Новости за 14.01.2020

Дар як бинои хиштӣ дар маркази шаҳри Дюсселдорфи Олмон, овозхони машҳури Тоҷикистон Лайло Шарифӣ (Шарифова) 90-солагии худро пешвоз мегирад. Ӯ яке аз поягузорони гурӯҳи ҳунарии "Гулшан" аст ва беш аз 30 боз дар Олмон зиндагӣ мекунад.  Лайло Шарифӣ бо ин ки аз ҳунару заҳмат ва нақшаш дар ташаккули мусиқии замонавии Тоҷикистону Узбекистон ва Озарбойҷони Шӯравӣ меболад, ҳасрати амиқе ҳам солҳои охир аз қалбаш берун намешавад. Мегӯяд, агар мароми зиндагӣ ва таҳаввулоти сиёсӣ дигар буд, шояд ҳеҷ гоҳ Эрони азизашро тарк намекард. Читать дальше...

То замони баргузории интихоботи порлумонии Тоҷикистон беш аз як моҳи дигар мондааст. Хабарнигори Радиои Озодӣ аз чанд роҳгузар дар Душанбе пурсид, ки аз интихоботи панҷ сол қабли порлумонӣ ва ё интихоботҳои аз он пеш чӣ хотираҳо доранд, чӣ ба ёдашон мондааст ва аз фаъолияти вакилон чӣ медонанд. Матнро дар инҷо хонед:   "Як коғаз дода буданд, пур карда партофем. Ба наздикӣ ба ягон интихобот нарафтаам.”   “Дар зиндагӣ ягон чӣ дар ёд мемонад? Ба интихобот рафта будам, овоз додам, вале чизе дар ёдам нест. Читать дальше...

Гуфтугӯҳои сулҳ дар Маскав миёни раҳбарони рақиби Либия пас аз он ки рӯзи 13-уми январ пешниҳодҳои оташбаси Русия ва Туркияро баррасӣ карданд, як шаб ба таъхир афтод.     Фоиз ас-Сарраҷ, сарвари давлати миллии аз тарафи Созмони Миллал шинохташуда дар Триполи ва рақиби ӯ Халифа Ҳафтар - фармондеҳи Артиши Миллии Либия (LNA) - бо дипломатҳои олӣ ва мансабдорони ҳарбии Русия ва Туркия вохӯрданд. Гуфтугӯҳо тақрибан ҳафт соат давом кард ва пушти дарҳои пӯшида баргузор шуд. Сарраҷ ва Ҳафтар бо ҳам вонахӯрданд. Читать дальше...

Сармои Афғонистон ҳаёти паноҳҷӯёнро душвор кард

Охирин имкони мусолиҳаи муштариён бо раисони "Манзили дастрас".

Изҳороти ҳайатҳои Тоҷикистону Қирғизистон пеш аз музокирот дар марз.

Сомон Маҳмадбеков, ки қаҳрамони ҷаҳон оид ба дзюдо миёни ҷавонон дар соли 2019 ба ҳисоб меравад, шонси бештар барои гирифтани роҳхат ба Бозиҳои олимпии Токио - 2020 - ро дорад

Ҳасани Рӯҳонӣ, президенти Эрон, дар баробари эътирозҳои сахт хостори ташкили додгоҳи вижа барои баррасии сарнагунии ҳавопаймои мусофирбари украинӣ аз тарафи дифои зиддиҳавоии ин кишвар шуд. Ҳамаи 176 нафар, ки савори ҳавопаймо буданд, дар фоҷиа ҷон бохтанд. Рӯҳонӣ дар як суханронии телевизионӣ рӯзи 14-уми январ гуфт, ҳамаи масъулони "хатои нобахшиданӣ" бояд ҷазо дода шаванд. Эътирозҳо дар шаҳрҳои Эрон рӯзи 11-уми январ, пас аз он ки артиши ин кишвар гуфт, ҳавопаймои Боинг 800-737  аз сӯи мушаки зидди ҳавопаймоии Эрон... Читать дальше...

