Новости за 22.11.2019

Волидони як сарбоз, ки пас аз аз чанд рӯзи хизмат ҷарроҳӣ шудааст, аз талошҳои масъулин барои дубора ба артиш баргардонидани фарзандашон изҳори нигаронӣ мекунанд.

Маркази назарсанҷии "Gallup" Тоҷикистонро дар қатори 12 кишвари амни ҷаҳон ҷой додааст, ки "сокинонаш ҳангоми гаштугузори шабона эҳсоси хатар намекунанд". Расонаҳои давлатии Тоҷикистон аз ин хулоса пуштибонӣ ва хабари онро дарҳол нашр карданд. Баъзе аз коршиносон мегӯянд, натиҷаи назарсанҷӣ ба маъное нест, ки Тоҷикистон пурра ба як кишвари амну бехатар табдил ёфтааст. Гузориши нави "Геллап" дар оғози моҳи ноябр нашр шуд ва хулосаи сокинонро дар бораи эҳсоси хатар ва амнияташон дар 142 кишвари ҷаҳон дар бар мегирад. Читать дальше...

Дафтари раёсати ҷумҳури Қирғизистон Сооронбой Ҷеенбеков бори дигар баён дошт, ки раҳбари давлат ҳеҷ робитаи тиҷоратӣ бо марде, ки дар маркази таваҷҷуҳи як таҳқиқоти муштараки бахши қирғизии Радиои Озодӣ, OCCRP, ва сайти хабари Kloop қарор гирифтааст, надорад. Ин таҳқиқот аз фасоди густурда дар Хадамоти гумруки ин кишвар ва берун бурдани пули нақд аз Қирғизистон қисса мекунад. Сухангӯи раёсати ҷумҳурӣ Толгонай Стамалиева дар баёнияе, ки рӯзи 22-юми ноябр ба нашр расид, гуфт, ки Ҷеенбеков қабл аз... Читать дальше...

Додгоҳи ноҳияи Исмоили Сомонии шаҳри Душанбе Товус Хушқадамова ва Бахтиёр Арбобов, ду масъули ширкати "Гардуна"-ро бо гуноҳи фиреби даҳҳо нафар ва аз худ кардани 90 ҳазор доллари онҳо 8 сол зиндонӣ кардааст. Ҳоли ҳозир ду намояндаи дигари ширкати "Гардуна", ки якеаш шаҳрванди Ҷумҳурии Чех аст, дар ҷустуҷӯи байналмилалӣ қарор доранд.

Майк Помпео, вазири корҳои хориҷии Амрико, рӯзи 21-уми ноябр аз эрониҳо даъват кард, ки видеову суратҳо ва маълумоти дигарро дар бораи саркӯби эътирозгарон аз тарафи режим ба онҳо фиристанд, зеро мақомоти Эрон оҳиста-оҳиста дастрасиро ба интернет кам мекунанд. Помпео 21-уми ноябр ба забонҳои англисӣ ва форсӣ дар “Твиттер” навишт: “Амрико бадрафториҳоро ошкор мекунад ва ҷазо медиҳад.” Ин дар ҳолест, ки расонаҳои эронӣ хабар доданд, хизматрасонии интернет пас аз пурра баста шудан дар минтақаҳои гуногуни кишвар барқарор гардидааст. Читать дальше...

Муҳоҷирони тоҷикро ҳамчун фишанги фишор болои ҳукумат истифода мебаранд, мегӯяд, Раиси Маҷлиси Намояндагон, ваъдаи кор дар Чехия дурӯғ баромад, сарбози бемор ба артиш даъват шуд, афзоиши шумораи талоқ дар Тоҷикистон ва матолиби дигар.

Доналд Трамп, раиси ҷумҳури Иёлати Муттаҳидаи Амрико ҳукумати Эронро ба монеи иттилоърасонӣ дар бораи хушунат дар баробари эътирозгарон дар ин кишвар, муттаҳам кард. Оқои Трамп рӯзи панҷшанбеи 21-уми ноябр дар "Твиттер"-и худ навишт, "Эрон ба андозае бесубот шудааст, ки режими он тамоми системаи интернетро қатъ кардаааст, то миллати Эрон натавонад дар бораи хушунатҳои ваҳшатноке, ки дар ин кишвар сурат мегирад, суҳбат кунанд". Ӯ афзудааст, ки мақомҳои Эрон фикр мекунанд, ки ҷаҳон аз марг ва фоҷеае... Читать дальше...

