Новости за 18.04.2019

Жүздөгөн ишкер, ондогон хансарайлар. Украинадагы Волока айылынын сыры жана ийгилиги эмнеде? Ал эми Орусиядагы эң кооз кыштактын ийгилиги эмгекчил жана шатыра шатман элиндеби? "Азаттыктын" "Биз жана дүйнө" берүүсүндө тың турмуш өткөрүп аткан Орусия менен Украинадагы эки айыл тууралуу айтып беребиз.

18-апрелде Конгресске жана коомго атайын прокурор Роберт Мюллердин отчетунун редакцияланган версиясын жарыялоо алдында маалымат жыйыны өттү. Анда Кошмо Штаттардын башкы прокурору Уильям Барр Мюллер жүргүзгөн иликтөөдө 2016-жылы АКШда өткөн президенттик шайлоого Орусиянын кийлишкенге аракет кылганы, буга далилдер бары айтылды.  Ошол эле кезде Барр иликтөөнүн алкагында президент Дональд Трамптын жана анын шайлоо штабынын мүчөлөрүнүн орустар менен байланышта болгону ырасталбаганын билдирди. "Эки жылга созулган иликтөө... Читать дальше...

Айрым IT адистер Кыргызстандагы санариптештирүү үзгүлтүккө учурашы мүмкүн экенин айтып чыгышты. Муну Мамлекеттик каттоо кызматынын үч жетекчисинин камалышына байланыштырып, мындай окуялардан кийин дасыккан адистер мамлекеттик кызматка иштөөдөн баш тартышарын эскертишүүдө.

Украинада президенттикке талапкерлердин рейтинги тууралуу жүргүзүлгөн жаңы сурамжылоо саясий тажрыйбасы жок актер Владимир Зеленский учурдагы өлкө башчы Петро Порошенкодон озуп чыкканын көрсөттү.

Түндүк Кореянын башчысы Ким Чен Ын Орусияга сапар менен келе турганын Кремль 18-апрелде расмий кабарлады. Орус президентинин сайтындагы маалыматка караганда, Ким Чен Ын орус президенти Владимир Путиндин жеке чакыруусу менен өлкөгө апрель айынын экинчи жарымында келет. Эки мамлекеттин башчыларынын жолугушуусу кайсы күнү жана кайда өтө турганы так айтылган жок. Путин кийинки аптада Кытайга барып, 26-27-апрелде Бээжинде “Бир кур - бир жол” форумуна катышат. Анда ондогон өлкөлөрдүн лидерлери келип... Читать дальше...

Пхеньян жаңы куралын сынаганын жарыялады. Бирок кандай курал сыноодон өткөнүн так билдирген жок. Бул жарыяны улай Түндүк Кореянын лидери Ким Чен Ын Орусияга бара турганы ырасталды.

Ошентип Юстиция министрлиги Кыргызстан социал-демократиялык партиясынын (КСДП) лидери катары Сагынбек Абдрахмановду каттады. Буга чейин «Атамбаевсиз КСДП» кыймылын жетектеп келген саясатчы бул партиянын курултайынын чечими менен ишке ашканын билдирди.

Юстиция министрлиги Кыргызстан социал-демократиялык партиясынын (КСДП) лидери катары Сагынбек Абдрахмановду каттады. Экс-президент Алмазбек Атамбаев төрагалык кылган партиянын катчылыгы болсо муну рейдерлик деп атоодо.

Пхеньян жаңы куралын сынаганын жарыялады. Украинада террордук чабуул уюштурууга шектелип кармалгандардын экөөнөн кыргыз паспорттору табылды. Орусияда полиция кызматкеринин өлүмүнө шек саналып жаткан кыргызстандык Нурлан Муратовдун күнөөсүн тастыктаган далилдер жоктугун анын адвокаты Алексей Толстых айтып жатат.

Тоң районунун Көк-Мойнок айыл аймагындагы Кызыл-Омпол уран кенинде чалгындоо иштери гана жүрүп жатат. Бул тууралуу "Азаттыкка" Көк-Мойнок айыл аймагынын башчысы Майрамкүл Кыдыралиева билдирди. Анын айтымында, иштер изилдөөгө алынган лицензиянын негизинде эле жүргүзүлүп жатат: "Азыр тескерисинче, убактылуу токтотулсун деген чечим болду. Өткөндө ошондой сөз болгон. Бизди губернатор кабыл алган. Ал да жайкы туризм сезону жакындаганына байланыштуу тынчсыздануусун билдирип жатат. Ал жерде кен ишин убактылуу токтотсун деген сүйлөшүү болгон. Читать дальше...

