Новости за 29.04.2021

(Казан, 29 апрель, «Татар-информ»). Армия яшенә җиткән егетләрне хәрби исәпкә басу өчен мөстәкыйль рәвештә хәрби комиссариатка килергә мәҗбүр итәчәкләр. Бу хакта «Российская газета» Дәүләт Думасында икенче укылышка әзерләнә торган закон проектына сылтама белән хәбәр итә. Хәрби комиссариатка килмәүчеләр административ җаваплылыкка тартылачак, дип искәртә басма. Административ хокук бозулар кодексына кертеләчәк тагын бер төзәтмә хәрби хезмәткә чакырылучылар гына түгел, запастагыларга да кагыла. Алар гаилә... Читать дальше...

(Казан, 29 апрель, «Татар-информ»). Казанда 90 яшендә Татарстан Республикасы Дәүләт гимны редакциясе авторларының берсе (симфоник оркестр өчен партитура авторы) композитор Борис Трубин вафат булды. Нәҗиб Җиһанов исемендәге Казан дәүләт консерваториясе ректораты һәм Гыйльми советы хәбәр иткәнчә, композитор белән хушлашу иртәгә, 30 апрельдә, иртәнге сәгать унда консерваториянең төп бинасы янында (Зур Кызыл ур., 38) узачак. 11.00 сәгатьтә Иске йолалы чиркәүдә  — Изге Богородица Покров соборында (Иске ур.... Читать дальше...

(Казан, 29 апрель, «Татар-информ»). Татарстан Республикасы Президенты Рөстәм Миңнеханов Россия Федерациясе Хөкүмәте Рәисе Михаил Мишустинның Әрмәнстан Премьер-министры вазифаларын башкаручы Никол Пашинян белән киңәйтелгән очрашуында катнаша. ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте. «Минем Татарстанга беренче генә килүем түгел. Республиканың Россиядәге икътисади яктан нык үскән төбәкләрнең берсе икәнлеген барысы да белә», — дигән сүзләр... Читать дальше...

(Казан, 29 апрель, «Татар-информ», Розалия Хәйруллина). Руслан Шиһабетдинов «Казаноргсинтез» ГАҖ директорлар советының яңа рәисе итеп билгеләнде. Компаниянең матбугат хезмәте хәбәр иткәнчә, предприятие акционерларының еллык гомуми җыелышында аның кандидатурасын бертавыштан хупладылар. Шушы көннәрдә, 26 апрельдә, Руслан Шиһабетдиновны сайлаганнан соң директорлар советының беренче утырышы булды. «„ТАИФ“ АҖ генераль директоры Руслан Шиһабетдинов бертавыштан „Казаноргсинтез“ ГАҖ директорлар советы рәисе итеп сайланды. Читать дальше...

(Казан, 29 апрель, «Татар-информ», Гөлнар Гарифуллина). Казанның 98 нче мәктәбендә Татарстанның мәгариф һәм фән министры Илсур Һадиуллин катнашында «Җиңү диктанты» башланды.  Халыкара диктант Бөек Ватан сугышы вакыйгаларына кагылышлы сораулар белән тест рәвешендә үтә. «Шушы көннәрдә әтиләребез, бабаларыбыз, Советлар союзы халкы күрсәткән зур героик көчне искә төшерү, аларның батырлыгына соклану өчен языла торган диктант бу. Тарихны искә алмасак, яшь буынга җиткерә белмәсәк, ул юкка чыгачак», — дип белдерде Илсур Һадиуллин журналистларга. Читать дальше...

(Казан, 29 апрель, «Татар-информ»). 26 апрель көнне «Тәртип» радиосы үткәргән конкурсның җиңүчеләре билгеле булды, ә бүген «Татмедиа» конференц-залында аларны бүләкләү тантанасы булып узды. Онытылган җырларны барлауны максат итеп куйган «Үз илемдә — үз көем» бәйгесендә Татарстаннан гына түгел, читтә яшәүче йөздән артык үзешчән җырчы һәм коллективлар катнашты. Шарт буенча бәйгедә катнашу өчен музыка уен коралына кушылып яки акапелла җырларга кирәк иде. Мәртәбәле комиссия әгъзалары: Татарстанның халык артисты Шамил Әхмәтҗанов... Читать дальше...

