Новости за 02.04.2021

(Алексеевск, 2 апрель, «Татар-информ», « Таң », Алексей Вангаев). Җомга көнне «Могҗизалар кыры» телетапшыруының чираттагы чыгарылышын күрсәттеләр, анда Алексеевск районы Ялкын авылыннан Роза Минакова катнашты. Ул Леонид Якубовичка каз һәм чәкчәк бүләк иткән. Ялкын авылында яшәүче ханым беренче уенчылар өчлегендә чыгыш ясады. Традиция буенча, Роза Галим кызы Леонид Якубовичка күчтәнәчләр тапшырды: «Эдем» предприятиесеннән Алексеевск чәкчәге, бавырсак, нәфис әйберләр туку фабрикасыннан күлмәк, шулай ук Кама балыгы һәм какланган каз. Читать дальше...

(Казан, 2 апрель, «Татар-информ», Гадел Әхмәтҗанов). Бүген кич «Кәҗә бистәсе» метро станциясе түбәсенә 2 яшүсмер егет менеп йөгереп йөрде. Букчаларыннан күренгәнчә, егетләр мәктәп укучыларына охшаган. Алар түбәнең иң биек урынына йөгереп барып аска таба карап торды. «Татар-информ» хәбәрчесенең видеога төшергәнен күргәч, балалар тиз генә сикереп төште һәм качты. Метрополитен полициясе яшьләр менгән түбә тирәсен тикшерергә китте. «Әлегә комментарий бирә алмыйбыз. Хәзер тикшереп киләм. Әйтүегез өчен рәхмәт»... Читать дальше...

(Казан, 2 апрель, «Татар-информ»). Башкортстанда визит-үзәк булдырырга ниятлиләр. Республика халкы һәм кунаклар аны миниатюрада күрә һәм туры килә торган маршрутны сайлый алачак. Шулай ук компанияләр персоналын һәм дәүләт хезмәткәрләрен әзерләү белән шөгыльләнүче Кунакчыллык академиясе булдыруны да кирәк дип саныйлар. Бу хакта «Башинформ» хәбәр итә. Төбәк туризмын үстерү буенча киңәшмәдә визит-үзәк Уфага керү юлында оештырылачагын искәрттеләр. Хәзерге вакытта мәйданчык сайлау эше алып барыла. «Безнең... Читать дальше...

(Казан, 2 апрель, «Татар-информ», Александр Елисеев). Казан һәм Татарстан митрополиты Кирилл быел республика чиркәүләрендә Пасха бәйрәме уздыру турында әйтте. Татарстанда коронавирус пандемиясе аркасында 2020 елда Христосның туган көне уңаеннан бәйрәм хезмәтләре чиркәүгә килүчеләрдән башка узган иде.  «Чиркәүләр барлык социаль нормаларны үтәгәндә ачык булачак. Храмнар хәзер дә ачык, алар Изге Пасха бәйрәменә ябылмаячак. Рамазан аенда мәчетләр дә, барысы да ачык булыр дип уйлыйм», — диде ул. 2020... Читать дальше...

(Казан, 2 апрель, «Татар-информ», Гадел Әхмәтҗанов). Агымдагы елның 19 һәм 20 маенда Мөслимдә Бөтенроссия туган төбәкне өйрәнү буенча тарихи конференция үткәрергә җыеналар. «Конференция Татарстан министрлыклары һәм ведомстволары ярдәме белән узачак. Чарада „Россиянең татар авыллары“ бөтенроссия иҗтимагый оешмасы, шулай ук Татарстан, Идел буе һәм Уралның әйдәп баручы галим, белгечләр, туган төбәкне өйрәнүчеләр һәм җәмәгать эшлеклеләре катнашачак», — диде «Татар төбәкчеләре оешмасы» рәисе, Татарстанның атказанган фән эшлеклесе Альберт Борһанов.

(Казан, 2 апрель, «Татар-информ», Павел Климчак). Казанда  банкта эшләүче 24 яшьлек хезмәткәр һәм аның беркайда да эшләми торган 36 яшьлек танышы 13 миллион сумнан артык акча урлауда гаепләнә. Бу хакта «Татар-информ»га ТР прокурорының өлкән ярдәмчесе Руслан Галиев хәбәр итте. Тикшерү фикеренчә, 2019 елның октябреннән 2020 елның гыйнварына кадәр ир-атлар, хезмәт урыныннан файдаланып, банкта ялган затларга кредитлар рәсмиләштергән. Шул ук вакытта банк хезмәткәре мәгълүматлар базасына «клиентларның»... Читать дальше...

