Новости за 11.04.2021

(Азнакай, 11 апрель, «Татар-информ», « Маяк », Лиза Нурлыева). Азнакай төбәкне өйрәнү музеенда Татарстанда туган телләр һәм халыклар бердәмлеге елы уңаеннан «Төбәгемдә милләтләр дуслыгы» дип исемләнгән чара булды. Анда районның иҗтимагый Совет рәисе Лилия Әхмәдишина, Татар конгрессының Азнакай бүлекчәсе рәисе Зөлхия Миннеханова, шәһәр гимназиясендә, 7нче гомум урта белем бирү мәктәбендә укучылар туган телебезнең иркенлеге, матурлыгы турында фикер алышты, районда яшәүче халыкларның милли традицияләре белән танышты. Читать дальше...

(Әлмәт, 11 апрель, «Татар-информ», « Әлмәт таңнары »). Әлмәтнең политехника техникумда «Арт-Сабантуй» күргәзмә-конкурсы башланды. Ул балалар һәм сугыш. темасына багышланган. Күргәзмә Бөек Ватан сугышында Җиңүнең 75 еллыгына багышланган һәм узган ел узарга тиеш булган. Тик пандемия аркасында бу картиналарны берәү дә күрмәгән. Шуңа күрә оештыручылар конкурс темасын үзгәртмәскә карар иткән. Ошаган картинаны сайлап, күргәзмәдә ук тавыш бирергә мөмкин. Проектның сайтында тавыш бирергә, бер үк вакытта әсәрләрнең авторлары турында белергә мөмкин. Читать дальше...

(Казан, 11 апрель, «Татар-информ»). Бөгелмәдә Яшьләр сарае базасында «Яшьләргә эш» дип исемләнгән work-тур узды. Чара яшьләргә порталда теркәлү мөмкинлеге турында мәгълүмат җиткерүгә, хезмәт белән тәэмин итү мәсьәләләрен хәл итүгә, шулай ук яшьләрне эшкә урнаштыру буенча иң яхшы тәҗрибәләрне алга этәрүгә юнәлдерелгән. Бу турыда Бөгелмә муниципаль районы матбугат хезмәте хәбәр итә. Work-тур кысаларында муниципаль район эш бирүчеләреннән вакансияләр маркеты, «яшьләргә эш» порталын тәкъдим итү, «Трудрут»... Читать дальше...

(Казан, 11 апрель, «Татар-информ», Гөлия Хәсбиуллина). Бүген Континенталь хоккей лигасы Көнчыгыш конференциясе финалының бишенче уенында «Ак Барс» хоккей командасы Омск шәһәренең «Авангард»ына 2:3 исәбе белән җиңелде. Матч Казанда «Татнефть-Арена» боз сараенда узды. Хоккей командалары дүрт җиңүгә хәтле уйный, оттырган команда Гагарин Кубогы өчен көрәштән төшеп кала. Хәзер «Ак Барс» исәбендә ике җиңү, «Авангард»ныкында — өч. Беренче период. Уналтынчы минутта «Авангард» сакчысы Семён Чистяков гол кертте (0:1). Читать дальше...

(Әгерҗе, 11 апрель, «Татар-информ», «Әгерҗе хәбәрләре» , Миләүшә Ягъфәрова). Бу көннәрдә Әгерҗедәге хәрби комиссариат бинасында егетләр медицина тикшерүе уза. Әлеге чакырылышта районнан 160 егетне табиблар тикшерә. Булачак солдатларга хирург, терапевт, психиатр, дерматолог, невролог, отоларинголог, күз, теш табиблары кабинетларын узу мәҗбүри.  «Тикшерү тәмамланганнан соң сәламәлек ягыннан барлык таләпләргә җавап биргән егетләрне сайлап алып хәрби хезмәткә озатабыз. Бу чакырылышта утызга якын булачак»... Читать дальше...

