Новости за 10.04.2019

“Азаттыктын” “Ыңгайсыз суроолор” телеберүүсүнүн бул чыгарылышында Жогорку Нарын каскадында курулушу токтоп калган ГЭСтерге бетон заводун курууга жабдуу алып келген сербиялык “СИМИ ДОО” компаниясынын сотко чейин жеткен окуясы иликтенди.

Казакстандын бийликтеги "Нур-Отан" партиясы президенттикке талапкерин эки жумага жетпеген убакыттын ичинде тандайт. Дээрлик 30 жылдан кийин мамлекеттик башчылыктан кетсе да, партиянын төрагасы бойдон калган экс-президент Нурсултан Назарбаев 10-апрелде билдирүү таратып, "Нур-Отан" партиясы 23-апрелде кезексиз курултайын өткөрөөрүн маалымдады. Андан бир аз мурда Назарбаев Нур-Султан шаарында партиялаштары менен жыйын өткөрүп, "Нур-Отандын" талапкери партиянын кийинки курултайында белгилүү болоорун айткан. Читать дальше...

Бишкек Жылуулук электр борборундагы коррупцияга байланыштуу ишти карап жаткан Свердлов райондук сотунун судьясы Инара Гилязетдинова айыпталуучулардын бөгөт чарасын 12-июнга чейин узартты. Ага ылайык, Жогорку Кеңештин депутаты, экс-министр Осмонбек Артыкбаев менен “Электр станциялары” ишканасынын мурунку жетекчиси Салайдин Авазовдун ден соолугуна байланыштуу бөгөт чарасын өзгөртүү тууралуу адвокаттардын өтүнүчү четке кагылды. Бул тууралуу укук коргоочу жана адвокат Нурбек Токтакунов билдирди.  Бишкек... Читать дальше...

“Республика” партиясы 13-апрелде саясатчы Өмүрбек Бабановдун тарапташтарынын тынчтык митингин өткөрүү ниети боюнча Бишкек мэриясина кат жөнөттү. Буга байланыштуу арыздын сүрөтү интернетке жарыяланды. Анда тынчтык митинги эски аянтта өтө турганы, ага болжол менен 10 миңдей киши катышары белгиленген. Муну менен катар коомдук коопсуздукту сактап берүү өтүнүчү да айтылган.  Буга чейин аталган партиянын мурдагы лидери, 2017-жылдагы президенттик шайлоодо утулуп, кийин Кыргызстандан чыгып кеткен Өмүрбек... Читать дальше...

11-апрелде президент Сооронбай Жээнбеков Жогорку Кеңешке барып кайрылуу жасайт.

9-апрелде Баткен шаарындагы №3 мектепте эмдөөдөн кийин 15 бала өзүн начар сезип, ооруканага кайрылган. Эки бала жандандыруу бөлүмүнө түшүп, кийин палатага которулду. Дарыгерлер атайын топ түзүп, кырдаалды иликтөөгө киришти. Ата-энелер эмдөө тууралуу маалымат берилбегенин ырастап жатышат.

Ирандын бийлиги сел коркунучунан улам Ахваз шаарындагы беш райондун тургундарын коопсуз жайга көчүрүүнү чечти. Селдин суусу өлкөнүн түштүк-батышындагы Хузестан провинциясында жайгашкан бул шаарды каптай баштаганын жергиликтүү маалымат каражаттары билдирип жатышат.  Шаардын эвакуациялоого буйрук берилген беш районунда 70 миң тургун жашайт. Провинциянын жетекчилиги эркек кишилерди аялдар менен балдарды эвакуациялоого жардам берүүгө чакырды.  Иранда нөшөрлөгөн жамгырдан улам 19-марттан бери сел токтобой жатат. Читать дальше...

Бишкек Жылуулук электр борборундагы (ЖЭБ) коррупцияга байланышы бар деп кармалган мурдагы аткаминерлерге сотто айып угузула баштады.

9-апрель күнү Каракол-Эңилчек автоунаа жолу кар көчкүдөн тазаланып, саат 19.40 чамасында жол ачылды. Бул тууралуу «Азаттыкка» Жол чарба департаментинин Ысык-Көл облустук башкармалыгынын жетекчиси Кудайкул Күчүков билдирди. Анын айтымында, кар көчкүнүн астында калган трактор чыгарылган.  - Бүгүн жолду кардан толугу менен тазалоо, кеңейтүү иштери жүрүп жатат. Жолго чектөөгө киргизилди. Себеби, Каракол-Эңилчек жолунун 84-чакырымында дагы эле кар көчкү коркунучу бар. Ошондуктан элдин коопсуздугу үчүн... Читать дальше...