Музокироти ҳайатҳои расмии Тоҷикистону Қирғизистон барои ҳалли масъалаҳои марзӣ ва бахусус кам кардани муноқишаҳо байни сокинони деҳаҳои наздисарҳадӣ рӯзи 14-уми январ дар маҳаллаи Гулистони Исфара оғоз шуд. Ду тараф эътироф мекунанд, ки вазъ дар марз печида аст, аммо таъкид мекунанд, ки бояд амнияти сокинон ҳифз шавад. Ҷониби Тоҷикистонро Азим Иброҳим, муовини нахуствазир, раҳбарӣ дорад. Ҳайати Қирғизистонро муовини сарвазири он кишвар Ҷениш Раззоқов.  Ҷениш Раззоқов рӯзи 14-уми январ пеш аз оғози музокирот дар Исфара гуфт... Читать дальше...

Мақомоти Эрон чанд касро дар доираи парвандаи сарнагунсозии "Боинг"-и ширкати ҳавопаймоии Украина боздошт карданд. Ғуломҳусайн Исмоилӣ, сухангӯи додгоҳи Эрон гуфт, ҳамаи боздоштшудагон дар суқут додани ҳавопаймо даст доранд. Аммо гуфта намешавад, ки дар маҷмуъ чанд нафар боздошт шудааст. Ҳасани Руҳонӣ, президенти Эрон низ субҳи имрӯз ваъда дод, ҳамаи касоне, ки дар суқут додани ҳавопаймо даст доранд, муҷозот хоҳанд шуд. 57 тан аз 176 қурбонии ҳавопаймои украинӣ, ки рӯзи чаҳоршанбеи 8-уми январ... Читать дальше...

Додгоҳе дар Украина қарор аст, имрӯз, 14-уми январ шикояти блогнависи қазоқистонӣ Жанара Ахмет, ҳамсафи роҳбари "Интихоби демократии Қазоқистон" Мухтор Аблязовро ба баррасӣ гирад. Жанара Ахмет аз болои қарори Хадамоти муҳоҷирати Украина дар робита ба рад кардани дархости паноҳандагии вай ба додгоҳ шикоят бурд. Гуруҳе аз вакилони порлумони Италия ахиран ба президенти Украина Владимир Зеленский дар робита ба парвандаи Жанар Ахмет муроҷиат карданд. Вакилон изҳори умедворӣ карданд, ки додгоҳ қарорашро... Читать дальше...

Дастаи мунтахаби ҷавонони футболи Тоҷикистон (U-19) омодагиро ба марҳилаи ниҳоии қаҳрамонии Осиё-2020, ки аз 14-ум то 31-уми октябр дар Узбекистон доир мегардад, шуруъ кард. Ба иттилои дафтари матбуоти Федератсияи футболи Тоҷикистон, ба ҷамъомади таълимиву тамринии мунтахаби ҷавонони то 19-солаи кишвар, ки дар Душанбе то 27-уми январ идома меёбад, сармураббии даста Мубин Эргашев 24 бозигар – 2 дарвозабон, 8 ҳимоятгар, 9 нимҳимоятгар ва 5 ҳамлагарро даъват кардааст. Ҳайати дастаи мунтахаби ҷавонони Тоҷикистон (U-19)... Читать дальше...

Бузургтарин корхонаи истеҳсоли семент дар Узбекистон --  "Оҳангаронсемент" сар аз 10-уми январ ба далели камбуди газ аз кор монд. "Дар умум фаъолияти корхона 26-уми декабр қатъ шуда буд. Ду рӯз комилан бе кор нишаста будем. Баъд барои ду тафдон газ доданд. Дар ин ду тафдон корҳо шабона давом мекарданд. Субҳи 10-уми январ ин тафдонҳо ҳам хомӯш шуданд",-хабар дод як коргари корхона. Мақомдороне, ки хабари аз кор мондани корхонаро тасдиқ карданд, гуфтанд, ин ҳолат муваққатист, аммо маълум нест, ки корхона кай дубора ба кор мепардозад. Читать дальше...

