د افغانستان دفاع وزارت: ارغنداب ولسوالۍ کې هوایي برید ۲۰ طالبان ووژل
دې وزارت پرون ناوخته په یوه خپره کړې خبرپاڼه کې ویلي چې دغه بمباري یې پرون غرمه مهال پر هغو طالبانو کړې چې په دې ولسوالۍ کې د نویو حملو لپاره سره راټول شوي و.
دفاع وزارت ویلي چې امنیتي او دفاعي ځواکونو د هوایي ځواکونو په ملتیا د فعالې دفاع په چوکاټ کې د طالبانو د یوې بلې حملې مخه ونیوله او هغوی ته پر تلفاتو سربېرهیې یو شمېر وسلې او مهمات هم ترې لاسته راړول.
د دفاع وزارت د دغې ادعا په اړه طالبانو تر اوسه څه نهدي ويلي.
د کندهار ارغنداب ولسوالۍ له شاوخوا یوې اوونۍ راهیسې د طالبانو او افغان امنیتي ځواکونو د سختو نښتو شاهده ده. په دغو جګړو کې پر افغان امنیتي ځواکونو او طالبانو سربېره ډېره مرګژوبله ولسي خلکو ته هم رسېدلې ده.
د کندهار د میرویس روغتون د جراحي څانګې مسؤل ډاکتر قدرتالله حکمیي پرون ازادي راډیو ته وویل چې تر اوسه د ارغنداب له جګړو په لسګونه ټپیان او مړي وروړل شوي دي.
دی زیاتوي: "په مجموع کې د میروس روغتون د جراحۍ له څانګې سره ۲۲۲ ټپیان او ۲۵ مړي ثبت شوي او دغه بهیر دوام لري."
د ازادي راډیو د خبریال د راپور له مخې په ارغنداب او د کندهارپه یو شمېر نورو ولسوالیو کې د وروستیو نښتو له امله په زرګونه کورنۍ خپلو اصلي مېنو پرېښودو ته اړې شوي او نورو سیمو ته کډه شوي دي.