Кечээ, 9-апрелде Баткен шаарындагы эмдөөдөн кийин ооруканага түшкөн балдардын абалы канааттандыраарлык. Учурда алардын бирөө гана ооруканада. Калгандарына амбулатордук жардам көрсөтүлүп, үйлөрүнө жиберилген. 10-апрелде өкмөттүн Баткен облусундагы ыйгарым укуктуу өкүлүнүн орун басары Чынара Саттарова ооруканадагы баланын абалынан кабар алып, тийиштүү медициналык жардам көрсөтүү боюнча тапшырмаларды берди. Бул тууралуу «Азаттыкка» өкмөттүн облустагы өкүлчүлүгүнүн басма сөз катчысы Чолпон Бердикулова  билдирди. Читать дальше...

Грузия отуз жыл мурда эгемендик үчүн курман болгондорду эскерүүдө. Өзбекстан быйыл 14 млрд. долларлык инвестицияны өздөштүрүүнү көздөөдө. Карылар үйүндөгү шалаакылык Финляндиядагы парламенттик шайлоого таасир этип, оппозициялык партия жеңери күтүлүүдө. АКШ Кыргызстанды демократиялык баалуулуктарды колдоодо аймактагы лидер катары тааныйт. Пакистандык Сана Тажик өмүрүн тобокелчиликке салып, ырчылыкты улантууда.

Мухаммедкалый Абылгазиев жетектеген өкмөттүн ишмердүүлүгүнө бул күндөрү бир жыл болгону калды.

Президенттик шайлоодо Сооронбай Жээнбековдун штабын жетектеген Фарид Ниязов анын басма сөз катчысы Толгонай Стамалиеванын жазгандарына жооп кайтарды. «Бул интернет-постту мен Сооронбай Шариповичти актоо, коомдук пикирди алар үчүн жагымсыз болуп жаткан чыккынчылык темасынан алаксытуу аракети катары баалайм» деген Ниязов Жээнбеков КСДПнын президенттикке талапкерлеринин тизмесинде 2016-жылы эле биринчи орунда турганын жана сүрөө иштери ырааттуу негизде жүргөнүн айтты. Ниязов Атамбаев Жээнбековго... Читать дальше...

Орусиялык тергөөчүлөр камактагы америкалык инвестор Майкл Калвини убактылуу кармоочу жайдан үй камагына чыгарууну соттон өтүнүштү.  Тергөө комитети АКШ жаранынын бөгөт чарасы каралаарына бир күн калганда ушундай өтүнүчүн Москванын сотуна жиберилгенин орусиялык бир катар басылмалар жазып чыгышты.  Орусияда «Baring Vostok» аттуу инвестициялык фондду негиздеген Калви жергиликтүү бир нече өнөктөшү менен бирге февраль айында Москвада кармалган. Аларга финансылык көз боёмочулук боюнча айып коюлуп жатат. Читать дальше...

Жаңы Зеландиянын парламенти жарым автоматтык куралдардын бардык түрүнө тыюу салууну колдоду. 10-апрелде тиешелүү мыйзам долбоорун 119 депутат жактырып, бир гана эл өкүлү каршы болду. Аталган документ апта соңунда күчүнө кириши күтүлүүдө.  Мындай чаралар 15-мартта Крайстчөрч шаарындагы эки мечитте болгон теракттан кийин кабыл алынып жатат. Анда экстремисттик көз караштагы Брентон Таррант аттуу австралиялык жаран жума намазга чогулган адамдарга ок жаадырган. Теракттан 50 адам курман болуп, 39 киши жабыркаган. Читать дальше...

Адаттагыдай эле, Трамптын командасы аймакты жана дүйнөнү Иран менен АКШнын тирешүүсүнүн бир жаңы баскычына алып келүү үчүн дагы бир жолу Иранга кысым көрсөтүүдө курал болуп саналчу эң баалуу барагын өрттөдү.

Ош шаардык кеңеши 10-апрелдеги отурумунда шаардагы маршруттук каттамдарда мектеп окуучуларынын жол киресин беш эсе көтөрүү боюнча айдоочулардын сунушун карады. Сунушту мэриянын өкүлдөрү отурумга алып чыгышкан. Өкүлдөр мектеп окуучуларынын жол киресин кымбаттатуу боюнча сунушту башка шаарларда жол кире окуучулар үчүн 5-10 сом болуп жатканы менен негиздешти.  Бул сунушка шаар кеңешинин айрым депутаттары менен катар жарандык коом өкүлдөрү да каршы чыгышууда. «Интербилим» уюмунун жетекчиси Гүлгакы... Читать дальше...

