Новости за 29.01.2020

Вазири нақлиёти Тоҷикистон бар хилофи изҳороти се моҳи қаблаш аз кори ширкати IRS (Innovative Road Solutions), масъули нигоҳубин ва ҷамъоварии пул дар роҳи Душанбе-Чаноқ, ситоиш кард. Худоёр Худоёрзода моҳи октябри соли гузашта дар ҷаласаи вазорат гуфта буд, ки "аз бемасъулиятии кормандони IRS дар роҳи Душанбе-Хуҷанд танбашавӣ ба вуҷуд меояд" ва айни замон ширкатро ба "худсарӣ ҳангоми пешниҳоди ҳисобот ба мақомот" гунаҳкор кард. Ӯ рӯзи 29-уми январ дар нишасти матбуотӣ дар Душанбе баракс фаъолияти ширкати IRS-ро хуб арзёбӣ намуд ва гуфт... Читать дальше...

Дар Душанбе як намоишгоҳе баргузор шуд, ки чеҳраи занони ҷафокашидаи тоҷикро нишон медиҳад. Баргузоркунандагонаш гуфтанд, барои нишон додани хушунат ба занон дар оила ва мубориза бо ин зуҳурот намоишгоҳро баргузор карданд.

Ба хабари мақомоти расмии Афғонистон, ҳангоми ҳамлаи Толибон ба гузаргоҳҳои тафтишотӣ дар вилояти шимолии Кундуз ҳадди ақал 13 узви нирӯҳои амниятии Афғонистон  кушта шудаанд. Сафиуллоҳ Амирӣ, узви Шӯрои вилоятӣ, рӯзи 29-уми январ гуфтааст, ҷангҷӯён шаби якшанбе ба ноҳияи Дашти Арчӣ ҳамла карданд.  Ба қавли Амирӣ ва сарчашмаи номаълуми амниятӣ, дар ҳамла ҳашт сарбоз ва наздик ба чор корманди полис маҷрӯҳ ва се нафари дигар аз сӯи Толибон ба асирӣ гирифта шудаанд. Ҳокими ноҳия Садуддин Сайид гуфт, ки задухӯрдҳо то субҳ идома доштанд. Читать дальше...

Хадамоти зиддиинҳисории Тоҷикистон бо фиристодани нома аз ширкатҳои мобилии кишвар хостааст, ки сабаби ситодани пули иловагӣ ё "пардохти абонентӣ" аз муштариёнро шарҳ диҳанд. Аз соли 2015 ба ин сӯ аз соҳибони ҳар як симкорт дар як моҳ 80-дирамӣ ситонда мешавад. Сокинон чунин "ҳақситонӣ"-ро бепоя медонанд. Масъулони ширкатҳо мегӯянд, ин ҳаққи истифодаи ҳар як шумораи мобилӣ аст.  Абдумаҷид Муъминзод, раиси Хадамоти зиддиинҳисории Тоҷикистон, рӯзи 29-уми январ ҳангоми нишасти хабарӣ гуфт, дар пайи шикояти зиёди муштариён тасмим гирифтанд... Читать дальше...

Вокунишҳои мардум ба чанд тағйироти кадрӣ дар вазорату ҳукуматҳои маҳаллӣ ва идораҳои давлатӣ дар Тоҷикистон мавзӯи асосии "Озодӣ Онлайн"-и имрӯз аст. Дар барнома чанд видеои фиристодаи муҳоҷиронро низ мебинед. Тағйирот ё ба истилоҳи коршиносон, "ҷойивазкунии кадрҳо" ҳафтаи гузашта дар пайи маҷлиси солонаи ҳукумат сурат гирифт. Чанде аз вазирон, аз ҷумла вазирони маориф, фарҳангу меҳнат ва раисони Кумитаи телевизиону забон, ҷавонон ва сайёҳӣ иваз шуданд. Корбаре бо номи “Ҳайрон” дар сомонаи Радиои Озодӣ навиштааст, “аҷиб. Читать дальше...

Вокунишҳои мардум ба чанд тағйироти кадрӣ дар вазорату идораҳои давлатии Тоҷикистон аз мавзуъҳои асосии “Озодӣ Онлайн”-и имрӯз аст. Дар барнома чанд видеои фиристодаи муҳоҷиронро низ мебинед.

Дар Тоҷикистон ба рӯйхатгирии шаҳрвандони Чинро, ки дар сохтмони роҳҳо фаъолият доранд, оғоз кардаанд. Сӯҳроб Мирзоев, муовини вазири нақлиёти Тоҷикистон, рӯзи 29-уми январ дар нишасти хабарӣ дар Душанбе гуфт, сабаби чунин тасмим "пайдо шудани вируси нав дар Чин" аст. Ба ҳисоби мақомоти Вазорати нақлиёти Тоҷикистон, дар сохтмони роҳҳо дар кишвар тақрибан 300 шаҳрванди Чин кор мекунанд. Бархе аз онҳо чанде пеш ба зодгоҳи худ рафта будаанд. Мақомоти Тоҷикистон то ин дам барои пешгирӣ аз вуруди... Читать дальше...