(Казан, 29 апрель, «Татар-информ»). Татарстан Республикасы Президенты Рөстәм Миңнеханов Россия Федерациясе Хөкүмәте Рәисе Михаил Мишустинның Таҗикстан Республикасы һәм Үзбәкстан Республикасы Премьер-министрлары — Кохир Рәсүлзода һәм Абдулла Арипов белән киңәйтелгән очрашуларында катнашты. ТР Президентының матбугат хезмәте җитәкчесе Лилия Галимова «Татар-информ» агентлыгына хәбәр иткәнчә, Россия Премьер-министры башта – Таҗикстан, аннары Үзбәкстан Хөкүмәте башлыгы белән очрашты. Михаил Мишустин... Читать дальше...

(Казан, 29 апрель, «Татар-информ», Гадел Әхмәтҗанов). Юмор остасы, «Чаян» журналы мөхәррире Алмаз Хәмзин бүгенге көндә татарлар арасында сатира язучылар җитмәвен әйтте. «Элек бездә бөек сатириклар эшләде. Ә хәзер сатира язучылар юк. Ачынып әйтәм. Хәзер халык шагыйрьләре бар. Ә алар беркайчан да шушы „Чаян“да җәмгыятькә карата үз карашларын язмый. Куркалар. Аларны да аңлыйм. Әйтик фельетон язсаң, судка бирергә мөмкиннәр. Ә бу судны син дөрес булсаң да ота алмыйсың. Җәмгыятьнең күзенә карап әйтәм мин моны», — диде ул. Читать дальше...

(Казан, 29 апрель, «Татар-информ»). Бүген Казанга эш сәфәре белән Әрмәнстан Премьер-министры вазифаларын башкаручы Никол Пашинян килде. Казан аэропортында аны Татарстан Премьер-министры Алексей Песошин каршы алды. Казанда Никол Пашинян Евразия Хөкүмәтара советы чараларында катнашачак. Утырышта Әрмәнстан, Белоруссия, Казахстан, Кыргызстан һәм Россия Хөкүмәт башлыклары Евразия икътисади берлеге кысаларында интеграцияне тирәнәйтүдә актуаль бурычлар хакында фикер алышачак. «Татар-информ» агентлыгы Татарстанга... Читать дальше...

(Казан, 29 апрель, «Татар-информ», Зилә Мөбәрәкшина). Бүген «Тукай мәйданы» метро станциясендә рәссам Бакый Урманченың татар шагыйре Габдулла Тукайның «Шүрәле» әкияте буенча ясалган «Тукайның тылсымлы урманы» күргәзмәсе ачылды. «Бакый Урманче бу циклда барлыгы унике картина ясаган. Алар Третьяков галереясендә дә куелган булган, ләкин җәмәгатьчелеккә бары тик унбер картинасы гына күрсәтелгән. Цензура аша узмаган, дигән имеш-мимешләр йөри. Чынлыкта, галереядә күп картина булу сәбәпле, ул сыймыйча калган һәм дөньяга чыкмаган»... Читать дальше...

(Казан, 29 апрель, «Татар-информ»). Бүген мөселман дин әһелләре һәм Татарстан Диния нәзарәте коллективы Казанның Яңа Татар зиратында өмә оештырды. Быел беренче тапкыр Миргазиз Укмаси һәм Мөхәммәд Гали ишан Мәхтүм каберләре табылып, чистартылды, дип хәбәр итте Нәзарәтнең матбугат хезмәте. Татарстан мөселманнары Диния нәзарәте 2015 елда өмә вакытында сәетләр нәселе, Корәеш кабиләсе вәкиле — Шәех Габдулла Габдессәламның каберен тапкан булган. Татарстан мөфтияте аппараты җитәкчесе Ирек Арсланов һәм Ислам... Читать дальше...

(Казан, 29 апрель, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 38 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, аларның барысы да чирне башка авырулар белән аралашу нәтиҗәсендә эләктергән. «13 кеше хастаханәгә озатылган, 25 кеше өендә дәвалана», — диелә ведомство хәбәрендә. Чаллыда — 14, Казанда 12 очрак ачыкланган. Бер көн эчендә коронавирус инфекциясе республиканың сигез муниципаль берәмлегендә теркәлгән. Читать дальше...

(Казан, 29 апрель, «Татар-информ»). Казанга Үзбәкстан Премьер-министры Абдулла Арипов килде. Казан аэропортында аны Татарстан Премьер-министры Алексей Песошин каршы алды. ТР Президентының матбугат хезмәт хәбәр иткәнчә, Арипов сәфәренең максаты – 29-30 апрельдә Казанда уза торган Евразия Хөкүмәтара советы чараларында катнашу. Евразия икътисади берлеге — ул халыкара икътисади интеграция оешмасы. Аның составына Россия, Әрмәнстан, Беларусь, Казахстан һәм Кыргызстан керә. Молдова, Үзбәкстан һәм Куба күзәтүче дәүләтләр статусына ия.