(Казан, 2 апрель, «Татар-информ»). Якшәмбе көнне, 4 апрельдә, Казанда фон йөреше буенча ярышлар узачак. Шулай итеп, Татарстан башкаласы «Тормышка 10 000 адым» бөтенроссия акциясенә кушылачак. Чара 10: 30 сәгатьтә Кремль яр буенда башлана. Катнашучыларны башта мастер-класс һәм гомуми күнегүләр көтә. Ярышлар 11: 10 сәгатьтә башланып китә. 10 мең адымны узган барлык катнашучылар да «Милләт сәламәтлеге лигасы» гомумроссия иҗтимагый оешмасы дипломнары белән бүләкләнәчәк. «Без Кремль яры буенча 10 000 адымны узачакбыз. Читать дальше...

(Казан, 2 апрель, «Татар-информ», Гадел Әхмәтҗанов). «Яз гүзәле-2021» матурлык һәм талант бәйгесе оештыручылары җиңүче кызның титулы кайсы очракта кире алынырга мөмкин булуын ачыклый. Мондый карарга алар «Татар-информ» хәбәрчесе биргән сораудан соң килде. «Башка бәйгеләрдә җиңгән кыз киләчәктә начар яктан танылса, аның титулы кире алына. Сездә мондый кагыйдәләр бармы?» — дип сорады «Татар-информ» журналисты «Яз гүзәле» оештыручысы, Казан дәүләт энергетика университеты ректоры Эдвард Габдуллаҗановтан. Читать дальше...

(Казан, 2 апрель, «Татар-информ»). Татарстанда коронавирустан тагын өч кешенең гомере өзелде. Шулай итеп, пандемия вакытында республикада 423 кеше үлгән.   1950 елда туган бер хатын-кыз һәм 1935 һәм 1955 елларда туган ике ир-ат вафат булган. Бу хакта ТР Сәламәтлек саклау министрлыгының матбугат хезмәте хәбәр итте. «Үлем сәбәпләре патолог-анатомик экспертиза нәтиҗәсендә билгеләнде» ,- диделәр матбугат хезмәтендә. Соңгы тәүлек эчендә республикада Covid-19 йогышының 37 очрагы ачыкланган.

(Казан, 2 апрель, «Татар-информ», Гөлүзә Ибраһимова). Татар китабы йортында «Шаян ТВ» Клара Миңнуллина һәм балалар белән очрашу оештырды. Роберт Миңнуллинның хатыны шагыйрьнең Башкортстанда ачылачак музее турында сөйләде. «Башкортстанда, Робертның туган авылында, музей ачарга җыеналар. Безгә Роберт исән чакта ук өч бүлмә бирделәр. Берсе китапханә, икесе музей булачак. Бүлмәләрне ремонтладылар. Хәзер безнең өйдә тартмаларга тутырылган әйбере тора, аларны музейга тапшырасы бар», — дип сөйләде ул. ... Читать дальше...

(Казан, 2 апрель, «Татар-информ», Гадел Әхмәтҗанов). «Яз гүзәле-2021» матурлык һәм талант бәйгесендә «Татар-информ» мәгълүмат агентлыгы хәбәрчесе Энҗе Габдуллина катнаша. Укучылар Энҗе Габдуллинаны күбрәк спорт темасына, аеруча татар көрәшенә багышланган мәкаләләр аша белә. Быел «Яз гүзәле» конкурсы уникенче тапкыр үткәрелә. Бәйге яшь буында татар мәдәниятенә карата хөрмәт тәрбияләүгә, татар телен саклау һәм популярлаштыруга юнәлдерелгән. Финалга Казанның 8 югары уку йортыннан 10 кыз үткән. Читать дальше...

(Казан, 2 апрель, «Татар-информ», Павел Климчак). Түбән Камада полицейскийлар Чаллыда яшәүче бер ир-ат автомобилендә өч меңнән артык антисептик флаконы тапкан. Ир-атның аларга тиешле документлары булмаган.  Агентлыкка билгеле булганча, ТР Эчке эшләр министрлыгының Икътисади куркынычсызлык һәм коррупциягә каршы тору идарәсе хезмәткәрләре Түбән Камада автомобильне сәүдә үзәкләренең берсе янында туктаткан. Машина салонында 67 тартма табылган, аларның һәркайсында 100әр миллиграммлы иллешәр антисептик флаконы булган. Читать дальше...

(Казан, 2 апрель, «Татар-информ», Зилә Мөбәрәкшина). «Бүреләр» башкорт рок төркеменә нигез салган Илшат Абдуллин татар халкы белән электән үк дустанә мөнәсәбәттә булуын сөйләде. «Нык дулкынландык, чөнки беренче тапкыр татарча барган „Мин татарча сөйләшәм“ акциясендә 2018 елда башкорт телендә рок җырладык. Сәхнәгә чыгып, беренче җырларны җырлаганда ук тамашачы җылы кабул итте. Татар белән башкорт бер-берсен хөрмәт итеп яшәргә тиеш. Тылмач кирәкми, бер-беребезне аңлыйбыз. Казанда яхшы, ачык йөзле кешеләр яши»... Читать дальше...

