Новости за 19.11.2019

“Ҳудуди ним миллион шаҳрванди то сисолаи Тоҷикистон ба ҳар шакле аз таҳсил дур мондаанд.” Ин хабарро масъули дафтари Бунёди кӯдакони Созмони Милали Муттаҳид (ЮНИСЕФ) дар Душанбе 19-уми ноябр ва дар рӯзи 30-солагии қабули Қатъномаи ҳуқуқи кӯдакон баён дошт. Тоҷикистон соли 1993 ба ин қатънома пайвастааст. Намояндагии ЮНИСЕФ дар Тоҷикистон бо баргузории нишасте бахшида ба ин рӯз аз мушкил ва дастовардҳои кишвар дар раванди таъмини ҳуқуқи кӯдакон натиҷагирӣ кард. Азим Иброҳим, муовини нахуствазири Тоҷикистон гуфт... Читать дальше...

Ҳукумати шаҳри Душанбе назорати истифода аз Wi-Fi ё интернети бепул дар баъзе аз боғу тарабхонаҳо ва назди донишгоҳҳои пойтахтро сахттар кардааст. Қарор дар ин бора рӯзи 15-уми ноябр содир шуд. Бино ба он, минбаъд рақами телефони ҳар истифодабарандаи Wi-Fi-и бепул дар ҷойҳои ҷамъиятии Душанбе сабт шуда, ба кадом сомона даромадани онҳо назорат мегардад. Тартиби наве, ки баъзе аз сокинони пойтахт бо он розӣ нестанд ва нақзи дастрасии озод ба шабакаҳои ҷаҳонӣ медонанд. Мақомот гуфтанд, ин тасмим... Читать дальше...

Дастаи мунтахаби футболи Тоҷикистон бозии даври шашуми марҳилаи интихобии қаҳрамонии ҷаҳон-2022-ро дар меҳмонӣ бо тими миллии Қирғизистон бо ҳисоби мусовии 1:1 анҷом дод. Бозӣ дар гурӯҳи "F" миёни тимҳои миллии Қирғизистон ва Тоҷикистон шаби 19-уми ноябр дар варзишгоҳи ба номи Долен Омурзоқови шаҳри Бишкек баргузор шуд.  Ҷаҳонгир Эргашев, нимҳимоятгари мунтахаби Тоҷикистон, дар нимаи аввали дидор, дар дақиқаи 17-ум, ҳисобро боз кард. Эргашев ба тӯб соҳиб шуда, зуд ба ҷаримагоҳ ворид гашт ва баъди... Читать дальше...

Мунтахаби футболбозони Тоҷикистон бозии шашуми худро бо тими Қирғизистон мусовӣ 1:1 анҷом доданд ва дар зинаи сеюми ҷадвали гурӯҳи "F" ҷой гирифтанд

Баробари нишастани офтоб дар деҳаи Будиёнӣ (вайроншудаи Будённий) дар вилояти Хатлон, ҷануби Тоҷикистон, майдончаи футбол аз бачаҳо пур мешавад. Бархе дар болои як мошини обкаши вайрона дар канори киштзор бозӣ дар майдони пур аз чангу хокро тамошо мекунанд. Ба назар мерасад, нисфе аз кӯдакони Будиён дар инҷо ҷамъ меоянд, то шоҳиди бозӣ бошанд. Чанд вақт нагузашта бисёре аз онҳо ба хонаҳояшон бармегарданд. Падарони онҳо дар хона нестанд.  Ноноварони хона барои моҳҳо ва гоҳе барои солҳо дар Русия мемонанд. Читать дальше...

Дар муҳориба бо қоидаҳои кикбоксинг варзишкори 26-солаи эронитабори Бритониё, ки ҳамеша дар майдон бо ҳиҷоб рақобат мекард, захмҳои ҷиддӣ бардошта дар бемористон ба ҳалокат расидааст

Аксар дарахтони ороишӣ ва сояафкани гулгашти ба номи Сафар Амиршоев дар шаҳри Кӯлоб, ки моҳи сентябри имсол аз сӯйи президент Эмомалӣ Раҳмон боз шуда буд, хушкидаанд. Сокинон мегӯянд, бори аввал нест, ки мақомоти маҳаллӣ дар остонаи сафари раиси ҷумҳур ба минтақа тарҳҳоро зуду саросемавор иҷро мекунанд, аммо баъдан чунин маконҳо валангору дарахтон хушк мешаванд.

