Новости за 23.07.2018

Пакистанда бүгүн шайлоо алдындагы жымжырттык күнү. Эртең, 25-июлда, өлкөдө кезектеги парламенттик шайлоо өтүшү керек. Анын натыйжасында Пакистандын эгемен тарыхында бийлик бир өкмөттөн экинчисине демократиялык жол менен экинчи ирет гана өтүшү күтүлүүдө. Ошондой эле азыркы шайлоонун натыйжасында өкмөттү башкаруу укугу буга чейин бийликте болбогон саясий партия менен саясатчыга да тийиши мүмкүн.

Бириккен Улуттар Уюмунун Коопсуздук кеңеши "Талибан" кыймылы менен "Ислам мамлекети" радикал тобунун Ооганстандагы шайлоону үзгүлтүккө учуратуу максатын көздөгөн кол салууларын айыптады. Кеңештин мындай билдирүүсү 22-июлда Кабулдагы жанкечти жардыруусунан 23 киши мерт болгондон кийин жарыяланды. Ал билдирүүдө "Ооганстандын улуттук армиясы коопсуздукту камсыз кылуу үчүн эр жүрөктүк көрсөтүп жатканы" баса белгиленген. Жекшембиде Кабул эл аралык аэропортунда болгон жардырууга "Ислам мамлекети" тобу жоопкерчилик алган. Читать дальше...

АКШнын президенти Дональд Трамп Орусиянын лидери Владимир Путин менен Хелсинкидеги сүйлөшүүсүндө орус тарапка "эч нерсе берип койбогонун" "Твиттерге" жазып, Кошмо Штаттардын кызыкчылыгына каршы келген эч кандай макулдашууга барбаганын ишара кылды "Биз болгону эки өлкөгө пайда алып келе турган келечектеги маселелер жөнүндө сүйлөштүк. Биз тил табыштык, "коррупциялашкан медиадан" башкаларга бул жакшы нерсе",-деп жазды Трамп 23-июлда "Твиттердеги" баракчасына. Путин жана башка орусиялык расмий өкүлдөр... Читать дальше...

"Аз өмүрүң чоң сабак кайран жигит, Алтын башын мекенге сайган жигит. Чексиздикке талпынган бүркүт элең, Ала-Тооңду бүркүттөй айлан жигит..!" “Данистенин” бул жолку чыгарылышын толугу менен кесиптешибиз Уланбек Эгизбаевдин жаркын элесине арнадык.

"Аз өмүрүң чоң сабак кайран жигит, Алтын башын мекенге сайган жигит. Чексиздикке талпынган бүркүт элең, Ала-Тооңду бүркүттөй айлан жигит..!" “Данистенин” бул жолку чыгарылышын толугу менен кесиптешибиз Уланбек Эгизбаевдин жаркын элесине арнадык.

Мамлекеттер аралык "Мир" телеканалынын Кыргызстандагы филиалынын эмгек жамааты "Азаттыктын" журналисти Уланбек Эгизбаевдин мезгилсиз каза тапканына байланыштуу жакындарына көңүл айтып, аза-кайгысын тең бөлүшөөрүн билдиришти.  Телеканалдын жамааты жиберген билдирүүдө Уланбек Эгизбаев аз, бирок саз жашаганы, артында көп из калтырып кеткени жазылган. Ошондой эле маркум кыргыз журналистикасын жаңы бийиктикке чыгарганы белгиленген. Ушундай эле мазмундагы көңүл айтуу катын Би-Би-Си дүйнөлүк кызматы да "Азаттыктын" дарегине жөнөткөн. Читать дальше...