Вакилони нави Маҷлиси халқии шаҳри Тошканд, пойтахти Узбекистон Ҷаҳонгир Ортиқхоҷаевро дубора раиси шаҳр интихоб карданд. Номзадии Ортиқхоҷаевро ба ин мақом президенти Узбекистон Шавкат Мирзиёев пешниҳод кардааст. Расонаҳои маҳаллии Узбекистон 11 январ хабар доданд, ки Мирзиёев бо рафти бозсозии боғи миллии кишвараш ба номи Алишер Навоӣ шинос шуда, дар ҷараёни он Ортиқхоҷаев ба ӯ дар бораи сохтмонҳое хабар додааст, ки қарор аст дар Тошканд анҷом шаванд. Тавре аз хабарҳо маълум шуд, Ортиқхоҷаев... Читать дальше...

Майк Пампео, котиби давлатии ИМА гуфт, аз байр бурдани Қосим Сулаймонӣ, генерали баландпояи эронӣ як ҷузъи стратегияи густардаи гирифтани пеши роҳи душманони Амрико буд ва ин стратегия Чину Русияро низ фаро хоҳад гирифт. Помпео рӯзи душанбе ҳангоми суханронӣ дар донишкадаи Гувер зери унвони "Барқарорсозии сиёсати пешгирикунанда: намунаи эронӣ", суханронӣ кард. "Душман бояд бифаҳмад, ки мо натанҳо тавони талаби посухи амалҳояшро дорем, балки метавонем онро анҷом низ бидиҳем",-изҳор дошт Пампео. Читать дальше...

Ҷастин Трюдо, нахуствазири Канада, рӯзи 13-уми январ дар мусоҳибаи телевизионӣ гуфт, агар таниш дар минтақа боло намегирифт, касоне, ки дар ҷараёни суқути ҳавопаймои украинӣ дар Эрон ҷон бохтанд, ҳоло дар паҳлӯи хонаводаҳои худ буданд. 57 нафар аз 176 қурбонии ҳавопаймои украинӣ, ки рӯзи 8-уми январ аз Теҳрон ба Киев парвоз мекард ва аз сӯи Сипоҳи посдорони Эрон сарнагун карда шуд, эронӣ-канадаӣ буданд. Дар миёни қурбониёни ин ҳодиса шаҳрвандони Эрон, Афғонистон ва Украина низ ҳастанд. Нахуствазири... Читать дальше...

Чанде аз муҳоҷирони тоҷик дар ширкати "Атомстройкомплекс" дар Екатеринбург мегӯянд, як миёнрави тоҷик ҳар моҳ 10 дарсад маоши онҳоро мегирад. Ба иддаои ин муҳоҷирон, "нафаре, ки аз пардохти ҳаққи миёнрав сарпечӣ кунад, аз кор ронда ва ҳатто латту кӯб хоҳад шуд". Аммо миёнарави тоҷик мегӯяд, ин кор бо ризояти муҳоҷирон сурат мегирад.  "Корти бонкиро мегирад" Пас аз расидани шикоят аз муҳоҷирон, Радиои Озодӣ рӯзи 13-уми январ ҳадди ақал бо се муҳоҷири корӣ, ки дар сохтмонҳои ҷудогонаи ширкати "Атомстройкомплекс" кор мекунанд, ҳамсуҳбат шуд. Читать дальше...

Дар доираи чорабиниҳо бахшида ба соли футзал дар кишвар, ки онро Федератсияи футболи Тоҷикистон эълон кардааст, дар Душанбе аввалин мусобиқа оид ба футзал миёни духтарони то 19-сола шуруъ шуд. Дар ин мусобиқа чаҳор дастаи мунтахаби минтақавӣ -  Душанбе, Хатлон, Хатлон-2 ва ШНТМ (Шаҳру навоҳии тобеи марказ) – ширкат дорад. Дар ду бозии аввал дастаи Душанбе бар тими Хатлон-2 ва дастаи ШНТМ бар тими Хатлон бо ҳисоби якхелаи 4:3 ғолиб шуданд. Имрӯз, 14-уми январ, чаҳор бозӣ миёни дастаҳои Хатлон-2 ... Читать дальше...