Дар Тоҷикистон ҳафтаи таҳсили байналмилалӣ оғоз ёфт.

Сенатор Ҷим Рисч (Jim Risch), раиси Кумитаи равобити хориҷии Сенати Амрико дар мулоқот бо Ҷейми Флай, президенти Радиои Аврупои Озод/ Радиои Озодӣ таъкид кардааст, ки ҳама талошашонро барои озодии матбуот дар Тоҷикистон анҷом хоҳанд дод. Дар ин мулоқот, ки рӯзи 13-уми ноябр сурат гирифтааст, раиси Кумитаи равобити хориҷии Сенати Амрико аз нақши Радиои Аврупои Озод/Радиои Озодӣ дар ироаи хабарҳои дуруст ва дақиқ таъкид карда, ба масъалаи мушкили иҷозатномаи фаъолияти кормандони Радиои Озодӣ дар Тоҷикистон ишора намудааст. Читать дальше...

Истифодаи интернет дар ҷойҳои ҷамъиятии Тоҷикистон танзим мешавад, ИМА қатъи интернет дар Эронро маҳкум кард, дарахтон баъди сафари Президенти Тоҷикистон хушк шуданд, писар бераҳмона падарашро лат кард ва матолиби дигар.

Гурӯҳи тундрави Толибон ду устоди Донишгоҳи амрикоӣ дар Афғонистонро, ки се сол пеш дар маркази шаҳри Кобул дуздида шуданд, дар ивази озодии се узви ин гуруҳ раҳо кардааст. Мақомоти Афғонистон ва манобеи Толибон ба хабаргузориҳо гуфтаанд, озодии Квин Кинги 60-сола аз Амрико ва Тимоти Викси 48-сола аз Австралия рӯзи 19-уми ноябр дар ноҳияи Навбаҳори вилояти Зобул сурат гирифт. Ин минтақа асосан зери назорати Толибон аст. Оҷонсии "Франс Пресс" ба нақл аз як мақоми пулис гуфт, ду профессори Донишгоҳи... Читать дальше...

Одат кардаем, ки пизишконро бо хилъати сафед танҳо дар дохили бемористон бибинем. Аммо вақтҳои охир ба назар мерасад, кормандони соҳаи тиб бо либосҳои корӣ ба кӯчаҳо мебароянд ва ба ошхонаҳо мераванд. Донишҷӯёни риштаи тибро бо хилъати сафед дар дохили нақлиёти ҷамъиятӣ низ дидан мумкин аст. Аз чанд пизишк сокинон пурсидем, ки ин кор то куҷо дуруст аст? Назари мардуму пизишконро дар видео бинед ва навиштани назари худро фаромӯш накунед.

Майк Помпео, котиби давлатии Амрико рӯзи 18-уми ноябр гуфт, ки Иёлоти Муттаҳида мавқеашро нисбат ба шаҳраксозии яҳудиҳо дар Соҳили ғарбии дарёи Урдун тағйир додааст. Вашингтон дигар ба ин назар нест, ки шаҳраксозӣ ҳуқуқи байналмилалиро поймол мекунад. Помпео гуфт, мавқеи Соҳили ғарбӣ бояд дар пайи гуфтугӯи Исроил бо фаластиниҳо таъйин гардад. Ин тасмими Вашингтон аз мавқеи ҳукумати президенти пешини Амрико Барак Обама аз реша фарқ мекунад. Дар соли 2016 котиби давлатии вақти Амрико Ҷон Керрӣ расман тасдиқ карда буд... Читать дальше...

