Новости за 26.08.2020

(Казан, 26 август, «Татар-информ»). ТАССРның 100 еллыгы флагы эстафетасы Яшел Үзәнгә кадәр барып җитте. Шәһәр стеласы янында аны җирле байкерлар каршы алды. Бу хакта «Новости Зеленодольска» яза. Колонна мотоциклчылар озатуында шәһәр урамнары буйлап узды. Эстафетаның тантаналы очрашуы «Муравейник» сәүдә үзәге янындагы мәйданчыкта узды. Шунда ук Татарстан АССР төзелүнең 100 еллыгына багышланган концерт та узды. Тантанага җыелучыларга сәламләү сүзе белән Яшел Үзән районы Башкарма комитеты җитәкчесе урынбасары Денис Лулаков мөрәҗәгать итте. Читать дальше...

(Казан, 26 август, «Татар-информ»). Әлки районының Базарлы Матак авылы үзәгендә Яңа ел чыршысы куелган. Бу хакта «Алькеевские вести» газетасы яза. 11 метрлы чыршыны Санкт-Петербург җитештерүчесе корылманың төзеклеген тикшерү өчен куйган. Тиздән чыршыны кире җыячаклар һәм Яңа ел алдыннан янә куячаклар.

(Казан, 26 август, «Татар-информ»). Рязань өлкәсе Касыйм шәһәрендә өч мәдәни-тарихи әһәмияткә ия булган объект төзекләндереләчәк. Бу турыда Россия мөфтиләр шурасы матбугат хезмәте хәбәр итә. Россия мөселманнарының Диния нәзарәте рәисе урынбасары Илдар Нуриманов җитәкчелегендәге делегация Рязань өлкәсенең Касыйм шәһәрендәге өч мәдәни-тарихи объектта реставрация эшләренә багышланган эшлекле очрашуда катнашты. Очрашу барышында катнашучылар төзекләндереләчәк Ханнар мәчете һәм Шаһ-Гали һәм Мөхәммәд солтан күмелгән ике төрбәне карап чыкты. Читать дальше...

(Казан, 26 август, «Татар-информ»). 11 сентябрьдә Казан Кремлендә ТАССРның 100 еллыгына багышланган «Мәхәббәт һәм илһам чыганагы» күргәзмәсе ачылачак. Бу хакта «Казан Кремле» музей-тыюлыгы хәбәр итә. Экспозиция «Манеж» күргәзмә залында урнашачак. Ул XX гасыр татар рәссамнарының иҗади мирасы һәм хәзерге заман авторларының эшләре белән таныштыра. Биредә пейзаж, натюрморт, портрет, жанр композицияләре кебек әсәрләр тәкъдим ителгән. Күргәзмәдә Россия һәм Урта Азиядән татар рәссамнарының хезмәтләре тәкъдим ителгән. Читать дальше...

(Казан, 26 август, «Татар-информ»). Биектау районы Олы Кавал авылында кичә 100 урынга исәпләнгән мәдәният йорты ачылды. Яңа объект «Мәдәният» илкүләм проекты кысаларында төзелгән. Бу хакта «Биектау хәбәрләре» яза. Чара Биектау районы башлыгы Рөстәм Кәлимуллин катнашында узды. Мәдәният йорты белән бергә янәшәдә Бөек Ватан сугышы елларында һәлак булган сугышчыларга һәйкәл дә торгызылды. Аның ачылу тантанасы шулай ук кичә узды.

(Казан, 26 август, «Татар-информ»). «Бердәм Россия» Бөтенроссия сәяси партиясенең Татарстан төбәк бүлеге секретаре Фәрит Мөхәммәтшин өч коммерцияле булмаган иҗтимагый оешма белән хезмәттәшлек турында килешү төзеде. Татарстан «Бердәм Россия» җитәкчелегенең коммерцияле булмаган оешма вәкилләре һәм партия тарафдарлары белән очрашуында килешүне имзаладылар. Фәрит Мөхәммәтшин иҗтимагый оешмалар вәкилләренә кешеләр белән эшләүләре һәм партиягә ярдәм итүләре өчен рәхмәт әйтте. «Кешеләр белән эшләргә кирәклеген аңлаган тарафдарлар булу күңелле хәл.

