Новости за 14.01.2019

Бишкек шаардык соту баш калаанын мурдагы мэри Кубанычбек Кулматовду 31-январга чейин камакта калтырды. Отурум 14-январда болгонун Кыргызстан социал-демократиялык партиясынын (КСДП) басма сөз кызматы кабарлады. Мурдараак ушундай чечимди Биринчи май райондук соту чыгарып, Кулматовдун адвокаты шаардык сотко арызданган болчу.   Кыргызстандын Мамлекеттик бажы кызматынын мурдагы башчысы жана Бишкек шаарынын мурдагы мэри Кулматов эки кылмыш иши боюнча айыпталган. Биринчиси баш калаада мектеп курууга жумшалган... Читать дальше...

2018-жылы Кыргызстандын ички дүң продукциясынын 12 пайызын айыл чарбасы түздү. Агрардык тармакты изилдеген окумуштуу, Кыргыз-Орус Славян университетинин профессору Акасбек Абдурашитовдун иликтөөсү боюнча, экономикалык өнүгүү багыты катары айыл чарбасына артыкчылык берилсе, анын ички дүң продукцияда ээлеген көлөмү көбөйүшү шексиз. Ал үчүн дыйкан чарбаларды ирилештирип, адистештирүүнү калыптандыруу жана кызмат көрсөтүүнү өнүктүрүү зарыл. Экономика илимдеринин доктору бул оюн “Азаттыкка” берген интервьюсунда ортого салды. Читать дальше...

АКШнын президенти Дональд Трамп "Твиттер" баракчасына Сириядан америкалык күчтөр чыгарыла баштаганын белгилеп, ошол эле маалда "Ислам мамлекети" террордук тобуна сокку урула берерин билдирди. Трамп ошону менен катар Түркияны Сириянын түндүк-чыгыш райондорун көзөмөлдөгөн күрттөргө каршы агрессивдүү чара көрүүдөн алыс болууга чакырды.    "Эбактан бери бышып жетилген Сириядан аскер күчтөрүн чыгаруу жараянын баштадык. Аны менен катар эле "халифаттын" калдыгына ар тараптан катуу сокку уруп жатабыз. Читать дальше...

Кыргыз Республикасынын мамлекеттик гербинин кабыл алынганына 25 жыл толду. Өлкөнүн негизги үч атрибутунун бири болгон герб 1994-жылдын 14-январында Жогорку Кеңештин токтому менен кабыл алынган. Анын авторлору - Асеин Абдраев жана Садырбек Дубанаев. Дубанаев бир кезде журналисттерге берген маалыматка ылайык, гербдин алгачкы вариантында канаттары жайылган шумкар чагылдырылып, ал мамлекеттин эркиндигинин белгиси катары сыпатталган. Ортосунда Ысык-Көл суусу, Ала-Тоонун аскалуу бийик кырка тоолору тартылган. Читать дальше...

Орусиянын Шахты шаарында көп кабаттуу турак үйдөгү газ жарылып, кеминде бир аял каза болду. Ростов облусунун губернатору Василий Голубев эки киши оор жаракат алып, ооруканага жаткырылганын билдирди. Дагы төрт адамдын дайыны табылбай жатканын Өзгөчө кырдаалдар министрлиги тактады. Расмий маалыматка караганда, тогуз кабат үйдө 14-январдын таңында газ жарылган. Жарылуудан кийин тартылган сүрөттөрдөн үйдүн эң жогорку төрт кабаты зыянга учураганын көрүүгө болот. ТАСС агенттиги үйдүн ичинде калгандарды... Читать дальше...

Бишкек шаардык соту мурдагы өкмөт башчы Сапар Исаковдун камактагы мөөнөтүн 13-февралына чейин узартуу тууралуу Биринчи май райондук соту чыгарган чечимди күчүндө калтырды. Отурум 14-январда жабык өткөнүн Кыргызстан социал-демократиялык партиясынын (КСДП) басма сөз кызматы билдирди. Исаков бул партиянын көрүнүктүү мүчөлөрүнүн бири.  Исаковду камакта кармоо мөөнөтүн узартуу тууралуу өтүнүчтү Улуттук коопсуздук боюнча мамлекеттик комитеттин (УКМК) тергөөчүлөрү берген. Муну алар Бишкек Жылуулук электр... Читать дальше...

Казакстандын Улуттук коопсуздук кызматы "Алматыда чабуулдарды пландаган" деп шек саналган адамдардын тобун кармады. Мекеменин басма сөз кызматы алар борбор азиялыктар экенин маалымдады, бирок кармалгандардын аты-жөнү жана кайсы өлкөнүн жарандары экендиги айтылган жок.  Шектүүлөрдүн убактылуу жашаган үйү тинтүүгө алынып,  жардыруучу заттар, курал-жарак жана ок-дары табылган. «Тергөөнүн версиясы боюнча кармалгандар «Ислам мамлекети» террордук тобунун чет өлкөдөгү согушкерлеринин буйруктарын аткарып жүрүшкөн. Читать дальше...