Аксар дарахтони ороишӣ ва сояафкани гулгашти ба номи Сафар Амиршоев дар шаҳри Кӯлоб, ки моҳи сентябри имсол аз сӯйи президент Эмомалӣ Раҳмон боз шуда буд, хушкидаанд. Сокинон мегӯянд, бори аввал нест, ки мақомоти маҳаллӣ дар остонаи сафари раиси ҷумҳур ба минтақа тарҳҳоро зуду саросемавор иҷро мекунанд, аммо баъдан чунин маконҳо валангору дарахтон хушк мешаванд. Торнамои президенти Тоҷикистон дар аввали моҳи сентябри имсол хабар дод, ки гулгашти Сафар Амиршоев дар Кӯлоб бозсозӣ ва кушода шудааст. Читать дальше...

Дар мусобиқаи байналмилалии ҷудо Osaka Grand Slam 2019, ки  рӯзҳои 22-24-уми ноябр дар шаҳри Осакаи Ҷопон баргузор мешавад, се паҳлавони тоҷик ширкат меварзад. Ба иттилои вебсайти Федератсияи байналмилалии ҷудо (IJF), дар  Osaka Grand Slam 2019 ширкати беш аз 500 варзишгар (мардону занон) аз 94 кишвар дар назар аст. Дар ин мусобиқаи байналмилалӣ аз Тоҷикистон се варзишгар - Беҳрӯзи Хоҷазода, Сомон Маҳмадбеков (ҳарду дар вазни то 73 кг) ва Акмал Муродов (дар вазни то 81 кг) - иштирок мекунанд. Читать дальше...

Дар пайи эътирозҳои густурда ба афзоиши қимати бензин дар Эрон, бо дастури мақомот аз рӯзи якшанбе ба ин тараф дастрасӣ ба интернет дар ин кишвар ба таври комил қатъ шудааст. Тибқи иттилои расмӣ, дар пайи эътирозҳои се рӯзи ахир шаш нафар ва бино ба иттилои манбаъҳои мустақил, беш аз 40 нафар кушта шудаанд. Як манбаъ дар вазорати фановарии Эрон гуфтааст, "тасмим ба қатъи интернет, ҳадди ақал ба муддати 24 соат аз сӯи Шӯрои олии амнияти миллӣ гирифта шуд ва ба ҳама операторҳои кишвар фиристода шудааст". Читать дальше...

Ронандагон дар шаҳри Ишқободи Туркманистон бо мушкили тамдиди ҳуҷҷатҳои ронандагӣ рӯ ба рӯ ҳастанд. "Дар шаҳри Ишқобод ба заноне ҳуҷҷати ронандагии нав намедиҳанд, ки муҳлати 10-солаи ҳуҷҷатҳояшон ба поён расидааст. Дар идораи Бозрасии давлатии автомобилӣ ҳуҷҷатҳои онҳоро қабул намекунанд",-иттилоъ дод хабарнигори бахши туркмании Радиои Озодӣ аз шаҳри Ишқобод. Ба гуфтаи хабарнигор, занҳо аз ибтидои соли ҷорӣ аст, ки ба ин мушкил рӯ ба рӯ ҳастанд. Номгӯи санадҳое, ки барои дарёфти ҳуҷҷати ронандагӣ муҳим ҳастанд, хеле тӯлонист. Читать дальше...

Додгоҳи Маркази байналхалқии танзими даъвоҳои сармоягузорӣ (ICSID), ки даъвои ширкати туркии Güneş Tekstil Konfeksiyon Sanayi ve Ticaret Limited Şirketi ва шахсони дигарро нисбати Узбекистон баррасӣ мекард, дастур дод, 10 дарсади ҳаҷми умумии зарар ба ширкат пардохт шавад. "Талаб ва даъвоҳои дигарро додгоҳ рад кард", хабар дод вазорати адлияи Узбекистон. Додгоҳи Маркази байналхалқии танзими даъвоҳои сармоягузорӣ (ICSID) даъвои 180 миллион долларии соҳибкорони туркро нисбати ҳукумати Узбекистон комилан рад кард. Читать дальше...

