Новости за 13.07.2018

Пакистандагы шайлоо өнөктүгү маалында жасалган эки башка чабуулда курман болгондордун саны 90дон ашты, алардын арасында парламенттик шайлоого катышып жаткан талапкерлер да бар. Жарадар болгондордун саны 180ге жетти. Полициянын билдиргенине ылайык, Кветта шаарындагы чабуулду жанкечти уюштурган. Курман болгон 70тей кишинин арасында 25-июлда өтчү шайлоого ат салышып жаткан Сираж Раисани да бар экени такталды. Ошол эле күнү дагы бир талапкер Акрам Хан Дурранини бутага алган жардырууда төрт киши курман болуп, 30тан ашуун киши жаракат алды. Читать дальше...

Кошмо Штаттардын Юстиция министрлиги Орусиянын Башкы аскерий чалгын мекемесинин (ГРУ) 12 кызматкерин Американын Улуттук демократиялык комитетинин, президенттикке талапкер Хиллари Клинтондун, АКШнын Демократиялык партиясынын комитетинин серверлерин бузушкан деп айыптады. Аларга ошондой эле хакерлерден алган маалыматты ачыкташкан деген айып тагылды. Башкы прокурордун орун басары Род Розенштейн 13-июлда жарыялаган маалыматка ылайык, 2016-жылы ГРУнун өкүлдөрү Клинтондун штабынын кызматкерлерине жана... Читать дальше...

Пакистандын буга чейин үч жолу өкмөттү жетектеген Наваз Шариф кызы Мариям Наваз экөө Лахор шаарындагы эл аралык аэропортко жума күнү кечинде келип конгондо камакка алынды.  Анын учагы жергиликтүү убакыт боюнча кечки саат тогуздарда конду. Ага чейин эле аэропорт курчоого алынып, коопсуздук чаралары күчөтүлгөн. Шарифтин миңдеген тарапташтары аэрпорттун айланасында топтолуп турушту. Бийлик Лахордогу интернетти чектеп, аэропортко барчу жолдорду тороду. Бир жыл мурда коррупцияга айыпталып өкмөт башчылыктан... Читать дальше...

Башкы прокуратура Улуттук тарых музейинин имаратын оңдоп-түзөөгө жана керектүү жабдык алууга бөлүнгөн каражат "мыйзамсыз колдонулган" деген факты боюнча кылмыш ишин козгоду. Башкы көзөмөл мекемесинин басма сөз кызматы кабарлагандай, Кылмыш-жаза кодексинин 189 (Аукцион, тендер, ачык соода өткөрүү тартибин бузуу), 304 (Кызматынан кыянаттык менен пайдалануу), 306 (Кыргызстандын кызыкчылыгына каршы келген мамлекеттик сатып алууларды ишке ашыруу, келишим түзүү), 308 (Бюджеттик каражатты мыйзамсыз пайдалануу)... Читать дальше...

Пакистандагы шайлоого байланыштуу эки башка чабуулда кеминде 74 киши курман болду, алардын арасында парламенттик шайлоого катышып жаткан талапкерлер да бар. Жаракат алгандардын саны 150гө жетти. Полициянын билдиргенине ылайык, Кветта шаарындагы чабуулду жанкечти уюштурган. Курман болгон 70тей кишинин арасында 25-июлда өтчү шайлоого ат салышып жаткан Сираж Раисани да бар экени такталды.  Ошол эле күнү дагы бир талапкер Акрам Хан Дурранини өлтүрүүгө багытталган жардырууда төрт киши курман болуп, 30тан ашуун киши жаракат алган. Читать дальше...