Мамлекеттик каттоо кызматынын басма сөз катчысы Элиза Кыдырмышова Украинада террордук чабуул уюштуруу үчүн шектүү катары кармалгандардан табылган Кыргызстандын жалпы жарандык паспорттору жасалма экенин билдирди: «Паспорттордо көрсөтүлгөн жеке идентификациялык номурлар биздин системадан такыр өткөн эмес. Мындай ПИНдер жок. Ал эми паспорттордун серия номурларын текшергенде бул номурлар менен чындап эле паспорттор берилгени аныкталды. Бирок алар кармалган адамдарга эмес, башка кишилерге берилген.... Читать дальше...

“Ош шаары – Түрк дүйнөсүнүн маданий борбору” Эл аралык иш-чараларынын башталаарына саналуу күндөр калды.

Түрк оппозициясынын өкүлү Экрем Имамоглу Стамбул шаарынын мэри болуп жарыяланды.

Москвада полиция кызматкеринин өлүмү үчүн шек саналып жаткан кыргызстандык Нурлан Муратовдун иши 3-майда сотто каралат. Бул тууралуу анын адвокаты Алексей Толстых «Азаттыкка» билдирди. Москвадагы «Росбалт» агенттигинде өткөн басма сөз жыйынында Алексей Толстых тергөө маалында Муратовдун күнөөсүн тастыктаган далилдер табылбаганын айтып, сот Муратовду актап чыгарына үмүттөнөрүн билдирди. - Куралда Нурлан Муратовдун издери жок, анын кийимдеринде биологиялык материалдар табылган жок. Полиция кызматкерин... Читать дальше...

Быйыл 18-апрелде кытайлык кыргыздардын манасчыларынын туу чокусу, кыргыз элинин залкар манасчысы Жусуп Мамайдын (1918–2014) туулган күнүнө 101 жыл толот. Тарыхчы Ч.Субакожоева маркум тууралуу айрым замандаштарынын пикирлерин эске салат.

«Азаттыктын» иликтөөчү журналисти, бир катар эл аралык сынактардын жеңүүчүсү, маркум Уланбек Эгизбаевдин иликтөөлөрү жана башка эмгектеринин топтому орус тилине которулуп, китеп түрүндө басылып чыкты. Бул китепке маркумдун кыска өмүрүндө калтырып кеткен эмгектери – жемкордукту, мыйзамсыздыкты ашкерелеген видео иликтөөлөрү, даректүү тасмалары жазуу түрүндө киргизилген. Ошондой эле журналисттин кызыктуу блогдору, макалалары, өзү тарткан сүрөттөрү да бар. Мындан сырткары китептен ал жөнүндө дилбаяндарды... Читать дальше...

Стамбулда эки жума мурда өткөн мэр шайлоодо оппозициялык Элдик-республикалык партиянын мүчөсү Экрем Имамоглу жеңип чыккан. Бийликтеги Адилеттүүлүк жана өнүгүү» партиясынын кайра шайлоо өткөрүү жана мандат бербей туруу жөнүндөгү талабына карабай, 17-апрелде Жогорку шайлоо комиссиясы аны Стамбулдун мэри деп жарыялады. Юстиция министрлигинде мандат тапшырылды. Бул жараян оппозициялык партиянын тарапкерлеринин акциясы, майрамдоосу менен коштолду. «Биз демократия жана укук үчүн күрөштөн эч качан баш тарткан эмеспиз. Читать дальше...

Орусияда полиция кызматкеринин өлүмү үчүн шек саналып жаткан кыргызстандык Нурлан Муратовдун күнөөсүн тастыктаган далилдер табылган жок. Бул тууралуу анын адвокаты Алексей Толстых билдирди. 18-апрелде Москвадагы «Росбалт» агенттигинде өткөрүлгөн басма сөз жыйынында Толстых орус баш калаасындагы №2 тергөө абагында камакта отурган Муратов ага коюлуп жаткан айыптарды мойнуна албай турганын айтты. Кыргызстандык жарандын иши 3-майда сотто каралат. Былтыр 3-сентябрга караган түнү Москвадагы «Курская»... Читать дальше...

Шашылыш билдирүү: Кыргызстанда 19-апрелде түнкүсүн жаан-чачын жаабайт. 19-20-апрелде күндүз көпчүлүк аймактарда жаан жаап, күн күркүрөйт, бийик тоолуу райондордо жаан карга айланат. Чүй, Талас, Ош, Жалал-Абад, Баткен облустарынын айрым жерлеринде жаан-чачын катуу жаайт. Бийик тоолуу райондордо жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, кээ бир райондордо 17-22 метрге чейин жетет. Абанын температурасы төмөндөйт. Мындай туруксуз аба ырайы айыл чарба иштерин... Читать дальше...