(Казан, 29 апрель, «Татар-информ»). 30 апрельдә Казаннан Дубайга даими авиарейслар ачыла. Татарстан башкаласы аэропортының матбугат хезмәте хәбәр иткәнчә, рейслар атнага бер тапкыр була. Казаннан самолетлар җомга көнне 3.05 сәгатьтә кузгалып китеп, 9.00 сәгатьтә Берләшкән Гарәп Әмирлекләрендә булачак. Дубайдан исә очкычлар 23.30 сәгатьтә кузгалып, икенче көнне 3.35 сәгатьтә Казан аэропортына төшеп утырачак. Очышларның мондый программасы октябрь ахырына кадәр гамәлдә була. Шул ук вакытта, хәрәкәт графигына үзгәрешләр дә керергә мөмкин. Читать дальше...

(Казан, 29 апрель, «Татар-информ»). Кичә, Ашыгыч медицина ярдәме хезмәткәрләре көнендә, 20.00 сәгатьтә «Татмедиа» бинасында сигез катлы йөрәк кабынды. Ул медицина хезмәткәрләренең һөнәри бәйрәме уңаеннан аларга шул рәвешле мәхәббәт белдерү һәм котлау билгесе булды. «Бинаның фасадында без тәрәзәләрдәге утлар ярдәмендә йөрәк ясарга карар кылдык. Безнең бина шәһәр үзәгендә – Декабристлар урамында урнашкан. Безнең сигналны, табибларга шул рәвешле мәхәббәт аңлатуыбызны ярты шәһәр халкы күрер дип уйлыйм», - диде «Татмедиа» АҖ Шамил Садыйков. Читать дальше...

(Казан, 29 апрель, «Татар-информ»). Татарстан Президенты Рөстәм Миңнеханов Евразия икътисади комиссиясе Коллегиясе рәисе Михаил Мясникович белән очрашты. ТР Президентының матбугат хезмәте җитәкчесе Лилия Галимова «Татар-информ» агентлыгына хәбәр иткәнчә, Евразия икътисади комиссиясенең төп максаты – Евразия икътисади берлеге илләре тарафыннан эшчәнлек һәм үсеш шартларын тәэмин итү, интеграцияне алга таба камилләштерү буенча тәкъдимнәр әзерләү. Евразия икътисади комиссиясе Коллегиясенең 2019 елның... Читать дальше...

(Казан, 29 апрель, «Татар-информ», Гадел Әхмәтҗанов). 21 һәм 22 майда Башкортстанның Туймазы районында төбәкләр тарихын өйрәнү проблемалары буенча туган якны өйрәнүчеләр өчен фәнни-методик семинар рәвешендә фәнни түгәрәк өстәл узачак. «Түгәрәк өстәл — Бөтенроссия туган төбәкне өйрәнү конференциясенең икенче этабы. Аның барышында борынгы татар тәңкәләрен өйрәнү, шәҗәрәләр ясау, төбәк, мәктәп һәм шәхси туган якны өйрәнү музейларын булдыру, Идел-Урал татарларының этник төркемнәрен барлау мәсьәләләре каралачак»... Читать дальше...

(Казан, 29 апрель, «Татар-информ»). Россиядә авиабилетлар бәясе җәйгә 2019 елгы дәрәҗәгә әйләнеп кайтачак һәм артуын дәвам итәчәк. Бу хакта РИА Новости агентлыгы Мәскәүнең «Внуково» аэропорты директорлар советы рәисе һәм милектәше Виталий Ванцевка сылтама белән хәбәр итә. Ул билгеләп үткәнчә, бәяләр инде 2022 елда ук күтәрелә башлаячак. «Тулаем алганда, 2020 елда бер үк юнәлешләрдә уртача чекның хакы 2019 ел белән чагыштырганда сизелерлек арзанайды», - дип искәртте Ванцев. Ул аңлатып үткәнчә, бәяләрнең... Читать дальше...

(Казан, 29 апрель, «Татар-информ»). Татарстан Президенты Рөстәм Миңнеханов Кыргызстан Премьер-министры Улукбек Марипов белән хезмәттәшлекне киңәйтү юллары хакында фикер алышты. ТР Президентының матбугат хезмәте җитәкчесе Лилия Галимова «Татар-информ» агентлыгына хәбәр иткәнчә, Улукбек Марипов Татарстанга Евразия Хөкүмәтара советында катнашу өчен килде. 2020 ел нәтиҗәләре буенча Кыргызстан белән Татарстан арасындагы товар әйләнеше, 2019 ел белән чагыштырганда 33,4 процентка кимеп, 41,1 миллион доллар тәшкил итте. Читать дальше...