Кырсыкка кабылган учак Тегеранга жакын жердеги "Пайам" аэропортуна конушу керек эле.

Кыргызстанда таза сууга муктаж айыл-кыштактардын тизмеси жаңыдан такталат. Ичүүчү суу менен камсыз кылуу жана саркынды сууну чыгаруу департаментинин директору Аскарбек Токтошев 14-январда билдиргендей, президент өлкө калкын 2023-жылга чейин таза суу менен камсыз кылууну тапшырды. Мамлекет башчы каржы маселесин чечүү үчүн инвестор тартууну да сунуш кылды.

Ананьево айылындагы православ көрүстөнүндөгү эстеликтерди талкалланышы боюнча Ысык-Көл райондук ички иштер кызматы тергөө тобун түзүп, иликтөө иштерин баштады. Премьер министр Мухаммедкалый Абылгазиев күнөөлүүлөрдү таап жазалоону жергиликтүү бийликке тапшырды. Православдардын сынына кескин кабылган бул окуяны бийликтер бейбаштык катары баалап, диний жана улут аралык кастыкка байланышкан маселе жок деп жатышат. Көрүстөндөгү эстеликтерди талкалоо фактысы 11-январда белгилүү болгон.

Иранда 14-январда кулап түшкөн жүк ташуучу "Boeing 707" учагына Бишкектен 30 тонна эт жүктөлгөн болчу. Бул тууралуу "Азаттыкка"  "Манас" эл аралык аэропортунун басма сөз катчысы Алия Курбанова билдирди:  - Чартердик каттам жүргүзгөн жүк ташуучу "Boeing 707" учагы ирандык авиакомпанияга таандык. Кыргызстанга тиешеси жок. Ал 13-январда "Манаска" саат 23:10до конгон. Учак дүйшөмбүдө эртең менен саат 7:16да учуп кеткен. Экипажда 16 адам болгон. Арасында кыргызстандыктар жок.  Кырсыкка кабылган учак... Читать дальше...

Баткенде адистер үймө-үй кыдырып, башка жакка иштегени кеткен мигранттардын балдарынын санын тактап жатат. Баткен шаарынын мэриясы 14-январда “Азаттыкка” билдиргендей,  бул өнөктүк өкмөттүн токтомуна ылайык жүргүзүлүүдө. Балдарга карата ырайымсыз мамиленин, зомбулуктун жана укук бузуунун алдын алуу максатындагы мындай каттоо иштери облустун бардык аймактарында жүрөт.  Комиссиянын курамында аймактагы социалдык коргоо башкармалыгынын кызматкерлери, жаш өспүрүмдөр менен иштеген инспекторлор, билим берүү... Читать дальше...

Кыргызстанда таза сууга муктаж айыл-кыштактардын тизмеси жаңыдан такталат. Ичүүчү суу менен камсыз кылуу жана саркынды сууну чыгаруу департаментинин директору Аскарбек Токтошев 14-январда билдиргендей, президент өлкө калкын 2023-жылга чейин таза суу менен камсыз кылууну тапшырды. Мамлекет башчы каржы маселесин чечүү үчүн инвестор тартууну да сунуш кылды.  - Учурда өлкөдө таза суу маселеси чечиле элек 653 айыл бар. Кыргызстандын бүт аймагына толук таза суу жеткириш үчүн 30 млрд. сомго жакын акча керек, - деди Токтошев. Читать дальше...

Кыргызстанда балдарды окутуу, тарбия берүү түйшүгү көбүнчө аялзатынын мойнунда. Мектеп мугалимдеринин да көбү аялдар. Учурда мугалимдин кадыр-баркы кандай? "Эже-сиңдилер" бул жолу ушул суроолордун тегерегинде баарлашты.

Кыргызстанда 15-январда түнкүсүн жаан-чачын болбойт. Жолдорго муз тоңот. Түштүк-чыгыштан соккон шамалдын ылдамдыгы секундасына 5-10 метрге жетет. Күндүз Ош, Жалал-Абад, Баткен, Нарын облустарынын көпчүлүк аймактарында жамгыр аралаш кар жаап, тоолуу райондорго кар түшөт. Батыштан соккон шамалдын ылдамдыгы секундасына 4-9, Ысык-Көл ойдуңунда 15-20 метрге жетет. Абанын температурасы: Чүй өрөөнүндө түнкүсүн -3...+2, күндүз 2...7, Талас жергесинде түнкүсүн -4...+1, күндүз 2...7, Баткен, Ош, Жалал-Абад облустарында түнкүсүн -1...-6... Читать дальше...

