Новости за 06.07.2021

د افغانستان دفاع وزارت وایي، د کندز ښار په څنډو کې یې د طالبانو پر یوې غونډې هوایي برید کړی دی.  وزارت په یوه خبرپاڼه کې ویلي چې دا غونډه پرون  دوشنبه (د چنګاښ په ۱۴مه نېټه) د ( سې صد فامیلیو) او ( سې درک) سیمه کې په نښه شوه چې ۳۶ طالبان په کې ووژل شول او ۲۱ نور ټپیان شول.  دا برید داسې مهال کېږي چې طالبانو په کندز او شااوخوا نورو شمالي ولایتونو کې خپل فعالیتونه زیات کړي دي.  طالبانو لا د کندز د هوایي برید په اړه څه نه دي ویلي، خو په جلا جلا خبرپاڼو کې یې ادعا کړې چې له پرون راهیسې یې د بادغیس... Читать дальше...

والسټریټ ژورنال د والسټریټ ژورنال د یوې لیکنې سرلیک دی "افغانستان څخه د امریکايي سرتېرو وتل غیر منطقي دی، خو ولې وځي؟" د لیکنې لیکوال وايي، د ۲۰۲۰ م کال فبرورۍ راهیسې په افغانستان کې هېڅ امریکايي سرتېری نه‌دی وژل شوی او په دې هېواد کې په کم شمېر د سرتېرو د پاتې کېدو محسوس لګښت کم و، خو د افغانستان څخه د وتلو په صورت کې له بشري او ستراتېژیک پلوه نامحسوسه بیه به‌یې لوړه وي. د لیکوال په لیکنه کې وړاندې له افغانستان د امریکايي سرتېرو د وتلو په صورت کې هغو بشري او ستراتېژیکو خطرونو ته اشاره کړې... Читать дальше...

اروپايي ټولنې له افغانستان سره د قحطۍ/لوږې د خطر د مخنیوي په هدف د ۲۵ میلیونو یورو مرسته اعلان کړه. د اروپايي ټولنې د بودجې او بشري سرچینو د برخې ویاند بلازا اویواري پرون دوشنبه (د چنګاښ په ۱۴مه نېټه) په دې اړه په بروکسل کې خبریالانو ته معلومات ورکړل: "[اروپایی] کمېسیون په افغانستان کې د لوږې پر وړاندې د مبارزې لپاره د اضافي بشردوستانه مرستو په توګه ۲۵ میلیونه  یورو جلا بېل کړي. دا مرسته په دغه هېواد کې د وچکالۍ په خاطر ده چې دا هېواد یې ځپلی او د لږ تر لږه ۱۱ میلیونو کسانو لپاره یې د خوړو (د کمښت)... Читать дальше...

جرمني دوه زره او څلور سوه افغانانو ته ویزې ورکړي دي. په دې کې له جرمني ځواکونو سره افغان ژباړونکي، محلي قراردادیان او د هغوی د کورنۍ غړي شامل دي.  د جرمني د بهرنیو چارو وزارت ویاند راینر برویل پرون دوشنبه(د چنګاښ په ۱۴مه نېټه) په برلین کې رسنیو ته په دې اړه معلومات ورکړل. 'ډي.پي.اې' د جرمني خبري اژانس د بهرنیو چارو وزارت ویاند په حواله زیاته کړې چې دغو افغانانو ته د یوې خورا ګړنۍ پروسې پر اساس باندې ویزې صادرې شوي.  د جون په پای کې دېرش افغانان جرمني ته تللي او تمه ده په راتلونکو څو ورځو کې لسګونه نور هم ستانه شي. Читать дальше...

افغان پوځیان د هرات له چشت شریف ولسوالۍ څخه وتلي دي. دا خبره د هرات پوځي شورا دوشنبه(د چنګاښ په ۱۴مه نېټه) ناوخته په یوه اعلامیه کې تایید کړې ده. د اعلامیې له مخې د پوځیانو او عامو خلکو د مرګ ژوبلې او زیان د مخنیوي په هدف د چشت شریف ولسوالۍ امنیتي او اداري څانګې یوې بلې سیمې ته انتقال شوي. د وسله والو طالبانو ویاند ذبیح الله مجاهد د دوشنبې په ورځ ادعا وکړه چې چشت ولسوالۍ له ټولو امکاناتو سره د دوی لاس ته لوېدلې. په چشت شریف کې د افغان – هند د دوستۍ بند یا سلما بند موقعیت لري. وړمه شپه... Читать дальше...

