Новости за 27.09.2018

“Эркин Европа/Азаттык” радиосунун өзбек кызматы кабарлагандай, 78 жаштагы Толиб Якубовду 26-сентябрда Ташкенттин аэропортунда туугандары, достору, укук коргоочу кесиптештери тосуп алды. Ал мекенине он жылдан ашуун Францияда бозгунда жүргөн соң кайтып барды.  Өзбекстандын Адам укуктары коомунун негиздөөчүсү Якубов мекенинен 2007-жылы качууга аргасыз болгон, 2014-жылы өзбек бийлиги аны жарандыктан ажыраткан. Учурунда француз жарандыгы бар Якубовго өзбек жарандыгы кайтарылып берилеби же жокпу, азырынча белгисиз. Читать дальше...

27-сентябрда Бишкек шаарынын Биринчи Май райондук сотунда мурдагы вице-премьер-министр Дүйшөнбек Зилалиевдин иши каралып жатат. Сот Эмил Кайыпов өтүнүч, арыздар жоктугуна жана иштин документтери изилдөө толук аяктаганына байланыштуу жарыш сөзгө уруксат берерин айтты. Жарыш сөзгө чыккан прокуратура өкүлү Зилалиев президенттин кортежи Манас проспектисинен өтөрүн билип туруп курсантка “Азыр бомба жарылат” деп айтканын, УКМКнын ыкчам тобу ал жерде издегенин” билдирди. Ал коюлган беренелер туура экенин... Читать дальше...

Баш прокурор Өткүрбек Жамшитов Башкы прокуратуранын тергөөчүлөрү АКШда жазасын өтөп жаткан Евгений Гуревич менен жолукканын ырастады. - Гуревич бизге конкреттүү далилдер менен айтса, биз иштейт элек. Ал бир да конкреттүү далил келтирбестен, оозэки түрдө эле 200-300 миллион доллар деп койду. Биздин тергөөчүлөр барып жолукканда деле конкреттүү түрдө айта алган жок. Кайсы банк, кайсы эсептер экени тууралуу эч кандай маалымат берген жок. Ал Кыргызстандын үч баскычтагы сотунун чечими менен күнөөлүү деп табылып, сыртынан 25 жылга соттолгон. Читать дальше...

Башкы прокурор Өткүрбек Жамшитов мурдагы президент Курманбек Бакиевдин уулу Максим Бакиевдин финансылык кеңешчиси Евгений Гуревичтин айткандары боюнча териштирүү жүрүп жатканын билдирди.  Бул тууралуу ал Жогорку Кеңеште маалымат берип жатып билдирди.  Кезинде Бакиевдердин финансылык кеңешчиси болгон, Кыргызстанда бир нече кылмыштар боюнча сыртынан соттолгон, азыр АКШда шарттуу абакта отурган Евгений Гуревич жакында “Азаттыкка” маегинде мурдагы президент Курманбек Бакиевдин үй-бүлөсү Кыргызстандан... Читать дальше...

28-сентябрда түнкүсүн тоолуу райондордо жамгыр, бийик  тоолордо кар жаайт. Күндүз Ысык-Көл облусунда жана Чүй, Ош, Жалал-Абад, Нарын облустарынын тоолуу райондорунда жамгыр жаайт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 6...11, күндүз 20...25, Талас жергесинде түнкүсүн 2...7, күндүз 20...25, Баткен, Ош, Жалал-Абад аймактарында түнкүсүн 7...12, күндүз 22...27, Ысык-Көл дубанында түнкүсүн 2...7, күндүз 15...20, Нарын облусунда түнкүсүн 1...6... Читать дальше...

АКШ президенти Дональд Трамп Кытай тууралуу Улуттар Уюмунун Коопсуздук кеңешинин отурумундаал өзү алгачкы ирет төрагалык кылган жыйында билдирди. Кошмо Штаттар Коопсуздук кеңешинин ушул айдагы төрагасы. “Кытай менин администацияма каршы ноябрда болуучу шайлоого кийлигишүүгө аркеттенүүдө”, - деген Трамп мунун жүйөсүн Бээжин менен соода тирешине байланыштырды. Кытай Трамптын айыптоосун дароо эле четке какты. “Биз эч бир өлкөнүн ички ишине кийлигишпейбиз, кийлигишкен жокпуз. Биз Кытайдын дарегине айтылган негисиз айыптоолорду четке кагабыз”... Читать дальше...

