Өзбек мигранттары Орусиядан мекенине көп акча жөнөттү
Орусиянын Борбордук банкы тараткан маалыматка ылайык, 2019-жылдын биринчи жарымында өзбек мигранттары мекенине эки миллиард доллар жөнөтүшкөн. Бул былтыркы жылдын ушул маалына салыштырмалуу 200 миллион долларга көп.
Мекенине акча жөнөткөн мигранттардын тизмесинде Өзбекстан Борбор Азияда биринчи орунда турат. Экинчи орунду Тажикстан ээлейт.
Коңшу өлкөнүн жарандары быйылкы жылдын биринчи жарымында Орусиядан 1,1 миллиард доллар которсо, кыргызстандыктар 935 миллион доллар жөнөтүшкөн.
Гайдар институту жарыялаган баяндамага ылайык, Орусияда өзбекстандык эмгек мигранттарынын саны соңку үч жылда көбөйгөн. 2017-жылы эки миллионго жетпесе, 2019-жылы алардын саны дагы 100 миңге көбөйгөн.