Новости за 22.07.2020

Эл аралык "Human Rights Watch" уюму Кыргызстан жана Казакстан бийликтеринин пневмония оорусун COVID-19 илдетинин статистикасына кошуп саноо чечимин кубаттады. Бул тууралуу уюмдун сайтында жазылды. Эл аралык укук коргоо уюмунун кайрылуусунда “ооруларды кошуп саноо өлкөдөгү чыныгы кырдаалды ачык көрсөтүп, бийликтин абалды оңдошуна жана жарандардын ден соолугуна кам көрүшүнө жардам берет” деп айтылат. "Human Rights Watch" уюмунун Борбор Азия боюнча изилдөөчүсү Мира Ритман коронавирус инфекциясы жөнүндө... Читать дальше...

Кыргыз өкмөтү тараткан маалыматка ылайык, Кыргызстан Кытай мамлекетине болгон карызынын 2020-жылдагы төлөмдөрүн токтотуп туруу боюнча макулдашышты. Учурда карыз мөөнөтүнүн узартуу шарттары иштелип жатат. Мындан сырткары Кыргызстан 2020-жылдагы карызды тейлөө боюнча төлөмдөрдү 3-4 жылга жылдырып туруу жөнүндө Сауд өнүктүрүү фонду, Кувейт араб экономикалык өнүктүрүү фонду, Франция, Германия, Дания, Корея, Жапония мамлекеттери менен макулдашты. 15-апрелде “Чоң жыйырма” жана насыя берүүчү өлкөлөрдүн... Читать дальше...

Бишкек шаардык Ички иштер башкармалыгы милиция кызматкерлери үчүн 40 орундуу күндүзгү стационар ачылганын билдирди. Стационар күн сайын саат тогуздан кечки жетиге чейин иштейт. Ал жерде Ички иштер министрлигинин (ИИМ) дарыгерлери ооруп калган милициялардын саламаттыгына көз салат. Бишкек милициясы шаардагы бардык стационарлардагы “кызыл зонада” күч кызматкерлери күзөттө турганын, убактылуу бейтапкана алардын өздөрүнүн саламаттыгына кам көрүү үчүн ачылганын маалымдады. Өлкө боюнча алты милиция... Читать дальше...

Кыргызстандын Малайзиядагы, Түштүк Кореядагы мурдагы элчиси Кылычбек Султан Улуттук коопсуздук боюнча мамлекеттик комитетке (УКМК) күбө катары суракка чакырылганын “Азаттыкка” билдирди. “Күбө катары турат чакырууда. Акыркы убакта “Фейсбук” баракчамда бийликтин шалаакылыгы, адам өмүрүн сактап калуудагы аракетинин начардыгы тууралуу жазгандарым үчүн чакырды окшойт”, - деди ал. Кылычбек Султан атайын кызматка 23-июлда жактоочусу менен саат 11де бараарын кошумчалады. УКМКдан мурдагы элчи эмнеге чакырылганы... Читать дальше...

Ош Ош шаардык муниципалдык автоунаа мекемесинин кызматкерлери COVID-19 илдетине ПЧР-тест тапшырышты. Нарын Нарын облусунда COVID-19 жана пневмония илдети менен үйүндө ооруп жаткан 3547 адам аныкталып, ооруканаларга, күндүзгү стационарларга жиберилди. Өкмөттүн облустагы ыйгарым укуктуу өкүлчүлүгүнүн басма сөз кызматы билдиргендей, учурда аймакта илдетке чалдыккан адамдарга медициналык жардам көрсөтүү, оорунун кесепеттерин алдын алуу максатында үймө-үй кыдыруу иши улантылып жатат. Дубанда 18949 түтүндү мобилдик топтор кыдырып... Читать дальше...

Чүйдө пакистандык ыктыярчынын сабалышына шектүү үч адам кармалды. Токмоктолгон Шах Аббас Али ыктыярчы катары Бишкектеги стационарларда дарыгерлерге жардам берип жаткан. Пандемия менен күрөштө ар бир ыктыярчынын орду баа жеткис. Алардын катарында чет элдиктер да бар.

