Новости за 20.09.2019

Кадыров, Нухажиев – Европера эксперт махка а кхачале: Нохчийчохь сакхташ каро йоллу Европан Кхеташонан Парламент, "Серноводскан кIошт" ю хIинца Соьлжан кIоштан цIе, Зуда Iамеркахо хиларна, даржехь лакхаваккха ца магийна космонавт Маленченко. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Узбекистанан парламентан шина а декъан депутаташа тIечIагIйина дозалшкара барамаш дIабахьаран бакъо, хаамбо Маршо Радион узбекийн сервисо. Цуьнца а догIуш, тIедогIучу шарахь дуьйна дIа бахархойн бакъо яц зуда ялийначу бараме 200 сов стаг кхайкха. Пилу динчу пхьоре йиш яц гулвала 250 сов стаг. Кхаа дийнал дахдан мегаш дац тезет. Кхиболу барамаш, тезет доцург, берзо беза цхьана дийнахь, Iуьйранна ялх даьлча боло а  мега, сарахь 11 сахьт даьлча бирзина хила а беза. Диканна гулбеллачийн бакъо яц "къоман Iадаташца ца богIу барамаш хIитто". Читать дальше...

Хандешан кхаа хенах цхьаъ ю КАРАРА ХАН. ХIума хIинцца деш я хуьлуш латтар гойту цо.

Оьрсийчохь космонавтиках урхалла дечу Роскосмосо ца магийна комонавташ кечбечу центран буьйранчин гIовс хIотто космонавт Маленченко Юрий. Цуьнан бахьана ду космонавтан зуда Екатерина Iаьмеркан паспорт долуш хилар. Космонавтийн гонерчу хьастанна тIе а тевжаш, и хаам баржийна РИА "Новости" агенталло. 57 шо долу Маленченко 1987-чу шарахь дIаийцира космонавтийн тобане, 1994-чу шарахь дуьххьара вахара космосе. 2003-чу шарахь, иза дуьненна го тосуш, стиглахь волччу юкъанна дIабаьхьира цо зудаялоран барам. Читать дальше...

Нохчийчоьнан парламенто шен 81-чу гуламехь кхочушдина Соьлжан кIоштан депутатийн кхеташоно шайн кIоштан цIе "Серноводски" цIарца хийцар доьхуш дина дехар. Оцу хьокъехь хаамбина шен Instagram-ехь парламентан спикера Даудов Мохьмада. "Депутаташ, цхьаъ санна, резахилла Нохчийчоьнан Соьлжан кIоштан цIе "Серноводски" цIарца хийца", яздина цо. "Соьлжан кIошт" цIе лелош ши кIошт яра ул-уллехь – Нохчийчохь а, ГIалгIайчохь а. Оцу бахьаница хьахочун билгалдаккха дезаш нислора, муьлха кIошт ю юьйцург. ... Читать дальше...

Лачкъалуш боцу цабезам буссу Нохчийчоь хьахалушшехь Европан Кхеташонан Парламентан Ассамблеяга а, кхийолчу Европерчу хьукматашка а, дIахьедина мехкан куьйгалхочо Кадыров Рамзана а, омбудсмено Нухажиев Нурдис а. Кху деношкахь Нохчийчохь хир ву Европан Кхеташонан Парламентан Ассамблеян цIарх меттигера адамийн бакъонаш талла а, тIаьхьо Ассамблеяна хьал довзийта а векал вина волу Швабе Франк.   "Нохчийчоь муьлххачу а делегацица къамелдан кийча ю, иза арахьарчу гIуллакхийн министралло магийна йогIуш елахь. Читать дальше...

Шемахь а, Иракъехь а тIемаш бинчу шайн махкахойх дисина бераш а, зударий а цIаберзош ду Гуьржийчоьнан Iедал. Кеп-кепарчу тобанашкахь тIемаш беш лелла массийтта бIе Гуьржийчоьнан вахархо. Иракъехь 20 шо хан а тоьхна, набахте хьажийначу шен йоьIан бераш кхобучу воккхачу стагца цхьаьнакхийтира "Карарчу Хенан" корреспондент.