Як мансабдори баландпояи Вазорати корҳои хориҷии Амрико муомилаи низомии Туркияву Мисрро бо Русия зери тозиёнаи танқид гирифт ва ҳушдор дод, ки агар ҳампаймонони Иёлоти Муттаҳида аз роҳи худ барнагарданд, ба зидди онҳо таҳрим ҷорӣ хоҳад шуд. Ин мақом бе зикри номаш рӯзи 21-уми ноябр гуфт, агар Анқара мехоҳад, бо Вашингтон муносибати хуб дошта бошад, бояд аз харидани системаи дифоии зиддимушакии S-400 аз Русия "даст кашад". Туркия узви НАТО аст ва моҳи июли имсол аз Русия системаи дифоии зиддимушакӣ харид. Читать дальше...

Масъулони созмони ҳомии ҳуқуқи башари “Мемориал” ва гуруҳи Ҳелсинки дар Маскав бори дигар аз Кумитаи тафтишотии Русия хостаанд, ки даъвати Рамазон Қодиров, раҳбари Чеченистонро таҳқиқ кунад. Қодиров қаблан гуфта буд, корбарони интернетро барои таҳқиру тавҳин дар олами маҷозӣ зиндонӣ кунанд, тарс диҳанд ва ё бикушанд. Вай изҳор дошт, ки таҳдиди куштану тарсондан бахше аз “ахлоқи чеченҳост”. Олег Орлов, раиси созмони “Мемориал” гуфт, даъвати раҳбари Чеченистон шаъну шарафи мақомоти маҳаллӣ ва федеролиро... Читать дальше...

Як соҳибкори марбут бо Қирғизистон, ки дар Туркия ба қатл расид, ба таври пинҳонӣ далелҳои зиёдеро дар бораи фасод дар Хадамоти гумруки Қирғизистон ва берун баровардани пули зиёд аз ин кишвар ҷамъ карда будааст. Аэркин Сайматӣ, соҳибкори 37-солаи уйғур аз Чин, рӯзи 10-уми ноябр дар Туркия кушта шуд. Дар ин бора таҳқиқоти муштараки Радиои Озодӣ бо расонаҳои қирғизӣ ва Маркази таҳқиқоти фасоду ҷиноятҳои муташаккилона (OCCRP) рӯзи 21-уми ноябр нашр шуд. Дар он гуфта мешавад, Сайматӣ аснодеро ҷамъ карда буд... Читать дальше...

Раиси Маҷлиси Намояндагони Тоҷикистон аз вазъи муҳоҷирони тоҷик дар Русия изҳори нигаронӣ кард ва гуфт, онҳо "дар баъзе аз давлатҳо ҳамчун фишанг истифода мешаванд". Ин матлабро Шукурҷон Зуҳуров дар ҷараёни ҷаласаи рӯзи 22-юми ноябр баён намуд. (Садои Шукурҷон Зуҳуров)

Барфи аввал дар Душанбе (бидуни шарҳ).

Вакилони Маҷлиси Намояндагон дар иҷлосияи рӯзи 22-юми ноябр тарҳи буҷаи Тоҷикистон барои соли 2020-ро қабул карданд. Даромади буҷаи Тоҷикистон барои соли оянда 26 миллиарду 100 миллион сомонӣ (ҳудуди 2 миллиарду 600 миллион доллар) ва қисмати хароҷот 26,4 миллиард сомонӣ муайян шуд. Файзиддин Қаҳҳорзода, вазири молияи Тоҷикистон, ки дар назди вакилон тарҳи буҷаи соли ояндаро муаррифӣ кард, гуфт, бахши даромади буҷаи кишвар дар соли 2020 нисбат ба соли 2019 тақрибан даҳ дарсад бештар муайян шудааст. Читать дальше...