(Казан, 2 апрель, «Татар-информ»). Кайбер мәктәпләрдә баланы мәктәпкә яздырырга теләүче ата-аналар кичтән чират алып тора. Бу уңайдан Татарстан Мәгариф һәм фән министрлыгы балаларны кабул итү кагыйдәләре турыда искәртә. Татарстан  Мәгариф һәм фән министрлыгы сайтында хәбәр ителгәнчә, быел яңа кагыйдәләр буенча балаларны беренче сыйныфка кабул итү кампаниясе 1 апрельдән башланды. Һәм ул, беренче чиратта, билгеле бер мәктәпкә беркетелгән территориядә яшәүче, шулай ук өстенлекле хокукка ия булган... Читать дальше...

(Казан, 2 апрель, «Татар-информ»). Бүген Татарстан Республикасы Президенты Рөстәм Миңнеханов эш сәфәре белән Мәскәүдә. Хөкүмәт Йортында ул РФ вице-премьеры Марат Хөснуллин белән очрашты. Бу хакта республика җитәкчесенең матбугат хезмәте хәбәр итә.  «Төбәктә федераль программаларны гамәлгә ашыру мәсьәләләре, башка агымдагы мәсьәләләр турында фикер алышынды», — диелә хәбәрдә. Шулай ук Татарстан Президенты Россия Премьер-министры урынбасарына Татарстанда милли проектлар кысаларында программаларның ничек тормышка ашырылуы турында сөйләде. Читать дальше...

(Казан, 2 апрель, «Татар-информ», Зилә Мөбәрәкшина). Рок-музыкант Рәдиф Кашапов татар рок-музыкасын радиога куелмау сәбәбен аңлатты. «Мәсәлән, бер абый таксида бара һәм радиодан эстрада җырчысын тыңлый. Шуннан соң минем җыр куелса, ул, әлбәттә, башка радиога күчереп куячак, чөнки ул шул форматка ияләшмәгән. Безне беләләр, тыңлыйлар, ләкин радиога куя алмыйлар Рок музыка татар, башкорт, удмурт һ.б. телендә күп түгел, шуңа күрә аны аерым радиога чыгарып булмый», — диде ул «Татар-информ»да матбугат очрашуында . Читать дальше...

(Казан, 2 апрель, "Татар-информ"). 2021 елның 4 апрелендә Киров өлкәсе Малмыж районының Яңа Смәил авылы мәчетендә Коръән укучыларның чираттагы "Мин Коръән укырга яратам" конкурсы узачак. Россия мөселманнары Диния идарәсе сайтында хәбәр ителгәнчә, чараны Киров өлкәсе мөселманнары Диния нәзарәте оештыра. Анда Киров өлкәсе Диния нәзарәте карамагындагы якшәмбе мәктәпләре һәм мөселман җәмгыятьләре мәктәпләре укучылары, шулай ук башка төбәкләрдән килгән мөселман яшьләре катнашуы көтелә. Оештыручылар... Читать дальше...

(Казан, 2 апрель, «Татар-информ»). 2 апрельдә Халыкара аутизм турында мәгълүмат тарату көне кысаларында «Зәңгәр ут кабыз» акциясе узачак. Бүген кояш баегач, шәһәр биналары һәм истәлекле урыннары үзләренең гадәти яктылыгын аутизм символы – зәңгәр төскә алыштыра. Татарстанда һәр елны әлеге акциягә зур оешмалар кушыла. Алабуга тарих-архитектура һәм сәнгать музей-тыюлыгы, Казан дәүләт циркы, Тинчурин исемендәге Татар дәүләт драма һәм комедия театры, Габдулла Тукай музей комплексы, Болгар тарих-архитектура музей-тыюлыгы... Читать дальше...

(Казань, 2 апрель, «Татар-информ», Наталья Рыбакова). 1 апрельдән Россиядә аз керемле гаиләләрдәге балаларга пособие билгеләүнең яңа кагыйдәләре үз көченә керде. РФ Дәүләт Думасы депутаты Ольга Павлова «Татар-информ»га аңлатма биреп, хәзер 3 яшьтән башлап 7 яшькәчә балаларга түләүләр адреслы булачак, диде. «Пособие чынлыкта да ярдәмгә мохтаҗ гаиләләргә түләнәчәк. Пособие билгеләү өчен шартлар элеккечә кала — әгәр гаиләнең һәр кешегә уртача кереме төбәктәге яшәү минимумыннан азрак булса, пособие билгеләнә. Читать дальше...

