Новости за 04.04.2019

Казакстан менен Өзбекстандын чек арасындагы “Казыгурт” бажы бекетинде жүк ташыган автоунаалар топтолуп өтө албай турушат.  Атын атагысы келбеген айдоочулардын бири “Азаттыктын” казак кызматына кезектин пайда болгонуна кеминде бир жума өткөнүн айтып берди. "Чек арада кезекте турганыма үч күн болду. Биерде алты, атүгүл 10 күндөн бери жүргөндөр бар. “Капланбек” да толгон" - деди айдоочу.  Азырынча “Капланбек” өткөрмө бекетиндеги абалды тактоого мүмкүн боло элек. Казакстандагы Түркстан облусунун... Читать дальше...

Бул тууралуу Жаза аткаруу мамлекеттик кызматынын (ЖАМК) басма сөз катчысы Элеонора Сабатарова «Азаттыкка» билдирди: - «Компромат.кг» сайтындагы «абактагылар Мелис Турганбаевдин кызматтан кетишин талап кылып, ооздорун тигип, ачкачылык жарыялап жатышат. Түрмөнүн ичине Турганбаев бизнес кылып жатат» деген маалыматтар чындыкка дал келбейт. Аталган сайт Турганбаев ЖАМКка жетекчи болуп келгенден бери аны каралаган, эски маалыматтарды жарыялап келе жатат. Сабатарованын айтымында, түрмөдө эч кандай нааразылык жок. Читать дальше...

Орусия 37 жыл мурда дайынсыз жоголгон жоокердин сөөгүн Израилге өткөрүп берүүдө. Сержант Захария Баумелдин сөөгүнүн калдыктарын Сириядагы орус аскерлери табышкан. Бул тууралуу Орусиянын президенти Владимир Путин 4-апрелде Израилдин премьер-министри Биньямин Нетаньяху менен жолукканда билдирди. Нетаньяху ыраазычылык билдирип, эки жыл мурда израилдик жоокерлердин сөөгүн табышууга кол кабыш сураганын эске алды.  Ал эми Израилдин Коргонуу армиясы Баумелдин сөөгү мекенине эки күн мурун El Al компаниясынын учагы менен жеткирилгенин маалымдады. Читать дальше...

Ооганстандын бийлиги «Талибандын» кол салуусунан кеминде 20 жоокер жана полиция кызматкери курман болгонун билдирүүдө. Жоочулар 4-апрелде Бала Мургаб районундагы бир нече көзөмөл-өткөрмө бекетине чабуул коюшкан. Бул тууралуу район жайгашкан Бадгис провинциясынын облустук кеңешинин төрагасы Абдул Азиз Байг маалымдады. Байг талибдер райондун ири бөлүгүн басып алышканын, полициянын райондук штабы менен ооган улуттук армиясынын базасы гана өкмөттүк күчтөрдүн колунда турганын тактады. 4-апрелде... Читать дальше...

Советтик белгилүү кинорежиссер Георгий Данелия 88 жашында 4-апрелде дүйнөдөн кайтты. Бул тууралуу анын туугандары кабарлашты. Ал 23-февралда өпкөсү ооруп, Москвадагы ооруканага түшкөн. ТАСС маалымат агенттиги режиссер жүрөгү токтоп каза болгонун маалымдады. Данелия «Я шагаю по Москве», «Мимино», «Афония», «Осенний марафон» жана «Джентльмены удачи», «Кин-дза-дза» фильмдерин тарткан. Өзүнүн тасмаларында эпизоддук ролдорду ойноп, көптөгөн фильмдердин сценарийин жазышкан. Георгий Данелия 1930-жылы Грузиянын борбору Тбилисиде туулган. Читать дальше...

Жогорку Кеңеш экс-президенттерди кол тийбестик макамынан ажыратуу боюнча мыйзам долбоорун үчүнчү окууда дээрлик бир добуштан кабыл алды. Авторлор долбоордун баштапкы идеясы таптакыр өзгөрүп кеткенин белгилеп, кайтарып алууну сунуш кылышты.

Вашингтондогу мааракелик иш-чараларга НАТО мамлекеттеринин тышкы иштер министрлери катышууда.

Украинадагы президенттик шайлоонун экинчи айлампасында куудул, актер Владимир Зеленский менен өлкөнү соңку беш жылдан бери башкарып келаткан Петро Порошенко ат салышмай болду.

