Татарстанда юл кырыена төшеп түбәсенә капланган машинаның йөртүчесе имгәнгән
(Казан, 21 декабрь, «Татар-информ», Полина Шевчук). Татарстанда бер машина юл кырыена төшеп киткән һәм түбәсенә әйләнеп капланган. Бу турыда «Татар-информ» агентлыгына һәлакәт шаһитлары сөйләде. Авария бүген көндезге өчтән соң М7 юлында Алабуга районының Танайка елгасы аша салынган күпер янында булган. «Мицубиси» машинасын йөртүче үргә менгәндә идарәсен югалткан һәм машина юл кырыена төшеп, түбәсенә әйләнеп капланган. «Йөртүче машина эчендә кысылып калган, аны башы имгәнгән. Коткаручылар һәм ашыгыч ярдәм табиблары һәлакәт урынына тиз килеп җитте. Алар ир-атны машинадан чыгардылар һәм хастаханәгә алып киттеләр», — дип сөйләде авария шаһитлары.