(Казан, 11 апрель, «Татар-информ», Павел Климчак). Казанда Совет урамында урнашкан йорттан 35 яшьлек ир-ат тәрәзәдән егылып, даруханә түбәсенә (козырегына) килеп төшкән. Бу хакта «Татар-информ» мәгълүмат агентлыгына ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр. Фаҗига хакында хәбәр ашыгыч махсус хезмәтләрне бердәм чакыру 112 номерына алынган.  Икенче зона отряды коткаручылары шунда ук вакыйга урынына барган. Адрес буенча килеп, алар ир-атны түбәдән баскыч ярдәмендә йомшак носилкаларда алып төшкән. Читать дальше...

(Казан, 11 апрель, «Татар-информ», Эльза Кузнецова). Бөгелмә егете — Роскосмос космонавты Сергей Рыжиков, ул хәзер Халыкара космик станция орбитасында, Түбән Каманың 66нчы балалар бакчасына сәлам тапшырган. Галәмнән юлламаны үзенең Инстаграм битендә Айдар Метшин урнаштырган. «Түбән Кама белем бирү учреждениеләренең уңышлары турында хәтта Халыкара космик станциядә дә беләләр. Мин якташыбыз — Бөгелмәдә туып-үскән Сергей Николаевич Рыжиковның безнең 66нчы балалар бакчасында уза торган белем бирү чаралары... Читать дальше...

(Казан, 11 апрель, «Татар-информ»). «Спутник V» вакцинасы иммунитет ныклыгын озак вакытка булдырырмы, дигән сорау күпләрне борчый. Моңа Гамалея исемендәге үзәк башлыгы Александр Гинцбург препаратның гамәлдә булу тәэсире чикләнмәгән булыр, дигән ышанычлы җавап бирде. «Вакцина тәэсире бер-ике елга түгел, ә гомерлеккә гамәлдә булыр дигән өметем бар. Вакцинаны ике тапкыр алгансың икән, биш, ун ел, аннан да озаграк яшә», — дип китерә Гинцбург сүзләрен «Интерфакс». Үзәк җитәкчесе хәзер махсус тикшеренү үткәрелүен... Читать дальше...

(Казан, 11 апрель, «Татар-информ»). Россия төбәкләренә медицина, мәгариф һәм спорт учреждениеләрен үстерү өчен 1,6 млрд сумнан артык акча җибәреләчәк. Тиешле боерыкны Россия Премьер-министры Михаил Мишустин имзалады. Бу хакта Министрлар Кабинеты матбугат хезмәте хәбәр итә. Резерв фондыннан акча 115 ашыгыч ярдәм автомобиле, кулларны дезинфекцияләү һәм температураны үлчәү өчен 6 мең комплекс алуга бүлеп биреләчәк. Сәнгать мәктәпләре 1,5 мең яңа музыка уен коралына, ә спорт мәктәпләре 6 мең берәмлек инвентарь һәм җиһазга ия булачак. Читать дальше...

(Казан, 11 апрель, «Татар-информ», Полина Шевчук). Чистайда транспорт картасында акчасы җитмәү сәбәпле, икенче сыйныф укучысын автобустан төшереп калдырганнар. Бу хәл турында социаль челтәрләрдә укучының әнисе сөйли.  Улына бары бер тукталыш ара гына узарга кирәк булганлыгын әйтә ул. Әмма баланы транспорттан төшергәннәр, чөнки ул түли алмаган. Искәртеп узабыз, элегрәк «Татар-информ» Россиядә билетсыз балаларны транспорттан төшереп калдыру ярамавы турында тыю үз көченә кергәнлеген хәбәр иткән иде.

(Казан, 11 апрель, «Татар-информ»). Татарстанда яңа коронавирус белән авыруның 34 яңа очрагы теркәлгән. Алар барысы да авырулар белән аралашу нәтиҗәсендә килеп чыккан.  «9 кеше хастаханәгә салынган, 25 кеше өйдә дәвалана», — диелә ТР Сәламәтлек саклау министрлыгы хәбәрендә. Казанда — 15, Чаллыда — 8, Азнакай, Бөгелмә, Минзәлә, Питрәчтә — икешәр, Югары Ослан, Яшел Үзән, Лениногорскида берәр кеше авырган. Бүгенге көндә республикада Covid-19 вирусының 19 802 очрагы теркәлгән. Барлыгы 16 928 кеше, шул исәптән 13 кеше узган тәүлектә сәламәтләнгән.