Өзбекстандын башкы прокуратурасы ишкер жана Эл аралык бокс федерациясынын президенти Гафур Рахимовду издөө салынгандардын тизмесинен чыгарды. "Кармалса камакка алынсын" деген чечим да күчүн жоготту. Тийиштүү токтом 10-июлда кабыл алынганын “Азаттыктын” өзбек кызматына күч түзүмдөрүндөгү булактар ырасташты. 66 жаштагы ишкер 2010-жылы Өзбекстандан чыгып кеткен. Ошондон соң ага “кылмыштуу кирешени мыйзамдаштырган”, “жалган документ жасаган" деген кинелер боюнча кылмыш иши козголуп, Интерполго издөөгө берилген. Читать дальше...

Кыргызстанда жылына 60 миңден ашуун абитуриент орто мектепти аяктап, турмуш жолуна аттанууда. Алардын алдында турган эң башкы милдет туура чечим чыгарып, туура кесип тандоо болуп саналат. “Азаттык+” бул чыгарылышын жогорку окуу жайларды акмалап, кесип тандоо алдында турган мектеп бүтүрүүчүлөрүнө арнады.

Кошмо Штаттардын президенти Дональд Трамп Британия менен Американын алакасы "абдан, абдан бекем" экенин айтты. "Sun" басылмасында 13-июлда жарык көргөн маекте Трамп Британиянын премьер-министри Тереза Мэйдин Евробиримдиктен чыгуу саясатын ачык сындаган. Ал Мэйдин планы Кошмо Штаттар менен түзүлгөн бардык соода келишимдерин "өлтүрүшү мүмкүн" деп айткан.  Бирок Мэйдин Чекерстеги резиденциясында жасаган билдирүүсүндө Трамп президент катары Британияга жасаган биринчи сапарында ал жана Мэй алакаларды... Читать дальше...

Социалдык тармактарда "мас абалында жаш балдардын бассейнинде сууга түштү” деп сөз болгон Улуттук коопсуздук боюнча мамлекеттик комитеттин (УКМК) кызматкери Ильяз Амангазиев иштен алынды.

Бүгүн, 13-июлда Бишкек-Нарын-Торугарт автоунаа жолунун 44-чакырымында “Мерседес” үлгүсүндөгү авоунаа жол кырсыгына кабылып, андан үч киши каза болду. Бул тууралуу Өзгөчө кырдаалдар министрлиги кабарлады. Окуя болгон жерге министрликтин Токмок шаарындагы №21 аскерлештирилген өрт-куткаруу бөлүмүнөн 5 кызматкер тартылган. Алар унаага кыпчылып калган маркумдарды чыгарып, райондук ички иштер башкармалыгынын кызматкерлерине өткөрүп беришкен. Бишкек-Нарын-Торугарт жолунун 44-чакырымы Чүй облусунун Ысык-Ата районуна туура келет. Читать дальше...

Британияга келген Дональд Трамп премьер-министр Тереза Мэйдин дарегине ачуу сөздөрдү айтты. Аз мурда ачылган өзбек-тажик чек арасында айрым товарлар белгилүү бир салмактан ашса киргизилбей жатат. Бук болгон букалардан качып кутулуу оюну кызуусунда.

Бактыбек Алайчиев Ош облусунун Өзгөн районунун мамлекеттик администрация башчысы – акими болуп дайындалды. Тийиштүү буйрукка премьер-министр Мухаммедкалый Абылгазиев кол койду. Өкмөттүн башка буйругуна ылайык, берген арызынын негизинде мурдагы аким Олжобай Осмоналиев ээлеген кызматынан бошотулган. Осмоналиев бул кызматка 2017-жылы дайындалган.  Өзгөн району Кыргызстандагы калк жыш жайгашкан район болуп саналат. Мамлекеттик статистикалык комитеттин маалыматы боюнча 2018-жылы райондун калкы 267 миң адамды түзгөн. Читать дальше...