(Казан, 26 август, «Татар-информ»). Татарстан Хөкүмәте Йортында Татарстан Премьер-министры Алексей Песошин рәислегендә «Татэнергосбыт» АҖ Директорлар советы утырышы узды. Очрашу совет рәисен сайлаудан башланды. Алексей Песошинны бертавыштан сайладылар. Бу хакта республика Президенты матбугат хезмәте хәбәр итә. Утырышта берничә актуаль мәсьәлә каралды, аерым алганда, 2020-2021 елларга совет эше планы расланды һәм бу елга компаниянең капиталь кертемнәре программасына өстәмәләр килештерелде. Директор... Читать дальше...

(Казан, 26 август, «Татар-информ»). Кайбер чит дәүләтләр Россия Хөкүмәтенә Россиядә җитештерелгән коронавируска каршы вакцинаны сатып алу тәкъдиме белән мөрәҗәгать итте. Бу хакта Россия вице-премьеры Татьяна Голикова РФ Президенты Владимир Путинның киңәшмәсендә хәбәр итте. «РФ Тышкы эшләр министрлыгы мәгълүматы буенча, бүген Россиянең коронавируска каршы вакцинасын 27 ил сатып алу турында теләк белдерде», — диде Голикова. Россия Президенты Хөкүмәт әгъзалары белән киңәшмә үткәрде. Анда мәгариф учреждениеләренең яңа уку елына әзерлеге... Читать дальше...

(Казан, 26 август, «Татар-информ», Надежда Гордеева). Киләсе елдан Россиядә Бөтенроссия сыйныф җитәкчеләре форумын үткәрә башлаячаклар. Бу хакта Россия мәгариф министры урынбасары Виктор Басюк онлайн-режимда узган федераль укытучылар советында хәбәр итте. «Безнең өчен сыйныф җитәкчеләренә матди ярдәм күрсәтү генә түгел, педагоглар өчен матди булмаган стимуллаштыру чаралары да мөһим. Һәм моны да үстерергә кирәк. Безнең субъектларда укытучыларга матди булмаган ярдәм күрсәтүнең җитди практикасы бар. Читать дальше...

(Казан, 26 август, «Татар-информ», «Шәһри Казан» ). Татарстан Мәгариф һәм фән министрлыгы яңа уку елында мәктәпләр һәм колледжларда укыту эшен оештыру буенча тәкъдимнәр әзерләде. Белем бирү оешмалары җитәкчеләре уку йортының өстәмә керү юлларын ачу, дәресләрнең расписаниесен һәм ризык кабул итү графигын төзү кебек шундый эш-гамәлләрне башкарганда Роспотребнадзор һәм Мәгариф министрлыгының барлык таләпләрен үтәп, уку процессын оештырырга тиеш булып чыга. Белем бирү оешмаларында коронавирус таралуга... Читать дальше...

(Казан, 26 август, «Татар-информ»). Чаллыда йөк машинасы җиңел машинаны бәрдергән. Йөртүче һәм пассажир — хастаханәдә. Бу хакта һәлакәт шаһитлары хәбәр итә. Юл-транспорт һәлакәте бүген 14.00 сәгатьтә Минзәлә трактында 114/2 йорт каршында булган. «Мерседес» йөк машинасы «Фольксваген» автомобилен бәрдергән. Җиңел машина йөртүчесе һәм пассажир имгәнгән. Һәлакәт урынына ашыгыч ярдәм табиблары килгән һәм зыян күрүчеләрне хастаханәгә алып киткән.

(Казан, 26 август, «Татар-информ»). Татарстан «Бердәм Россия» партиясе иҗтимагый берләшмәләр белән актив эш алып баруы җәмгыятьнең сорауларына оператив җавап бирергә мөмкинлек бирә. Бу хакта Казанда узган республиканың коммерцияле булмаган партнерлык оешмалары һәм партия тарафдарлары белән очрашуда Татарстан Дәүләт Советы Рәисе, «Бердәм Россия» партиясенең Татарстан төбәк бүлеге секретаре Фәрит Мөхәммәтшин сөйләде. Ул искә төшергәнчә, коммерцияле булмаган оешмалар заманча җәмгыять үсешендә зур роль уйный. Читать дальше...

(Казан, 26 август, «Татар-информ»). Бүген Актаныш районы Әнәк авылында «ШАЯН ТВ» каналының төп алып баручысы Шаян — Эльдар Гыйниятов Минтимер Шәймиевнең кечкенә чагын — Миркәйне уйнады. Чара Татарстанның беренче Президенты Минтимер Шәймиевкә бронза бюст ачылу тантанасында булды. «ШАЯН» алып баручысы Аяз Минтимер Шәймиевнең балачак дусты ролен башкарды. «Хөрмәтле Президентыбыз барыбыз өчен дә үрнәк шәхес», — ди яшь алып баручылар.

