Новости за 29.09.2019

Оьрсийчоьнан чоьхьарчу гIуллакхийн министралло керла низаман проект кечйина, полисхой интернетехь "сийсазбарна" а, "цаларарна" а, "церан сий дойуш" хаамаш Iорабахарна а административан гIуда тохар юкъадоккхуш. Бакъонан актийн порталехь зорбане яьккхина низаман проект, цкъачунна йийцареян пачхьалкхан Думе дIакхачонза ю. Проектан дийнна текст зорбане ца яьккхина, карабогIу бутт бале юкъараллехь цунах хетарг девзинчул тIаьхьа кхи дIа болх бийр болуш бу цу низам тIехь. Чоьхьарчу гIуллакхийн министраллехь тешна бу... Читать дальше...

"Исламан пачхьалкх" шех олучу тобанхойн юкъархошна ахчанаш латторна Нью-Йоркерчу бехккъасторхойн кхело бехкевинчу Узбекистанера схьаваьллачу Касымов Дильхаетна набахтехь даккха 30 шо хан кхайкхийна. 2015-чу шеран Охан-баттахь Бруклинерчу федералан кхело бехкаш кховдийнера Касымовга. Суьдхойн версица, 2015чу шарахь кхин цхьана узбекхочуьнца Хабибов Аброрца цхьана 1600 долларшкахь ахча гулдина хилла цо, Казахстанан вахархочуьнга Саидахметов Ахроре дIакхачон дагахь. Ткъа иза шен накъостца Гергарчу Малхбалера... Читать дальше...

Шемара а, Иракъера а шайн 235 вахархо цIа вало дагахь бу Узбекистанан Iедалхой. Кхерамзаллан Кхеташонан гуламехь дIахьедина цунах арахьарчу гIуллакхийн министро Камилов Iабдулазиза. "Тахана Иракъера 65 бер а, Шемара 170 стаг а цIаван ларвеш ду тхо. Дуьненаюкъарчу организацийн а, Гергарчу Малхбалехь хуьлучу процессашна юкъахь йолчу пачхьалкхийн а накъосталла оьшу тхуна. Къаьсттина, ООН-ан Кхерамзаллан Кхеташонан декъахошкара гIо оьшу",-аьлла Камиловс. Узбекистанан тоъал зеделларг ду Шемара а, Иракъера а цIабалийначарна реабилитаци ярехь... Читать дальше...

Шен йоI маре йоьдучу дийнахь цунна уллохь сурт дакххийтарна бехкала вахна, Нохчийчоьнан куьйгалхочуьнга шена гечдар дехначу йоьIан дас кхин цкъа а кийча ву ша аьлла, бехказвийла. Дайн шира Iадаташ дохорца, мехкан куьйгалхочунна вас ян лаам бацара шен аьлла, билгалдаьккхина цо. Со нийса ву аьлла, тешна ву со, мехкан куьйгалхочуьнга а, махкахошка сайна бехк ца биллар дехарца аьллачу ден дешнаш даладо URA.RU хьостано. "ЙоI нехан цIентIе яха кечлучу заманчохь", ша декхаре вацара аьлла цо цигахь гучувийла... Читать дальше...

КIирандийнахь президент къастош кхаьжнаш тийсар дирзина ОвхIанистанехь. Пхи эзар гергга харжамийн куп яра болх беш цу дийнахь. Коьртачу кандидаташлахь вара карарчу хенахь президент волу ГIани Ашраф а, премьер-министр Iабдулла Iабдулла а. Кхаьжнаш тийса буьйлабеллачул тIаьхьа лелхийтарш дира масех куьпахь. Мел лахара а пхи стаг вийна, иттанашкахь нахана чевнаш йинера. "Талибан" олучу радикалан тобано жоьпалла шайна тIелаьцна динчу зуламех. Харжамийн де герга кхачале тIалибаша дIахьединера, шаьш кхаьжнаш тасар юкъахдоккхур ду... Читать дальше...