Баъд аз зуҳри 29-уми январ зилзила қаламрави Тоҷикистонро ларзонд. Тибқи иттилои Созмони мустақили EMSC, маркази зилзила дар 168-километрии шарқи Тоҷикистон, дар водии Рашт буда, шиддати он 5,3 дараҷаи Рихтер будааст.  Маркази зилзилашиносии Тоҷикистон маркази ин заминҷунбиро ноҳияи Сангвор дар шарқи Тоҷикистон гуфтааст. Ба иттилои манбаъ, шиддати зилзила дар маркази он 5-6 балро ташкил додааст. То ба ҳол маълум нест, ин зилзила дар маркази он хисороте дар пай доштааст ё на. Тоҷикистон дар... Читать дальше...

Шумори низомиҳои амрикоӣ, ки дар натиҷаи мушакпартоии Эрон ба пойгоҳи ҳавоии ИМА дар Ироқ зарбаҳои мағзӣ бардоштанд, ба 50 тан расид. Дар ин бора хабаргузории Associated Press бо такя намояндаи расмии Пентагон иттилоъ дод. Сарҳанг Томас Кэмпбелл рӯзи 28-уми январ гуфт, ошкор шуд, ки 16 низомии дигар ҷароҳати мағзӣ бардоштаанд. Ба ин тартиб, шумораи умумии маҷруҳшудагон ба 50 тан расид. Аз ин шумор 31 кас табобат гирифта, дубора ба артиш баргаштаанд. Доналд Трамп, президент ИМА нахуст гуфта буд... Читать дальше...

Ҳайдаралӣ Қурбонов, сокини 55-солаи ноҳияи Ҷайҳуни вилояти Хатлон, ду сол боз бо ҳамсару фарзандонаш танҳо ба воситаи телефон суҳбат мекунад. Ба фарқ аз ҳазорон муҳоҷир, Ҳайдаралӣ Қурбонов дар Тоҷикистон аст ва ҳамсару се фарзандаш дар Русия қарор доранд. Ӯро охири соли 2017 аз Русия рондаанд. Мақомоти Русия ҳар сари чанд вақт баъзе аз муҳоҷирони тоҷикро бо гуноҳи поймол кардани қоидаи будубош ё қонуншикании дигар ихроҷ мекунанд. Муҳоҷирон мегӯянд, мақомоти Русия ин ҳолатро ба ҳайси фишор ба ҷониби Тоҷикистон истифода мекунанд. Читать дальше...

Сокини шаҳри Самарқанд Дилором Розиқова, ки 21-уми январ талош кард, кормандони Бюрои иҷрои иҷбории Узбекистонро оташ занад, то поёни тафтишот ҳабс шуд. Вакили дифои Розиқова 28-уми январ гуфт, додрас 23-юми январ ҳангоми содир кардани қарори ҳабси зерҳимояаш ба инобат нагирифт, ки ӯ модари танҳо аст ва кӯдакони ноболиғ дорад. Ба гуфтаи вакили дифоъ, ӯ ҳоло муроҷиат ба додгоҳро омода дорад, ки дар он дархост мешавад, Розиқова бар ивази гаравпулӣ ё кафолати Кумитаи занон аз ҳабс озод шавад. Яке аз ҳамсояҳо қарори ҳабси Розиқоваро... Читать дальше...

Додгоҳе дар шаҳри Оқтеппаи Қазоқистон рӯзи 28-уми январ се сокини маҳаллиро бо айби "тарғиби терроризм" ҳафтсолӣ зиндонӣ кард. Бағдод Бисембоев (соли таваллудаш 1973), Ерсан Кулинтай (1992) ва Одилҷон Давлатов (1993) баъди он айбдор шуданд, ки баҳори соли 2019 дар як ҳаммоми хусусӣ аз "ҷиҳод" тавсиф ва изҳори омодагӣ кардаанд, ки ба кишвари хориҷие рафта, ба сафи созмонҳои тундрав пайванданд. Бисембоев моҳи июли соли гузашта аз сӯи мақомоти Қазоқистон дар марз бо Русия боздошт шуд. Мақомот гуфтанд, вай "ҳадаф дошт, ба Сурия равад". Читать дальше...

