Новости за 04.09.2019

Интерполо дIавайина Бакаев, кхеле хIоттийна суьлий, мандатех баьхна депутаташ. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а)

ГIалгIайчохь дейишас къизаллица йиттина, дарбан хIусаме кхачийначу Ажигова Iайшин ши ваша школе дIа ца эцна, церан нана даимна а цхьанхьа ехаш ю аьлла, дIаязйина ца хиларна аьлла, хааме даьккхина кхиазхойн гIуллакхашкахула йолчу хьукматан куьйгалхочо. Ша йоI Москварчу профессоран Рошаль Леонидан клиникехь Iуьллуш ю, масех пластикан операци а ю цунна ян езаш аьлла лоьраша. "Тхайн цIенна гергарчу школе вахийта хьаьжнера со ши кIант. Директор цкъа реза хилира, юха цуьнан гIовса меттиг бац элира. Сайн боцчу аьттонца... Читать дальше...

ТIаьххьарчу шерашкахь лела боьлла Нохчийчу туристаш. Делахь а, дукха бу цига бахка ца хIуьтту нах а - кхетамера ца бовлу цигахь лаьттина тIемаш. Цецбовлу махка баьхкина туристаш, дуьйцурггий, гурггий къаьсташ хааделча. Нохчийчоь арахьарчу наханна йовзуьйтуш хьийза дукха шераш хьалха дуьйна а Девкар-Эвлара Болотбиевгеран доьзал. Туристашна-хьешашна нохчийн кхача марзболуьйту цIийннанас Зараа, къоман иллеш хозуьйту ша локхучу дечиг-пондарца майрачо ХIарона. Цаьрга баьхкинчу туристех кху деношкахь тIаьххьарнаш... Читать дальше...

Бакыт Торегельди уулу,                                                                                          Маршо Радион гIиргIазойн сервис - Азаттык Бишкекна 20 чаккхарма юьстах лаьттачу Кой-Таш юртахь вехачу Атамбаев Алмазбекан, шайн пачхьалкхехь президент Iийначу стеган, ков-керт доккхуш хьийзира ГIиргIазойчоьнан ницкъаш.  Цхьа стаг, ницкъхо, вийра, 136 стаг лазийра цигахь. ТIаьххьара а лаьцна, дIавигира цIийнан 63 шо долу да. Махко чохь валлош хилла нохчо, тутмакхийн эла Батукаев Iазиз,... Читать дальше...

Ялх эскархо а вуьйш, Нохчийчохь Росгвардина тIелатар дина аьлла, Интерполо лехамашка велла Нохчийчуьра вахархо Бакаев Iела тептарера дIаваьккхина аьлла, хаамбо РБК агенталло. Украинехь лаьцна латточу Бакаевс политикан тховкIело ехнера оцу пачхьалкхан Iедалхошка. 2017-чу шарахь Нохчийчохь Росгвардина кIелойина цо аьлла, Оьрсийчоьнан Талламан комитето бехкевеш хиллачу Бакаевх информаци дIаяйина шаьш аьлла, Iорадаьккхинчу Интерполон инарла секретариатан кехатан копи РБК агенталлан редакцехь ю. Зуламхойх а... Читать дальше...

Къилбаседа Кавказан мехкашкахь юккъера белхан алапаш йоллу Оьрсийчоьнца дуьстича уггар лахара дуьсу шеран хьалхарчу ялх баттахь аьлла, Iорадаьхна терахьаш "Аргументы и Факты. Ставрополь" газетано. Нагахь санна, пачхьалкхерчу белхахочунна юккъерчу барамахь 46210,2 эзар сом кхочуш делахь, Къилбаседа Кавказехь 28262,9 эзар сом хуьлу. Кхарачойн-Чергазийчохь 26070,6 эзар сом. Жимма сов ду Нохчийчуьрчу а, Дагестнерчу а бахархошна кхочург. Алапа лакхара хиларца хьалха ю Ставропол - 30423,4 эзар сом.

Терроризм кхиош ахча делла аьлла, бехкевинчу Абдурашидов Омаран гIуллакхан хьокъехь Европерчу адамийн бакъонашкахула йолчу кхеле латкъам бина. "Кавказ.Реалии" хьостано хьалхо яздира, кху шеран Зазадоккху-баттахь Абдурашидов лачкъийна вигарх. Цо бахарехь, ФСБ-н белхахоша тIехь ницкъбина, АшиковгIеран вежаршна доцург кхоллийтина хиллера цуьнга. Йоьдучу кхелехь Абдурашидовс дIахьедина, ша дина тоьшаллаш бертаза дина ду аьлла. Страсбургерчу кхеле кхачийначу арз тIехь билгалдаьккхина ду, Абдурашидовна тIехь Iазап латтийна... Читать дальше...

Цхьа могIа терроран зуламаш лелийна аьлла, Дагестанерчу Буйнакскехь виъ вахархо кхеле хIоттор ву аьлла, Iорадаьккхина республикерчу Талламан комитетан пресс-гIуллакххоша. Талламчийн информацица, терроран организаци вовшахтоьхна, зуламаш дан Iалашонца Iамораш дIадаьхьна хилла цара, экстремизме кхайкхамаш а беш, бакъо йоцуш герз лелош. Ишта талламчашна къаьстина, 2017-чу шеран Дечкен-баттахь террорхойн тоба цара кхоьллина хилар. Церан Iалашо хилла Буйнакскехь а, Буйнакскан кIоштахь а терроран зуламаш лело, полисхошна тIелетарш а деш.

Шайна тIедогIучу рицкъах деклараци тIехь хаамаш хьулбарна мандатех ваьккхина ГIалгIайчуьра виъ депутат, хаамбина мехкан прокуратурано. Церан версица, Джейрахан кIоштарчу Бейни а, ОльгетIи а ярташкарчу депутаташа ма дарра ца яздина шайн хьал-бахамах.  "Доккхачу декъанна, цара хьулам бина шайн доларчу а, шаьш пайдаоьцучу а ара-чу ца баккхалун бахамах", - аьлла, хааме даьккхина шайн сайтехь ГIалгIайчоьнан прокуратурано.