Новости за 26.09.2019

Хангошвили вийнарг гучуваьлла, эладитта даржочарна Кадыровс дарба дийр ду, дохковаьккхина зудаялийнарг. (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

"Исламан пачхьалкх" шех олучу организаци юкъа яхийта Нохчийчохь гIаттамхойн тоба кхолла Iалашо кхобуш хилла Гуьржийчоьно Оьрсийчоьне дIавелла Ахъядов Рамзан аьлла, хаамбина Новости агенталле Оьрсийчоьнан инарла прокуратурано. Маршо Радионо яздира, Оьрсийчоьно Интерполехула лаца кхайкхийна Ахъядов Рамзан Тбилисино Оьрсийчу дIахьажийна аьлла, Гуьржийчоьнан юстицин министро Цулукиани Теяс хаамбарх. Низамехь йоцчу «ДАIИШ» тобанца зIенашкахь хиларна бехкевеш, дIавехнера иза Оьрсийчоьно. Ткъа ша хIуманна а бехке вац... Читать дальше...

87-гIа шо доладелла Францин хилла президент, премьер-министр, Парижан мэр Ширак Жак велла. Франс Пресс агенталлао бина и хаам, цуьнан доьзало бинчу хаамна тIе а тевжина. 1995-чу шарера 2007-чу шаре кхаччалц Францин куьйгаллехь вара Ширак. Цул хьалха 18 шарахь Парижан мэр вара иза, Жискар д'Эстене Валери а, Миттеран Франсуа а президенташ болчу хенахь премьер-министран даржехь вара иза. 1960-гIа шераш дуьйладелча волавеллера Ширак политикан карьера ян. Къоналлин шерашкахь оьрсийн мотт Iамийнера цо... Читать дальше...

Талламан эксперимент йоьдуш, нохчийн актерна евзина Соьлж-ГIаларчу полицехь шена гIелойина чоь Кху беттан 24-чохь, таллам болош, Нохчийчуьрчу оьрсийн драмтеатран актер Дебишев Тимур а, цуьнан адвокат  Добронравова Наталья а, Къилбаседа Кавказерчу "Iазапна дуьхьалояран комитетан" куьйгалхо Пискунов Дмитрий а вовшахкхетта Соьлж-ГIалахь талламчица Тапаев Мурадца. Цара зулам зен йолчу Iалашонца теллина Соьлж-ГIаларчу Ленинан кIоштарчу полицин №1 дакъа. Дебишевс шена 2018-чу шеран Iай полицехь йиттина аьлла йийцинчу чоьнашка хьаьвсина уьш. Читать дальше...

Нохчийчохь хиллачу тIамехь гIаттамхошлахь дакъалаьцна Хангошвили Зеламха вийна аьлла, шеконашца лаьцнарг набахтехь даккха 25 шо хан тоьхна оьрсийн милицин майор хила тарло. Подмосковьерчу колонехь хила декхар вара иза хIинца а аьлла, яздо шен талламехь The New York Times газетано. Байначу беттан 23-чохь Берлинехь вийра Гуьржийчоьнан вахархо Хангошвили Зеламха. Коьртах парик йоьллинчу стага тапча тоьхна вийнера иза. Шеконаш кхоллаеллачу полицино лецира 49 шо долу Оьрсийчоьнан вахархо. Шен йоцчу... Читать дальше...

Нохчийчоьнан куьйгалхочо Кадыров Рамзана йоьдучу кхеташонехь дIахьедина, харц информаци а, эладиттанаш а даржор дарба оьшу цамгар ю аьлла. "Йохка-эцаран центрехь цIе яьлла аьлла, хаам кхечи соьга. Цунна тIаьххье аудиош еа-кх, белха а боьлхуш, зударша дуьйцуш, шайн бIаьргашна а гуш цу чохь даьгна бераш ду аракхоьхьуш бохуш. Муха дуьйцур ду доцург? Мел боьха стаг хила веза, цу тайпаниг даржориг", - цецвуьйлу Кадыров. Ишта ца кхета ша боху мехкан урхалхочо, бахам баьгна, даккхий зенаш хилла нах боьхна хьийзачу юкъанна... Читать дальше...

ГIалгIайн тIеман батальон пхоьазлогIа хьажийна Шема пачхьалкха. Ткъа Iаьрбий хIинцца схьайоьллуш бу шайна ГIалгIайчоь?

Нохчийчуьрчу прокуратурано шен тергоне эцна Дубин-Эвларчу Магомадов СаIидан гIуллакх. Австрин полицино бехкево иза, ненера лачкъийна ши кIант дIавигина, къайлаваккхарна. Пхи шо а ду хIара истори йийцаре ен. Белгородера схьаяьллачу Маркова Ольгас вина хилла цунна ши кIант: Ясин а, Илес а. ШолгIа доьзалхо дуьненчу ваьллачул тIаьхьа дIасакъаьстина хилла и шиъ. Ольгас дийцарехь, цхьана дийнахь иза ехачу хIусам чу а иккхина, кхуьнан легаш а Iуьйдуш, кхерамаш а тийсина, берийн долара йолуш кехатна куьгяздайтина хилла Магомадовс. Читать дальше...

Ловзаргахь шен нускална марзолг кхаллийначу Нохчийчуьрчу Хаважи цIе йолчу вахархочо видео яржийна шена гечдар доьхуш. Нохчийн ламасташца зуда ялийначу жимчу стеган бакъо яц шен ловзаргахь дIасахьийза а, той дерззалц шен нускал ган а. Социалан машанашкахь яьржинчу видео тIехь гуш ду, зуда ялийначохь шен нускалца забарш еш волу жимстаг, цунна шен куьйга марзолг а кхаллош. Емалдина цуьнан лелар социалан машанашкахь. Хууш дац билггал, Хаважи бертаза хIоттийна камера хьалха гечдар деха, йа шен лаамехь дIаязйина цо и видео. Читать дальше...

Къилба ХIирийчохь къиза ши зулам дина яхначу буса аьлла, дIахьедина меттигерчу полисхойн декъехь, хаамбо "Кавказ.Реалиис". Жимахволчу вашас шен воккхахволчу вешин гех урс тоьхна хилла Михайловское олучу эвлахь, шайн ден вина де даздечу заманчохь. Республикерчу дарбан цIийнера  лоьраш тасабелла бохку, лазийнарг меттавало гIерташ. Зуламхочунна дуьхьал гIуллакх долийна. Ишта хIусамехь дов даьллачул тIаьхьа Ногир эвларчу 58 шо долчу хIусамнанас коьртах швабра а тоьхна, шен 72 шо долу цIийнда вийна. Читать дальше...

Австрин политик, парламентан декъашхо Дёнмез Эфгани депутатан бакъонех ваьккхина, цунна дуьхьал долийначу бехкзуламан гIуллакхца доьзна. Туркойх схьаваьлла политик Мангал-беттан тIаьххьарчу деношкахь 23 шо долу нохчо юкъахь волчу скандале инцидент юкъахь нисвеллера. Маршо Радионо яздира, Туркойчуьра схьаваьллачу Австрин политико Дёнмез Эфганис (Efgani Dönmez) дIахьедарх, шена нохчочо йиттина аьлла. Kronen Zeitung газетано Iорабаьккхинера и хаам. Политико бахарехь, Линц олучу гIалахь хилла ю и конфликт... Читать дальше...