Нерӯҳои таъиноти махсуси Вазорати умури дохилии Гурҷистон тавонистанд, роҳро ба як қисми бинои порлумон боз кунанд, ки қаблан аз сӯи эътирозгарон бо талаби истеъфои ҳукумат ва баргузории интихоботи пеш аз муҳлат ғасб шуда буд. Эътирозҳо дар Тифлис пас аз он оғоз шуданд, ки ҷиноҳи аксарияти ҳизби ҳокими "Орзуи Гурҷистон" зидди тағйиру иловаҳо барои гузариш ба интихобот аз рӯи феҳристи ҳизбӣ раъй дод. Нерӯҳои махсуси Вазорати умури дохилии Гурҷистон пас аз муҳлати сидақиқаӣ ихроҷи мухолифон аз атрофи бинои порлумонро оғоз карданд. Читать дальше...

Русия киштиҳои низомии "Бердянск" ва "Никопол"-ро, ки моҳи ноябри соли 2018 дар соҳилҳои нимҷазираи Қрим ғасб карда буд, ба Украина баргардонд. Дар ин бора хабаргузории ТАСС бо истинод ба Вазорати умури хориҷии Русия иттилоъ дод. Дар Вазорати умури хориҷии Русия гуфтанд, ки киштиҳо дар парвандаи ғайриқонунӣ гузаштани марзи ин кишвар далелҳои шайъӣ буданд. Ба гуфтаи вазорат, киштиҳо пас аз ба поён расидани тафтишот баргардонида шуданд. Пештар ёвари президенти Украина Андрей Ермак хабар дод, ки марҳалаи баргардонидани киштиҳо анҷом ёфт. Читать дальше...

Қирғизистон тайи солҳои истиқлоли худ аз шариконаш дар ҳаҷми 10,5 миллиард доллар кумак дарёфт кардааст. Ба гуфтаи Даниёр Имоналиев, сардори шуъбаи рушди стратегӣ, иқтисод ва молияи дастгоҳи президенти Қирғизистон, маблағи мазкур ба соҳаҳои иқтисодӣ аз қабили нақлиёт, энержӣ, обёрӣ, тандурустӣ, маориф, ҳолатҳои изтирорӣ ва муҳити зист ҷудо шудааст. Қарор аст, 19-уми ноябр дар шаҳри Бишкек ҳамоиши сармоягузории "Тезонидани ислоҳот барои рушди боустувор" бо иштироки президенти Қирғизистон Сооронбой... Читать дальше...

Додситон Муҳит Рисбеков дар мурофиаи 18 ноябр барои чаҳор сокини маҳаллие, ки ба иштирок дар фаъолияти ҳаракати мамнуи "Интихоби демократии Қазоқистон" (ИДҚ) айбдор мешаванд, дусолӣ ҳукми зиндон талаб кард. Ба гуфтаи Рисбеков, баёноти шоҳидон ва маводи парванда гуноҳи гумонбаронро пурра исбот кард. Вакили дифоъ Галим Нурпеисов хост, мухолифи қазоқ ва раҳбари ИДҚ Мухтор Аблязов, ки дар хориҷ ба сар мебарад, ба тариқи видеоӣ бозпурсӣ шавад. Додрас Куралай Дарханова дархости вакили дифоъро қабул кард... Читать дальше...

Масъулони Кумитаи забон ва истилоҳоти Тоҷикистон аз мардум ва донишмандон хостаанд, ки пешниҳодҳои худро барои ислоҳи "Қоидаҳои имлои забони тоҷикӣ" ба онҳо фиристанд. Қарор аст, қоидаҳои имло соли 2020 тағйир ёбад ва, ба гуфтаи мақомот, ба ҳарҷу марҷ дар забони давлатӣ поён хоҳад дод. Аз замони қабули қонуни забони тоҷикӣ дар соли 1989 то ин дам қоидаҳои имло ду дафъа иваз шуда, вале ба гуфтаи забоншиносон, ҳанӯз ҳам мушкилу нофаҳмиҳо кам нагардидааст. Тағйироти охир ба имлои забони тоҷикӣ ҳашт сол пеш сурат гирифта буд. Читать дальше...