Мақомоти Тоҷикистону Узбекистон масъалаи бунёди нерӯгоҳи барқӣ-обии муштаракро дар рӯдхонаи Зарафшон баррасӣ карданд. Гуфтугӯи гуруҳҳои кории ду кишвар дар ин замина 28-ум январ дар шаҳри Тошканд баргузор шуд. Ба огаҳии Вазорати энержии Узбекистон, дар гуфтугӯ лоиҳаи созишнома миёни ҳукуматҳои Тоҷикистону Узбекистон дар бораи тартиб ва шартҳои иштирок дар бунёди нерӯгоҳ баррасӣ шудааст. Дар доираи лоиҳа қарор аст, дар марҳалаи аввал нерӯгоҳи Ёвон бо иқтидори 140 МВт бунёд карда шавад, ки 282 млн доллар харҷ дорад. Читать дальше...

Ҳайдаралӣ Қурбонов, сокини ноҳияи Ҷайҳун, ки фарзандонашро дар Русия ба воя расонд, ба далели саҳлангории кордиҳанда аз Русия ихроҷ шудааст. Ҳамсару фарзандонаш дар онҷо монданд. Зиндаҷудоӣ, ба гуфтаи ӯ, бадтарин чиз дар дунёст.

Додситонии Туркия барои Абдулқодир Машарипов, шаҳрванди Узбекистон, ки шаби 1-уми январи соли 2017 дар клуби шабонаи Reina дар шаҳри Истамбул ҳамла анҷом дод, 40 ҳукми зиндони якумрӣ талаб кард. Ба иттилои расонаҳо, Машарипов дар талоши бо роҳи зурӣ тағйир додани сохти конститутсионӣ ва куштори барқасдонаи 39 одам айбдор мешавад. Барои узвият дар гуруҳи террористӣ ба вай 15 соли зиндон ва барои куштори 39 тан 2370 соли зиндон талаб шудааст. Дар доираи парвандаи ҳамла ба клуби шабонаи Reina дар маҷмуъ 58 кас гумонбар мешавад. Читать дальше...

Дастаи мунтахаби Эрон баъди чаҳор пирӯзӣ бо касби 12 имтиёз дар қаҳрамонии CAFA (Ассотсиатсияи футболи Осиёи Марказӣ)-2020 оид ба футзал миёни духтарони то 19-сола, ки дар шаҳри Душанбе ҷараён дорад, пешакӣ ғолиб шуд. Тими мунтахаби Эрон, ки пас аз се пирӯзӣ бар дастаҳои Тоҷикистон (15:0), Афғонистон (16:1) ва Туркманистон (12:0), дар даври чаҳорум рӯзи 28-уми январ мунтахаби Узбекистонро бо ҳисоби 7:1 шикаст дод, бо касби 12 имтиёз дар ҷадвали мусобиқа дар мақоми аввал қарор гирифт. Мунтахаби Узбекистон... Читать дальше...

Омӯзгори яке аз мактабҳои миёна дар шаҳри Душанбе бо иттиҳоми озори ҷинсӣ ва анҷом додани рафторҳои шаҳвонӣ нисбат ба чанд хонанда, боздошт шудааст. Дар ин бора як манбаъ аз Додситонии Душанбе ба Радиои Озодӣ хабар дод. Омӯзгори 34-сола, ки дар яке аз мактабҳои маркази шаҳр ба ҳайси мудири бахши хоҷагӣ ва ҳам омӯзгори тарбияи ҷисмонӣ кор мекард, дар талоши анҷом додани амалҳои шавҳонӣ нисбати наздики 5 хонанда муттаҳам дониста мешавад. Назари пайвандони омӯзгори боздоштшуда дар робита ба ин иттиҳом, ҳанӯз маьлум нест. Читать дальше...

Муҳокимаи парвандаи барканор кардани раиси ҷумҳур Доналд Трамп дар Сенати Амрико идома мекунад. Вакилони палатаи болоии Конгресс 16 соат вақт доранд, ки суолҳои хаттиашонро ба мутассадиёни муҳокима аз Маҷлиси Намояндагон ва гуруҳи вакилони дифои Доналд Трамп пешниҳод намоянд. Ҳоло фишор ба вакилони Ҳизби ҷумҳурихоҳ афзудааст, то Ҷон Болтон, мушовири собиқи амниятии Кохи Сафедро барои шаҳодат додан ба муҳокима даъват кунанд. Ҷумҳурихоҳон пештар талаби вакилони Ҳизби демократ барои даъвати шоҳидон ба муҳокимаи парвандаро рад мекарданд. Читать дальше...