Орусияда түрмөдөгү кыйноону көрсөткөн видео тасманы журналисттерге берген адвокат Ирина Бирюкова өлкөдөн чыгып кеткени белгилүү болду. Бул тууралуу 23-июлда "Коомдук вердикт" фонду кабарлады. Бирюкова Орусиянын Федералдык тергөө комитетине кат жазып, өзүнүн жана үй-бүлөсүнүн коопсуздугун камсыз кылууну суранган болчу. Адвокат өткөн аптада "Новая газета" басылмасына берген 10 мүнөттүк видео тасмада Ярославлдагы түзөтүү колониясында Евгений Макаров аттуу соттолгон адамды форма кийген он чакты киши катуу сабап жатканы көрсөтүлгөн. Читать дальше...

"Азаттыктын" журналисти Уланбек Эгизбаевдин эки бутунда байкалган тактардын чоо-жайын соттук-медициналык экспертиза текшерип жатат.  Жакындарынын өтүнүчү менен маркумдун сөөгү экспертиза үчүн 23-июлга караган түнү Чолпон-Атадан Бишкекке жеткирилген. Сөөктү ачуу 23-июлда саат 9да башталып, ага "Азаттыктын" кабарчысы Токтосун Шамбетов менен маркумдун досу Каниет Жыргалбеков катышкан. Токтосун Шамбетов Эгизбаевдин бутундагы тактарды Чолпон-Атадан эле байкап, аны милициянын протоколуна коштурганын билдирди. Читать дальше...

АКШ жана Иран президенттери акыркы бир күндө бири-бирине эскертүүлөрдү жасады. Кабулдун аба майданындагы жардыруудан кеминде он төрт кишинин өмүрү кыйылды. Түрк тектүү германиялык футболист Месут Озил немистердин улуттук курама командасындагы карьерасы аяктаганын билдирди.

Ирактын Күрт автоном аймагынын Эрбил шаарында өкмөттүк имаратка чабуул койгон куралдуу согушкерлер жок кылынды. Бул тууралуу жергиликтүү бийлик өкүлдөрү билдиришти. Ирактын медиасы үч согушкер жок кылынганын кабарлады. "Reuters" агенттиги кабарлагандай, дүйшөмбү күнү согушкерлер имаратка кирип келип, алгач күзөтчүлөрдүн куралын тартып алышкан. Андан соң полиция кызматкерлери менен куралчандардын ортосунда атышуу башталган. Айрым маалыматтар боюнча, куралчандар имараттын ичиндеги адамдарды барымтага алышкан. Читать дальше...

АКШ менен Ирандын президенттери акыркы бир күндө бири-бирине эскертүү беришти. Эки лидер бири экинчисин коркуткан, айыптаган сөздөр АКШнын Иранга каршы экономикалык санкциялары кайра калыбына келерде айтылды. Ирандын талаштуу өзөктүк программасы боюнча көп тараптуу келишимден Кошмо Штаттар быйыл май айында чыгып кеткен.

Премьер-министр Мухаммедкалый Абылгазиев ичүүчү суу менен камсыз кылуу кызматынын баасын кайра карап чыгууну тапшырды. Бул тууралуу ал өлкөнүн айыл жерлерин ичүүчү суу менен камсыз кылуу тармагындагы “Ала-Тоо булагы” программасын ишке ашыруу боюнча кеңешмеде билдирди. “Мисал үчүн, суунун бир куб метри, бул миң литр - Бишкектин бир жашоочусу үчүн 5,38 сом, ошол эле учурда өздүк наркы – 7,70 сом. Желим шишедеги 1 литр суунун баасы 20 сомдон ашат. Мындай болбошу керек. Калктын ичинде түшүндүрүү иштерин жүргүзүү зарыл. Читать дальше...

“Кыргызгидромет” борбору кабарлагандай, 24-июлда түнкүсүн Ысык-Көл, Нарын облустарынын көпчүлүк аймактарында өткүн өтүп, күн күркүрөйт. Чүй, Талас, Ош, Жалал-Абад, Баткен облустарында жаан-чачын тоолуу райондорунда гана болот, өрөөндөрдө жаан-чачын күтүлбөйт. 24-июлда күндүз Ысык-Көл, Нарын облустарынын көпчүлүк аймактарында, Чүй, Талас, Жалал-Абад, Ош, Баткен облустарынын тоо этектеринде жана тоолуу райондорунда өткүн өтөт. Чүй, Талас, Ош, Жалал-Абад, Баткен облустарынын өрөөндөрүндө жаан-чачын күтүлбөйт. Читать дальше...