Активист Өндүрүш Токтонасыров Жогорку Кеңештин таркашын талап кылган акция өткөрдү. Ал өзүнүн талабы жазылган кагазды көтөрүп, 27-сентябрда парламенттин имаратынын алдына пикетке чыкты. Муну менен ал акыйкатчылык кызматка Токон Мамытовдун шайланышына нааразылык билдирди.

2018-жылдын тогуз айында адам уурдоо фактысы боюнча 16 факты аныкталып, Кылмыш-жаза кодексинин 123-беренеси (“адам уурдоо”) боюнча иш козголду. Бул тууралуу Ички иштер министрлигинин (ИИМ) маалымат кызматы кабарлады. Анда айтылгандай, бул маалыматтарды ИИМдин Криминалдык милиция кызматынын башчысы Нурбек Абдиев министрликтин Коомдук кеңешинин жыйынында келтирген. Ал адам уурдоо былтыркы жылга салыштырмалуу эки эсе, ал эми сегиз жыл мурдагыга салыштырмалуу төрт эсе азайганын белгилейт. Кыргызстанда адам уурдоо фактысы боюнча былтыр 42... Читать дальше...

Түркиянын президенти Режеп Тайип Эрдоган мындай чакырыкты Германияга мамлекеттик визити алдында немистердин Frankfurter Allgemeine Zeitung гезитине жарыяланган макаласында жасады. Эрдоган макаласында Берлин Түркиянын тыюу салынган Күрт жумушучу партиясына (ПКК),  Гүлендин кыймылына каршы күрөшүн колдойт деп күтөрүн да жазат.  Ага катар Германия менен Түркиянын буга чейин бузулган дипломатиялык алака-катышында “жаңы баракты” ачууну көздөй турганын да белгилеген.  Анкара АКШда жашаган диниятчы... Читать дальше...

Бишкекте кафедеги ок атууга байланыштуу Биринчи Май райондук ички иштер бөлүмүндөгү жооптуу кызматкерлерге кылмыш иши козголду.  Башкы прокуратуранын басма сөз кызматы билдиргендей, ишти аталган райондун прокуратурасы териштирип жатат. 12-сентябрга караган түнү Ахунбаев көчөсүндөгү "Империя пиццы" кафесинде жаңжал чыгып, милиция кызматкери кафенин коногуна ок жатканы кабарланган.  Табелдик куралдан ок аткан милиционерге карата Кылмыш-жаза кодексинин 234-беренеси (Бейбаштык) менен иш козголду. Читать дальше...

Украин президенти Улуттар Уюмунун Башкы ассамблеясындагы сөзүнүн басымдуу бөлүгүн Орусияны айыптоо үчүн колдонду. Порошенконун айтымында, Орусиянын “агрессивдүү экспанционисттик саясатын” дүйнө өлкөлөрү бирге болмоюнча эч ким токтото албайт. Украин президенти ага катар “экспанционизмге” каршы туруу БУУнун миссиясынын бир бөлүгү экенин да эске салды. Москва Порошенконун БУУдагы сөзүнө дароо жооп кайтарган жок. Украин президенти Улуттар Уюмундагы башка форумда өлкөсүнө БУУнун тынчтык орнотуучү миссиясын жөнөтүү чакырыгын дагы кайталап... Читать дальше...

Премьер-министр Мухаммедкалый Абылгазиев өкмөттүн атайын жыйынында эмгек жана социалдык өнүгүү министринин мурдагы орун басары Зууракан Каденова катышкан окуя боюнча оюн билдирип, бул тууралуу жазылган маалыматтарга жетиштүү реакция кылбаганы үчүн Тышкы иштер министрлигин сынга алды. Бул тууралуу өкмөттүн аппараты тараткан маалыматта айтылат. - Жогорку кызматтарды ээлеген кызмат адамдары кол алдындагы кызматкерлерге, коомдо жүрүм-туруму менен үлгү болууга тийиш. Болбосо мамлекеттик кызматка келбешибиз керек. Читать дальше...

