Новости за 24.04.2019

Ысык-Көл облусунун Көк-Мойнок айыл аймагындагы Кызыл-Омпол  кенинде уран казуу иштери жүргүзүлбөйт.  Бул тууралуу Айлана-чөйрөнү коргоо жана токой чарба мамлекеттик агенттигинин жетекчиси Абдыкалык Рустамов "Азаттыктын" "Ыңгайсыз суроолор" телепрограммасына катышкан учурда билдирди.  "Кенди иштетүүнүн алдында коомдук угуу өтүшү керек. Ушунча киши каршы чыгып аткандан кийин коомдук угуу өтпөдү. Коомдук угуудан өтпөгөндөн кийин мыйзам боюнча андан ары иштөөгө болбойт. Өкмөт ишти убактылуу токтотуу тууралуу чечим кабыл алды. Читать дальше...

Пакистандын бийлиги Хайбер-Пахтунхва провинциясында шал оорусуна каршы эмдөө жүргүзүп жаткандарды коштоп жүргөн полиция кызматкери киши колдуу болгонун билдирди.  Саламаттык сактоо департаментинин өкүлү Камран Али Афридинин маалыматына караганда, офицер Бунер шаарында 23-апрелде атып өлтүрүлгөн.  Дагы бир полиция кызматкерин белгисиз кишилер Банну районунда ал шал илдетине каршы күрөшүү тобуна кошулганы баратканда атып кетишкен. Кылмышка эмне себеп болгону азырынча белгисиз.   Афридинин билдирүүсүндө... Читать дальше...

Кызыл-Омпол уран кенинин айланасындагы кырдаал ушул тапта коомчулуктун көңүл чордонунда турат. Кенди иштетүүгө каршы маанай соңку күндөрү күчөдү. Бул арада өкмөт кенди иштетүүнү убактылуу токтотуу чечимин кабыл алды. "Ыңгайсыз суроолор" талкуусуна Айлана-чөйрөнү коргоо жана токой чарба мамлекеттик агенттигинин жетекчиси Абдыкалык Рустамов, Кыргызстандын тоо-кенчилер бирикмесинин төрага орун басары Дүйшөн Камчыбеков жана эколог Калия Молдогазиева катышты.

Кызыл-Омпол уран кенинин тегерегиндеги маселе көпчүлүктүн тынчын алган сыяктуу, мени да канча күндөн бери ойлондуруп келе жатат.

Болгариянын Башкы прокуратурасы Евробиримдиктин айылдарды өнүктүрүү программасын ишке ашыруудагы шылуундукка байланышкан шектүү жагдайларды иликтөөгө киришти. Мекеменин басма сөз катчысы Румиана Арнаудова 24-апрелде билдиргендей, экономика министринин мурдагы орун басары  Александр Манолевге кылмыш иши козголгонун билдирди.  ЕБ бул программага 100 миллиондон ашык евро берген. Каражатка өлкөнүн айылдарын өнүктүрүү боюнча долбоорлор ишке ашырылып, турак жайлар салынышы керек эле. Анын максаты чакан ишканаларды колдоого... Читать дальше...

Орус президенти Владимир Путин менен жолугушуу үчүн Владивосток шаарына келген Түндүк Кореянын лидери Ким Чен Ын "Россия 24" телеканалына өз сапары "ийгиликтүү болот" деген үмүттө экенин билдирди: "Орусияга жылуу маанайда келдим. Сапар жемиштүү жана пайдалуу болот деп ишенем. Урматтуу президент Владимир Путин менен Корей жарым аралындагы кырдаалды жөнгө салууга байланышкан маселелерди, эки тараптуу мамилени жакшыртууну талкуулайбыз деген үмүттөмүн", - деди Түндүк Корея лидери. Ким Чен Ын менен... Читать дальше...

Түркмөнстандын Билим берүү министрлиги өлкөдө таанылбай турган адистиктердин тизмесин жарыялады. Ал тизме «Азаттыктын» түркмөн кызматынын колуна тийди. Ага негизинен чет элдик окуу жайлардын 146 багыт боюнча дипломдору кошулган. Тактап айтканда, бухгалтердик каттоо жана аудит, эл аралык мамилелер, юриспруденция, укук коргоо ишмердүүлүгү, журналистика, финансы, маркетинг, психология, орус тили адистиги боюнча чет мамлекеттерден билим алгандардын дипломдору киргизилген.  Ошол эле кезде түркмөн бийлигинин чечимине ылайык... Читать дальше...

