Новости за 15.04.2019

Франциянын баш калаасы Париждеги Нотр-Дам чиркөөсү өрттөнүп жатат. Социалдык тармактарга жарыяланган сүрөт жана видеолордон белгилүү чиркөөнүн чатырынан жалын алоолоп чыгып жатканын көрүүгө болот.

Франциянын баш калаасы Париждеги Нотр-Дам чиркөөсү өрттөнүп жатат. Социалдык тармактарга жарыяланган сүрөт жана видеолордон белгилүү чиркөөнүн чатырынан жалын алоолоп чыгып жатканын көрүүгө болот. "Париждин Нотр-Дам чиркөөсүндө коркунучтуу өрт болуп жатат",-деп жазды француз баш калаасынын мэри Анн Идальго. Тилсиз жоонун себеби азырынча белгисиз. Бирок айрым расмий өкүлдөр өрткө чиркөөдө жүрүп жаткан оңдоп-түзөө иштери себеп болушу мүмкүн деп жоромолдоп жатышат. Готика стилиндеги Нотр-Дам чиркөөсүнүн 850 жылдык тарыхы бар.

Казакстандын президенти Касым-Жомарт Токаевдин Ташкенттеги эки күндүк мамлекеттик сапары жыйынтыкталды. Бул визиттин алкагында Казакстан менен Өзбекстан транспорт, логистика жана өнөр жай тармактарында биргелешкен долбоорлорду жүзөгө ашырууну макулдашты. Дүйшөмбү күнкү сүйлөшүүдө өзбек президенти Шавкат Мирзиёев да, Касым-Жомарт Токаев да ортодогу кызматташтык жигердүү өнүгүп жатканына токтолушту. Боордоштук ымала түзүүдө Казакстандын биринчи президенти Нурсултан Назарбаевдин “көрүнүктүү ролун” белгилешти. Читать дальше...

Колунан көөрү төгүлгөн чаткалдык уста. Чукул убакта оңдоого муктаж Жумгал театры. Кыргызча ыр жазган караколдук орус акын Людмила Пиотровская. Жаңы техникага алынсынбай өзү трактор кураган карасуулук дыйкан. Ушул адамдардын баары "Данисте" берүүсүндө.

Орусия президенти Владимир Путин менен Түндүк Кореянын лидери Ким Чен Ындын жолугушуусу кийинки аптанын соңунда болушу мүмкүн. Бул тууралуу түндүк кореялык "Рёнхап" агенттиги өз булактарына таянуу менен билдирди. Маалыматтарга караганда, Путин менен Ким Чен Ын Владивосток шаарында жолугушат. Кездешүү маалында Түндүк Корея лидери Вашингтонго басым көрсөтүү үчүн Орусия президентинин колдоосуна ээ болууга аракет жасай турганы болжолдонууда. Бирок бул маалыматты орус тарап расмий түрдө ырастай элек. Читать дальше...

Акын Шайлообек Дүйшеевдин ырлары.

Өкмөт башчысы Мухаммедкалый Абылгазиевдин 2019-жылы экономикада «чоң секирик» жасоо боюнча дымактуу пландары саясий чөйрөдө талкууланууда.

Ош облусунун Кара-Суу районунун акими Тилек Матраимов «Клооп» маалымат агенттиги жарыялаган видеотасма боюнча «Азаттыкка» комментарий берди. Ал тасмадагы маалыматтар туура эмес экенин айтып, райондун тургундары катышкан жыйын тынч эле өткөнүн айтты. «Тигини тартып, муну тартып туруп эле бириктирип коюптур. Мен ордумдан туруп «силер суроо бергиле, биз жооп беребиз» деп эле сүйлөп жаткам. Жер боюнча адис чыгып, жерди кантип алып сатышканын айтканда эл чычалап кетти. Кээ бири ичип да алган окшойт. Читать дальше...

Экинчи президенттердин биринчи жолугушуусу.

Казакстан менен Өзбекстан транспорт, логистика жана өнөр жайы боюнча биргелешкен долбоорлорду жүзөгө ашырууну макулдашты.