(Казан, 11 апрель, «Татар-информ», Павел Климчак). Республиканың Азнакай районында Тымытык авылы янында Ык елгасындагы күперне су баскан. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр. Су басу кар эрү һәм яңгырлар еш яву белән бәйле. Хәзерге вакытта су күпер өстеннән 1 сантиметрга күтәрелгән. Авылга якын юл Башкортстан республикасының Октябрьский шәһәре аша уза. Гадәттән тыш хәлләр министрлыгы бу хәлне контрольгә алган. Читать дальше...

(Казан, 11 апрель, «Татар-информ»). Россиядә сулыш алуны җиңеләйтә торган саклану дәрәҗәсе югары булган битлек һәм фильтрлар эшләгәннәр. Аларны киеп спорт белән шөгыльләнергә һәм офиста көн буе утырырга мөмкин. Бу хакта Илкүләм технологик инициатива платформасы матбугат хезмәтендә сөйләделәр. «Битлек алты датчик белән җиһазландырылган:  сулыш алганда/сулыш чыгарганда углекислый газ һәм кислород концентрациясе, канның кислород белән туендырылганлыгы, һава сыйфаты, тән температурасы, атмосфера басымы... Читать дальше...

(Казан, 11 апрель, «Татар-информ»). 11 апрельдән Россиядә ана капиталын куллану кагыйдәләре үзгәрә. «Российская газета» РФ Хезмәт һәм социаль яклау министрлыгы боерыгына сылтама белән шул хакта яза. Элегрәк Хөкүмәт Хезмәт министрлыгының файдаланылмаган ана капиталы акчаларын тупланма пенсияне формалаштыруга җибәрү кагыйдәләрен раслау буенча вәкаләтләре турындагы проектны хуплаган иде. Ведомствода аңлатуларынча, Хезмәт министрлыгының яңа вәкаләтләре 2020 елда федераль закон кабул итүгә бәйле. Закон... Читать дальше...

(Казан, 11 апрель, «Татар-информ», Рузилә Мөхәммәтова). Әтнә театры Россия фестивальләренә йөз тоткан спектакль чыгарды. Бу — «Ана күңеле… далада» трагикомедиясе. Яшь драматург Альбина Гомәрованың төрле драматургия конкурсларында югары бәя алган «Дуськина дача» пьесасы моңарчы бер театрда да куелмаган. Аны куярга алынган беренче режиссер — Рамил Фазлыев. Композитор - Марат Әхмәтшин. Балетмейстер - Нурбәк Батулла. Рәссам - Илшат Вилданов. Пьесаның оригиналы рус телендә. Аны татар теленә театр актеры... Читать дальше...

(Казан, 11 апрель, «Татар-информ»). «Цифрлы диктант» акциясе старт алды, аның ярдәмендә теләгән һәркем интернет-технологияләр өлкәсендә үз белемнәрен тикшерә ала. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә. 2021 ел биремнәре дүрт блокка бүленгән: цифрлы куллану һәм компьютер грамоталылыгы нигезләре, цифрлы компетенцияләр, цифрлы иминлек, яңа технологияләр. Сорауларга җавап биреп, катнашучы «Хаталар... Читать дальше...

(Казан, 11 апрель, «Татар-информ», Розалия Хәйруллина). «Татмедиа» бинасында «Тоталь диктант» мәйданчыгында 40 кеше катнашты. Бу хакта «Татар-информ» корреспондентына мәгариф акциясенең төбәк координаторы Вячеслав Шаталов сөйләде. Быел чарада катнашучылар Дмитрий Глуховский тексты буенча диктант язды, ул акция өчен махсус язылган. Автор әсәре буенча шулай ук кыска метражлы фильм төшерелгән, ул киң тамашачыга бу елның көзендә тәкъдим ителәчәк. «Тоталь диктант»та катнашучыларның кинокартина белән... Читать дальше...