Бириккен Улуттар Уюмунун (БУУ) билдирүүсүнө караганда, быйылкы жылдын алгачкы үч айында мурдагы жылдын ушул убагына салыштырмалуу Ооганстанда карапайым эл арасында курмандыктар 23 пайызга азайды.  БУУнун маалыматына ылайык быйыл январдан мартка чейин Ооганстанда 581 киши өлтүрүлгөн, 1200гө жакыны жарадар жана майып болгон. БУУнун Ооганстанга көмөк көрсөткөн миссиясы муну кышкы ызгаарга жана жанкечтилердин чабуулунун кескин азайганына байланыштырууда. Ошол эле кезде уюм өкмөткө кастарын тиккен... Читать дальше...

Жогорку Кеңештин мурдагы депутаты Дамирбек Асылбек уулу Казакстанда 10 жылга эркинен ажыратылды. Беларус Европага күйүүчү май транзитин токтотту. Буга Орусиядан алынган сапатсыз мунай себепчи экенин көрсөтүүдө. Польшада айлык акыны жогорулатууну талап кылып, мугалимдер көтөрүлдү. Түндүк Корея лидери Ким Путинге жолугуш үчүн Орусияга келди.

Украинанын чыгышындагы  орусиячыл козголоңчулардын карамагындагы Донецк жана Луганск облустарынын жашоочулары үчүн орус паспортун алуу тартиби жеңилдеди. Тиешелүү жарлыкка орус президенти Владимир Путин 24-апрелде кол койду. Украина менен батыш мамлекеттери сындап чыгышы күтүлүп жаткан жарлык Кремлдин расмий сайтына жайгаштырылды.    Документке ылайык, Украинанын чыгышындагы орусиячыл жикчилдер көзөмөлдөгөн бул аймактардын тургундары орус жарандыгын оңой ала алышат. Жарлыкта мындай чечим "адам... Читать дальше...

Кыргызстан Кызыл-Омпол уран кенине байланыштуу эл аралык эксперттерге да кайрылат.

Жогорку Кеңештин депутаты Дастан Бекешев өкмөттүн отчетун угуу учурунда Бишкек шаарына сатылып алынган жаңы автобустар тууралуу сөз кылып, аларды «майыптарга ыңгайлуу эмес» деп сынга алды: - Мүмкүнчүлүгү чектелген адамдар боюнча азыр конвенцияга кол коюлду. Эми аны ишке ашыруу жагын алсак, дайыма «жардам берип жатабыз» деп айтып келатабыз. Бирок бүгүн эле жаңы 60 автобус келди, бири да мүмкүнчүлүгү чектелген адамдарга ылайыкташпаптыр. Муну кандай бааласак болот?  Ага жооп берген вице-премьер-министр... Читать дальше...

Жогорку Кеңеш өкмөттүн 2018-жылдагы иши боюнча отчетун угууну эртең да улантат. Маселени кароону бүгүн кечки тогузга чейин болсо да улантып аяктоо жөнүндө сунушка көпчүлүк көнгөн жок. Бүгүн депутаттардын алдында сүйлөп жатып премьер-министр Мухаммедкалый Абылгазиев былтыркы жылдын жыйынтыгы боюнча ички дүң өнүмдүн (ИДӨ) түзүмүндө айыл чарба өндүрүмүнүн көлөмү 204 млрд. сомду түзүп, өсүш 2,7% болгонун айтты. 12-апрелде Жогорку Кеңештин көпчүлүк коалициясы өкмөттүн 2018-жылдагы ишин канааттандырарлык деп тапкан. Читать дальше...

2018-жылдын күз айларынан 2019-жылдын апрелинин ортосуна чейин Бишкек шаарындагы 600дөй кудуктун капкагы жана арыктардагы жаан өткөрүүчү торчолор (ливнеприемные решетки) уурдалды. Бул тууралуу Бишкек шаардык мэриясынын басма сөз кызматы кабарлады. Мекеме ырастагандай, мунун 200 даанасы эле акыркы бир жарым айда уурдалган. Булар «Көчө-жолдор тармагын өнүктүрүү» долбоорунун алкагында жаңы эле оңдолгон көчөлөргө тиешелүү жана ал көрсөткүчтүн чыгашасы кеминде миллион сомго бааланды.  Жапкычтардын... Читать дальше...

Арменияда 24-апрелде 104 жыл мурда Осмон империясынын тушундагы кандуу окуялардын курмандыктары эскерилди.  Башкалаа Ереванда жүздөгөн киши Цицернакаберд дөңсөөсүндөгү мемориалдык комлекске келип, кандуу окуянын курмандыктарына арналган өчпөс отко гүл койду.  Эскерүүгө премьер-министр Никол Пашинян баштаган бийлик өкүлдөрү, саясатчылар катышты.  Иш-чарага келген АКШнын Армениядагы элчиси Линн Трейси «Кошмо Штаттар тарыхый фактыларды танбайт. 1915-жылдагы окуя XX кылымдагы жапырт кара санатайлыктардын бири болгон. Читать дальше...