Мюнхен шаарында президент Германияда окуп жана иштеп жүргөн кыргызстандыктар менен жолугуп, бул кездешүү анын сапарынын негизги максаттарынын бири экенин айтты.  - Былтыр «Мекендештер» форумуна катышкан кыргызстандыктар көптөгөн сунуш-пикирлерин айтышкан. Бул форумдун натыйжасында президенттин алдында «Мекендештер кеңеши» түзүлгөн, мен алар менен эми жолугам. Биз сиздердин бул жакта жетишип жаткан ийгиликтерге өтө кубанычтабыз, - деди президент Жээнбеков. Германиядагы кыргызстандыктар мамлекет башчыга виза... Читать дальше...

Кыргызстандын ички иштер министри Кашкар Жунушалиевдин «уюшма кылмыштуу топтор болгон жана боло берет» деген пикири коомчулукту ар кандай ойго салды.

Финляндияда жекшембидеги парламенттик шайлоодо бир да партия 20 пайыздан көп добуш ала алган жок.

Армения менен Азербайжандын тышкы иштер министрлери Тоолуу Карабак маселеси боюнча Москвада сүйлөшүүлөрдү башташты. Зограб Мнацаканян менен Элмар Мамедяровдун ортосундагы сүйлөшүүлөрдү Орусиянын Тышкы иштер министрлиги уюштуруп жатат. Министрликтин маалыматына ылайык, Москвадагы жабык жыйынга Европадагы Коопсуздук жана Кызматташтык Уюмунун (ЕККУ) Минск тобунун теңтөрагалары орусиялык Игорь Попов, француз дипломаты Стефан Висконти жана америкалык Эндрю Шофер да катышууда. 15-апрелде эртең менен... Читать дальше...

Юридикалык билими бар адистер үчүн 11-марттан 6-апрелге чейин атайын сурдокотормочулукка үйрөткөн курстар өткөрүлгөн. 15-апрелде курсту ийгиликтүү окуган адистерге атайын сертификат тапшырылды. Алар кулагы укпаган жарандардын укуктарын коргоодо чоң көмөкчү боло алышат. Сертификаттар Кыргызстандын Азиздер жана дүлөйлөр коомунун окуу борборунда тапшырылды. Аталган коомдун маалыматы боюнча, соттук териштирүүлөрдө, тергөөдө жана укуктук кеңеш берүүдө мүмкүнчүлүгү чектелүү адамдар котормочу таба албай кыйналып жүрүшөт. Читать дальше...

Эмгек жана социалдык өнүгүү министри Улукбек Кочкоров Жогорку Кеңештин Бюджет жана финансы боюнча комитетинин 15-апрелдеги жыйынында Кыргызстанда 70 900 адам расмий түрдө жумушсуз катары каттоодо турарын айтты.  Анын маалыматына караганда, бул ал жетектеген министрликте каттоодо тургандардын гана саны. Ал эми Улуттук статистика комитетиндеги маалыматтарды кошкондо алардын саны 174 000 адамга жетет. Кочкоров министрликке жыл сайын өлкөдө жакырчылыкты бир пайызга азайтуу боюнча милдеттенме жүктөлгөнүн... Читать дальше...

Миңдеген судандыктар өлкөнү 30 жыл башкарган президент Омар Баширдин бийлиги 11-апрелде кулаганына карабастан, аскердик штабдын алдында нааразылык акцияларын улантууда. Алар мурдагы режимдин адамдары дагы эле бийликте турганын айтып, аскерлерди бийликти толугу менен жарандык өкмөткө өткөрүп берүүнү талап кылууда. Судандын бийликти колуна алган Аскердик кеңеш жекшембиде өкмөткө аскердик эмес адамды алып келүүгө макул болду. «Биз баарыңыздардан кыска убакыт ичинде өкмөттүн башына көз каранды эмес... Читать дальше...

