Новости за 12.07.2020

Орусиянын Хабаровск шаарында жекшембиде экинчи күнү катары менен нааразылык акциясы уланды. Митингге чыккандар крайдын губернатору Сергей Фургалга колдоосун билдиришти.

Орусиянын Красноярск крайында “Норникель” ишканасында 45 тоннадай авиациялык керосин жер кыртышына жайылып кетти. Бул тууралуу заводдун маалымат кызматы жекшембиде жазды. Ага чейин суюк отун ташыган куурга ээлик кылган "Норильсктрансгаз” компаниясы 20 тонна керосин сыртка чыгып кеткенин билдирип, адамдардын саламаттыгына коркунуч жаралбаганын, кара майды чогултуу аракети көрүлүп жатканын кошумчалаган. Аймактык прокуратура окуяны териштире баштаганын “Интерфакс” агенттиги жазды. Майдын этегинде Норильск... Читать дальше...

Европа Биримдиги Cербия жана Косово лидерлеринин сүйлөшүүлөрү жанданганын билдирди. Косовонун премьер-министри Авдулла Хоти менен серб президенти Александр Вучич шаркеттин тышкы саясатынын жетекчиси Йозеп Борреллдин арачылыгы менен уюштурулган онлайн жолугушууга катышты. Акыркы жолу эки өлкө жетекчилеринин саммити 2018-жылдын ноябрында өткөн. Евробиримдиктин чабарманы Мирослав Лайчактын айтымында, Вучич менен Хоти Брюсселде 16-июлда жолугушканы жатат. "Шаркеттин ортомчулугу менен жүргүзүлүп жаткан... Читать дальше...

Баткен облусунун Лейлек районунда 12-июль күнү сел жүрдү. Саат 15:30 чамасында жааган жамгырдын кесепетинен Исфана шаарында жана Тогуз-Булак айыл аймагында коктулардан келген суу үч турак үйдүн короосун каптаган. Өзгөчө кырдаалдар министрлигинин маалыматына караганда, учурда тиешелүү адистерден турган комиссия, куткаруучулар сел жүргөн аймакта иштеп жатышат. 12-июлга карата Ош, Баткен, Ысык-Көл облустарынын кээ бир райондорунда, Чүй Жалал-Абад облустарынын тоо этектеринде жана тоолуу райондорунда өткүн өтүп... Читать дальше...

Өмүрүн агартуу ишине арнаган Гайша Ибрагимова эгемен Кыргызстанда алгачкылардан болуп жеке менчик билим берүү мекемесин түптөп, балдарды заманбап технологиялар менен окута баштаган. Ал Билим берүү мекемелеринин бирикмесин жетектеген. Ибрагимова 12-июлда 69 жаш курагында пневмониядан Бишкектеги ооруканалардын биринде көз жумду. «Сорос-Кыргызстан» фондунун жетекчиси, Гайша Ибрагимованын уулу Шамил Ибрагимов «Твиттердеги» баракчасына буларды жазды: «Эми баары мурдагыдай болбойт. Мурдагыдай жакшы болбойт. Читать дальше...

Республикалык штаб "Неман-Фарм" ишканасы COVID-19 вирусунун симптомдорун дарылоо үчүн гепарин дарысынын партиясын алып келгенин маалымдады. Дары адегенде 12-июлга оогон түнү "Неман" дарыканасынын Бишкектеги кампасына түшкөн. Учурда бул дары "Немандын" башка филиалдарына жеткирилди. Алып-сатууларды алдын алуу үчүн дары 443 сомдон бир адамга бирден эле сатылууда.    Штаб дары-дармектердин баасын ашырып саткан учурларды Экономикалык кылмышка каршы күрөшүү кызматына (Финполиция) кабарлоого чакырат. Читать дальше...

Жаш дарыгер Жаныбек Мырзабеков Улуттук госпиталда пневмония менен ооругандарды дарылап жатат. Кесиби боюнча уролог болгондуктан бул ооруга чалдыккандарды дарылоо Жаныбек үчүн да, анын командасы үчүн да оор болууда. Ал "Азаттыкка" дарыгерлер кандай шартта иштеп жатканын видеого тартып жиберип, Бишкектин тургундарынан аймактарга барбай турууну өтүндү.

12-июлда “Манас” эл аралык аэропортуна Москвадан «Аэрофлот» компаниясы менен 426 кыргызстандык кайтып келди. Бул тууралуу Республикалык штабдан кабарлашты.   Бул каттам менен жогорку окуу жайлардын студенттери, кош бойлуу, балалуу аялдар жана оор абалдагы бейтаптар келди. Ошондой эле өз ыктыяры менен жардам берүү үчүн келген 45 медициналык кызматкер да бар. Ушул күндөрү Орусиядан Кыргызстанга кайтып келе албай жаткан жүздөгөн мекендештер бар. Кыргыз бийлиги атайын тизме түзүп, чет мамлекеттерден жарандарын алып келүүгө аракет кылууда. Читать дальше...