Жарандык активист Рита Карасартова парламенттеги акыйкатчы шайлоонун жыйынтыгы тууралуу "Азаттык" радиосуна ой бөлүштү.

Кыргызстандын акыйкатчысы болуп көп жылдан бери коопсуздук системасында иштеген Токон Мамытов шайланды. Парламенттин бул тандоосунун тегерегинде "Кылым шамы" укук коргоо борборунун жетекчиси Азиза Абдирасулова "Азаттык" менен ой бөлүштү.

Жогорку Кеңештин депутаты Кенжебек Бокоев өлкө аймагындагы суу сактагычтарда түзүлгөн кыйчалыш абалга өкмөттүн көӊүлүн буруп, коңшу өлкөлөргө сууну сатууну сунуштады. Бул тууралуу ал 27-сентябрда парламенттин жыйынында билдирди:  -Таластагы Киров суу сактагычында 2 миӊ гектар жер суу астында калган. Биз болсо анда Казакстанга суу топтоп берип жатабыз. Дегеле суу сактагычтарда топтолгон суунун 90 пайызын Казакстан менен Өзбекстан көп жылдан бери акысыз пайдаланууда. Өкмөт аларга акы төлөтүү чарасын колго алууга тийиш, - деди Бокоев. Читать дальше...

Жалал-Абад шаарынын Нагима Айтматова жана Ленин көчөлөрүнүн кесилишине курулган жер алдынан адамдар өтүүчү өтмөктүн курулушу бүтүп, 27-сентябрда ачылды. Анын узундугу 30, туурасы 6 метр. Курулушуна жергиликтүү бюджеттен 13 миллион сом бөлүнгөнү кабарланган. Курулуш иштери быйыл жазда башталган. Алгач 31-август - Эгемендик күнүндө пайдаланууга берилери айтылган, бирок курулуш иштеринен улам бир айга жакын убакыт кечикти.  Өтмөк куруу демилгеси шаардын мурдагы мэрине таандык. Шаардын Ленин... Читать дальше...

Кыргыз-казак чек арасында автоунаанын арткы отургучунун түбүнө жашынып Казакстанга мыйзамсыз өтүүгө аракет кылган адам кармалды. Бул тууралуу Мамлекеттик чек ара кызматынан билдиришти. Анда айтылгандай, “Акжол-автожол” көзөмөл өткөрүү бекетинин чек арачылары “Toyota Estima” үлгүсүндөгү автоунааны артынан шектүү нерсени байкап калышкан. Текшерүү учурунда жуурканга жашынып жаткан белгисиз жаранды тапкан. Сурамжылоо маалында бекинген киши 33 жаштагы Кыргызстандын жараны экени такталып, ага тиешелүү... Читать дальше...

Кыргыз өкмөт 2019-жылга республикалык бюджетинин долбоору жана 2020-2021-жылдарга болжолун жарыялады. Өкмөттүн сайтында жазылгандай, келерки жылдын бюджет 2018-жылга салыштырмалуу 28 миллиардга көп деп пландалууда. Финансы министри Адылбек Касымалиевге таянып келтирилген маалыматта, республикалык бюджеттин киреше өлчөмү 2019-жылы – 168 млрд. 308 млн. сомду, 2020-жылы – 175 млрд. 881 млн. сомду жана 2021-жылы 182 млрд. сомду түзөт деп болжолдонууда. Кабарда белгиленгендей, 2019-жылы ички дүң продуктунун (ИДП) өсүшү ... Читать дальше...

Активист Өндүрүш Токтонасыров Жогорку Кеңештин таркашын талап кылган акция өткөрдү. Ал талабы жазылган кагазды көтөрүп, 27-сентябрда парламенттин имаратынын алдына пикетке чыкты. Муну менен ал акыйкатчылык кызматка Токон Мамытовдун шайланышына нааразылык билдирди. - Адам укугун коргоо жаатында үзүрлүү иштеп келе жаткан талапкерлерди колдобой, өзүлөрүнө керектүү адамды шайлап алышты, - деди Токтонасыров. Жогорку Кеңештин депутаттары 26-сентябрда Кыргызстандын акыйкатчысы кызматына Токон Мамытовду шайлады. Читать дальше...

