Новости за 14.09.2019

2020 шо тIекхочуш Оьрсийчохь юккъерчу барамехь пенси хир ду 15 000 сом, ткъа болх беш боцчу пенсионерашна лур ду 16 400 сом. Цунах лаьцна дуьйцуш ду вице-премьеран секретариатехь кечдинчу кехаташна тIехь, хаам бо "Оьрсийчоь тахана" телеканало.   Оьрсийчоьнан Росстато бинчу хаамца, карарчу хенахь Оьрсийчохь юккъерчу пенсин барам бу 14 150 сом.  Цу урхалло чIагIдарехь, иза 1,4 процентан алсам ду цхьа шо хьалха хиллачулла.

Керла сийлалла гучуяьлла Дагестанехь – бахархоша урамашкахь йитина диларш юуш лела да воцу газа, хаам бо "Регион Онлайн" керланийн агенталло. Газан тидам тIебоьдурш ду диларш а, нехаш а чохь йолу тоьрмигаш. Царна чуьра кхалла хIума лоьхуш лела иза.   Иштта ХIинжа-ГIалахь ежаш йолчу газан видео яьржина социалан машанашкахь. Цу видео тIехь гуш ю вуно оза а, бехйелла а лела газа хорбузан чIоьргаш яъа гIерташ йоллуш. Гиначо цецбаьхна а, дог дохийна а бу и сурт гинарш.   Дагестанан бахархоша комментарешкахь яздо... Читать дальше...

"Ростех" олучу пачхьалкхан корпорацин куьйгалхочо Чемезов Сергейс РБК-на ша еллачу интервьюхь комментари йина шен долара ара-чу ца баккхалун бахам хьокъехь Навальный Алексейс биначу талламна, хаам бо Маршо Радион Оьрсийн сервисо. Цо бакъдина коррупцица къийсам латторан Фондо юьйцу петар шен Москох хилар, амма дIахьедар дина цуьнан мах 5 миллиард соьмал лахара бу аьлла – и мах аьллера Навальныйс. "Нагахь 5 миллиард сом цунах суна дала кийча стаг велахь, со кийча ву цунна хIинцца догIанаш дIадала а: "ДIадели, схьада ахча" ала а. Читать дальше...

Велла "Вевзаш воцу гIаттамхо" сурт даккхарна World Press Photo совгIат делла хилла фотожурналист Коул Чарли. Коулан дара 64 шо.   Сурт даьккхина 1989-чу шарахь Мангалан-беттан (Июнь) 5-хь Пекинехь студентийн дуьхьалонан акцеш йолуш Тяньаньмэнь майданехь хьешан цIийнан балконтIера. Цу техь ваьккхина ву танкийн коврана хьалха лаьтта стаг. Цуьнан цIе а, кхоллам а муха хилла хууш дац.   Зорбан гIирсаша билгалдоккху, "Вевзаш воцу гIаттамхо" символ а хилла дIахIоьттина хилар, ницкъах пайда а ца оьцуш, къийсам дIабахьаран. Читать дальше...

Талибанан делегацин дагадовларш хилла Москох Оьрсийчоьнан куьйгалхошца. Меттигерчу зорбан гIирсаша бинчу хаамашца, йийцаре йина ОвхIанистанера машаран процесс. Оьрсийчоьнан арахьарчу гIуллакхийн министралло хаам бина журналисташка, "Оьрсийчоьнан агIор билгалдаьккхина хилар, Iамеркана а, Талибанана а юкъахь дийцарш дӀадахьар оьшуш хилар". Талибанан делегацина коьртехь волчу Станикзаи Шер Мохьаммад Iаббаса Russia Today телеканале дийцарехь, Iамеркаца бинчу бартана тIе куьг таIо кийча хилла уьш... Читать дальше...

ГIалгIазакхийн халкъан исбаьхьаллин кхолламалле хьажаран ловзар хилира Шелковски культуран кхерчехь. Цуьнан цIе яра "Сакъера станичникаш!" (Гуляй, станичники!), хаам бо "Грозный-информ" агенталло. Оцу фестивалехь дакъалоцуш бара Нохчийчохь дехачу дерриг а къаьмнийн културан векалш.   Цул сов, цу исбаьхьаллин кхолламалле хьажаран ловзарехь дакъалаца баьхкинера Ставрополан махкарчу Курски кIоштара "Цхьаьна ирсе ду" (Вместе счастливы) тобанан йишлакхархой а, Дагестанера Пачхьалкхан ГIизларан Теркан гIалгIазакхийн ансамбль а. Читать дальше...

Iамеркерчу кхело 14 де лаьцна чохь даккхийта а, 30 эзар доллар гIуда такхийта а, 250 сахьт юкъараллин белхаш байта а сацам бина актрисе Хаффман Фелисите. Цунах лаьцна хаам бо "Iамеркан аз" зорбан гIирсо. Iамеркехь дIайоьдучу " Desperate Housewives" (СабIаьрзе хIусамнаной) сериалан седа кхушара Стигалкъекъа-баттахь къера хиллера ша бехке хиларна, зулам дан барт барна а, бозбуунчалла лелорна а – цо 15 эзар доллар ахча делла хилла, шен йоьIан хааршна экзаменехь дика мах хадорна.   Кхело шен сацам дIабешале актрисас дIахьедар дира... Читать дальше...

Дагестанан Iедалша терроризмана ахча даларна бехке вечу меттигерчу вахархочо Вагабов Моьхьмадэмина дов хоттуш дIахьедар дина, ша бехк тIелаьцнера шена ницкъ барна аьлла. Цунах лаьцна яздо "Кавказский узело". Вагабовс дийцарехь, 2018-чу шарахь Дечкен-баттахь иза лаьцнера коьртах туьтмIаьжигаш йоьхкина хиллачу наха. Полицин декъе вигина цунна йиттина хилла цара.   Бехкевечуьнга, ток а етташ, дагахь Iама дайтина цо дан деза тоьшаллаш. Вагабовс чIагIдо шена ницкъ бечу наха шен караяхкара бохуш гранаташ а, патарманаш а. Читать дальше...