(Казан, 2 апрель, «Татар-информ», Зилә Мөбәрәкшина). «Бүреләр» башкорт рок-төркеменә нигез салган Илшат Абдуллин җырчылар Фирдүс Тямаев белән Элвин Грей арасындагы аңлашылмаучанлыкны ошатмавын белдерде. «Татарлар белән электән дус-тату яшибез. Татар һәм башкорт эстрадасындагы мондый күренешләр миңа ошамый. Без — кардәш халыклар — бер-беребезне хөрмәт итеп яшәргә тиеш. Алар үзләренчә нәрсәдер бүлешә алмыймы, сәяси уен уйныйлармы — монысы безгә караңгы», — диде Илшат Абдуллин «Татар-информ»да узган матбугат очрашуында. Читать дальше...

(Казан, 2 апрель, «Татар-информ», Арсений Кәримов). Казанда «Пятерочка» сәүдә челтәренең ике кибетендә «ТАТМЕДИА» басмаларын сату өчен вендинг-автоматлар урнаштырылды. Мондый аппаратлардан сатып алганда газета-журналларның бәясе 20 процентка юньрәк чыга. Бу хакта «Татар-информ»га «ТАТМЕДИА» АҖ генераль директорының дистрибьюция буенча урынбасары Дмитрий Петров сөйләде. «“Пятерочка»ның Казанда Җиңү проспекты, Ленинград урамында урнашкан ике кибетендә беренче ике автоматны урнаштырдык. Беренчесендә ... Читать дальше...

(Казан, 2 апрель, «Татар-информ», Эльза Кузнецова). Татарстанның Биектау районында язгы ташу көчле булган очракта су басу зонасына 14 торак пункт, 343 йорт, 1114 кеше, шулардан 185 бала эләгергә мөмкин. Биредә тагын ике икътисад объекты бар. Бу хакта «Татар-информ»га Биектау районының Бердәм кизү-диспетчерлык хезмәтендә хәбәр иттеләр. «Икътисади объектлардан Усад спирт заводы һәм Тимофеевка авылында Усад ликер-аракы заводы керә. Социаль әһәмияткә ия объектларга су басу куркынычы янамый», — диделәр районның Башкарма комитетында. Читать дальше...

(Казан, 2 апрель, «Татар-информ»). Татарстан Авыл хуҗалыгы һәм азык-төлек министрлыгы шимбә көнне була торган авыл хуҗалыгы продукциясе ярминкәләренә чакыра. 3 апрельдә Казан, Чаллы шәһәрләрендә, Яшел Үзән районындагы «Яңа Тура» сәүдә-ярминкә комплексы янында авыл хуҗалыгы ярминкәләре, гадәттәгечә, иртәнге сәгать 6да эшли башлый. Ярминкәләр шәһәр халкына Татарстан районнарыннан китерелгән ит ризыклары, сөт, сыр, май, йомырка, яшелчәләр, бал, шикәр, он, ярмалар һәм башка продукцияләрне кибеттәгедән арзанрак бәягә сатып алу мөмкинлеге бирә... Читать дальше...

(Казан, 2 апрель, «Татар-информ»). Быел көз Россия Дәүләт Думасына депутатлар сайлау булачак. «Бердәм Россия» партиясе анда үз кандидатларын праймериз аша, ягъни партия эчендә иң лаеклыларны сайлап алып тәкъдим итәчәк. Праймериз төпле кандидатларны билгеләргә, шулай ук сайлау алды агитациясе вакытында сайлаучыларның гозерләрен җыярга мөмкинлек бирә, дип белдерде РФ Дәүләт Думасы депутаты Равил Хөснулин. Россия Дәүләт Думасына Татарстаннан сайланган Равил Хөснуллин, һәм шулай ук башка депутатлар, шул исәптән... Читать дальше...

(Казан, 2 апрель, «Татар-информ», Марат Ишкильдин). Казан циркында филләр катнашында чыгышлар булганда беренче ике рәткә билетлар сатылмаячак. «Әгәр киләчәктә циркта филләр чыгыш ясаса, беренче ике рәткә билетлар сатмау турында килешенде», — диде цирк директоры Рамил Шәрифуллин журналист Андрей Кузьминга биргән интервьюда. Циркка филләр чыгыш ясаганда манежны рәшәткә белән уратып алырга киңәш иткәннәр, ләкин фил кебек зур хайванны бернинди дә койма тоткарлый алмас иде, ди белгечләр. «Ерткыч... Читать дальше...