Новости за 19.04.2019

Казакстандын ички иштер министри Ерлан Тургумбаев өлкөдө туристтик полиция түзүлгөнүн билдирди. 19-апрелдеги жыйында министр бул кызматтагылар конокторго “кеңеш жана маалымат берип, алардын коопсуздугун камсыздайт” деди. ИИМдин маалыматына караганда жаңы түзүм борбор Нур-Султан менен Алматы шаарларында, андан тышкары Алматы, Акмоло, Түркстан жана Чыгыш-Казакстан облустарында иштейт. Туристтик полициядагылар “казак, орус, англис тилдерин, мекенинин тарыхын билиши шарт. Ошондой эле адам менен тил табыша билип... Читать дальше...

Түркиянын президенти Батыш маалымат каражаттарынын өлкөнүн экономикалык абалын сындоолоруна жооп берди.

Эл аралык коомчулук тааныган Ливия өкмөтү 18-апрелде армия башчысы, фельдмаршал Халифа Хафтарды камоого буйрук берди. Аскердик прокуратура Улуттук армиянын башчысын жана анын алты жардамчысын баш калаа Триполиге жасалган аба чабуулу үчүн айыптап жатат. Апрелдин башында Хафтардын армиясы өкмөт отурган Триполи шаарын алуу үчүн чабуулдарын баштаган. Анын кесепетинен 200дөн ашуун адам өлүп, 25 миңдей киши шаарды таштай качышты. 2011-жылы жарандык согуш башталып, өлкөнүн жетекчиси Муаммар Каддафи... Читать дальше...

Кыргызстандын мурдагы башкы прокурору, Жогорку Кеңештин мурдагы депутаты Аида Салянованын бир тууганы Улан Саляновдун өлүмү боюнча соттук отурум 14-майда улана турган болду. Бүгүн Кылмыш иште күбө катары өтүп жаткан Олег Тярт шектүү Эрмек Осмонкуловдун жогорку кызмат адамдарын жок кылуу боюнча сунуш түшкөнү боюнча кабары бар экенин айткан. Бирок Аида Салянова "күбө башында "жогорку кызмат адамдарынан буйрутма түшкөн" деп көрсөтмө берип, азыр "жогорку кызмат адамдарын жок кылууга буйрук түшкөн деп" өзгөртүүдө" деп күбөнү айыптап чыккан. Читать дальше...

Малинин премьер-министри менен анын бүтүндөй өкмөтү отставкага кетти.

Борбор Азия мамлекеттеринин журналисттери чөлкөмдөгү экстремизм жана терроризм коркунучуна каршы чогуу күрөшөт. Өткөн аптада “Internews” эл аралык уюмунун колдоосунда Ташкентте медиа тур уюштурулуп, ага Кыргызстандын, Тажикстандын, Казакстандын жана Өзбекстандын журналисттери катышты. Журналисттер радикализмдин алдын алуу жаатында макала-баяндарды коом арасында жайылтууга салым кошуу маселесин талкуулашты. Ал үчүн экстремизмди, терроризмди түшүнүү абзел экенин белгилешип, журналисттерге окутууларды өткөрүп турууну уюмдарга сунуш кылышты. Читать дальше...

Муса Мураталиев - кош тилдүү жазуучу. Жеке адамдын тагдырын, психологиялык толгонууларын кылдат иликтеген анын кара сөз туундулары дүйнөнүн бир топ тилдерине которулуп, улут адабиятынын арымын кеңейтүүдө.

18-апрелде Түштүк Кореянын президенти Борбор Азияга сапарынын алкагында расмий иш сапары менен Ташкентке барды.

Украина президенттигине талапкерлер Владимир Зеленский менен Петр Порошенко бүгүн, 19-апрелде Киевдин “Олимпийский” стадионунда жолугат. 70 миң орундуу стадиондо дебат өткөрүүгө эки тарап бир нече жолку пикир келишпестиктерден кийин макул болушкан. Дебат жергиликтүү убакыт боюнча кечки жетиде өтөт. Шайлоо эрежеси боюнча буга чейин талапкерлердин эрөөлү стадиондо эмес, негизги коомдук телеканалдын студиясында уюштурулуп келген. Көбүрөөк элдин алдында стадиондо жолугууну Зеленский сунуштаган. Дебаттын... Читать дальше...

