Новости за 15.02.2020

Чыңгыз Айтматовдун буга чейин басылып чыкпаган эки повести жарык көрдү. Китепти "Манас" жана Чыңгыз Айтматов улуттук академиясы чыгарды. Жазуучунун “Алтын жана кар” аттуу бүтпөй калган чыгармасында Экинчи Дүйнөлүк согуш жана өткөн кылымдын 90-жылдарындагы кыргыз турмушу чагылдырылган.

Кытайдын Ухань шаарынан келген 18 студент 14 күндүк карантинден соң үйлөрүнө чыгарылды. Баары Кыргызстандын жарандары. Алар Кытайдан 2-февралда Казакстандын Нур-Султан шаары аркылуу атайын бортто келишкенин Саламаттык сактоо министрлиги билдирди.  Студенттер 14 күн коронавируска каршы карантинде болуп, дарыгерлердин көзөмөлүндө турушту.  Кытайда чыккан вирустан улам Кыргызстан ал жактагы жарандарын Казакстан аркылуу Бишкекке бир канча жолу ташыды. Акыркы жолу 13-февралда 40 жаранын алып келди. Читать дальше...

Ош шаардык Спорт комитетинин башчысы Кылычбек Саркарбаевди кызматтан алуу маселеси келерки жуманын башында каралат. Бул тууралуу мэриянын басма сөз кызматы "Азаттыкка" билдирди. Буга спортчу Төлөгөн Рахманберди уулунун президентке видео кайрылуусу негиз болууда. Видео кайрылуу "Фейсбук" аркылуу 14-февралда таратылган. Кайрылууда Рахманберди уулу Спорт комитетинин башчысы Кылыч Саркарбаев жана Нурбек Раимбеков баштаган топтон запкы көрүп жатканын айткан. Рахманберди уулу “бул тууралуу ооз ачсаң... Читать дальше...

Экономикалык кылмыштуулукка каршы күрөшүү боюнча мамлекеттик кызматы (Финполиция) издөөгө алган “Некст-Строй” компаниясынын жетекчиси Тынчтыкбек Шерматов 15-февралга караган түнү Бишкек шаарында кармалды. Кылмышка шектүүнү Финполициянын жана Ички иштер министрлигинин кызматкерлери кармаган. Бул тууралуу “Азаттыкка” Финполициянын басма сөз кызматы билдирди. Шерматов Жазык кодексинин “Алдамчылык” беренеси менен козголгон ишке шектүү катары кармалып, сотко чейинки өндүрүш иши жүрүүдө. “Некст-Строй”... Читать дальше...

14-февралда спортчу Төлөгөн Рахманберди уулунун президентке видео кайрылуусу жарыяланды. Кайрылуу "Фейсбук" социалдык тармагында Мамлекеттик бажы кызматынын Ош облустук башкармалыгынын мурдагы кызматкери Эмилбек Кимсановго таандык экени айтылган баракча аркылуу жарыяланган. Кайрылуу «Ошто, түштүк жергесинде Матраимовдордун кланынан коркуп жашап калдык» деген мазмунду камтыйт. Кайрылууда Рахманберди уулу Спорт комитетинин башчысы Кылыч Саркарбаев жана Нурбек Раимбеков баштаган топтон запкы көрүп жатканын айткан. Читать дальше...

Кытайдан товар ташыган түркмөн соодагерлер карантиндин айынан товарларынан айрылышууда.

Соңку күндөрү "Талибан" кыймылы менен АКШнын тынчтык сүйлөшүүлөрү ийгиликтүү боло баштаганын мамлекеттик катчы Майк Помпео билдирди.  Анын айтымында, Дональд Трамп Ооганстанда ондонгон жылдардан бери уланып келаткан калабаны токтотууну көздөгөн сүйлөшүүлөрдү улантууну колдоду.  13-февралда АКШнын коргоо министри Марк Эспер талиптер менен жакынкы апталарда согуштук аракеттерди токтотуу жаатында келишимге жетишилгенин айткан болчу.  Трамптын администрациясы "Талибан" менен ийгиликтүү сүйлөшүүлөр тууралуу буга чейина да баяндама жасаган... Читать дальше...

16-февралда Сергей Лавров менен Мевлют Чавушоглу Мюнхенде жолугушат.

Алжирде демонстранттар өкмөткө каршы нааразылык акциялардын бир жылдыгын белгилешти. 14-февралда миңдеген жарандар жүрүшкө чыгышты. Алар коррупцияны токтотууну, армияны саясатка аралаштырбоону, башкаруучу элитаны толугу менен алмаштырууну талап кылып келатышат.  Жүрүшкө чыккандар "Биз токтобойбуз!" деген жазуу бар плакаттарды көтөрүп алышты. Акция полициянын күчөтүлгөн көзөмөлүндө өткөнүн "Reuters" агенттиги кабарлады. Жыйырма жылдан ашуун бийликте турган президент Абделазиз Бутефлика 2019-жылдын... Читать дальше...

Европа биримдиги (ЕБ) Кыргызстандын социалдык коргоо тармагын колдоо үчүн 5 миллион 750 миң евро грант бөлдү.

Кыргызстандын Мамлекеттик чек ара кызматы өлкөдөгү бардык аскер бөлүктөрүндө Ооганстандан советтик аскерлердин чыгарылганынын 31 жылдыгын белгилешти. Иш-чара жаштарга жоокерлердин жашоосун тааныштыруу менен коштолду.

1989-жылдын 15-февралында өзбек-ооган чек арасындагы "Термез" посту аркылуу Ооганстандан совет аскерлери толугу менен чыгарылып бүткөн. Ошентип СССРдин ооган жергесиндеги жарандык согушка "интернационалдык милдетти аткаруу" деген жүйө менен катышкан 10 жылы аяктаган. Тарыхый булактарда 1979-жылы башталган калабадан 1989-жылга чейин Ооганстандын жүз миңдеген жараны өлүп, миллиондогону бозгун болуп кеткен.  СССРдин Коргоо министрлигинин маалыматына ылайык, Совет бийлиги 546 миңден ашуун аскерин ооган жергесине жиберген. Читать дальше...