Өмүрбек Бабанов Кыргызстанга 13-апрелде келерин билдирди. Бүгүн, 10-апрелде ал «Фейсбуктагы» жеке баракчасына: «Бишкекке учканга билет сатып алдым. Кудай буюрса ушул ишембиде, 13-апрелде, саат 14:50дө Кыргызстаныма учуп келем. Сиздер менен жүз көрүшүүнү чыдамсыздык менен күтүп жатам!» деп жазды.  Бабанов буга чейин ага карата козголгон кылмыш иши боюнча тергөөчүлөргө жооп берүүгө, Кыргызстанга келгенден кийин инвестиция тартууга даяр экенин билдирген. Саясатчыга эки кылмыш иши козголгон.... Читать дальше...

Кыргызстан 2030-жылга чейин калктын кургак учукка чалдыгуу учурларын таптакыр токтотуу максатын көздөп жатат. Бул тууралуу “Азаттык” радиосуна Саламаттыкты сактоо министрлигинин Медициналык жардамды жана дары-дармек саясатын уюштуруу башкармалыгынын башкы адиси Аэлита Ибраева билдирди. "Бул мүмкүнбү?" деген суроого ал: - Биз бул максатка пландалган кадамдар менен бара жатабыз, андыктан бул мүмкүн. Дүйнөлүк саламаттык уюмунун кургак учукту 2030-жылга чейин таптакыр жок кылуу тууралуу стратегиясы бар. Читать дальше...

Япониянын тышкы иштер министри Американын Ирандын сакчылар корпусуна каршы иш-аракеттерин сынга алып, бул анти-ирандык аракетти жактабай турганын баса белгиледи.

Жалал-Абаддагы Жүрөк-кан тамыр хирургиясы боюнча түштүк аймактык илимий борборунун директору Калдарбек Абдраманов чет өлкөлүк дарыгерлер жергиликтүү адистер менен кошо борбордо бейтаптарга акысыз жүрөккө стент коюу акциясын өткөрүп жатканын «Азаттыкка» билдирди: - Сауд Арабиясынан келген кардиологдор менен бир топ жылдардан бери кызматташып келатабыз. Бир топ жыл мурун алар Бишкекке келип, ушул сыяктуу акцяларга катышып кеткен. Быйыл менин чакыруум менен Бүткүл дүйнөлүк ислам лигасынын колдоосу астында келишти. Читать дальше...

Fars агенттигинин маалыматына ылайык, Орусиянын Ирандын селден жабыркаган жарандарына жөнөткөн жардамы Тебриз шаарында өлкөнүн Тегерандагы элчиси Леван Джагаряндын катышуусунда өткөн мааракенин алкагында жеткирилди.

Кыргызстан менен Казакстандын чек арасындагы «Ак-Тилек» бекетинде казак тарапка өтө албай турган автоунаалардын саны жүздүн тегерегинде. Арасында үч-төрт суткадан бери кезегин күтүп жаткандар бар. Чек арадагы кабарчыбыздын маалыматы боюнча, учурда бир саатта үчтөн автоунаа өткөрүлүп жатат.  Өкмөттүн басма сөз кызматы кыргыз-казак чек арасындагы өткөрмө жайлары штаттык режимде иштей баштаганын 8-апрелде билдирген эле. Анда айтылгандай, «Ак-Тилектеги» абал боюнча премьер-министр Мухаммедкалый Абылгазиев... Читать дальше...

1989-жылы Тбилисиде советтик режимге каршы чыгып, Грузиянын эгемендигин талап кылган митингдин катышуучуларын кууп таратуу учурунда 20дан ашык киши каза болгон.

Кыргызстанда кургак учуктун кадимки дарынын күчү жетпеген формасына чалдыккан бейтаптардын саны азая баштады. Бул тууралуу “Азаттык” радиосуна Улуттук фтизиатрия борборунун директору Абдуллат Кадыров билдирди: - Эгер 2016-жылы бизде дарыларга туруктуу кургак учуктун лабораториялык жол менен такталган саны 1244 болсо, 2017-жылы 1206, ал эми 2018-жылы 1176 учур болду. Кургак учукту алдын алуу жана дарылоо боюнча советтик мезгилдеги система азыркы талаптарга, шарттарга жооп бербей калгандыктан жаңысын иштеп чыгуу зарылчылыгы пайда болду. Читать дальше...