(Казан, 11 апрель, «Татар-информ»). Бүген Татарстанда аязучан болытлы һава торышы көтелә. ТР Гидрометеорология үзәге матбугат хезмәте хәбәр итүенчә, вакыт-вакыт яңгыр явып узачак. Төньяк-көнчыгыштан талгын җил фаразлана. Көндез һава температурасы +7дән +12 градуска кадәр, ә көнчыгыш районнарда +16 градуска кадәр көтелә. Элек КФУ профессоры киләсе атнада Казанга җәйге эсселек киләчәге турында сөйләгән иде.

(Казан, 11 апрель, «Татар-информ»). Татарстанда тагын ике кеше яңа коронавирус инфекциясеннән үлгән. Бу хакта ТР Сәламәтлек саклау министрлыгының матбугат хезмәте хәбәр итә. «Үлем сәбәпләре патолого-анатомик экспертиза нәтиҗәсендә билгеләнде. Вирус идентификацияләнгән», - диелгән министрлык хәбәрендә. 1947 һәм 1954 елларда туган ике ир-ат инфекция корбаны була. 10 апрельгә республикада Covid-19 инфекциясеннән 435 үлем очрагы теркәлгән.

(Казан, 11 апрель, «Татар-информ»). Татарстан Президенты Рөстәм Миңнеханов «Мәскәү — Татарстан күпере» VI Мәскәү яшьләр форумында катнашты. Чараның инициаторы һәм оештыручысы Татарстан Республикасының Россиядәге Тулы вәкаләтле вәкиллеге булды. Форумда күпмилләтле Татарстан Республикасыннан чыккан яки Россиянең башка төбәкләреннән килгән татарлар — 35 яшькә кадәрге яшьләр катнашты. Максаты — Мәскәү төбәгенең яшьләр берләшмәләрен берләштерү, яшьләрне социаль адаптацияләүгә ярдәм итү һәм республика белән хезмәттәшлеккә җәлеп итү. Читать дальше...

(Саба, 11 апрель, «Татар-информ», « Саба таңнары »). Саба районы Тенеки авылы үзенең көмешчеләре белән илебезнең ерак өлкәләрендә дан яулаган. Алар кулы белән эшләнгән бизәнү әйберләре элек-электән һәркемне сокландырган һәм аларга һәркайда сорау булган.  Саба туган якны өйрәнү музеенда «Районның күренекле шәхесләре» проекты кысаларында шушы гүзәллекне тудырган осталарның берсе Хәбибрахман Ганиевның кызы Миннегөл апа Нуриеваны «Туган якны өйрәнүчеләр» клубына кунакка чакырдык. Очрашуда Миннегөл ханым... Читать дальше...

(Аксубай, 11 апрель, «Татар-информ», « Авыл таңнары »). Аксубайда Татарстан Рәссамнар берлегенең «Татар аргамагы» эшләре күргәзмәсе булды. Төрле яшьтәге балалар, шулай ук район башлыгы Камил Гыйльманов һәм Казан кунаклары искиткеч матур эшләрне бәяләде. «Әлфия Нурхамәтова ТР Рәссамнар берлегенә кергәннән соң, без сезнең белән беренче тапкыр гына очрашмыйбыз. Атлар тасвирланган картиналар соклану уята, бу чын хезмәт. Атлар гомер буена безнең белән, әмма Аргамак токымы — ул безнең атлар», — дип билгеләп... Читать дальше...

(Казан, 11 апрель, «Татар-информ»). Самара өлкәсенең төньяк-көнчыгышында, Урал таулары итәгендә бөтен Россиягә танылган Гали авылы җәелеп ята. Үткән атнада аның Мәдәният йортында «Халкым минем» XIII иҗат фести­вале җиңүчеләрен ачыкладылар. Бу чара татар милли иҗатын үстерү, талантлы җырчыларны ачык­лау, милли гореф-гадәтләрне сак­лау, традицион татар милли мәдәниятен һәм заманча иҗатын популярлаштыру, балалар һәм яшүсмерләрне сәнгатькә җәлеп итү, өлкән буын кешеләренең социаль һәм иҗтимагый активлыгын озай­­ту максатында уздырыла. Читать дальше...