Новости за 11.04.2019

11-апрелде эртең менен Кант шаарынан уурдалган 12 жаштагы Данил аттуу бала аман-эсен куткарылды. Бул тууралуу кыргыз милициясынан кабарлашты. Бала кечки саат 21:30дарда Бишкектин жогору жагындагы Панорама аймагынан табылган. Социалдык тармактарда тараган видеодо өспүрүмдү жана аны уурдаган делген славян түспөлүндөгү дагы бир адамды үйдөн алып чыгышканын көрүүгө болот. Жалпысынан бул кылмышка шектүү эки адам камакка алынды. Милициянын айтымында, бала эртең менен мектепке баратканда жолдон аны жеңил машинеге күчтөп салып кетишкен. Читать дальше...

Казакстандын борбору Нур-Султан шаарындагы нааразылыкка чыккан энелер биринчи Эмгек жана социалдык коргоо министрлигине, андан кийин Мажилиске барды. Алар өкмөт убада кылган даректүү социалдык жардамды алуу кыйындап жатканына даттанышты.  Энелер “21 миң теңге көлөмүндөгү жардам акы турмуш шартына карбастан ар бир балага берилиши керек, көп балалуу үй-бүлөлөр үй менен камсыздалышы зарыл” деген талаптарын айтты. Мажилисте аларга үч депутат, ошондой эле эмгек жана социалдык коргоо министринин орун басары жолугуп, суроолоруна жооп берди. Читать дальше...

Кыргызстан бажыдагы аткезчилик дооматтарына кандай жооп кайтарууда? Кыргыз өндүрүүчүлөрүнүн, соодагерлеринин кызыкчылыктарын коргоо үчүн бийлик кандай чараларды көрүп жатат?

Бишкекте эки адамды мыкаачылык менен токмоктоп өлтүрүү үчүн шектүү катары уюшкан кылмыштуу топтун эки мүчөсү кармалды.

АКШ «WikiLeaks» уюмунун негиздөөчүсү, жети жылдан бери Эквадордун Лондондогу элчилигинде жашырынып келген Жулиан Ассанжга айып койду. Ал «WikiLeaks» сайтына маалымат берген америкалык жоокер Челси Мэннинг менен алдын-ала сүйлөшүп алып, жашыруун мамлекеттик документтерди уурдаган жана жарыялаган деп шек саналууда. Ал бул айып менен соттолсо, беш жылга чейин эркинен ажыратылышы мүмкүн.   Жулиан Ассанжды экстрадициялоого байланыштуу бүгүн, 11-апрелде болгон Лондондогу сотко АКШ өкмөтүнүн өкүлдөрү жана юристтери да катышты. Читать дальше...

Москванын Басман райондук соту 11-апрелде «Baring Vostok» инвестициялык фондунун негиздөөчүсү, америкалык инвестор Майкл Калвини үй камагына чыгарды. Чечим бир күн мурда Орусиянын Тергөө комитети сотко Майкл Калвини убактылуу кармоочу жайдан үй камагына чыгаруу жөнүндө өтүнүч киргизгенден кийин чыкты. Орусияда «Baring Vostok» аттуу инвестициялык фондду негиздеген Калви жергиликтүү бир нече өнөктөшү менен бирге февраль айында Москвада кармалган. Аларга финансылык көз боёмочулук боюнча айып коюлуп жатат. Читать дальше...

Суданды 30 жыл башкарган президент Омар Баширдин бийлиги 11-апрелде кулаганын өлкөнүн коргоо министри Авад Мухаммед ибн Ауф жарыялады. "Мен коргоо министри жана Жогорку коопсуздук комитетинин башчысы мурдагы режим кулатылганын жарыялайм. Анын башчысы Омар Башир камакка алынды жана азыр коопсуз жерде кармалууда", - деди коргоо министри. Эки жылдык өткөөл мезгилде бийликти армия өз колуна ала турганы да маалым болду. Армия кийинки шайланган башчыга бийликти өткөрүп берүү иши менен алектене турган атайын кеңеш түзүлө турганын да кошумчалады. Читать дальше...