Өзгөчө кырдаалдар министрлигинин (ӨКМ) Калкты жана аймактарды коргоо башкармалыгынын башчысы Дайыр Каримов дезинфекция иштери Республикалык штабдын протоколу менен жүргүзүлүп жатканын билдирди. Дезинфекциядан кийин “оору күчөп кетти” деген сөздөрдү четке какты. “Ар бир партия хлор келгенде аны текшерүү үчүн санитардык кызматтын лабораторияларына беребиз. Алар сапатын жана курамын аныктап беришет”, - деди Каримов. Буга чейин ӨКМ дезинфекция каражаттары Саламаттык сактоо министрлигинин, эпидемиологдордун көрсөтмөсү менен даярдалып... Читать дальше...

Мамлекеттик чек ара кызматынын Ош облусу боюнча башкармалыгынын улук офицери Талгат Аланов 21-июлда мезгилсиз көз жумду.

Ооганстанда жолго катылган бомба жарылып, коопсуздук кызматынын сегиз өкүлү, анын ичинде үч жогорку даражалуу кызматкер мерт болду. Полициянын билдиришинче, алар Урузган провинциясында Хас-Урузган районундагы аскердик базадан чыгып, жергиликтүү полиция бөлүмүнө баратышкан. Райондук полициянын башчысы Дал Гүл кол салууда дагы бир канча адам жарадар болгонун билдирди. Бул райондогу жолдорду соңку сегиз жылдан бери "Талибан" куралдуу кыймылы көзөмөлдөйт. Мындан улам адатта бул аймактагы өкмөттүк күч түзүмдөрүнө керектүү жабдык... Читать дальше...

Бириккен Улуттар Уюмунун (БУУ) адам укуктары боюнча эксперттери укук коргоочу Наржес Мухаммади коронавирус болуп ооруп калганы үчүн Иран бийлигин аны түрмөдөн бошотууга чакырышты. Алар тараткан билдирүүдө "16 эксперттен турган топ Наржес айым Занжан түрмөсүндө COVID-19га кабылганынан улам тынчсыздануу билдирет", - деп айтылат. Иран бийлиги буга байланыштуу үн ката элек. Журналист жана активист Мухаммади 2015-жылы Иранда өлүм жазасына тыюу салуу өнөктүгүн уюштурганы үчүн камалган. Ага өлүм жазасына... Читать дальше...

Мурдагы президент Алмазбек Атамбаевдин кеңешчиси Икрамжан Илмияновдун жатак абакка которулгандыгы тууралуу кабары жок экенин анын адвокаты Кубанычбек Ташбалтаев “Азаттыкка” билдирди: “Менде мындай маалымат жок. Икрамжан Илмияновго карата шаардык соттун чечими чыккан соң, ал жаза мөөнөтүн өтөө үчүн Бишкектеги №47-абакка которулган”. Буга чейин Президенттик аппараттын башчысынын мурдагы орун басары Икрамжан Илмиянов жатак абакка которулганы тууралуу маалыматты vb.kg сайты өз булактарына таянып жазып чыкты. Читать дальше...

Баткендин тоо арасындагы Кыштут айылында пандемия учурунда жай турмуш кадимкидей уланып жатат. Болгону сактануу эрежелерин кармап, сырттан келген кишилер менен карым-катнашка өз алдынча чектөө коюшкан. Күнүмдүк тирилик менен алектенип, айылдыктар ашар уюштуруп, жакында жүргөн сел кесепеттерин жоюп жатышат.

Кыргызстанда коронавирус менен ооругандардын расмий саны 30 миңге жакындады. Ошол эле кезде чыныгы сан мындан бир нече эсе көп экенин айткандар бар.

Австрияда киши колдуу болгон чеченстандык бозгун, блогер Мамихан Умаровдун Чеченстандагы туугандары атайын видео кайрылуу таратты. Анда алар Умаровдун өлүмүнө тиешеси бар экенин айтышып, маркумду күнөөлөштү. "Мамихан Умаров биздин тукумубуздан чыккан, Европада жашаган. Аны жайламайынча өзүбүздү көрсөтүү мүмкүнчүлүгүбүз болгон эмес. Биз аны менен байланышып, токтотууга аракет кылдык. Биз ага токтот, андай кылба дедик. Ал Европанын атайын кызматтары жанын койбосун, алардын көрсөтмөсү менен айтып турушу керектигин билдирди"... Читать дальше...