Вазорати тандурустии Чин рӯзи 28-уми январ гуфт, вируси хатарноки нав то кунун ба 5 974 нафар сироят карда ва 132 тани дигарро куштааст. Бештар аз 9 ҳазор нафари дигар зери назорати табибон ҳастанд, вале ҳоло бемориашон собит нашудааст. Беморӣ дар берун аз Чин ҳам паҳн шуд ва то ба Аврупову Амрикои Шимолӣ ва Осиё расидааст. Вируси нав, ки бемории шабеҳи илтиҳоби шуш бармеангезад, назар ба вируси САРС, бемории дигари роҳҳои нафас, ки соли 2002-2003 пайдо шуд ва 600 нафарро ҳалок кард, зудтар ва васеътар доман мезанад. Читать дальше...

Далер Шарифов, рӯзноманигор ва таҳлилгари тоҷикро, ки бо дидгоҳҳои мутафовиташ шинохта мешавад, рӯзи гузашта ба бозпурсӣ даъват кардаанд. Наздиконаш мегӯянд, бо гузашти ҳудуди 24 соат ӯ ҳанӯз раҳо нашудааст. Тибқи иттилои дарёфтӣ, Далер Шарифов дар Идораи амнияти ноҳияи Шоҳмансури Душанбе бозпурсӣ мешавад. Мақомот то ба ҳол ин мавзӯъро шарҳ надодаанд. Яке аз пайвандони Далер Шарифов рӯзи 29-уми январ дар сӯҳбат бо Радиои Озодӣ гуфт, ки ӯ баъди як занги телефонӣ соатҳои тақрибан 11-и рӯзи гузашта аз хона берун рафт. Читать дальше...

Президенти ИМА Доналд Трамп барномаи деринтизори сулҳи худро барои Ховари Миёна пешниҳод кард. Ӯ ваъда дод, ки Байтулмуқаддас пойтахти Исроил хоҳад монд. Ба гуфтаи Трамп, Байтулмуқаддаси Шарқӣ бояд пойтахти Фаластин шавад. Вай ҳамчунин бо пешниҳоди ташкили ду давлат афзуд, ки ягон исроилӣ ва фаластинӣ аз хонаи худ ҷудо нахоҳад шуд. Президенти ИМА, ки дар Кохи Сафед дар ҳузури сарвазири Исроил Бенёмин Натаняҳу суханронӣ мекард, ҳушдор дод, ки нақшаи сулҳи ӯ метавонад барои фаластиниҳо охирин имконият бошад. Читать дальше...

Нашрияи бритониёии The Times номгӯи амволи Гулнора Каримова, духтари президенти пешини Узбекистон Ислом Каримовро дар Бритониё нашр кард. Ҳамаи ин амвол мумкин аст, мусодира шавад. Дар ин рӯйхат як қаср дар Суррей ва ду манзил дар минтақаҳои гаронбаҳои шаҳри Лондон зикр шудааст, ки арзиши умумиашон 40 млн фунт стерлинг (52 миллион доллар) аст. Заминеро дар минтақаи Суррей Каримова бо қимати 23,5 млн доллар дар соли 2010 харидааст. Ҳоло қимати ин амвол ба 39 млн доллар расидааст. Додгоҳии олии Узбекистон рӯзи 8-уми январ тасдиқ кард... Читать дальше...

Жандарбек Бекиш, сардухтури бахши беҳдоштии Қазоқистон рӯзи сешанбе хабар дод, ки ҳадди ақал панҷ мусофири дигари аз Чин баргашта бо нишонаҳои мубталоӣ ба вируси нав бистарӣ шуданд. Ба гуфтаи сардухтур, ду кӯдаки як хонавода таби баланд доштанд. "Аъзои болиғи хонавода ҳарчанд нишонаҳои ошкори мубталоӣ ба вируси навро надоштанд, аммо ба далели он, ки бо кӯдакони худ дар робита буданд, бистарӣ шуданд",гуфт Бекшин. Вай ҳамзамон аз шаҳрвандони Қазоқистон хост, ҳар нафаре, ки баъди 6-уми январ аз Чин баргаштааст... Читать дальше...

Дар ноҳияи Ат-Башии Қирғизистон 28-уми январ сокинон зидди бунёди як маркази ҳамлу нақл даст ба тазоҳурот заданд. Намояндаи ҳукумати Қирғизистон дар вилояти Норин Нозгул Мусуралиева гуфт, тазоҳургарон 50-60 нафар буданд, ки аксарашон тоҷирони ноҳия мебошанд. "Онҳо ба бунёди маркази ҳамлу нақл аз сӯи сармоягузорони чинӣ эътироз карданд. Агар онро сармоягузорони қирғиз бунёд кунанд, розӣ ҳастанд. Баъди он ки ба онҳо гуфта шуд талабҳояшонро ба раҳбарият мерасонанд, пароканда шуданд", - афзуд Мусуралиева. Читать дальше...