(Казан, 29 апрель, «Татар-информ», Гадел Әхмәтҗанов). 19 һәм 20 майда Мөслимдә «Мөслим районы һәм Көнчыгыш Татарстан: үткәненнән бүгенге көнгә кадәр (этномәдәни үсеше, телләр, традицияләр һәм яңалыклар)» Бөтенроссия туган төбәкне өйрәнү конференциясе үтәчәк. Анда Ык елгасы бассейнындагы табигый объектларны, тарихи-мәдәни мирас һәйкәлләрен өйрәнәчәкләр. «Ык елгасы һәм аның Татарстан, Башкортстан һәм Оренбург тирәсендәге кушылдыклары бассейннарында табигый объектларны, тарихи-мәдәни мирас һәйкәлләрен өйрәнәчәкбез. Читать дальше...

(Казан, 29 апрель, «Татар-информ»). Казанга Евразия Хөкүмәтара советында катнашу өчен Таҗикстан Премьер-министры Кохир Рәсүлзода килде. ТР Президентының матбугат хезмәте җитәкчесе Лилия Галимова хәбәр иткәнчә, аны Казан халыкара аэропортында Татарстан Премьер-министры Алексей Песошин каршы алды. Евразия икътисади берлегенең икътисади интеграциясе халыкара оешмасы Хөкүмәтара советы Татарстан башкаласында 29-30 апрельдә узачак. Анда катнашу өчен Казанга Россия Хөкүмәте башлыгы Михаил Мишустин, шулай ук Беларусь... Читать дальше...

(Казан, 29 апрель, «Татар-информ»). Татарстан Президенты Рөстәм Миңнеханов «Рейтинг» мәгълүмати коммуникацияләр үзәге төзегән Россия губернаторлары илкүләм рейтингының янә беренче баскычында урнашты Тикшеренү 2021 елның март-апрель айларын колачлый, ул экспертлар үткәргән сораштыру нигезендә төзелгән. Журналист һәм сәясәт белгече Александр Малькевич билгеләп үткәнчә, Рөстәм Миңнехановның югары позиция биләве аның онлайн- һәм офлайн-форматларда чит ил партнерлары белән эшчәнлекне яңадан җайга салуы белән аңлатыла.

(Казан, 29 апрель, «Татар-информ»). Бүген 14.00 сәгатьтә «Татмедиа» конференц-залында «Тәртип» радиосы үткәргән «Үз илемдә — үз көем» бәйгесенең җиңүчеләрен бүләкләү тантанасы узачак. «Үз илемдә — үз көем» бәйгесе халкыбызның онытылып барган җырларын барлау максатыннан оештырылды. Шарт буенча бәйгедә катнашу өчен музыка уен коралына кушылып җырларга яки акапелла җырларга кирәк иде. Конкурска йөздән артык видео җибәрелде. Катнашучылар арасында Татарстанда яшәүчеләр генә түгел, Мәскәү шәһәре, Башкортстан республикасы... Читать дальше...

(Казан, 29 апрель, «Татар-информ», Гадел Әхмәтҗанов). «Чаян» юмор һәм сатира журналының баш рәссамы Александр Алешин басмага яшь карикатурачылар җитмәвен әйтте. «Бездә электән карикатурачылар мәктәбе шәп иде. Редакция коллегиясендә утырырга урын юк иде. Хәзер генә яшьләр юк. Ни өчен дигәндә, хәзер бөтен нәрсә башка. Бөтенләй икенче ил, икътисад, кешеләр, яшь буын. Карикатурачылар бардыр ул. Ләкин алар башка өлкәләрдә эшли», — диде ул «Интертат»ка  интервьюда . Александр Алешин сүзләренчә, бүгенге рәссамнар беренче урынга иҗатны түгел... Читать дальше...

(Казан, 29 апрель, «Татар-информ», Зилә Мөбәрәкшина). Чит илдә торучы татарлар балалары Татарстан белән берлектә Тукайның «Туган тел» шигыренә мультфильм төшергән. Проект авторы — Төркиядәге «Анталия татарлары» оешмасы рәисе Оксана Назарова. «Без — Тукай балалары» мультфильм проекты дөнья буйлап сибелеп яшәүче татарларның нәсел дәвамчылары — балаларын берләштерә. Чит илдә туган телне саклавы авыр, ләкин бу проект аша без яшь буынның да телгә тартылганын, туган телне онытмауларын күрәбез», — диде ул «Татар-информ» хәбәрчесенә. Читать дальше...