(Казан, 26 август, «Татар-информ», Зилә Мөбәрәкшина). 29-30 августта Кабан күленең яңартылган яры буенда «Печән базары» фестивале узачак. Аның программасы белән « Интертат.татар » сайтында танышырга була. Фестивальгә милли киемнән киенеп килгән барлык кунакларны да бүләкләр көтә. Бу хакта «Татар-информ» хәбәрчесенә фестивальгә нигез салучы, оештыручыларның берсе Гөлназ Бәдретдин сөйләде. «Быел беренче тапкыр „Печән базары“ кысаларында „Милли кием көне“ узачак. 2013 елда беренче тапкыр „Печән базары“... Читать дальше...

(Казан, 26 август, «Татар-информ»). Казанда 16 яшьлек Виктория Егорованы бер ай эзлиләр. Ул өйдән чыгып киткән һәм әйләнеп кайтмаган. Бу хакта Россия Эчке эшләр министрлыгының Казан буенча идарәсе матбугат хезмәтендә хәбәр иттеләр. Виктория 14 июльдә өйдән чыгып киткән. Ул аксыл көрән джинсы куртка, зәңгәр джинсы чалбар, ак футболка һәм ак кроссовка кигән булган. Тикшерү кыз җинаять корбаны булырга мөмкин, дип фаразлый. Виканың кайда булуы турында белүчеләр (843) 291-43-08, 291-43-62 яки 89178849479 телефоннары буенча хәбәр итә ала.

Встреча состоялась в Культурно-досуговом центре «Грани».

(Казан, 26 август, «Татар-информ», Надежда Гордеева). Россия Мәгариф министрлыгы сыйныф җитәкчеләренә айлык акчалата өстәмәләрне түләүне контрольгә алачак. Бу хакта Россия мәгариф министры Сергей Кравцов онлайн-режимда узган федераль укытучылар советында әйтте. «Сыйныф җитәкчелеге өчен өстәмәләргә килгәндә, муниципалитет яки төбәк дәрәҗәсендә каралган барлык түләүләр дә кимеми, алар кала. Әгәр ниндидер үзгәрешләр булса, безгә яки мәгариф идарәләренең төбәк органнарына хәбәр итегез», — диде мәгариф министры. Читать дальше...

С 24 августа в республике отменен режим самоизоляции для лиц в возрасте 65 лет и старше.

(Казан, 26 август, «Татар-информ»). 27 августта Татарстан мәгариф һәм фән министры Рафис Борһанов белән турыдан-туры эфир узачак. Онлайн-эфир уку елы башлану турында булачак. Мәгариф һәм фән министрлыгы башлыгы яңа уку елында республикада белем бирү процессына нинди үзгәрешләр кертеләчәген сөйләячәк. Ул шулай ук татарстанлыларны кызыксындырган сорауларга җавап бирәчәк. Трансляция 16.00 сәгатьтә «ВКонтакте» социаль челтәренең Татарстан рәсми бергәлегендә булачак. «Сезне нинди сораулар борчый, комментарийларда языгыз», диелгән хәбәрдә. Читать дальше...

О своих планах фермер поведал и на встрече с главой Нурлатского района Алмазом Ахметшиным

Более половины из них полностью восстановили свои убытки из-за банкротства банков.

(Казан, 26 август, «Татар-информ»). Иртәгә Татарстанда эссе һава торышы көтелә. Көндез һава температурасы +25…+30 градуска кадәр күтәреләчәк. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә. Синоптиклар алмашынучан болытлы һава фаразлый. Явым-төшем булу ихтималы аз. Көньяк, көньяк-көнчыгыштан җил исәчәк. Төнлә һава температурасы +12…+17 градус булырга мөмкин.

В этом году республика отмечает вековой юбилей

(Казан, 26 август, «Татар-информ», Эвелина Киселёва). Татарстанда концертлар «бию» һәм «фан-зона» секторларыннан башка үткәреләчәк. Анда тамашачыларның утыру урыны юк, ә башкаручыны сәхнәгә якын килеп басып тыңлыйлар. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның Татарстан буенча идарәсе җитәкчесе урынбасары Любовь Авдонина сөйләде. «Бездә бүген дискотека, төнге клублар кебек күңел ачу чаралары тыелган. Ягъни бу өлештә әлегә рөхсәт юк, шуңа күрә ниндидер концерт узса... Читать дальше...

Нурлатские хлеборобы обмолотили более 70% всех площадей зерновых