چارواکي: راتلونکې اوونۍ کابل ته د پاکستانيو سوداګرو پلاوی سفر کوي
کابل به روانه اونۍ د پاکستان د سوداګرۍ د یوه پلاوي کوربه وي.
د سوداګرۍ او صنعت وزارت ویاند جواد دبیر نن ازادي راډیو ته وویل، چې دا سفر د افغانستان او پاکستان ترمنځ د سوداګریزو ستونزو د هوارې په هدف ترسره کېږي.
د نوموړي په خبره، د دې لړۍ لومړۍ ناسته تېر اکتوبر میاشت په پاکستان کې ترسره شوې وه او پاکستاني چارواکو د ستونزو د هواري ژمنه کړې وه.
افغانستان دا مهال له پاکستان سره د سوداګرۍ په برخه کې له ګڼو ستونزو سره مخ دی.
وخت ناوخته د پاکستان له لوري لارو بندېدل، د اخاذيو اخیستل، لوړه تعرفه او د افغان سوداګرو د مالونو د پلټنې په برخه کې ستونزې هغه څه دي چې افغان سوداګر ورنه سر ټکوي.