Түркмөнстанда коронавирус бар экенин караманча четке кагып келаткан президент Гурбангулы Бердымухамедовдун карачечекей жездеси Аннаназар Режепов кайтыш болду.

Быйыл жайда Токиодо жайкы Олимпиада оюндары өтмөк. Профессионалдык спорт дүйнөсү ушул тапта өткөнгө кылчайып, 40 жыл мурун СССРде өткөн Олимпиаданы жылуу эскерип турат.

Президент Сооронбай Жээнбеков парламенттик шайлоо белгиленген мөөнөттө өтөрүн айтты. Ал шайлоону жылдырууну сунуштаган партияларды куру популизмге алдырды деп сынга алды. Пандемия шартында шайлоо кандай өтүш керек? Өлкө оор кырдаалга кептелгенде ачык айкын шайлоо өткөрүү үчүн эмнелерге көңүл буруу зарыл? Бул суроону “Эксперттер талдайт” берүүсүндө талкууладык.

Президент Сооронбай Жээнбековдун 21-июлдагы ыктыярчылар менен жолугушуусун мамлекеттик гана ЖМК өкүлдөрү чагылдырган. Factchek.kg порталынын журналисттери сереп салып, мамлекеттик каналдар бирдей эле маалымат таратканын аныкташкан. Медиасерепчилер “Президенттин аппаратына, жалпы бийлик өкүлдөрүнүн дарегине айтылган сын пикир жарым-жартылай гана чагылдырылды” деген тыянакка келишкен.

Екатеринбургда эки күн катар калайман мушташка катышкан кыргызстандык жана тажикстандык мигранттар изделип жатат.

Тайсон буга чейин бир канча кайрымдуулук беттештерин өткөрүүгө ниеттенип жүргөнүн билдирген. Мушкер дагы бир дүйнө чемпиону Рой Жонс менен рингге чыгары айтылууда.

Кыргыз калкы кылымдарды карыткан, зоболосу бийик, көрөңгөлүү, баатыр, айкөл, каада-салты кайталангыс, дүйнө жүзү суктанган эл деп мактанабыз. Ошол эле учурда кыргыздын душманы да кыргыз; кайдыгер, көрө албас, кежир, оома элбиз деп жер сабагандар да көп. Чындыгында, мамлекеттик башкаруу, билим берүү, экономика, айыл чарба ж.б. сыяктуу эле, кыргыздын каада-салты, үрп-адаты, дегеле жалпы маданияты да реформага муктаж болуп тургандай. Чүпүрөк алмашуу, эрегишүү Мен бул макалада аш-тойлордогу куру намысчыл ысырапкорчулук... Читать дальше...

22-июлда Дональд Трамп апрелден бери биринчи жолу пандемия боюнча Ак Үйдө пресс-конференция өткөрдү. Президент вакцина иштеп чыгуу аракеттеринде жана COVID-19 илдетин дарылоодо АКШнын айрым штаттарында алга жылуу байкалып жатканын белгиледи. «Биз абдан күчтүү болот деген стратегиянын үстүнөн иштеп жатабыз. Өлкөбүздүн айрым бөлүктөрүндө абал жакшы, башкаларында анча канааттандырбайт. Тилекке каршы, кырдаал оңолгончо дагы бир кыйла начаралашына күбө болобуз. Албетте бул абдан жагымсыз, бирок айтууга туура келүүдө. Читать дальше...

Зайракан Асанкожоева 41 жылдан бери Сары-Ой айылындагы эмканада фельдшер болуп иштейт. 61 жаштагы пенсионер пандемия учурунда күнүнө 40тан ашык бейтапты тейлеп жатат.

Кытай-Кыргызстан-Өзбекстан темир жолунун курулушу Кыргызстан үчүн стратегиялык маанилүү долбоор катары кайрадан күн тартибине чыкты. Аталган темир жолдун Кыргызстан үчүн мааниси эмнеде? Өлкөнүн коопсуздугу үчүн тобокелчиликтер барбы? Курулуштун башталбай жатышына сырткы факторлордун таасири болуп жатабы?

Ушул тапта тараптар беттеш кандай негизде өтөрүн талкуулап, келишим түзүүгө кам көрүүдө. Таймаштын кайсы күнү болору ушул жумада айтылмакчы.