Мурдагы саламаттык сактоо министри, коомдук ишмер Накен Касиев ишкерлердин көмөгү менен Бишкекте оорукана куруу демилгесин көтөрүп чыкты. "Азаттык" Накен Касиевди кепке тартты.

Экономикалык кылмыштарга каршы күрөш боюнча мамлекеттик кызмат (Финансы полициясы) дары-дармектерди, медициналык каражаттарды дүңүнөн сатып алып, кайра кымбат баада сатып жаткандар кармалганын маалымдады. Аларда дары сатууга уруксат берген документтери болгон эмес. Финансы полициясы ыкчам иш-аракеттердин алкагында шаардын бир нече жеринде клексан дарысын 8 миң сомдон 14 миң сомго чейин сатып жаткан фактыларды аныктаган. Алып-сатарлардын иш аракети боюнча сотко чейинки тергөө башталды. Финполиция дары-дармектерди дүңүнөн сатып алып... Читать дальше...

Улуттук коопсуздук боюнча мамлекеттик комитет (УКМК) Жогорку Кеңештин депутаты Максат Сабировдун үнү делген Интернеттеги аудио боюнча териштирүү башталганын маалымдады. Атайын кызмат мамлекеттин конституциялык түзүлүшүн бузууга чакырган аудио боюнча экспертиза дайындаларын билдирди. Анын жыйынтыгы менен юридикалык баа берилип, чара көрүлөт. Жогорку Кеңештин депутаты Максат Сабиров УКМКдан билдирүү келе электигин, кайсы аудио жөнүндө сөз болуп жатканын билбей турганын “Азаттык” радиосуна айтты. Читать дальше...

Кыргызстандык спортчулар топту чебер элөө боюнча дүйнө кубогунда алтын жана коло медалдарды алышты.

Кыргызстанда 13-июлда айрым райондордо жамгыр жаайт. Абанын температурасы: Нарын облусунда түнкүсүн 7...12, күндүз 23...25, Ысык-Көл дубанында түнкүсүн 8...13, күндүз 20...25, Баткен, Ош, Жалал-Абад облустарында түнкүсүн 17...22, күндүз 29...34 градус ысык болот. Талас жергесинде түнкүсүн 12...17, күндүз 28...33, Чүй өрөөнүндө түнкүсүн 14...19, күндүз 30...35 градус, Бишкек шаарында түнкүсүн 17...19, күндүз 33...35 градус болот.

Орусиянын Хабаровск шаарында аталган аймактын губернатору Сергей Фургалдын камалышына каршы нааразылык акциясы 12-июлда да уланып жатат. Жекшембиде акциянын катышуучулары Ленин борбордук аянтында чогулуп, жүрүш жасашты. “Интерфакс” маалымат агенттиги көчөдөгү айдоочулар акцияны колдоо максатында жапырт сигнал басып жатканын кабарлады. Шаарда полиция күчөтүлгөн тартипте иштеп жатат. Адамдардын кармалганы тууралуу азырынча маалымат жок. Аймактын бийлиги элге кайрылып, нааразылык акциясына катышпоону суранды. Читать дальше...

Билим берүү министринин мурдагы орун басары, Бишкектеги “Илим” билим берүү комплексинин жетекчиси Гайша Ибрагимова 69 жаш курагында дүйнө салды. Гайша Ибрагимова пневмония болуп, бир нече күн мурун ооруканага жаткырылган. Ал Кыргызстандын билим берүү тармагында бир топ долбоорлорду ишке ашырып, агартуу тармагына зор салымын кошкон. Ибрагимова 2004-жылдан 2005-жылга чейин билим берүү министринин биринчи орун басары, кийин аталган министрликтин статс-катчысы болуп иштеген. Өмүрүн агартуу ишине... Читать дальше...

Дүйнөлүк саламаттык сактоо уюмунун (ДССУ) өкүлү Майкл Райан Казакстанда акыркы жумаларда пневмониянын күчөшү коронавирус илдети менен байланыштуу болушу мүмкүн экенин жарыялады. ДССУнун саламаттык сактоо тармагындагы өзгөчө кырдаалдар боюнча программасынын башчысы Майкл Райан брифингде Казакстанда пневмониянын көп катталышы туура эмес диагноз коюлган коронавирустун бир формасы болушу мүмкүн экенин айтты. Райан “муну Борбор Азияда мамлекеттериндеги COVID-19 менен ооругандардын көбөйүшү далилдейт” деп кошумчалады. Читать дальше...

Бишкектеги “Илим” билим берүү комплексинин жетекчиси, билим берүү министринин мурдагы орун басары Гайша Ибрагимова 69 жаш курагында дүйнө салды. Бул тууралуу анын жакындары маалымдашты. Гайша Ибрагимова пневмония болуп, бир нече күн мурун ооруканага жаткырылган. Гайша Ибрагимова Кыргызстандын билим берүү тармагында бир топ долбоорлорду ишке ашырып, агартуу тармагына зор салымын кошту. Ибрагимова эгемен Кыргызстанда алгачкылардан болуп жеке менчик билим берүү мекемесин түптөп, балдарды заманбап технологиялар менен окута баштаган. Читать дальше...

