Маршо Радион тIаьххьара керланаш (24.09.2019)
Сунжехь елла йоI, Дагестанехь йийна кхо зуда, байинчу нохчех компенсаци кхачор. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Сунжехь елла йоI, Дагестанехь йийна кхо зуда, байинчу нохчех компенсаци кхачор. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Оьрсийчоьнан оппозиционер Немцов Борис вийна аьлла, набахте хьажийначу Губашев Анзоран латкъамбина, ламаз ца дойту шега, ишта шегарчу КъорIанан муьжалт а ятIийна аьлла. Адвокате Молодежников Викторе дийцина Губашевс, кху аьхка шен камерех хьовсучу заманчохь КъорIанан муьжал ятIийна, ша бетах хьокху гата лаьтта а кхоьсира шен аьлла. Ишта цо далхийна, кест-кеста ламаз дечу заманчохь а дуьхьалонаш латтайо шена аьлла, яздо "Медиазона" хьостано. Губашев Анзоран хIусамнанас кехат дахьийтина хиллачух Нохчийчоьнан куьйгалхочуьнга Кадыров Рамзане. Читать дальше...
Украинан Инарла прокуратуре кхайкхамбина бакъонашларъярхоша, Оьрсийчоьно къиза зуламаш лелийна аьлла, бехкевен нохчо Илаев Ахьмад дIацавалар доьхуш. Цара чIагIдарехь политикан бух тIехь ду иза дIавехар. Шинаридийнахь "Интерфакс-Украина" агенталлан адвокато Ангелов Ивана дийцина, карарчу заманчохь Украинан Инарла покуратура толлуш ю Илаевна экстрадици яр доьхуш Оьрсийчоьно дахкийтина кехаташ, ткъа Илаев ша цкъачунна лаьцна ву аьлла. Илаевн адвокато бахарехь, Украинехь лецира иза Нохчийчохь стаг вийна цо... Читать дальше...
Нохчийчохь цхьа зама хьалха къаьркъа, чIагIар "охьаотуш" гойту видео ю моьттур ду хIара юьхьанца. Амма тIахьо хуур вайна, нохчаша, Францехь, стенна оту тоьллачех долу Бордо-маларш!
ГIалгIайчуьрчу а, Нохчийчуьрчу а пхеа зудчо арз хьажийна Оьрсийчоьнан президентан цIарх берийн бакъонаш ларъечу векале Кузнецова Аннига. Губашева Асяс а, Кодзоева Зарифас а, Муружева Лайлаа а боху, Iедало кхочуш ца бо кхелийн сацамаш, шаьш марехь Iийначу божарша ца гойту шайна шайн бераш. Ткъа Сагова Хедас а, Хамзатова Маликас а яздина, шаьш, наной, дийна доллушехь, хийрачу нахе леладойтуш ду шайн бераш. "Иза диллина лела хьал ду ГIалгIайчохь. Тхуна шерашкахь ца гойту тхайн бераш, кхелаша тхоьгахьа бина сацамаш карахь боллушехь"... Читать дальше...
Нохчийчохь полисхоша лецначул тIаьхьа вайначу 10 стагах церан гергарчарна 920 эзар евро компенсаци яла тIедожийна Европан адамийн бакъонийн кхело Оьрсийчоьнна. Кхелан сайт тIехь зорбане баьккхина суьдхойн сацам. 2001-2003-чу а шерашкахь низамаш дохош тIеман декхарш кхочушдечара лецначул тIаьхьа байначийн гергарнаш бу кхеле бевлларш аьлла, яздина ду хаам тIехь. Кху беттан 17-чохь Нохчийчохь тIепаза вайначу бархI жимчу стеган гергарчу наха а латкъамбина Страсбургерчу кхеле.
ТIаьххьарчу кхаа баттахь ГIалгIайчуьрчу кхаа гIаланийн мэраша даржаш охьадехкина аьлла, хаамбина "News tracker" хьостано. Дуьххьара ша дIаволуш хиларх хаамбира Магасан мэро Цечоев Беслана. Цунна тIаьххье оршотдийнахь даржаш охьадехкира Наьсаран а, Малгобекан а куьйгалхоша Тумгоев Алихана а, Эгиев Сулеймана а. Социалан машанашкахуда дIахаийтина цара шаьш даржех мукъадовларх. Официалехь даржашкара довларан бахьанаш довзийтина дац цара. Ханна Магасан мэран декхарш кхочушдан хIоттийна Марзиев Мохьмад. Читать дальше...
Оьрсийчоьнан пачхьалкхан гуманитаран университетерчу дин Iамочу Центран доценто Фаликов Бориса "Вечер" программан эфирехь дийцина, кхузаманан Оьрсийчуьра нах хIунда теша шаманех а, бозбунчех а.
Муха кхуьу Кадыров Ахьмадан фондера ахча Дукха бу Къилбаседа Кавказехь, шайн мохк а безаш, цунна сагIадан кийча совдегарш. Цхьаболучара ло ахча даггара, амма, шаьш оьзда нах хиларе терра, къайлахьо дийриг. Кхечара шайгара даьлла дика хьулдо, иза гIарадаьлча шайна зен хиларх а кхоьруш. Къаьсттина кIезиг гойту шаьш даймахканна рицкъ кховдош бусалба къаьмнех болчу совдегарша. Цундела, масала, хила а тарло Оьрсийчохь уггаре дукха хьал доладерзийначийн могIарахь волчу гIалгIайн миллиардеро Гуцериев... Читать дальше...