Чыгаан журналист, өлкөнүн келечегине жан дили менен күйгөн Кыргызстандын мекенчил уулу Уланбек Эгизбаев менен замандаштары, коомдук жана мамлекеттик ишмерлер, саясатчылар, Кыргызстандагы жана чет өлкөдөгү журтташтары, кесиптештери коштошууда.

Кошмо Штаттарда жашаган кыргызстандыктар дүйнөлүк "gofundme" кайрымдуулук порталы аркылуу журналист Уланбек Эгизбаевдин үй-бүлөсүн колдоого каражат чогулта башташты. “Кыргыздын чыгаан азаматы, чындык дегенде жанын үрөп, башын канжыгага байлап чыркырап түшкөн баатыры Уланбек Эгизбаев дүйнөдөн кайтты. Уландын өлүмү кыргыз жергесинде көпчүлүктү болуп көрбөгөндөй муңга бөлөдү. Баатырын барктабаган эл алсыз дейт. Келгиле? Артында калган жубайынын, тукумун улантып дүйнөгө жакында келе турган баласынын... Читать дальше...

Кыргызстандын мусулмандар дин башкармалыгынын мурдагы башчысы, экс-муфтий Чубак Жалилов “Азаттыктын” каза болгон кабарчысы Улан Эгизбаев тууралуу “Фейсбуктагы” баракчасында билдирүү жазып, журналистти акыйкат үчүн күйүп-жанган инсан катары баалады:  “Оттой жанган, чындык үчүн чыркырап күйгөн, таарынышкандарды жараштырганга далалат кылган, жашоосу сааттай чыкылдап өткөн, жигиттин гүлү Улан мырзанын дүйнө салышы кабыргамды кайыштырды. Үйлөнөөрүндө келинчеги Сапаргүл экөө келип, мусулман пендеси молдодон угаар акыл-насаат сурап... Читать дальше...

АКШ менен Орусия Израилдин армиясынын Голан дөңсөөсүнө жакын жерден Сириядагы ыктыярчылар тобун куткарып чыкканын кубаттаганы менен эки держава бул операцияга эки башкача баа берди. Кошмо Штаттардын Мамлекеттик департаменти 22-июлдагы билдирүүсүндө "Ак каскачандар" атка конгон Сириянын жарандык коргонуу тобунун 400 мүчөсүнүн куткарылганын кубаттап, "миңдеген адамдардын өмүрүн сактап калган эр жүрөк ыктыярчылар зулумдардын жолунан аман кутулганына кубанып турганын" белгиледи. "Биз Сириянын режими менен Орусияны милдеттенмелерин аткарууга... Читать дальше...

Чыгаан журналист, өлкөнүн келечегине жан дили менен күйгөн Кыргызстандын мекенчил уулу Уланбек Эгизбаев менен замандаштары, коомдук жана мамлекеттик ишмерлер, саясатчылар, Кыргызстандагы жана чет өлкөдөгү журтташтары, кесиптештери коштошууда. "Эркин Европа/Азаттык" радиосунун кыргыз кызматынын жетекчиси Венера Сагындык кызынын Уланбек Эгизбаев тууралуу эскерүүсү.

Ош шаарындагы "Журналисттер аллеясында" өткөн эскерүү иш-чарасына расмий бийлик өкүлдөрү, журналисттер, жарандык коом өкүлдөрү катышты. Анда чыгып сөз сүйлөгөндөр Эгизбаевдин 28 жылдык кыска өмүрүндө курч журналист катары элге таанымал боло алганын белгилеп, анын мамлекеттин, демократиянын өнүгүшүнө чоң салым кошкон, чыныгы журналист болгонун белгилешти. Жыйында ошондой эле иликтөө журналистикасында Уланбек Эгизбаев атындагы сыйлык уюштуруу жөнүндө сунуштар айтылды. Уланбек Эгизбаевди эскерген... Читать дальше...

