Новости за 03.09.2019

Германин шахьарахь, дийнан делккъехь шайн къоман стаг веро оьгIазалла йоссийна меттигерчу нохчийн дегнаш чу. Оцу хьолехь бу Европера а, Гуьржийчуьра а, Нохчийчуьра а дукхахболу церан махкахой а. Таллам болалуш бен бац, амма яц шеко Германис леррина зулам толлуш хиларх. Маршо Радион векалш хилира Берлинехь, цхьаьнакхийтира зулам толлучу говзанчашца а, Хангошвилин йиша-вешица а, цIийнненаца а, иза вер Iаткъинчу бахархошца а.

Вийначу тутмакхах компенсаци ехар, доьшийлийн къоьлла, маьждигийн кхачо (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а)

Шен рогIера Iамораш дIахьочу заманчохь Ставрополан кIоштахь Су-25УБ кема чудоьжна шинаридийнахь, хаамбо "Эхо Москвы" радиостанцино. Кеманчуьра охьаэккха ларийна  ши пилот лоьхуш ву карарчу хенахь орцанхоша. Болчу хаамашца, нах боцчу меттигехь чудоьжна хилла кема, цхьанна а дина зен дац.

Журналистан Дудь Юрийн "Беслан. Помни" документалан филм араяьллачул тIаьхьа, 2004-чу шарахь школана тIелатар деш цу чохь хиллачарна лерина меттигерчу бахархоша ахча вовшахтоьхна реабилитацина. Кхаа сахьтехь йоьдучу блогеран кино чохь гойтуш ву Бесланан школехь закъалтехь латтийна масех стаг. Пхийтта шо хьалха хиллачу трагедехь дера чевнаш йина, инвалидаш бисина, гIудалкх чохь лелаш бу уьш. Даим а дарбанаш лело ахча оьшу царна. Дзгоева Фатимин а, Муртазова Дианин а доьзалш шайн бахам дIа а боьхкина... Читать дальше...

Садовская Алёна Нохчийчуьрчу Оьрсийн драмтеатран актеро Дебишев Тимура шена Соьлж-ГIаларчу полицехь еттарх лаьцна дIахьедина, амма талламчаша тергал а ца до иза. Дебишев Тимура, шена 2018-чу шеран Лахьан-баттахь Соьлж-ГIаларчу Ленинан кIоштарчу полицин №2 декъехь гIелойира, аьлла даржийна. Жимчу стага дийцарехь, полице а валийна, наркотикаш юхкучаьрца зIенехь ву аьлла, цуьнгара дареш даха, уьйрийн цIерш йийцийта хIиттина. Корта, тIе телатан тIоьрмиг а боьллина, пенах биттина, ток яьхна дегIах чекх, гехь полисхо текхавайтина. Читать дальше...

Нохчийчуьрчу Динан урхалло "Грозный" телеканале бинчу хаамца, республикан кеп-кепарчу гIаланашкахь а, кIошташкахь а маьждигаш ду хьаладеш. "Дан долийна ду 52 маьждиг, царех 12 Рузба дан таро йолуш хир ду, 40 гергга джамаIат- маьждиг ду. Ислам кхиорхьама мехкан Iедалхоша массо а кепара барамаш лелабо, кхуллуш хьелаш ду", - аьлла, дIахьедина Динан урхаллехь. Дийцарехь, республикан куьйгалхочун омраца Куьршала кIоштарчу Майртуьпахь деш ду пхи эзар стаг чуваха тарлу маьждиг. Кху шеран Товбеца-баттахь... Читать дальше...

Ханна ГIалгIайчоьнан куьйгалхочун декхарш кхочушдечу Калиматов Махьмуд-Iелина хетарехь, цо дIа мел ваьккхина хьаькам кхела хьалха хIотто везаш ву, яздо "Новости" агенталло. "ХIораммо а бинчу балха тIехь мини-ревизи ян еза. Царна таIзар дан ца гIерта со. Цунах бала хIун пайда бу? Ас аьллера, ойла а ца еш, тахханехь сацамаш айса бийр бац аьлла, делахь а, дийзи", - аьлла, билгалдаьккхина Калиматовс. Иштта цо тергоне эцна, ша "дIабаьхна министраш чубохка" бохуш, шена хьехарш деш хилар а. "Со хIинца прокурор вац. Читать дальше...

Нохчийчуьрчу 83 школехь кхаа рожехь доьшур ду бераша кху шарахь. Дахначу шарахь 73 доьшийлехь къоьлла лаьттара аьлла, хааме даьккхина регионерчу дешаран а, Iилманан а министралло. "Дешаран шо долалуш керла 4 школа йиллина Нохчийчохь, шо чекхдалале схьайоьллур йолуш ю кхин а 14. Делахь а, кхаа рожехь дешархой латторна проблема ерзанза юьсу. 83 школехь бераш алсам хиларна, кхаа рожехь болх бан дезар ду", - аьлла дешаран урхаллехь. Цара бахарехь, дахначу шарахь республикерчу 73 школехь хьийхира кхаа рожехь. Читать дальше...

Челябинскерчу набахтехь Iазап хьегна веллачу Исраилов Султанан дас, нанас Нохчийчуьрчу кхеле арз чуделла, шайна динчу зенна а, шаьш кхаба да воцуш дисарна а дуьхьал 15 миллион сом компенсаци тIейожош, яздо "Коммерсанто". Колонин белхахой бехкехиларх сацам Челябинскехь тIеэцна, ткъа компенсаци тIейожош иск Соьлж-ГIаларчу кхеле кхачийна, хIунда аьлча, низамаша бакъо ло и стаг ваьхначу махкахь компенсаци еха. "Зона права" бакъонашларъярхойн организацин адвокато Сабинин Андрейс дийцина, арз чуделларг Исраилов Лема а... Читать дальше...