د پاکستان حکومت د خېبرپښتونخوا د زرګونه ملا امامانو او د اقلیتي ډلو مذهبي مشرانو د میاشتني معاش لپاره نږدې ۱۷میلیونه ډالره بودجه ټاکلې. دا خبره د خېبرپښتونخوا د اعلی وزیر سلاکار کامران بنګش د ازادې اروپا مشال څانګې ته وکړه. هغه د ملایانو د میاشتني معاش په اړه زیاته کړه: "د خېبرپښتونخوا حکومت د ایالت د ۲۲۰۰۰ جوماتونو ملا امامانو ته هره مياشت د ۱۰۰۰۰ روپيو ورکولو بندوبست کړی دی. موږ پرېکړه کړې چې يو ملا امام ته به د درېيو مياشتو پيسې، يانې ۳۰۰۰۰ روپۍ په يو ځل ورکوو چې هغه پرې د خپل ژوند چارې يو... Читать дальше...

د جرمني صدراعظمې انګېلامېرکل ویلي، د جیو سټراتيژيکو دلایلو په خاطر د لویدیځ بالکان شپږو هېوادونو ته د اروپايي ټولنې د راتلونکو غړو په سترګه ګوري. د لویدیځ بالکان شپږ هېوادونه البانیا، سربیا، شمالي مقدونیا، بوسنیا هرزګوینا، مانټینیګرو او کوسوو دي چې له هڅو سربېره لا د اروپايي ټولنې غړیتوب نه دی ورکړل شوی. پرون دوشنبه (د چنګاښ په ۱۴مه نېټه) د دغو هېوادونو له مشرانو سره په یوه انلاین کنفرانس کې د جرمني صدراعظمې انګېلا مېرکل له اروپايي ټولنې سره د لویدیځ بالکان د دغو شپږو هېوادونو د غړیتوب او پیوستون ملاتړ وکړ. Читать дальше...

د اروپا کپ د فوټبال سیالیو لومړۍ نیمه پایلوبه کې نن سې شنبه (د چنګاښ په ۱۵مه نېټه) شپه ایټالیا او هسپانیا سره لوبه کوي. د دوی لوبه د لندن په وېمبلې سټډیوم کې ترسره کېږي. د لوبې ګټونکی ټیم به راتلونکې یکشنبه د اروپا کپ پایلوبې ته وځي. ایټالیا نیمه پایلوبې ته د رسېدو لپاره په کوارټرفاینل کې بلجیم مات کړی و او هسپانیې هم له سویس ګټلې وه. بله نیمه پایلوبه بیا چهارشنبه ده چې د انګلستان او ډنمارک تر منځ کېږي. د اروپا کپ د فوټبال سږنۍ سیالۍ د جون له ۱۱ پیل شوې او تمه ده د جولای په یوولسمه پای ته ورسیږي. Читать дальше...

د افغانستان په شمال کې د جګړو له زیاتېدو وروسته د تاجکستان ولسمشر امام علي رحمن د دوشنبې په ورځ (د چنګاښ په ۱۴مه نېټه) امر کړی چې شل زره تاجک پوځیان دې د افغانستان د پولې په اوږدو کې ځای پر ځای شي. ښاغلي رحمان چې د تاجکستان د امنیت شورا د غونډې مشري کوله د افغانستان امنیتي وضعیت د اندېښنې وړ وباله. د تاجکستان د جمهوري ریاست د وېب پاڼې له مخې امام علي رحمان د خپل هېواد په امنیتي ارګانونو غږ وکړ چې له افغانستان سره د پولې په اوږدو کې دې هر اړخیز تدابیر ونیسي او د تاجیکستان امنیت دې ډاډمن کړي. ... Читать дальше...

د بلاروس د اپوزیسیون د مشرې سویتلانا څخانوفسکایا په ګډون د رژيم ګڼ مخالفان په لېتوانیا کې د جلا وطنۍ ژوند تېروي. د اروپايي ټولنې غړي هېواد لېتوانیا ویلي، د دې لپاره چې د دوی غږ واورېدل شي د بلاروس ډیموکراټیک اپوزیسیون ته یې رسمي موقف ورکړی. د لېتوانیا د بهرنیو چارو وزیر ګابریلیس لینډسبرګیس پرون د جولای په پنځمه وویل: "په لېتوانیا کې د بلاروس د ډموکراټیک اپوزیسیون استازولي د یوې منل شوې موسسې موقف لري." هغه زیاته کړه:" هیله ده په دې کار سره د بلاروس د ډموکراتیکو ځواکونو استازو سره مرسته وکړي... Читать дальше...