Түндүк Атлантика келишим уюму - НАТОнун түптөлгөнүнө 70 жыл толду. Украинанын президенттигине талапкерлер Петр Порошенко менен Владимир Зеленский Киевдеги «Олимпийский» стадионунда эрөөлдө беттешет.

Британиянын Кыргызстандагы элчилиги пластиктен жасалган буюмдарды колдонуудан 21 күнгө баш тартарын жарыялап, башкаларды да бул экологиялык демилгени колдоого чакырды.

Бул тууралуу экс-президент Роза Отунбаева «Азаттыктын» «Ыңгайсыз суроолор» программасында өлкөдөгү кырдаал боюнча маек куруп жатып билдирди. Ал учурда Кыргызстан тышкы саясатта бир тараптуу эле болуп жатканын белгиледи: - Бир тараптуу, бир жакка эле ыктаган өлкө болуп атабыз. ЕАЭБ да биздин саясий багыттарыбызды байлап атат. Кытай бар, миң чакырым чектешип турабыз. Экономикалык жактан көп көз карандыбыз, Кытайга. Отунбаева Орусияда кыргызстандыктардын дээрлик жарымы мигрант болуп жүргөнүн белгилеп... Читать дальше...

Эфиопияда 10-мартта болгон авиакырсыктын иликтөөнүн баштапкы жыйынтыктары жарыяланды. Ага ылайык, «Боинг- 737 MAX 8» лайнеринин техникалык шаймандары учкучтарга баш ийген эмес. Бул тууралуу Эфиопиянын транспорт министри Дагмавит Могес 4-апрелде Аддис-Абеба шаарында өткөргөн басма сөз жыйынында билдирди. 10-мартта Аддис-Абебадан Кениянын борбору Найробиге бараткан учак кыйрап, борттогу 157 кишинин баары мерт болгон. Ошондон кийин бул үлгүдөгү лайнердин коопсуздугуна байланыштуу суроолор жаралды. Читать дальше...

Таласта Апрель окуясында жакынын жоготкондор маркумдарга "Кыргыз Республикасынын Баатыры" наамы менен “Ак шумкар” орденин берүү демилгесин көтөрүштү. 4-апрелде Таласта Элдик революциянын тогуз жылдыгы эскерилди.

Бишкектин «Дордой» командасы АФК кубогунун алкагында биринчи тайпалык оюнду өткөрдү.

Валентина Шевченко 7-апрель, жекшемби күнү, Кыргызстанга келет.

Ош, 4-апрель, 2019-жыл. /ca-irnews.com/. Адамдарды Эл аралык террордук топтордун катарына азгыруу каналдарын аныктоо боюнча иш-чаралардын жүрүшүндө 24 жаштагы жаран кармалып, Кыргызстанга алынып келинди.

Улуттук курама команда Азия кубогунан кийин ылдыйлап, ошол орунда турат.

Жогорку Кеңеш ушу тапта кыргыз-казак чек арасындагы «Ак-Тилек - Автожол» көзөмөл өткөрмө бекетинде түзүлгөн кырдаалды жабык карап жатат. Жыйынга вице-премьер-министр Жеңиш Разаков баштаган өкмөт өкүлдөрү катышууда. Бекетте Казакстанга өтүш үчүн кезекте турган оор жүк ташуучу автоунаалар азая элек. Тыгын 19-мартта башталган. Мамлекеттик чек ара кызматы 4-апрелде «Азаттыкка» билдиргенине караганда, ушу тапта ал жерде 240ка жакын машине турат. Өзгөчө кырдаалдар министрлигинин кызматкерлери чек арага барып... Читать дальше...

Экс-президенттин кол тийбестигине байланыштуу мыйзам долбоору 4-апрелде Жогорку Кеңештин колдоосуна ээ болду. Добуш берген депутаттардын 111и «макул», ал эми үчөө «каршы» деп добуш беришти. Эми документ президенттин кароосуна жөнөтүлөт. «Президенттин ишмердигинин кепилдиктери жөнүндө» мыйзамга өзгөртүү киргизүү боюнча мыйзам долбоорун Жогорку Кеңештеги «Өнүгүү-Прогресс» фракциясынан Исхак Масалиев жана «Республика – Ата Журттан» Курманкул Зулушев иштеп чыгышкан. Парламент ошол мыйзам долбоорун былтыр декабрда биринчи окууда карап... Читать дальше...