25-апрелде Кыргызстандын көпчүлүк аймактарында маал-маалы менен жаан, тоолуу райондордо кар жаайт. Чүй, Талас, Ош, Жалал-Абад, Баткен облустарынын кээ бир райондорунда жана Ысык-Көл облусунун чыгышында жаан-чачын катуу болот. Тоолуу райондордо жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарынын кээ бир райондорунда 15-20 метрге жетиши күтүлөт. Абанын температурасы: Чүйдө түнкүсүн 2…7, күндүз 11…16, Таласта түнкүсүн 2…7... Читать дальше...

Өкмөттүн Ысык-Көл облусундагы өкүлү Акылбек Усманалиев баштаган жергиликтүү бийлик өкүлдөрү тиешелүү органдардын катышуусунда Кызыл-Омпол уран кенин иштеткен «Кыргызстандагы ЮрАзия» компаниясынын имараттарын, техникаларын атайын мөөр менен бекитип кайтты. Бул тууралуу алар менен чогуу барган «Азаттыктын» кабарчысы Асеин Маданбеков билдирди. Ысык-Көл облустук администрациясынын басма сөз катчысы Жаныбек Кожоев ырастагандай, учурда кенде иш толук токтотулуп, жумушчулар үйлөрүнө жөнөтүлдү. Компаниянын... Читать дальше...

Казакстандын кесиптик кошуун федерациясы 9-июнда өтө турган кезексиз президенттик шайлоого өз талапкерин көрсөттү.

Орусиянын Новосибирск шаардык соту өлкөдө тыюу салынган «Артподготовка» улутчул кыймылынын үч мүчөсүнө карата өкүм чыгарды. Ага ылайык, «массалык баш-аламандык уюштурууну максат кылган» деп айыпталган мурдагы милиция кызматкери Александр Комаров үч жылга жалпы тартиптеги колонияга кесилсе, Анатолий Плотников шарттуу түрдө эки жыл алты айга соттолду. Ал эми Вячеслав Добрынин психиатриялык ооруканага дарыланууга жиберилди.  Аталган кыймылдын жүздөгөн мүчөлөрү 2017-жылдын 5-ноябрында, 1917-жылдагы... Читать дальше...

Түндүк Корея лидери Ким Чен Ын Орусия президенти Владимир Путин менен жолугуу үчүн бүгүн таң эрте Орусияга келди.

Бишкек шаарынын мурдагы мэрлери Кубанычбек Кулматов менен Албек Ибраимовдун ишин караган Ленин райондук сотунун судьясы алардын ишин бөлүп кароо боюнча адвокаттардын өтүнүчүн четке какты. Бул тууралуу экс-мэрлер мүчө болгон Кыргызстан социал-демократиялык партиясы (КСДП) кабарлады. Сот мындай чечимин иштин мазмуну тууралуу кароо баштала элек болуп жатканы менен түшүндүрдү. Мунун алдында «Дастан» ишканасынын мурдагы директору Юрий Васильевдин адвокаты, ага жана Ибраимовго коюлган айып боюнча ишти өзүнчө кароо тууралуу өтүнүч киргизген. Читать дальше...

Алматыда «чек арадан мыйзамсыз товар өткөргөн» жана «эл аралык уюшкан кылмыштуу топ түзгөн» деп айыпталган Кыргызстандын мурдагы парламент депутаты Дамирбек Асылбек уулу баштаган 11 адамга өкүм чыкты.

Кыргызстандын Гидрометеоборбору шашылыш билдирүү таратты. "Жакынкы үч саат аралыгында жана түнкүсүн Бишкек шаарында, Чүй өрөөнүндө болжол менен ылдамдыгы секундасына 15-20 метрге жеткен катуу шамал жүрүшү мүмкүн" деп айтылат саат 16:20да таратылган билдирүүдө.

Кызыл-Омполдогу уран кенин иштетүү маселеси Алмазбек Атамбаев президент жана премьер-министр болуп турган учурда, анын деңгээлинде каралган эмес. Мындай билдирүүнү Атамбаев төрагалык кылган Кыргызстан социал-демократиялык партиясы (КСДП) таратты. Партия Атамбаев 2012-жылы өкмөткө Борбор Азиядагы радиациялык коопсуздук боюнча БУУнун кийинки 2013-жылы кабыл алынган атайын резолюциясы боюнча демилге көтөрүүгө тапшырма бергенин, 2017-жылы бул тууралуу өзү БУУнун Башкы ассамблеясында сүйлөгөнүн жүйө келтирет. Читать дальше...