Орусияда иштеп жүргөн кыргыз дарыгерлеринин тобу 12-июлда Бишкекке учуп келет. Кыргызстандын Орусиядагы элчиси Аликбек Жекшенкулов өз ыктыяры менен Бишкекке барууну каалган дарыгерлер менен 10-июлда жолугушкан. Бул тууралуу элчиликтен маалымдашты. Ыктыярчылардын тизмесине Орусиянын медициналык мекемелеринде иштеген 25 дарыгер жана 20 медайым кирди. Алардын катарында реаниматолог, кардиолог, эпидемиолог, терапевт жана медайымдар бар. Элчиликтин маалыматы боюнча, алардын көпчүлүгү COVID-19 илдетин дарылоо тажрыйбасына ээ. Читать дальше...

Спортчу бешинчи раундда атаандашын техникалык нокаут менен утуп алды. Анын каршылашы жарым жеңил салмактагы UFC уюмунун экс-чемпиону жана WEC версиясы боюнча аралаш мушташтын мурдагы чемпиону.

12-июлга карата коронавирус 10 629 адамдан табылып, 3387 бейтап айыгып кетти. Айрым бейтаптар илдетти жеңил өткөрсө, башкалары деми кыстыгып, жандандыруу бөлүмүнө да түшүп калышууда. Ар бир бейтаптын оору белгилери да, дарылоо ыкмасы да ар кандай. Ооруну жеңген бейтаптар СOVID-19 илдети, оорунун белгилери, аймактык оорукананын кейиштүү абалы тууралуу «Азаттык» менен ой бөлүштү. "Илдеттен кийин өзүмдү алсыз сезем" Бишкек шаарынын тургуну Адилет март айына чейин коронавирустан кабары да болгон эмес. Читать дальше...

"MegaCom" байланыш оператору социалдык тармактардагы жеке баракчаларды бузуп кирүүгө компаниянын тиешеси жок экенин билдирди. Бул маалымат ишкананын расмий сайтында жарыяланды. Компания "Интернеттеги шылуундардын социалдык тармактардагы жеке баракчаларды бузуп кирүүсүн "MegaCom" компаниясы менен байланыштырып жаткан маалыматтар жалган" деп билдирди. “Жалган маалымат тарап жатканына байланыштуу "MegaCom" компаниясы социалдык тармактардын колдонуучуларынын жеке баракча, маалыматтарына ээ болуу... Читать дальше...

Кыргызстандын Сейсмология институтунун маалыматына ылайык, 12-июль таңкы саат алты жарымда Нарын облусунун аймагында очогунда күчү 4,5 баллга жеткен жер титирөө катталды. Жер титирөө Нарын районунун Кара-Булак айылында, Ак-Талаа районунун Орто-Сырт айылында 4 балл, Ат-Башы районунун Ак-Бейит, Казыбек, Кызыл-Туу айылдарында 3,5 балл, Ак-Талаа районунун Баетов, Кара-Суу айылдарында 2,5 баллга чейин сезилди. Өзгөчө кырдаалдар министрлиги жер титирөөдөн жабыркагандар жана кыйроо болбогонун билдирди. Читать дальше...

Капыстан келген дарттан улам жашоо менен кош айтышкан белгилүү диний ишмер Чубак Жалиловду замандаштары, достору эскерип жатышат.

12-июлда өлкө боюнча 127 медициналык кызматкер коронавирус жуктуруп алганы аныкталды. Бул тууралуу Республикалык штабдан маалымдашты. Алардын 51и Бишкек шаарында, 44ү Чүй облусунда, 12си Ош шаарында, төртөө Ош, бирөө Жалал-Абад, жетөө Баткен, бешөө Ысык-Көл, үчөө Талас облустарында. Ал эми акыркы бир суткада алты медициналык кызматкер ооруканадан айыгып чыкты. Жалпысынан республика боюнча COVID-19 диагнозу менен 1556 медициналык кызматкер катталган. Анын ичинен 552 медкызматкер стационардан айыгып чыккан. Читать дальше...

Бир сутка ичинде Кыргызстандын ооруканаларында коронавирустан жети, пневмониядан 41 бейтап каза болду. Бул тууралуу 12-июлда Республикалык штабдан маалымдашты. COVID-19дан Бишкектеги Кыргыз-Түрк достук ооруканасында жаткан 37, 57 жаштагы эки эркек жана 58 жаштагы аял, Республикалык клиникалык инфекциялык ооруканасында жаткан 57 жаштагы аял, Ат-Башы аймактык ооруканасында жаткан 64 жаштагы аял, Жайыл аймактык ооруканасында жаткан 36 жана 52 жаштагы эки эркек каза болду. Ушуну менен өлкө боюнча коронавирустан... Читать дальше...