Новости за 13.09.2018

Маркум комузчу Руслан Жумабаевге мамлекеттик сыйлык ыйгаруу демилгеси көтөрүлдү. Маданият министрлиги комузчуга наам же сыйлык берүү жагы ал көзү тирүүсүндө эле каралып, белгисиз себептерден улам ишке ашпай келгенин, бул демилге быйыл да көтөрүлөрүн айтты. Анткен менен "эмне үчүн мамлекет эл тааныган таланттарды көзү барында баалабайт?" деген суроо коомчулукта көп берилет.

Кошмо Штаттар маалыматтык технологиялар жаатындагы эки компанияга Пхеньяндын өзөктүк жана ракеталык программаларына колдоо көрсөткөнү үчүн санкция киргизди. Компаниялар Орусияда жана Кытайда жайгашкан. Санкциялар Кытайдагы "Yanbian Silverstar Network Technology" компаниясына, анын жетекчиси Йонг Сонг Хвага жана Орусиядагы "Volasys Silver Star" ишканасына киргизилди. 13-сентябрда АКШнын финансы министри Стивен Мнучин жаңы чаралар Түндүк Кореяга чет жактагы жасалма структуралар аркылуу кирип жаткан... Читать дальше...

Соңку тогуз жыл ичинде орусиялыктардын тележаңылыктарга болгон ишеними 30 пайызга төмөндөп кетти. Бул тууралуу Москвадагы “Левада-борбору” жүргүзгөн сурамжылоонун жыйынтыгында белгилүү болду. Ошол эле маалда интернет агенттиктерге болгон ишеним жетиден 24 пайызга чейин көтөрүлгөн. Сурамжылоого катышкандардын 24% пенсия реформасы тууралуу жаңылыктар телевидениеге караганда Интернетте бейтарап чагылдырылганын мисал келтиришкен.  Ошондой эле Интернетте толук жана объективдүү чагылдырылат деген темалардын... Читать дальше...

Жогорку Кеңеште "Датка-Кемин" линиясын курууга алынган насыянын пайдаланышын текшерүү демилгеси көтөрүлдү.

Ташкенттин шаардык соту баңгизатка байланыштуу 13 жылга эркинен ажыратылган Хорезмдин имамы Хикматулла Юсуповду сот залынан бошотту. “Бугун ал сот залынан бошотулду. Сот аны толук актады. Азыр Хикматулла Юсупов Ташкентте, эртең Хорезмге келет” – дешти имамдын туугандары 12-сентябрда. Ишти кайра кароону өтүнүп Юсуповдун аялы Мехрибон Рахматуллаева быйыл жогорку инстанцияга кайрылган. Тергөөнүн жыйынтыгында Юсуповго каршы келтирилген буга чейин далилдер жана ага каршы айтылган көрсөтмөлөрдүн баары жасалма болуп чыккан. Читать дальше...

"Биз жана дүйнөдө" бүгүн Дагестандагы кызыктар: Чабан Абдурахман "Инстаграмдан" кантип миңдеген күйөрман топтоду? Эмне үчүн дагестандыктар аялдарын Москвага жөнөтпөйт? Улуттук тон – бурка жасоо өнөрү эмнеге өчүп баратат? Эмне үчүн бул аймакта УАЗ менен "Нива" атактуу?

Мьянманын де-факто лидери Ан Сан Су Чжи "Рейтер" агенттигинин эки журналистине чыккан сот өкүмүн туура деп эсептейт. АКШнын чыгыш жээгине жакындап келаткан "Флоренс" ураганы экинчи категорияга чейин басаңдады.

Бишкекте бир тарапка кеткен көчөдө эреже бузуп айдап, жол коопсуздук кызматкерлерине кармалып, кийинчерээк мас абалында рулга отурганы айтылган адам Түркиянын Кыргызстандагы элчилигинин кызматкери экени кабарланды. Жол коопсуздугун камсыздоо башкармалыгынын басма сөз катчысы Тилек Оторов "Азаттыкка" билдиргендей, ал 12-сентябрга караган түнү Бишкекте туура эмес багытта машине айдап баратканда токтотулган. Текшерүү учурунда айдоочу, Каража Эркан аттуу адам спирттик ичимдик ичип алып рулга отурганы белгилүү болгон. Читать дальше...