Жогорку Кеңештин депутаты Тынчтык Шайназаров 4-апрелде парламенттин жалпы жыйынында «эшек бизнесине» байланыштуу маселе көтөрдү. Ал Ветеринардык жана фитосанитардык инспекциянын жетекчиси Калысбек Жумаканов «ушул бизнестин башында турат экен» деп билдирди. Депутаттын айтымында, учурда Финансы полициясы буга байланыштуу ишти териштирип жатат: - 22-январда бажычылар Кытай менен чек арадан аткезчилик жүк кармашкан. 27 миң ондатранын, 1570 эшектин териси чыккан. Ветеринардык кызмат «биз ачтык, көрдүк... Читать дальше...

3-апрелде Каракол шаарында 2010-жылдагы Апрель ыңкылабынын катышуучусу, Апрель ыңкылабынын баатыры Абдраим Касымовду эскерүү иш-чарасы өттү. Шаардагы ал окуган мектепте музей бурчу ачылып, бюсту орнотулду. Абдраим Касымов былтыр каза болгон. Апрель баатырынын таржымалы жана аны эскерүү иш-чарасы тууралуу Ысык-Көлдөгү кабарчыбыз Асеин Маданбеков айтып берет.

Кыргыз-казак чек арасындагы «Ак-Тилек - Автожол» көзөмөл өткөрмө бекетинде Казакстанга өтүш үчүн кезекте турган оор жүк ташуучу автоунаалар азая элек. Тыгын 19-мартта башталган. Мамлекеттик чек ара кызматы 4-апрелде «Азаттыкка» билдиргенине караганда, ушу тапта ал жерде 240ка жакын машине турат. Өзгөчө кырдаалдар министрлигинин кызматкерлери чек арага барып, чатыр тигип, айдоочуларга ысык тамак берип жатышат. Экономика министрлиги чек арада турган автоунааларда негизинен Түркиянын, Кытайдын жана Кыргызстандын текстил... Читать дальше...

Литва соту өз жаранын Орусиянын пайдасына тыңчылык кылды деп таап, жети жылга түрмөгө кести. Delfi.lt басылмасынын жазганына караганда литвалык Роман Шушел өлкөдөгү аскердик, стратегиялык объектилер жөнүндө маалымат чогултуп жүргөн. Шушел күнөөнү моюнга алган жок. Анын адвокаттары жогорку инстанцияга кайрыларын билдиришти. Литванын Башкы прокуратурасы Шушел Орусиянын чалгын кызматы азгырган, ал негизинен Клайпеда портунда иш жүргүзгөн деп эсептейт. Айыпкер НАТОнун курамындагы өлкөлөрдүн, анын... Читать дальше...

Экс-президент Роза Отунбаева Кыргызстанда санарипке өтүү аракети ишке жакшы ашпай жатат деп эсептейт. Бул тууралуу ал «Азаттыктагы» маегинде билдирди. Отунбаева быйылкы жыл Аймактарды өнүктүрүү жана өлкөнү санариптештирүү жылы деп жарыяланганын, бирок санарипке өтүү жаатында алгылыктуу аракеттер көрүлбөй жатканын белгиледи:  - Аймактарды өнүктүрүү боюнча баягүнү чоң жыйын өткөрүштү. А санариптештирүү деген четте эле калды да. Биздин акимдер, губернаторлор билеби, санарип деген эмне, пайдасы канча экенин... Читать дальше...

5-апрелде көпчүлүк аймактарда жаан, тоолуу райондордо кар жаайт. Чүй, Талас, Ош, Жалал-Абад, Баткен облустарынын кээ бир жерлеринде жана Ысык-Көл облусунун чыгышында жаан-чачын катуу болот. Бийик тоолуу райондордо жолдор тайгак. Батыш тараптан келген шамалдын ылдамдыгы секундасында 4-9 метрден, кээ бир райондордо 15-20 метрге жетет. Абанын температурасы: Чүйдө түнкүсүн 5…10, күндүз 13…18, Таласта түнкүсүн 3…8, күндүз 12…17, Ысык-Көлдө түнкүсүн 1…6, күндүз 11…16, Ошто, Баткенде, Жалал-Абадда түнкүсүн 6…11... Читать дальше...