Раиси Маҷлиси Намояндагони Тоҷикистон аз вазъи муҳоҷирони тоҷик дар Русия изҳори нигаронӣ кард ва гуфт, онҳо "дар баъзе аз давлатҳо ҳамчун фишанг" истифода мешаванд. Ин матлабро Шукурҷон Зуҳуров дар ҷараёни ҷаласаи порлумон, ки буҷаи пешниҳодии ҳукуматро барои соли оянда баррасӣ мекард, баён намуд. Дар гузашта як намунаи ошкоро дида шудааст, ки Русия бо талаби озод кардани ду халабони боздоштшуда барои қочоқ ва убури ғайриқонунии марз, даҳҳо ҳазор муҳоҷирро аз қаламраваш ронд. Вале солҳои охир... Читать дальше...

Кумитаи миллии олимпии Тоҷикистон иттилоъ дод, ки 22 ноябр дар кишвар Чемпионати Ассотсиатсияи футболи Осиёи Марказӣ оғоз мешавад

Созмони Афви Байнулмилал (Amnesty International) ҳушдор дод, ки тасаллути ҳамаҷонибаи Google ва Facebook ба иттилооти шахсии миллиардҳо нафар дар Интернет ҳуқуқи башарро ба хатар меандозад. Ин созмон рӯзи 21-уми ноябр дар гузориши "Ғӯлҳои назораткунанда: Чӣ гуна модели тиҷоратии Google ва Facebook ба ҳуқуқи башар таҳдид мекунад" хостори тағйири шеваҳои ҷамъоварии иттилоот ва баҳраҷӯӣ аз он аз сӯи ин ду ширкати азими интернетӣ шудааст. Ин ду ширкат ёфтаҳо ва танқидҳои Афви Байнулмилалро зери суол бурдаанд. Читать дальше...

Вазири умури хориҷии Амрико Майк Помпео аз мардуми Эрон даъват кардааст, наворҳои видеоӣ ва дигар аснодеро, ки таъқиби эътирозгарон аз ҷониби ҳукумати Эронро собит кунад, ба ИМА тақдим намоянд ва  Вашингтон омилони ин таъқибҳоро таҳрим хоҳад кард. Помпео дар ин бора рӯзи 21-уми ноябр бо забони анлисиву форсӣ дар шабакаи "Твиттер" изҳорот пахш намуд. Таъқиби эътироз аз ҷониби ҳукумати Эрон, ки баъди маҳдуд ва боло бурдани нархи бензин сар задааст, аз тарафи ҷомеаи байналмилалӣ мавриди интиқоди шадид қарор гирифт. Читать дальше...

Бозии ниҳоии Ҷоми Тоҷикистон-2019 оид ба футбол 24-уми ноябр миёни дастаҳои «Истиқлол»-и Душанбе, қаҳрамони Тоҷикистон ва «Регар-ТадАЗ»-и Турсунзода, ҷоизадори биринҷии мусобиқаи имсолаи лигаи олии кишвар, доир мегардад. Бозии ниҳоӣ дар Варзишгоҳи марказии Ҳисор рӯзи якшанбе соати 14:00 шуруъ мешавад. Агар «Истиқлол» дар бозии ниҳоии Ҷоми Тоҷикистон-2019 ғолиб ояд, онгоҳ роҳхат ба Ҷоми AFC (Конфедератсияи футболи Осиё)-2020 насиби ҷоизадори нуқраи қаҳрамонии Тоҷикистон-2019 – дастаи «Хуҷанд»-и шаҳри Хуҷанд - мегардад. Читать дальше...

Сар аз 1 январи соли 2020 Узбекистон марҳила ба марҳила аз таҷрибаи додани қарзҳои боимтиёз даст мекашад. Чунин фармонеро роҳбари он давлат ахиран имзо кард. Ҳуҷҷати имзошуда ба бонкҳои тиҷорӣ иҷозат медиҳад, ки ҳаҷми фоизро мустақилона муайян кунанд. Танҳо барномаҳои давлатӣ ва қарзҳои кишоварзӣ имтиёз хоҳанд дошт. Дар ҳоли ҳозир Бонки марказии Узбекистон ҳаҷми бозпардохт ё бозтамвилро 18 дарсад муайян кардааст. Барои мисол, дар доираи лоиҳаи "Ҳар хонавода - соҳибкор" қарзҳои 8 фоизӣ ва дар... Читать дальше...