Месут Өзилдин айтымында, Германиянын курама командасы дүйнө чемпионатынан утулуп калгандан кийин анын дарегине мазактаган сын пикирлер айтыла баштаган.

Талас шаарында алты жаштагы баланы автоунаа коюп кетип, ал ооруканадан эсине келбей жатып каза болду. Бул тууралуу “Азаттыкка” облустук ички иштер башкармалыгы билдирди. Маалым болгондой, окуя болжол менен 22-июлда, саат 22:40тар чамасында болгон. Кылмышка шектүү катары "Stepwagon" үлгүсүндөгү автоунаанын 24 жаштагы Талас районунун Манас айылынын тургуну кармалып, учурда сурак берип жатканы кабарланды. 2018-жылдын алгачкы төрт айында Кыргызстандын аймагында 1580 жол кырсыгы катталып, анын 331 учурунда балдар да аралашкан. Читать дальше...

Чыгаан журналист, өлкөнүн келечегине жан дили менен күйгөн Кыргызстандын мекенчил уулу Уланбек Эгизбаев менен замандаштары, коомдук жана мамлекеттик ишмерлер, саясатчылар, Кыргызстандагы жана чет өлкөдөгү журтташтары, кесиптештери коштошууда.

Ирактын Күрт автоном аймагынын Эрбил шаарында куралчан согушкерлер өкмөттүк имараттын бир бөлүгүн басып алышты. Бир нече полиция жабыркаганын расмий бийликтин өкүлдөрү маалымдашты. "Reuters" агенттиги кабарлагандай, дүйшөмбү күнү согушкерлер имаратка кирип келип, алгач күзөтчүлөрдүн куралын тартып алышкан. Андан соң полиция кызматкерлери менен куралчандардын ортосунда атышуу башталган. Эрбилдеги бул имарат Күрт автономдуу өкмөтүнө таандык. Учурда согушкерлер төрт кабаттуу имараттын соңку кабатын толук көзмөлдөп турушканы кабарланды. Читать дальше...

Бишкек шаарынын мэрин шайлоо 8-август күнү өтөт. Бул тууралуу Борбордук шайлоо комиссиясы билдирди. 13-июлда Бишкек шаардык кеңеши мурдагы мэр Албек Ибраимовго ишеним көрсөтпөө тууралуу чечим кабыл алган. Буга байланыштуу аны иштен бошотуу тууралуу буйрукка 19-июлда премьер-министр Мухаммедкалый Абылгазиев кол койгон. Мэрдин милдетин азыр вице-мэр Бакытбек Дүйшембиев аткарууда. Ибраимов учурда УКМКнын тергөө абагында отурат. Ал “Дастан” ишканасынын жетекчиси болуп турганда "270 миң доллар өлчөмүндө мыйзамсыз сый акы алган... Читать дальше...

Буэнос-Айреске чогулган "Чоң жыйырманын" финансы министрлери дүйнө өлкөлөрүн соода согушунун алдын алыш үчүн диалогду күчөтүүгө чакырышканы менен эки күндүк саммиттен кийин конкреттүү кадамдар тууралуу макулдашуулар кабыл алынган жок. 22-июлда жарыяланган саммиттин комюникесинде глобалдык экономика дагы эле күчтүү экени, бирок орточо мөөнөттөгү кооптуу жагдайлар көбөйгөнү белгиленген. Бир күн мурда бул саммитте сөз сүйлөгөн Эл аралык Валюта Фондунун (ЭВФ) башчысы Кристин Лагард соода согушунун... Читать дальше...