Иранда 14-январда кулап түшкөн жүк ташуучу "Boeing 707" учагы Кыргызстандын "Манас" эл аралык аэропортунан учуп чыккан. "Манас" аэропортунун басма сөз катчысы Алия Курбанова "Азаттыкка" чартердик каттам жүргүзгөн учак ирандык авиакомпанияга таандык экенин билдирди.  Учак дүйшөмбүдө эртең менен саат 7:16да учуп кеткен. Ал Тегеранга жакын жердеги "Пайам" аэропортуна конушу керек эле.  Курмандыктар жана жабыркагандар тууралуу маалымат азырынча жок. "Reuters" агенттиги Ирандын мамлекеттик телеканалына таянып кабарлагандай... Читать дальше...

Шарип Көкөнов - алгачкы муундагы кыргыз жазуучуларынын бири. Чыгармачылык баралы келип турганда куугунтукка кабылып, абактан чыккандан кийин кара жанынын кайгайы менен болуп, көркөм чыгармачылыкка кайрылган эмес.

Алматы шаарында ИШИМдин тапшырмасы менен террордук актыларды даярдап жаткан деген шек менен Борбор Азиядан чыккан чет өлкөлүк топ кармалды.

Кыргызстан менен АКШнын жаштарынын маданий алака-катышын бекемдеген долбоор башталууда. Аны "Youth of Osh" коомдук бирикмеси "New York Folklore Society" уюму менен чогуу ишке ашырат.  2019-жылдын февраль-июль айларына пландалган долбоордун алкагында эки тараптан тандалган 30 улан-кыз Кыргызстан менен АКШнын материалдык эмес маданий мурастарын изилдеп, талкуулайт. Алар өз ара тажрыйба алмашып, Интернет аркылуу тапшырмаларды аткарышат. Ошондой эле алар эки мамлекеттеги ыктыярчылардын эки жумалык лагерлерине катышат. Читать дальше...

Өзбекстандын Самарканд шаарында "Индия - Борбор Азия" диалогу аяктады. Кыргызстандын, Өзбекстандын, Казакстандын, Тажикстандын, Түркмөнстандын, Ооганстандын жана Индиянын тышкы иштер министрлери катышкан алгачкы жыйын 12-13-январда болду.  Өзбекстандын Тышкы иштер министрлиги тараткан кабарга ылайык, тараптар чөлкөмдө соода-сатык, инновация жаатындагы кызматташтыкты, транзит жана транспорт байланышын бекемдеп, туризмди өнүктүрүүнү, илимий алака-катыш боюнча биргелешкен долбоорлорду ишке ашырууну талкуулашты. Читать дальше...

Сириянын бийлик өкүлдөрүнүн бири Бириккен Араб Эмираттары, Бахрейн жана Оман Дамаск шаарына түз аба каттамдарын калыбына келтирүүгө даяр экенин билдирди.

Кыргыз өкмөтү кадрларды ротациялоо салтын жандандыруунун жолдорун издеп жатат.

Белгилүү журналист, маркум Уланбек Эгизбаевдин атына соттон чакыруу жиберген кызматкерге тартиптик чара көрүлөт. Бул тууралуу "Азаттыкка" Жогорку соттун басма сөз кызматы кабарлап, Бишкек шаарынын Ленин райондук сотунун түшүндүрмөсүн жиберди.  Билдирүүдө Жергиликтүү сотторунун аппараты тууралуу жобого ылайык сот отурумуна тараптарды камсыз кылуу катчыга жүктөлөрү айтылып, Эгизбаевге чакыруу жиберген катчынын тажрыйбасы аз экени, ал ката кетиргени белгиленет.  “Азаттык” радиосунун иликтөөчү журналисти... Читать дальше...

Кыргызстанда кыздарды эрте турмушка узатууга каршы түшүндүрүү иштерине атайын долбоордун алкагында дин кызматкерлери тартылууда. “Аялдар тынчтык банкы” коомдук фонду 2018-жылдын августунда өлкөдө баштаган бул долбоор муфтият жана Дин комиссиясы менен макулдашылган.  Коомдук фонддун жетекчиси Гүлсана Абытова "Азаттыкка" билдиргендей, молдолор мечиттерде эрте никенин кесепети тууралуу эркектерге сабак өтүп жатат. Андан тышкары, аялдарга да диний билими бар адистер түшүндүрүү иштерин жүргүзүүдө. Долбоор 2019-жылдын февралында аяктайт. Читать дальше...

Ысык-Көл районунун Ананьево айылындагы православ көрүстөнүндө 91 эстелик талкаланган. Облустук милициянын басма сөз кызматы анын экөө мармар таш экенин, калганы жыгачтан жасалганын билдирди. Бишкектеги жана Караколдогу православ чиркөөлөрүнүн өкүлдөрү эстеликтерди калыбына келтирүүгө көмөктөшүүдө. Окуянын чоо-жайын Ысык-Көл райондук ички иштер бөлүмүндө түзүлгөн ыкчам топ иликтеп жатат. Аларга облустук башкармалыктан адистер жардам берүүдө. Кылмыштын күнөөкөрлөрү аныктала элек.  11-январдын кечинде... Читать дальше...