Раиси Бонки миллии Тоҷикистон гуфт, ки масъалаи бозхонд кардани иҷозатномаи фаъолияти "Агроинвестбонк" ва "Тоҷиксодиротбонк" -- ду бонки калонтарини Тоҷикистон, дар миён нест. Ин гуфтаи Ҷамшед Нурмуҳаммадзода дар посух ба пурсиши вакилони Маҷлиси Намояндагон садод дод, ки аз тақдири амонатгузорони ин ду бонк нигаронӣ карданд. Ҷаноби Нурмуҳаммадзода ҳамзамон гуфт, ки раванди бозгардонидани маблағҳои муштариён аз сӯи "Тоҷиксодротбонк" ва "Агроинвестбонк" идома дорад ва раҳбарияти ин бонкҳо талош доранд вазъро беҳтар кунанд. Читать дальше...

Як гуруҳи вакилони порлумони Қирғизистон ворид кардани тағйиру иловаҳо ба як қатор қонунҳоеро пешниҳод карданд, ки иҷозат медиҳад, мошинҳои барқӣ аз андоз озод карда шаванд. Дар ин бора лоиҳае дар баррасии омма қарор дорад. Андоз аз арзиши иловашуда барои мошинҳои барқие бекор карда мешавад, ки дар корхонаҳои Қирғизистон истеҳсол шудаанд. Ҳамчунин ҳангоми воридоти мошинҳои барқӣ ва қисмҳои эҳтиётии онҳо боҷ ситонида нахоҳад шуд. "Лоиҳаи қонун барои мошинҳои барқӣ ва қисмҳои эҳтиётии онҳо, ки... Читать дальше...

Думаи давлатии Русия дар қироати севум лоиҳаи тағйиру иловаҳо ба қонун дар бораи "агентҳои хориҷӣ"-ро қабул кард, ки бар асоси он, минбаъд шахсони воқеӣ низ "агент" номида хоҳанд шуд. Барои намуна, онҳое, ки дар расонаҳо кор мекунанд ё дар Интернет матлаб нашр менамоянд, аллакай "агент" ҳастанд. Мақомоти Русия "Радиои Озодӣ", "Садои Амрико" ва телевизиони "Настояшее Время"-ро "агенти хориҷӣ" эътироф кардаанд. Тағйиру иловаҳо ба шахсоне дахл хоҳад дошт, ки барои паҳни матлаб аз кишвар, ниҳод, шаҳрванд... Читать дальше...

Президенти Қазоқистон Қосимҷомарт Тоқаев 21 ноябр дар Твиттер навишт, ки шаҳрдори Тараз Кайрат Досаев аз мақомаш барканор шуд. "Ба раиси вилояти Ҷамбил дастур дода шуд, шаҳрдори Таразро дар робита ба ҳодисаи як мактаби ин шаҳр, ки дар он хонандаи 12-сола осеб дид, аз мақом барканор кунад. Ба худи раиси вилоят огоҳӣ дода шуд",- афзудааст президенти Қазоқистон. 15-уми ноябр дар ҳоҷатхонаи яке аз мактабҳои шаҳри Тараз, ки дар кӯча ҷойгир аст, хонандаи синфи 7-ум таҷовуз карда шуд. Дар робита ба ин ҳодиса тафтишотро оғоз карданд. Читать дальше...

Ҳукумати Тоҷикистон пешниҳоди вакилони порлумонро дар бораи бештар кардани сафи занони мансабдор рад кардааст. Феълан дар Тоҷикистон тақрибан 19 ҳазор хидматчии давлатӣ ҳастанд ва аз ин ҳисоб 24 дарсад занонанд. Вакилон ҳангоми ислоҳи қонун дар бораи хидмати давлатӣ пешниҳод кардаанд, ки ин рақам то 40 дарсад боло бурда шавад. Намояндагони ҳукумат гуфтаанд, масъалаи қабули занон ба кор дар идораҳои давлатӣ дар қонунҳои дигар ҳал шудааст.   Ҳоли ҳозир аз 21 узви ҳукумати Тоҷикистон як зан дар мақоми вазири меҳнату муҳоҷират кор мекунад. Читать дальше...