Лейлек районунун Жаңы-Жер айыл аймагынын башчысы Саатбек Эгембердиев өзүн кызматтан алууну сунуш кылган аким Баймурат Бекмуратовду сотко берди. Бул тууралуу Эгембердиев «Азаттыкка» билдирип, өзүнүн кызматтан четтетилиши негизсиз экенин айтты: - Мени иштен кетирүүгө «төрт объект муниципалдык менчикке алынган эмес, былтыр кошумча табылган 6,5 млн. сом кирешени иштеткен эмес» деген себептерди айтып жатышат. Бул эч негизсиз. Анткени кошумча киреше жыл аягында табылган. Аны иштетүүгө убакыт тар болуп калгандыктан мыйзам боюнча 6,5 млн. Читать дальше...

Президент Сооронбай Жээнбеков 11-апрелде Жогорку Кеңеште сөз сүйлөдү.

Президент Сооронбай Жээнбеков парламентте сөз сүйлөдү. Өлкө башчынын кайрылуусу өлкөдө саясий кырдаал кызып турган мезгилге туш келди. "Эксперттер талдайт" талкуусуна Жогорку Кеңештин мурдагы төрагасы Чыныбай Турсунбеков, парламенттеги “Бир бол” фракциясынын лидери Алтынбек Сулайманов, журналист-публицист Кубан Мамбеталиев жана КСДПнын мүчөсү, жарандык активист Адил Турдукулов катышты.

2018-жылы Кыргызстанда 29 718 кылмыш катталды, анын 3 420сы өзгөчө оор кылмыштар. Бул тууралуу Улуттук статистика комитетинин социалдык статистика бөлүмүнүн башчысы Динара Сооромбаева 11-апрелде басма сөз жыйынында билдирди. Мекеме көрсөткүчтөрдү беш жыл мурдагыга салыштыруу ыкмасы колдонуларын билдирди. Ага ылайык, 2014-жылы өлкөдө 27 70 кылмыш катталса, анын 4 073ү өзгөчө оор кылмыштар болгон. 2018-жылкы көрсөткүчтү алганда эң негизинен уурулук (38,9%), алдамчылык (14,7%), ээнбаштык (8,2%) түзөт. Читать дальше...

Судандык демонстранттар отуз жылдан бери башкарып келген президент Омар ал-Баширди кызматтан кетирди. Индияда алты жумага созулган парламенттик шайлоо башталды. "Викиликстин" негиздөөчүсү Жулиан Ассанж жети жылдан кийин элчиликтен чыгарылып, кармалды. Дүйнөлүк банк Кыргызстанды мигранттардан бирден бир көз каранды өлкөлөрдүн катарына кошту. Пашинян бир дагы жемкорду тынч уктатпоого убада берди.

Сауд Аравиянын Стамбулдагы консулдугунда өлтүрүлгөн журналист Жамал Хашоггинин балдары  сауд бийлигинен компенсация алуу боюча сүйлөшүүлөр жүргүзүлдү деген маалыматтарды четке кагып, атасын өлтүргөн кылмышкерлерди жазалоону талап кылышты.

Индияда парламенттик шайлоо башталды.

Жогорку Кеңештин «Бир Бол» фракциясынын лидери Алтынбек Сулайманов «Республика» партиясынын мурунку лидери, мурдагы партиялашы Өмүрбек Бабановдун Кыргызстанга кайтуу тууралуу билдирүүлөрү боюнча пикирин айтты: - Кеткенде унчукпай кеткендер бүгүн ызы-чуу менен келгиси келип жатат. Илмияновдун кабинетинде эле «кетип кал» деген сөз болгон экен. Ошондо 600 шайлоочудан: «Мага ультиматум коюп, «чыгып кет» деп жатат. Эмне дейсиңер?» деп сурабайбы. 600 миң эл: «Каякка барасың сен?» демек да. Эми 600 миң эл керек болуп калдыбы? Читать дальше...

Окуя бир ай мурда болгону менен анын видеосу эми гана жарыяланган. Макгрегор бул чатактан кийин кармалган.

Кыргызстан социал-демократиялык партиясынын (КСДП) саясий кеңешинин мүчөсү Алга Кылычов «Республика» партиясынын мурдагы лидери Өмүрбек Бабановго каршы жазган арызын жокко чыгарууну өтүндү. Мындай өтүнүч менен өлкө президентине, Башкы прокуратурага жана Улуттук коопсуздук боюнча мамлекеттик комитетке (УКМК) кайрылганын ал 11-апрелде «Азаттыкка» билдирди: - Соттор тарабынан анын күнөөсүн далилдеген билдирүү болгон жок. Андан тышкары эксперттер «улут аралык кастыкты козуткан жок» деп айтышты. Кылычов... Читать дальше...