Кыргызстандын мурдагы башкы прокурору, Жогорку Кеңештин мурдагы депутаты Аида Салянованын бир тууганы Улан Саляновдун өлүмү боюнча соттук отурумда негизги күбө көрсөтмө берүүдө. Кылмыш иште күбө катары өтүп жаткан Олег Тярт буга чейин шектүү Эрмек Осмонкуловдун жогорку кызмат адамдарын жок кылуу боюнча сунуш түшкөнү боюнча кабары бар экенин айткан. Тярт айткандарын четке какпай турганын бирок Салянов жогорку кызмат адамы эмес экенин белгиледи. Күбө айыпталуучу менен абактан таанышканын жана кылмышта... Читать дальше...

Бейшембинин кечинде Түндүк Ирландиянын Лондонерри шаарындагы кагылышта журналист Лира Макки оор жараат алып, ооруканада көз жумду. Бул тууралуу жергиликтүү полиция билдирүүдө. Макки 29 жашта болчу, ал Түндүк Ирландиядагы куралдуу жаңжалдардын кесепеттерин иликтеп жүргөн.  Полиция башчысынын жардамчысы Марк Гамильтон ал жакка өздөрүн диссидент-республикачылар атаган топ ушул дем алыштарда чабуул койгону жатат деген кабардан улам барышканын билдирүүдө. 18-апрелде түнкү 11лер чамасында барган учурда... Читать дальше...

Жогорку Кеңештеги Социал-демократтар фракциясынын лидери Иса Өмүркулов "Азаттык" радиосуна маек куруп, келерки 2020-жылкы парламенттик шайлоодон жеңип чыгууга үч-төрт гана партиянын мүмкүнчүлүгү бар экенин билдирди. Ал ошондой эле бийликти күчтөнтүп, туруктуулукту орнотуу керек экенин кошумчалады: - (Сооронбай - ред.) Жээнбеков партия түзбөйт го. Себеби ага президенттик бийлиги жетиштүү. Мөөнөтү аяктаганда татыктуу кетип калат. Ошентсе да, оппозициячыл, бийликчил партиялар түзүлө берет. Бирок 9 пайыздык барьерден өтүү өтө кыйын болот. Читать дальше...

Бүгүн, Жогорку Кеңештеги КСДП фракциясынын лидери Иса Өмүркулов "Азаттыкка" маек куруп, Текебаевдин иши калыс каралышы керек деп билдирди.  - Мен Текебаевге мунапыс берүү өтүнүчүн колдоп, кол койгондо баары акыйкат чечилишин каалагам. Акыйкат чечим чыкса, тигиге да, буга да суроо жаралбайт. Биз эмоцияга алдырбашыбыз керек, себеби бул абдан олуттуу иш, - деди Иса Өмүркулов. «Ата Мекен» партиясынын лидери Өмүрбек Текебаевдин жана «Мекенчил» партиясынын лидери Садыр Жапаровдун иши 23-апрелде Жогорку сотто каралат. Читать дальше...

Кыргызстанда 20-апрелде аба ырайы кескин өзгөрөт. 20-апрелде күндүз көпчүлүк аймактарда жаан жаап, күн күркүрөйт, бийик тоолуу райондордо жаан карга айланат. Чүй, Талас, Ош, Жалал-Абад, Баткен облустарынын айрым жерлеринде жаан-чачын катуу жаайт. Бийик тоолуу райондордо жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, кээ бир райондордо 17-22 метрге чейин жетет. Абанын температурасы төмөндөйт: Чүй өрөөнүндө түнкүсүн 7…12, күндүз 13…18; Талас өрөөнүндө түнкүсүн 6…11... Читать дальше...

Орусиянын президенти Владимир Путин түрдүү себептерге байланыштуу Орусияга кире албай калган тажикстандыктарга мунапыс жарыялоо боюнча тажик президенти Эмомали Рахмондун сунушуна макул болду. Путин Ички иштер министрлигине бул маселени чечүү чараларын кабыл алууну тапшырды. "Орусияга келген тажикстандыктар, алардын үй-бүлөсү жакшы жашап, окуп, иштеп, өздөрүн коопсуз жана ыңгайлуу сезүүсү үчүн биздин өлкөдө көп иштер жасалып жатат. Бул өтө маанилүү, себеби Орусияда болжол менен 1,2 миллион Тажикстандын жараны жашап, иштеп жүрөт. Читать дальше...

«Ата Мекен» партиясынын камактагы төрагасы Өмүрбек Текебаевдин жактоочулары саясатчынын ишин жаңы ачылган жагдайларга байланыштуу кайра карап чыгуу боюнча Башкы прокуратурага кайрылды. Бул тууралуу «Азаттык» радиосуна «Ата Мекен» фракциясынын лидери Алмамбет Шыкмаматов билдирди. «Башкы прокурор өткөндө депутаттын суроосуна жооп берип жатып «биз Текебаевдин ишин жаңы жагдайлар боюнча кайра карап чыгууга даярбыз» деп айткан. Ошонун негизинде бүгүн биздин адвокаттар жаңы ачылган жагдайлар боюнча Башкы прокуратурага кайрылды. Читать дальше...