Кыргызстандын аймагына 112 автоунаа контрабандалык жол менен ташылып келгени, андан мамлекет 100 млн. сом зыян тартканы аныкталды. Бул тууралуу Экономикалык кылмыштарга каршы күрөш боюнча мамлекеттик кызмат (Финансы полициясы) кабарлады. Транспорт каражаттарынын 25 даанасы жүк ташуучу унаалар болгон. Алардын баары учурда камакка алынды. Бажы төлөмү төлөнбөй өлкөгө киргизилген бул автоунааларды Жалал-Абад облусунун Кара-Көл шаардык автотранспортту каттоо жана айдоочулук күбөлүк берүү департаментинин кызматкерлери каттап беришкен. Читать дальше...

Түркия Пакистанга 30 аскердик тик учак сатууга макул болду. 13-июлда "Анадолу" мамлекеттик агенттиги кабарлагандай, T129 ATAK үлгүсүндөгү тик учактарды сатуу боюнча келишим Түркиянын Аэрокосмикалык агенттиги менен Пакистандын Коргоо министрлигинин ортосунда түзүлгөн.  Түркия ошондой эле логистика жагын карап, тетиктерин камсыз кылып, учкучтарды машыктыруудан өткөрүү жагын өзүнө алган.  Агенттик келишим канчага бааланганын белгилеген эмес. Бирок жергиликтүү башка маалымат каражаттары болжол менен 1,5 миллиард долларга бааланганын жазышты. Читать дальше...

Чүй облусунун Молдовановка айылындагы №1 жатак абагында 21 жаштагы жоокер Калашников автоматынын огу ээгине тийип жарадар болду. Бул тууралуу Жаза аткаруу мамлекеттик кызматы (ЖАМК) билдирди. Анын маалыматында айтылгандай, бул кызматтын Кайтаруу жана коштоп жүрүү департаментинин аскери М.А. бүгүн эртең менен табылган. Ага кызматташтары биринчи жардам көрсөтүп, Чүй облустук ооруканасына жаткырышкан. Мекеме дарыгерлерге таянып билдиргендей, ага операция жасалган, абалы оор. Окуя болгон жерге ЖАМКтын... Читать дальше...

Алдыдагы дүйшөмбүдө АКШ жана Орусия президенттеринин алгачкы эки тараптуу жолугушуусу өткөнү турат. Хельсинкидеги саммитти утурлай Трамп Путинди душман эмес, атаандаш деп атады. Бирок бул сөздөрү үчүн мекенинде оппоненттеринин сынына кабылды.

Бишкек шаардык кеңеши 13-июлда кезексиз жыйында мэр Албек Ибраимовго ишеним көрсөтпөө тууралуу чечим кабыл алды. Депутаттар токтомду премьер-министр Мухаммедкалый Абылгазиевге жөнөтүштү.

Бишкек шаардык кеңеши 13-июлда кезексиз жыйында мэр Албек Ибраимовго ишеним көрсөтпөө тууралуу чечим кабыл алды. Депутаттар токтомду премьер-министр Мухаммедкалый Абылгазиевге жөнөтүштү.

Аргентинанын Тышкы иштер министрлиги Орусиядан Ирандын мурдагы тышкы иштер министри Али Акбар Велаятини кармап, экстрадициялоону суранды. Мурдагы министр Аргентинада 1994-жылы Буэнос-Айресте 85 кишинин өмүрүн алган чабуулдагы ролу үчүн күнөөлөнүп келет.  Учурда Ирандын Жогорку руханий лидери Али Хаменеинин улук кеңешчиси Али Акбар Велаяти 12-июлда Москвада орус президенти Владимир Путин менен жолугуп, 13-июлда Кытайга кетүүнү боолголоп жаткан.  Аргентинанын Тышкы иштер министрлиги өз билдирүүсүндө... Читать дальше...

14-июлда Кыргызстанда тоолуу райондордо мезгил-мезгили менен өткүн өтүп, күн күркүрөп турат. Дыйканчылык аймактарда жаан-чачын болбойт. Батыш тараптан келген шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 15…20, күндүз 29…34, Таласта түнкүсүн 11…16, күндүз 28…33, Баткенде, Ош менен Жалал-Абадда түнкүсүн 17…22, күндүз 31…36, Ысык-Көлдө түнкүсүн 8…13, күндүз 20…25, Нарында түнкүсүн 7…12, күндүз 20…25, Бийик тоолуу райондордо түнкүсүн -2...+3, күндүз 9…14 градус болот. Читать дальше...