Росгвардия жетекчисинин оппозиционер Навальныйга байланыштуу үч күн мурдагы видеотасмасы дале талкууда. Генерал Золотовдун эрөөлгө чакыруусун коркутуу, маскаралык, кылмыш дегендер менен чыныгы мырзалык кадам катары сыпаттагандардын талашы басыла элек. Атургай депутаттардын бири мыйзам долбоорун сунуштап жиберди

Британ бийлиги “Александр Петров” жана “Руслан Боширов” деп аныктап, мурдагы орус тыңчысын кызы менен ууландырууга айыптаган эки орус жараны Russia Today телеканалына интервью берди. Видео маек 13-сентябрда жарыяланды. Алардын бири “биздин досторубуз көптөн бери эле бул кооз шаарды көргүлө деп айтып жүрүшкөн” деп, Солсбериге барган себебин түшүндүрдү.  Эмне себептен бул шаарга эки жолу барышканын 3-мартта шаарда “кар калың” болгондуктан, эртеси аба ырайы оңолгондо кайра барышканын айтышты. ... Читать дальше...

Жарым жылда 351 наристе Кыргызстан жарандарына асыроого берилди. Мындан сырткары 11 баланы чет элдик жарандар багып алды. Алар АКШ, Швеция, Финляндия жана Канаданын жарандары. Бул тууралуу “Азаттык” радиосуна Эмгек жана социалдык өнүгүү министрлигинин башкы адиси Гүлзина Бообекова билдирди. Анын айтымында, учурда Кыргызстандын 225 жараны бала багып алуу үчүн кезекте турат. Ал эми асыроого бериле турган балдардын мамлекеттик маалыматтар банкында 220 баланын тизмеси бар. Андагы балдардын көбү ден соолугунан мүмкүнчүлүгү чектелген. Читать дальше...

Мьянманын де-факто лидери, Нобель сыйлыгынын ээси Аун Сан Су Чжи Ханой шаарында өтүп жаткан Дүйнөлүк экономикалык форумда сөз сүйлөп, "Reuters" агенттигинин эки журналистине чыккан сот өкүмүн коргоду. "Алар журналист болгону үчүн соттолушкан жок. Сот аларды Мамлекеттик сырлар тууралуу мыйзамды бузду деп тапканы үчүн соттолушту. Эгер биз мыйзамдын үстөмдүгүнө ишенсек, алар доо арыз менен кайрыла алышат жана сот өкүмүн туура эмес деп эсептешсе, ал кемчиликти көрсөтүп берүүгө укугу бар" - деди Су Чжи. Читать дальше...

Парламентте Шанхай Кызматташтык Уюмунун экстремизмге каршы аракеттенүү боюнча конвенциясын ратификациялоону карап жатканда анын Кыргызстандын улуттук мыйзамдарына каршы келген жагдайлары ачыкка чыкты.

Быйыл Кыргызстанга келчү түз инвестициянын көлөмү 247 млн. долларды түздү. Бул былтыркыга караганда 33,2% пайызга аз. Бул тууралуу бүгүн парламент жыйынында Жогорку Кеңештин депутаты Аалы Карашев статистикалык маалыматтарга таянып билдирди. Ал сегиз айда өнөр жай тармагы 9,3 пайызга, экспорт 1,6% төмөндөгөнүн айтты. Ошол эле кезде импорт 20% өскөн. - Ички дүң өндүрүм терс көрсөткүчү менен баратабыз. -0,3%. Түз келчү инвестиция 247 млн. доллар болуп 33,2% терс көрсөткүч менен баратабыз. Инвестициянын чыгып кетүүсү 236 млн. Читать дальше...

Мьянманын де-факто лидери Ан Сан Су Чжи Reuters агенттигинин эки журналистине чыккан сот өкүмүн коргоду. Рохинжа мусулмандарынын куугунтукталышы тууралуу материалдарды даярдаган кабарчылардын жети жылга эркинен ажыратылышы эл аралык коомчулуктун кескин сынына кабылган.