«Рейтинг» социологиялык тобу 18-апрелде жарыялаган жаңы сурамжылоого ылайык, ага катышкандардын 57,9 пайызы актёр Владимир Зеленскийди, ал эми 21,7 пайызы азыркы президент Петро Порошенкону колдой турганын билдиришкен. 12-апрелден 16-апрелге чейин жүргүзүлгөн сурамжылоого Крымдан башка бардык аймактан 3000 киши катышкан. «Рейтинг» уюмунун буга чейинки сурамжылоосу 5-10-апрелде жүргүзүлүп, анда Зеленскийди 61, ал эми Порошенкону 24 пайыз эл колдой турганы аныкталган. Кезектеги сурамжылоонун жыйынтыгы шайлоонун экинчи айлампасына үч күн... Читать дальше...

УКМКнын Коррупцияга каршы күрөш кызматы 15-апрелде Талас шаардык аскер комиссариатынын башчысын (полковник Ж.А) 25 000 сом пара алып жатканда кармады. УКМКнын басма сөз кызматы кабарлагандай, ал жергиликтүү тургундан аскер комиссариатына каттоого коюш үчүн жана анын паспортун кайтарып бериш үчүн 25 000 сом талап кылган. Материалдар Жазык кодексинин 326-беренеси («Опузалап пара талап кылуу») боюнча сотко чейинки териштирүүнүн негизинде Кылмыштар менен жоруктардын бирдиктүү реестрине катталды.... Читать дальше...

Журналисттер үчүн коопсуз мамлекеттер азаюуда жана авторитардык режимдер маалымат каражаттарына дагы эле кысым көрсөтүп жатышат. «Чек арасыз кабарчылар» уюмунун жаңы баяндамасында ушундай бүтүм чыгарылган. Дүйнөнүн 180 мамлекетиндеги басма сөз эркиндиги талданган баяндамада алдыңкы орунду үч жыл катары менен Норвегия ээлеп келатат. Андан кийинки тепкичтерде Финляндия менен Нидерланды турат. Орусия былтыркы көрсөткүчтөн бир орунга төмөндөп, 149-орунду ээлеген. Баяндамада Орусиядагы өз алдынча маалымат... Читать дальше...

Акаев доорунан бери эки тизгин бир чылбырды колдон түшүрбөй, жогорку мамлекеттик кызматтарды аркалап келген, учурдагы акыйкатчы Токон Мамытов бийликтеги сырлары менен бөлүштү. Атайын кызматтын генералы Чек ара кызматын жетектеп, вице-премьер-министр болуп жүрүп, анан кандайча акыйкатчы болуп калганын айтып берди. Кримтөбөл Азиз Батукаевди бошоткон соттордун ооруп, оор абалда түрмөдө жаткан Мурат Суталиновго карата мамилеси сыяктуу маселелер көтөрүлдү. Акыйкатчы Токон Мамытов мамлекетте кесипкөй... Читать дальше...

Кыргызстан социал-демократиялык партиясынын (КСДП) саясий кеңешинин мүчөсү, партиянын расмий өкүлү Кундуз Жолдубаева Юстиция министрлиги «бийликтин буйругун аткарып жатканын» айтты. Ал бул тууралуу «Медиа Форумда» өткөн басма сөз жыйынында билдирди: «Биз партияны жөн эле берип коюп, кол куушуруп отуруп калбайбыз. Биз аягына чейин күрөшөбүз. Биз партияны бербейбиз, 2020-жылы шайлоого КСДП менен барабыз». Юридикалык жактарды каттоо боюнча мамлекеттик бирдиктүү реестрде «Атамбаевсиз КСДП» кыймылынын... Читать дальше...

Эл аралык Валюта Фондунун (ЭВФ) башчысы Кристин Лагард Өзбекстанга май айынын ортосунда келет. Бул тууралуу 17-апрелде Өзбекстандын борбордук банкына шилтеме кылып «РИА Новости» агенттиги кабарлады. Кристин Лагард өлкө бийлиги менен эки тараптуу кызматташтыкты талкуулай турганын Өзбекстандын борбордук банкынын өкүлү айткан. Бул ЭВФтин башчысынын акыркы 10 жылда Өзбекстандагы алгачкы сапары болмокчу. 2009-жылы Ташкентке уюмдун ошол кездеги башчысы Доминик Стросс-Кан келген.  2007-жылы сентябрда... Читать дальше...