Ташкентте мурдагы башкы прокурор Рашид Кадыров менен кошо айыпталып камалгандардын айрымдары ур-тепкиге алынып, психологиялык кыйноого кабылганын билдиришти. Бул тууралуу алар кезектеги соттук отурумда айтышкан. “Азаттыктын” өзбек кызматы жеке булактарына таянып кабарлагандай, башкы прокурордун мурдагы орун басары Улугбек Суннатов тергөө учурунда аны таяк менен сабашканын, күнөөсүн моюнуна алуудан баш тартканда электрошокер колдонушканын айткан. "Суннатов кыйноолорго чыдабай, асынып алууга аракет жасаптыр. Читать дальше...

Түркияга иштегени кеткен Алина Аскарбек кызы дээрлик бир жылдан бери байланышка чыкпай жатат.

Америка перзидентинин кеңешчиси Кылымдык келишим Рамазан айынан соң жарыяланаарын билдирди.

Аксы районунун Кербен шаардык кеңешинин депутаты Ыманалы Сариевдин сабалышы боюнча окуя териштирилип жатат. Бул тууралуу “Азаттыкка” облустук милициянын басма сөз кызматынан билдирди. Маалыматка ылайык бул факт райондук милиция тарабынан кылмыштардын жана жоруктардын бирдиктүү реестрине катталган. “Ээнбаштык” беренесинин негизинде тергөөгө чейинки өндүрүш иши козголуп, тергөө амалдары жүрүп жатат. Жергиликтүү депутат 8-апрелде белгисиз кишилерден токмок жеп, баш мээсинен жараат алып, райондук ооруканадан дарыланып чыккан. Читать дальше...

Баткен облусунун Лейлек районундагы Катта-Туз мунай кенин иштетүү боюнча «Кыргызмунайгаз» сүйлөшүү жүргүзүп жатканын аталган ишкананын жетекчиси Рашид Бостонов “Азаттыкка” билдирди.  - "Ал жерде Тажикстандын жумушчулары иштеп жатат” деген маалымат туура эмес. Катта-Туз кени кыргыз-тажик чегиндеги такталбаган аймакта болгону менен 2015-жылдан бери “Кыргызмунайгаздын” карамагында турат. Аны тастыктаган колубузда жашыл китеп бар. Учурда газ чыга турган 205-скважинаны толугу менен жаап, өзүбүздүн жергиликтүү... Читать дальше...

Түркиянын тышкы иштер министри Анкара АКШнын санкцияларынан айланып өтүү үчүн Иран менен INSTEX (Instrument in Support of Trade Exchanges) төлөм механизмине окшош жаңы төлөм системасын ишке киргизүүнү пландаштырып жатканын билдирди.

Бишкектин Биринчи май райондук сотунда бүгүн, 19-апрелде Кыргыз мамлекеттик курулуш, транспорт жана архитектура университетинин окутуучусу Темир Болотбектин иши боюнча соттук отурум уланды. Соттук териштирүүдө жоопкер тараптын адвокаттары сунуш кылган эксперт Зайнидин Курманов көрсөтмө берди. Ал Темир Болотбектин «совок» деген сөзү улут аралык кастыкты козутпай турганын жана кылмыш иши негизсиз козголгонун «Азаттыкка» билдирди: «"Совок" деген бул америкалыктардын «янки» деген эле сөзүндөй. Мен иш менен таанышып жатып... Читать дальше...

Бүгүн кыргыз-кытай соода-экономикалык комиссиянын жолугушуусунда Кыргызстандын экономика министри Олег Панкратов кыргыз-кытай соода алакасы жаны деңгээлге чыкканын айтты. Ал кытай тарапка Нарында логистикалык борбор ачууну сунуштады. Айыл чарба министринин орун басары Эркинбек Чодуев айыл чарба азыктарын экспорттоо үчүн Кытай тараптан жеңилдик берүүнү өтүндү. Маселен, кокон гиласты буга чейинкидей учак эмес, автотранспорт менен да ташууга уруксат беришин өтүндү. Кытайдын Шинжаң-Уйгур автономиялык... Читать дальше...

Орусиянын АКШдагы 2016-жылы өткөн президенттик шайлоого болжолдуу кийлигишүүсүн иликтеген атайын прокурор Роберт Мюллердин баяндамасынын редакцияланган версиясы 18-апрелде Юстиция министрлигинин расмий сайтында жарыяланды.