Каракол шаарынын жаңы мэрин шайлоо 12-октябрда болот. Бул тууралуу Борбордук шайлоо комиссиясынын чечими чыгып, расмий сайтка жарыяланды.  Шайлоону уюштуруп, өткөрүү Каракол жана Ысык-Көл аймактык шайлоо комиссияларына тапшырылды. Азырынча калаа башчылыгына кимдер ат салышары белгисиз. Шаардык кеңештин депутаттары бул маселе эми караларын билдиришти.  Каракол шаарынын мурдагы мэри Данияр Арпачиев өзү жазган арызынын негизинде 19-сентябрда кызматтан бошотулган.  31-июлда шаардык кеңештин депутаттары... Читать дальше...

Ысык-Көлдө өтүп жаткан террорчулукка каршы эл аралык машыгууда “Искандер-М” ракетасы сыналды. Машыгуу учурунда Орусиянын аскердик учактары аткылоо жасап, жети өлкөдөн келген эки миңдей аскер кызматкери даярдыктан өттү. Уюштуруучу топ машыгуу ооган тараптан келчү коркунучтардын алдын алууга багытталганын белгилешти. Бирок анда ири аскердик ракетанын сыналышы түрдүүчө бааланууда.

Бишкек шаарынын жылуулук борборуна кышкы сезон үчүн 239 миң тонна көмүр келип түштү. Бул тууралуу "Азаттыкка" аталган мекеменин маалымат катчысы Тагжана Айдаралиева билдирди. Анын айтымында, жалпы 1 миллион тонна көмүр келиши керек. Калганы план боюнча кышында алынып келет.  25-сентябрда өкмөттүн атайын жыйынында Бишкек ЖЭБдин директору Андрей Воропаев ЖЭБ алдыдагы күз-кыш мезгилине даяр экендигине ишендирген. Ал көмүрдүн 75% атамекендик, 25% импорттук болорун кошумчалаган.  Андрей Воропаев... Читать дальше...

Ички иштер министрлиги уулунун жол кырсыгына күнөөлөнүп камакка алынганына нааразы болуп Баткенден Бишкекти карай жөө жүрүшкө чыккан Сайитраим Абдилатовдун айыптоосу боюнча билдирүү таратты. Министрликтин сайтында жазылгандай, кеп болуп жаткан жол кырсыгы ушул жылдын 26-августуна караган түнү Кызыл-Кыя шаарынын Караван башкармалыгында болгон. Белгисиз автоунаа жөө жүргүнчүнү сүзүп, окуя болгон жерден качып кеткен. Натыйжада Араван районунун 41 жаштагы тургуну кырсык орун алган жерде каза тапкан. Читать дальше...

Улуттук коопсуздук боюнча мамлекеттик комитеттин (УКМК) басма сөз кызматы эл аралык террордук уюмга мүчө деп шектелген дагы бир жаран кармалганын билдирди. 23 жаштагы жигит террорго каршы жүргүзүлгөн иш-чаранын алкагында 19-сентябрда колго түшкөн. Маалыматта ал 2013-жылы террордук уюмдарын бирине мүчө болуп, Сирия өкмөтүнө каршы салгылаштарга катышканы айтылат. Андан тышкары, террордук топтун башчысынын тапшырмасы менен ал жака адам жалдап, КМШ мамлекеттеринен 100дөн ашуун кишини алып барган деп шектелүүдө. Читать дальше...

Бүгүн Бишкекте Жогорку Кеңештин таркашын талап кылган акция өтөт. Аны жарандык активист Өндүрүш Токтонасыров уюштурарын өзү “Азаттыкка” кабарлады. - Адам укугун коргоо жаатында үзүрлүү иштеп келе жаткан эки талапкерди колдобой, өзүлөрүнө керектүү адамды шайлап алышты, -  дейт Токтонасыров. Жогорку Кеңештин депутаттары 26-сентябрда Кыргызстандын акыйкатчысы кызматына Токон Мамытовду шайлады. Аны КСДП фракциясы көрсөткөн. Жабык добуш берүүнүн жыйынтыгында Мамытовду 79 депутат колдоду. "Бир Бол" сунуш кылган Рита Карасартовага 9... Читать дальше...