Русланбек Давлатов, вазири адлияи Узбекистон рӯзи 10 январ намояндагони ҳизби мухолифи демократии "Эрк" ("Ирода")-ро бо роҳбарии Отаназар Орифов ба ҳузур пазируфт. Дар бораи ин мулоқот Аъзам Тургунов, яке аз аъзои "Эрк" хабар дод. "Давлатов бо мо мулоқот ва фикру ақидаҳои моро шунид. Аммо дар давоми мулоқот вай гуфт, ки "ин ҳизб дар гузашта мондааст, онро фаромӯш кунед". Оинномаи ҳизб 3 сентябри соли 1991 дар вазорати адлия сабти ном шуда буд. То ҳол санаде ё ҳуҷҷати дигаре мавҷуд нест, ки аз баста шудани ҳизби мо шаҳодат диҳад. Читать дальше...

Сармуҳаррири сомонаи FactCheck.kg Болот Темиров, ки ахиран аз сӯи афроди номаълум мавриди ҳамла қарор гирифт, гуфт, мехоҳад дар робита ба ҳамлагарон таҳқиқоти рӯзноманигориеро анҷом диҳад. Ӯ афзуд, ки ба воқеъбинона анҷом шудани тафтишот бовар надорад. "Мо бо ҳамкорон тасмим гирифтем, ки таҳқиқоти рӯзноманигориеро анҷом диҳем. Бинобар ин, аз шоҳидони ҳодиса ва корхонаҳое, ки дар онҷо ҷойгиранду дурбинҳои назоратӣ насб кардаанд, хоҳиш мекунам, ба мо наворҳоро бидиҳанд ва дар ин таҳқиқот кумак кунанд",-изҳор дошт вай. Читать дальше...

Малика Елизаветаи II розӣ шуд, ба шоҳзода Гаррӣ ва ҳамсараш Гарен Маркл "давраи гузариш"-еро фароҳам созад, ки дар давоми он онҳо метавонанд бо навбат дар Канада ва Бритониё зиндагӣ кунанд. Малика гуфт, тасмими набераи хурдӣ ва ҳамсарашро дар бораи нақши нави иҷтимоияшон "пурра дастгирӣ мекунад", вале ба назари ӯ беҳтар аст, ки онҳо ҳамчун узви хонаводаи шоҳ бимонанд. Елизаветаи II изҳор дошт, ки барои ба эътидол овардани муносибатҳои Гаррӣ ва Меган бо аъзои дигари хонаводаи шоҳ корҳои зиёдеро бояд анҷом дод... Читать дальше...

Додгоҳи шаҳри Алматои Қазоқистон шикояти Оксана Тен, модари варзишкор Денис Тенро барои ба ҷавобгарӣ кашидани ду корманди пулисеро рад кард, ки тобистони соли 2018 шоҳиди қатли писараш шуда буданд. Оксана Тен нозирон Одилбек Мусоев ва Азамат Нурпеисовро дар беамалӣ айбдор мекард. Онҳо 19 июли соли 2018 дар наздикии маҳалли куштор қарор доштанд. Ин ду корманди пулис дар доираи парвандаи куштор ба ҳайси шоҳид баёнот дода, гуфтанд, ки ҳодиса дар пеши чашми онҳо рух додааст. Вале маъмурони пулис замоне ба кумаки варзишкор шитобиданд... Читать дальше...

Ба интихоботи порлумонии Узбекистон, ки чанде пеш баргузор шуд, таваҷҷуҳи хос равона шуда буд. Он ҳам ба умеди ислоҳоте, ки президент Шавкат Мирзиёев ваъда кардааст. Бино ба натиҷаҳои интихобот ҳайати порлумони Узбекистон "ҷавонтар" шуда, ба он занони бештар шомиланд. Вале ба назар мерасад, тағйироти чандоне сурат нагирифтааст.  Узбекистон бо сари қудрат омадани раҳбари наваш Шавкат Мирзиёев дар соли 2016 худро ба ҳайси як кишвари дар ҳоли тағйир ва таҳаввулоти муҳиме қарор дод. "Ислоҳот" яке аз калимаҳои серистифодаи мансабадорони узбек аст.