Мамлекет башчы Сооронбай Жээнбековдун 11-апрелдеги жарлыгы менен Чүй, Жалал-Абад, Ош жана Ысык-Көл облустук сотторуна судьялар дайындалды. Президенттик аппараттын маалыматына караганда, президентке Сотторду тандоо кеңеши тарабынан Жогорку сотко - 1, Чүй облустук сотуна - 2, Жалал-Абад облустук сотуна - 4, Ош облустук сотуна - 7 жана Ысык-Көл облустук сотуна - 4 талапкерди судьялыкка дайындоо боюнча сунуш берилген.  Мамлекет башчы Сооронбай Жээнбеков 4-апрелде алардын айрымдары менен маектешип, 12 талапкерди жактырган. Читать дальше...

Британ полициясы «WikiLeaks» уюмунун негиздөөчүсү, жети жылдан бери Эквадордун Лондондогу элчилигинде жашырынып келген Жулиан Ассанжды камакка алды. Бул Экватор ага баш паанек берүүдөн баш тарткандан кийин болду. Интернетте Ассанжды бирөөлөр элчиликтин имаратынан алып чыгып бараткан видео чыкты. Эквадордун президенти Ленин Морено Асанжга баш паанек берүүдөн баш тартканынын себебин түшүндүргөн видео билдирүүсүн «Твиттерге» жайгаштырды. Мореонун сөзүнө караганда, ал мындай кадамга «WikiLeaks» уюмунун... Читать дальше...

Иранды санкциялоо жана басмырлоо мыйзамсыз болуп саналат.

Суданда президент Омар ал-Башир кызматтан кетип, бийликке аскердик кеңештин келиши талкууланып жатканы кабарланды. Президент кандай негизде бийликтен кеткени азырынча белгисиз.

Өзгөн районунда өз атасынан боюна бүткөн 15 жаштагы кыз 5-апрель күнү Ош шаарындагы төрөт үйүндө көз жарган. Бул тууралуу «Ак жүрөк» кризистик борборунун башчысы Дарика Асылбекова «Азаттыкка» билдирди. «Толгоо мөөнөтүнөн эртерээк келип калды. Ошондуктан операция жолу менен уул төрөдү. Баласынан баш тартты. Ымыркайды төрөт үйүнө эле калтырып кетмек болду. Туугандары да ошентип чечишти. Кыз өзү али жашы жете элек. Биз аны кайра «Ак жүрөк» кризистик борборуна алып кетебиз», - деди Дарика Асылбекова. Читать дальше...

Өзбек бийлиги «Amnesty International» эл аралык укук коргоо уюмунун «жемкорлук боюнча шектүү катары азыр камакта отурган мурдагы башкы прокурор Рашид Кадыров кыйноого кабылган» деген айыптоосун четке какты. Башкы прокуратуранын 11-апрелде тараткан билдирүүсүндө «иликтөө учурунда жүргүзүлгөн медициналык текшерүү «Кадыровдун саламаттыгы анын камакта болушуна жол берет жана денесинде эч кандай жаракат жок» деген жыйынтыкка келгени» тууралуу айтылат. 67 жаштагы Рашид Кадыровдун иши январь айында Ташкент сотунда карала башталган. Читать дальше...

Жогорку Кеңештин депутаты Жанарбек Акаев президент сот реформасы жүрүп жатканы тууралуу айтканы менен, анын сөздөрү соттордун өзүнө жетпей жатат деген пикирде. Депутат бул тууралуу 11-апрелде президент Сооронбай Жээнбеков парламент жыйынына барып, сөз сүйлөп кеткенден кийин айтты: - Президент аракет кылганы менен анын сөзү мамлекеттик кызматкерлерге жетпей жатат. Коррупция кадимкидей уланып, гүлдөп жатат. Мына, маркум кесиптешибиз Уланбек Эгизбаев көрүстөндөрдү сатуу боюнча маселени көтөрүп, иликтеп чыккан. Читать дальше...

Каракол шаарынын тургуну Людмила Пиотровская кыргыз тилинде эркин сүйлөп, ыр жазат. Анын төрт ырлар жыйнагы жарык көргөн. Автор чыгармаларын мекенине, Ысык-Көлгө, кыргыз тилине, жоро-жолдошторуна арнап жазган.