Дагестанерчу Дербентан кIоштара вахархо Джалилов Бедел бехкевина кхо адам дерна. Нана а, цуьнан кхиазхо-йоI а, шен вешин зуда а йийна цо, хаамбо REGNUM агенталло. 1993-чу шеран гурахь шен 14 шо долчу заманчохь йийна цо шайн эвлара нана а, йоI а. Шен ден топ а эцна шеца доьшуш йолчу йоьIан хIусам чу а ваьлла хиллера иза хIетахь. ХIусамнанна дера чевнаш йинера цо, ткъа цуьнан йоIе чохь мел долу мехал хIума шега схьало аьллера. Ахча а, деши цо шега дIаделлачул тIаьхьа, герз тоьхна иза а йийна, къайлаваьллера Джалилов. Читать дальше...
Казахстанан хиллачу президенто Назарбаев Нурсултана дIахьедина, вовшахтоьхначу дуьненаюкъарчу зуламан тобанех цхьа тептар хIоттон деза аьлла. Евразин пачхьалкхийн парламентхоша кечдан деза и, цо дика жамIаш лур ду терроризмца бечу къийсамехь аьлла хета цунна. Ишта Казахстанан лидеро кхайкхамбина парламенташка, пачхьалкхийн куьйгалхошна жигара тIеIаткъам баре доьхуш, цаьрга социалан хеттарш листийтарехь. News.ru хьостано хьалхо яздира, полицино а, ФСБ-но 2019-чу шарахь пачхьалкхан 17 махкахь "Исламан... Читать дальше...
ГIалгIайн къоман цхьааллин комитетан куьйгалхо Мальсагов Муса а, "Опора Ингушетии" боламан хьалханча Чемурзиев Барах а лаьцна вуьтур ву ГIуран-беттан 25-чу дийне кхаччалц, хаамбо "Мемориало". Зазадоккху-баттахь Магасехь йоьдучу митингехь Iедалан векалшна дуьхьал ницкъ баьккхина аьлла, бехкаш дехкина цушинна. Итт шо гергга хан кхачайо оппозиционершна дохкучу бехкашца а догIуш. Мальсагов а, Чемурзиев а, ишта кхин а виъ жигархо а политикан тутмакх ву аьлла, дIакхайкхийра "Меморило".
Кхарачойн-Чергазийчоьнан цIарах сенатор лаьттинчу Арашуков Рауфан а, цуьнан ден, "Газпром межрегионгаз" компанин инарла директоран хьехамчан Арашуков Раулан а чохь йоккху хан дIаяхъяр дехна талламчаша. Кхелахойн пресс-гIуллакхойн информацина тIетевжина, бина цунах хаам "Интерфаксо". Арашуков-жимахверг бехкево ши стаг вейтарна а, зуламхойн тобанехь хиларна а, тешана тIеIаткъамбарна а. Арашуков Рауль таIзаре хIоттийна зуламхойн тоба вовшахтохарна а, "Газпроман" 30 миллиард сом ахча даарна а. Дас а, кIанта а бехкаш тIе ца лоцу. Читать дальше...
ГIалгIайчуьрчу Экажево эвлахь 11 шо долчу кIентан дакъа карийна. "Ангушт" телеграм-канало Iорадаккхарехь, садукъийна вийна лараш ю цунна тIехь. Официалехь информаци яц хиллачух. Кхиазхочун гергарнаш кхеташ бац, хIун бахьанаш хIиттина хилла цунна. Ницкъаллийн структураша толлуш ду гIуллакх.
ГIалгIайчоьнан талламхойн органаша зен долийна Сунжа-кIоштарчу хIусамехь газ дIаихна хьахаран хьожанехь еллачу кхиазхочух гIуллакх, яздо "Интерфакс-Юг" хьостано. "Яхначу кIиран буса луьйчучу чохь Троицкерчу доьзалера 14 шо долу йоI елла карийна. ДегIа тIехь ницкъбина лараш яц. Хетарехь, газ дIаихна цуьнан хьожанехь елла и йоI", - аьлла. хаамбина прокуратуран пресс-гIуллакххоша.
Официалехь дукха зударий хилар къобалдан деза аьлла, хьехна юха хаьржинчу Оьрсийчуьрчу бусулба Динан урхаллан куьйгалхочо Гайнутдин Равила."КIезиг бу Оьрсийчохь бусулба боцу божарий, шиъ, кхоъ зуда йоцуш? Кхузахь терзан тIе дилла деза - йа 40 зудчуьнца юьстах вийлар, царех цхьана а кепара жоьпалла тIе а ца лоцуш, масех бер дIа а тесна вахар гIоле ду, йа ши зуда цIартIе а яьккхина, Далла хьалха а, низамашна хьалха а жоьпалла тIе а эцна вахар тоьла?", - аьллачу Гайнутдинан дешнаш далийна "Интерфакс" агенталло. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.