Кыргызстандагы асыл тукум кыргыз жылкылары багылган жалгыз завод колдоого муктаж. Кезинде дүркүрөп өнүгүп турган чарба Союз тарагандан кийин таш-талканы чыгып калган. Талас облусунун Талды-Булак айылындагы жылкы заводун ("конезаводду") Бишкектен көчүп барган Азамат Жумаев иштетип жатат.

Пакистандын ТИМ башчысынын кеңешчиси бардык террордук уюмдар, анын ичинде “Аль-Каида”, “Талибан” жана “ИШИМ” АКШ армиясы тарабынан даярдыктан өткөн, ошондуктан Ирандын Ислам революциясынын сакчылар корпусун эмес, Американын армиясын жана Борбордук чалгын кызматын (ЦРУ) террордук деп аташ керек деп билдирди.

Президент Сооронбай Жээнбеков 15-апрелде Мюнхенде Бавариянын мамлекеттик канцеляриясынын башчысы Флориан Херман менен жолугушту. Президенттик басма сөз кызматынын маалыматына караганда, Херман Кыргызстандын мамлекет башчысын жылуу тосуп алып, федералдык канцлер менен жолугушууга чейин Баварияга келгенин достук ишарат катары баалады. «Бул эки тараптуу мамиленин жакшы башталышы. Бүгүн сизди кызыктуу жолугушуулар күтүп турат» деди Флориан Херман. Президент Сооронбай Жээнбеков кыргыз-немис кызматташтыгы өнүгүп жатканын белгилеп... Читать дальше...

Иран Ислам Республикасынын Базарган чек арасынын кызматкерлери ИШИМ тобунун мүчөсү болгон бир аялды кармашты.

Тажик-ооган чек арасындагы куралдуу кагылышууларда бир тажик чек арачысы жарадар болуп, эки ооган аткезчи жок кылынды. Коңшу өлкөнүн күч түзүмдөрү «Азаттыктын» тажик кызматына кабарлашкандай, окуя ишемби күнү Тажикстандын түштүк тарабындагы Шамсиддин Шохин районунун аймагында болгон. Сегиз куралчан ооган аткезчиси эки жолу чек арадан өтүүгө аракет кылган. Атышуулар болгон аймакта 60 килограммдай баңгизат, «Калашников» автоматтары табылган. Мерт болгон аткезчилердин өлүктөрү ооган бийлигине өткөрүлүп берилгени жатат. Читать дальше...

Чүй облустук милициясынын башчысы Самат Курманкулов 15-апрелде Кант шаарынын тургуну, алтынчы класстын окуучусу Малика Махмуджанованы 12 жаштагы Даниил Браилкиндин табылышына чоң көмөк көрсөткөнү үчүн баалуу белектер менен сыйлады. Маалыматка караганда, окуяга күбө болуп калган кыздын берген көрсөтмөсү киши уурдоонун бетин ачууга жана 12 жаштагы өспүрүмдү аман-эсен табууга чоң жардам берген.  Малика Махмуджанованы сыйлоо аземи ал өзү окуган мектепте, окуучулардын жана мугалимдеринин алдында өттү. Читать дальше...

Ош, 15-апрель, 2019-жыл. /ca-irnews.com/. Ош шаарында Кыргызстан, Өзбекстан, Казакстан жана Тажикстандын байкерлери 2019-жылдын сезонун ачышты.

Беларус президенти Александр Лукашенко Европа кеңешинин президенти Дональд Туск Брюсселде 13-майда уюштуруп жаткан кечки тамакка чакыруу алды. Бул иш-чара курамына Армения, Азербайжан, Грузия, Молдова жана Украина кирген «Чыгыш өнөктөштүгүнүн» он жылдык мааракесине арналган. Евробиримдиктеги бир нече булактар жогорудагы беш өлкөнүн лидерлери менен кошо Беларус президентине да өткөн аптада чакыруу жөнөтүлгөнүн ырасташты. Бирок атын атабаган расмий өкүлдөр Лукашенко Брюсселге өзү келбей, тышкы иштер министрин жөнөтүшү мүмкүн экенин айтышты. Читать дальше...