны 1957-жылы аяктаган. Сатыбалды Далбаев 1952-жылдан бери Токтоболот Абдумомунов атындагы Кыргыз улуттук академиялык драма театрында эмгектенип келген.  1970-жылы «Кыргыз Республикасынын эмгек сиңирген артисти» наамын алган, төрт жылдан кийин эле «Кыргыз Республикасынын эл артисти» наамына татыктуу болгон. Читать дальше...

Иш-чара Бишкек шаарынын күнүнө арналган.

Жекшемби, 28-апрелде Казакстанда саясий партиялар менен коомдук уюмдар атынан президенттик шайлоого талапкерлерди сунуштоо жараяны аяктады.

Балыкчы шаарында уран кенин иштетүүгө каршы тынчтык митинги өтүп жатат. Митингге болжолдуу 200дөй киши чогулду. Митингди Балыкчы шаарынын жергиликтүү активисттери уюштурган. 29-апрелге пландалып жаткан Балыкчыдан Бишкек шаарына чейинки жөө жүрүшкө Балыкчы шаардык соту тыюу салынып, болгону тынч митингге уруксат берилген. Бирок катышуучулар түшкү саат 12ден кийин жөө жүрүшкө чыгарын айтышууда. Алардын бири, Балыкчы шаарынын тургуну, активист Марат Акатов мындай деди: - Он киши болсок да жолдун чети менен эч кимге жолтоо болбой... Читать дальше...

Нарын шаарындагы Борбордук Азия университетинин окутуучулары учурда кыргыз тилин үйрөнүп жатат. Чет элдик окутуучулар тоо койнунда жайгашкан окуу жайдын кампусунда гана жүрө бербестен, Нарын шаарына чыгып, эл менен баарлашуу максатында тил үйрөнүү зарылчылыгы келип чыкканын айтышат.

Милициянын отставкадагы полковниги Жалил Атамбаев «Азаттыктын» кабарчысы Ыдырыс Исаковду иликтөөсү үчүн Ош шаардык сотуна доо арыз менен кайрылып, Исаковдон 50 млн. сом моралдык чыгым өндүрүп берүүнү суранган. 17-апрелде «Азаттыктын» Оштогу кабарчысы Ыдырыс Исаков «Ош: салыктан буйтаган "ишкерлер"» деген аталыштагы иликтөөсүн жарыялаган. Иликтөөдө жылына Кыргызстандын казынасына көмүскө экономиканын айынан 40 млрд. сом түшпөй калары айтылып, салыктан качкан ишкерлер жөнүндө сөз болгон. Анда милициянын... Читать дальше...

Орусия Казакстан менен Кыргызстанга келүүчү санкциялардын тизмесине кирген украиналык товарларды чектөөсүз өткөрөт. Учурда мыйзамга тиешелүү толуктоолор даярдалып жатканын орус президентинин аппаратынын жетекчисинин орун басарына таянып орусиялык басылмалар жазып чыгышты. Мындай аракеттер кыргыз жана казак тараптын өтүнүчүнүн негизинде жасалып жатканы да айтылат.  Борбор Азиянын эки мамлекетине Украинадан негизинен азык-түлүк өндүрүмү импорттолот. Москванын Украина боюнча санкциялык тизмеси жалпысынан 567 адамга жана 75 фирмага жетти. Читать дальше...

Ысык-Көл облусунун Каракол шаарындагы эркин журналист Алена Хоменко баштаган уран казууга каршы онлайн-петицияга 29298 киши кол койду. «Биз Ысык-Көлдө уран кенин иштетүүгө каршыбыз!» деген петицияга онлайн түрүндө кол топтоо 22-апрелде башталган. Алена Хоменко петицияга 35 миң кишинин колун топтоону максат кылганын айткан.  Буга чейин жергиликтүү тургундар Ысык-Көлдүн Көк-Мойнок айыл аймагындагы Кызыл-Омпол уран кенин иштетүүгө каршы акцияга чыгышкан. 26-апрелде Бишкекте уран казууга каршы болгондор митингге чыгышкан. Читать дальше...

Кызыл-Омпол кенинде баалуу элементтер бар экени жана алардан он чакты зат өндүрүү пландалганы белгилүү болду.

Бүгүн, 29-апрелде Бишкек шаарына 141 жыл толду.

Бүгүн, 29-апрелде саат 16:00дөн баштап Бишкектин Ала-Тоо аянтында башкалаанын күнүнө арналган майрамдык иш-чаралар башталат. Андыктан Чүй көчөсү Эркиндик бульварынан Панфилов көчөсүнө чейин автоунаалар үчүн жабылат. Жабылган жолдор түнкү саат он экиден кийин ачылат. Бул тууралуу Бишкек мэриясы кабарлады. Мындан сырткары коопсуздук чаралары үчүн адамдар аянтка сегиз өткөрмө жайлары аркылуу киргизилет. Атайын өткөрмө бекеттер Рыскулов-Орозбеков, Рыскулов-Раззаков, Пушкин-Эркиндик, Чүй-Эркиндик, Раззаков-Киев... Читать дальше...

Бүгүн, 29-апрелде СССРдин эл артисти, Токтогул атындагы сыйлыктын ээси Даркүл Күйүкованын 100 жылдык мааракесине арналган XI республикалык театр фестивалы башталат. Чыңгыз Айтматов атындагы кино үйүндө «Даркүл Күйүкова жана кыргыз кино искусствосу» аттуу эскерүү кечеси саат 14:00дө башталат. Анда «Өрүкзар мекени» аттуу көркөм тасма көрсөтүлөт. Атактуу актриса Даркүл Күйүкова бир канча фильмдердеги башкы ролдору менен да көрөрмандардын эсинде калды. Ал Бексултан Жакиевдин «Атанын тагдыры» драмасындагы Оңолкандын... Читать дальше...

Кыргызстандагы «Жашылдар» партиясынын уран кенине байланыштуу нааразылык акциясын Ала-Тоо аянтына өткөрүүгө уруксат берилген жок. Бул тууралуу партиянын төрагасы Эркин Бөлөкбаев «Азаттыкка» билдирди. Анын айтымында, Биринчи май райондук соту борбордук аянтта митинг өткөрүүгө тыюу салган чечим чыгарган. Сот 30-апрель күнү Ала-Тоо аянтында башка иш-чара өткөрүлөөрүн жүйө кылып, «Жашылдар» партиясына Горький гүлбагында акция өткөрүүнү сунуш кылган. Бирок партиянын лидери Эркин Бөлөкбаев тыюуга карабай... Читать дальше...