2018-жылдын алгачкы алты айында Кыргызстанда 1593 өрт кырсыгы катталып, "тилсиз жоо" 35 адамдын өмүрүн алып кеткен. Бул тууралуу Өзгөчө кырдаалдар министрлиги кабарлады. Каза болгондордун бири жаш бала. Мындан сырткары дагы 29 адам жабыркаган. Ошол эле кезде куткаруучулар өрттөн 56 адамдын өмүрүн сактап калышкан. Электр жабдууларын колдонуудагы этиятсыздык жана балдардын от менен ойногону өрттөргө себеп болгон. Былтыр алгачкы алты айда өрт кырсыктарынан 42 адам каза таап, 55 адамдын өмүрү сакталган. Читать дальше...

Азербайжан бийлиги билдиргендей, "эки полициячыны өлтүрдү" деп шек саналган эки жарандын бирөө жок кылынды. Ички иштер министрлиги 13-июлда маалымдагандай, Расад Боюккишиев деген шектүү өлкө чыгышындагы Шамкир шаарында болгон атайын операция маалында өлтүрүлдү. Министр дагы бир шектүү Фарух Касимов кармалганын кошумчалады.  10-июль күнү кечинде өлкөнүн Бакудан кийинки эле экинчи чоң шаары – Ганжинин мэриясынын алдына 200дөй адам уруксат берилбеген нааразылык акциясына чогулган. Аларды полиция кызматкерлери... Читать дальше...

КСДП партиясынын төрагасы, экс-президент Алмазбек Атамбаев Бишкек шаардык кеңешинин мэр Албек Ибраимовго ишеним көрсөтпөө аракети тууралуу билдирүү таратты. Мурдагы мамлекет башчысы мунун артында саясий себеп бар деп эсептейт. “Албек Ибраимовго атайылап жасалып жаткан саясий куугунтуктун жана каралоолордун жыйынтыгы түшүнүктүү эле болчу. Анын ишине кантип тоскоолдук кылып, кантип шыбап атышканын көрүп жатасыңар. Бул жарым жылдан бери уланууда. Мунун баары коррупция менен күрөшүүгө эч кандай тиешеси... Читать дальше...

Орусияда террорчулукка байланыштуу айыпталып, 20 жылга эркинен ажыратылган украиналык режиссер Олег Сенцовдун энеси орус президенти Владимир Путинге кайрылып, уулуна ырайым берүүнү өтүндү.  - Сизди Олегдин актыгына ынандыргым келбейт, бирок мен өзүм буга толук ишенем. Ал эч кимди өлтүрбөгөнүн гана айта алам. Ал төрт жыл абакта отурду. Аны балдары күтүп жатышат. Кенже уулу аутизм менен жабыркайт. Алар атасын сагынып жатышат. Алар эч качан атасыз бактылуу боло алышпайт, - деп жазган Людмила Сенцова Путинге жазган катында. Читать дальше...

Сыртынан 10 жылга абакка кесилген Пакистандын мурдагы премьер-министри Наваз Шарифтин жана анын кызы Мариямдын мекенине кайтышын тарапташтары күтүп жатышат.  13-июлда Шарифтин кичи мекени саналган Лахор шаарында миңдеген полиция кызматкерлери мобилизацияланып, аэропортко барчу негизги жолдор торолду. Наваз Шарифтин “Мусулман лигасы" партиясынын жетекчилиги билдиргендей, Шарифтин кайтышын утурлай митинг өткөрүлөт деген кооптонуу менен бийлик кыймылдын жүздөгөн мүчөлөрүн камап жатат. Лиганын башчысы... Читать дальше...