Ошто ишкерди карактоого шектүүлөрдүн бири парламенттин мурдагы депутаты, экс-башкы прокурор Аида Салянованын иниси Улан Саляновду өлтүрүүгө катышкан адамдардын бири болуп чыкты. Бул тууралуу Ички иштер министрлигинин 12-сентябрдагы маалыматында белгиленген. Аида Салянова "Азаттыкка" билдиргендей, бул адам Улан Саляновдун өлүмүнө чейин да кылмыштарга барганы белгилүү болгону менен кармалбай жүргөн:  - Эки айдан ашык убакыт мурун бул адам Ошто карактоого катышкан экен. 30-августта Ошто кылмыш жасалыптыр. Читать дальше...

"Күлкү кербендин" бул жолку чыгарылышында юмору курч орусиялыктардын азыркы өкмөт башчы Д. Медведев тууралуу ар кыл азилдеринен бир шиңгилди сунуштайбыз.

Кыргыз-тажик чек арасында тургундардын тирешүүсү боюнча Баткен жана Исфара райондорунун акимдери жолугуп сүйлөшүүдө. Бул тууралуу “Азаттыктын” аймактагы кабарчысы билдирди. Жергиликтүү тургундардын айтымында, 12-сентябрда тажик тарап Кыргызстандын аймагынан уруксаты жок түтүк аркылуу таза суу  алып өтүүгө аракет кылган. Жергиликтүү тургундар ортосунда буга байланыштуу тирешүү орун алган. Бул маселеге байланыштуу эки облустун губернаторлорунун жолугушуусу да күтүлүп жатат. Мамлекеттик чек ара... Читать дальше...

Варшава шаарында өтүп жаткан Европадагы коопсуздук жана кызматташтык уюмунун жылдык жыйынында Тажикстандагы адам укуктарынын абалы "Хьюман Райтс Вотч" уюмунун өкүлдөрү менен жабык талкууланды. Бул тууралуу "Азаттыктын" тажик кызматы шаршембиде кабарлады.   Варшавага Тажикстандын тышкы иштер министринин биринчи орун басары Низомиддин Зохиди жетектеген делегация барган. Эл аралык уюмдун Борбор Азия боюнча иликтөөчүсү жолугушуунун "маанайына канааттанганын" белгилеп, укук коргоочулар "Тажикстандын... Читать дальше...

Ташкенттеги Эл аралык ислам академиясынын төрт студенти хижабды чечүүдөн баш тартканы үчүн окуудан чыгарылды. Дагы алтымыш студентке эскертүү берилди. Администрациянын басымынан улам 124 студенттин алтымышы сабакка улуттук топу кийүүгө аргасыз экенин айтышкан. 1999-жылдагы Ташкенттеги бир катар жардыруулардан кийин коомдук жайларда хижаб кийип, сакал коюп жүрүүгө тыюу салынган. Өзбек бийлиги хижаб кийүүгө каршы күрөштү бир нече жылдан бери жүргүзүп келет. Жакында эле Казакстандын Түркстан облусунун... Читать дальше...

Түштүк Судандын бийлиги өлкөдөгү козголоңчулардын лидерлери менен тынчтык келишимине кол коюшту. Бул документ 2013-жылы өлкө көз карандысыздыкка жеткенден бери уланып келген жарандык согушка чекит коет деген үмүт бар. Макулдашууга кол коюу бейтарап аймакта коңшу Эфиопияда өттү. Эки тараптын сүйлөшүүсүнө АКШ, Британия жана Норвегия ортомчу болду. Жаңжалдын тутанышына өлкө президенти Салва Киир менен премьер-министр Риек Мачардын ортосундагы тирешүү түрткү болгон. Буга кошулуп аймакты байырлаган... Читать дальше...

Көчмөндөр оюндары Sputnik Кыргызстан агенттигинин сүрөтчүсүнүн көзү менен дал ушундай болду.

Президент Владимир Путин "Орусия тынчтыкты сүйгөн мамлекет жана анын эч кандай агрессиялык пландары болбойт" деди «Чыгыш-2018» аскердик машыгуусун көргөнү барганда. Путин аскердик окууга Забайкальедеги Цугол полигонунда байкоо жүргүздү. 1981-жылдан бери биринчи жолу өтүп жаткан эң ири машыгууда Орусиядан тышкары Кытайдын жана Монголиянын жоокерлери катышууда. Коргоо министрлигинин маалыматына ылайык, шейшембиде башталган окууларга 300 миңдей аскер, 80дей кеме жана миңдей учак  тартылды. НАТО бул машыгууну кескин сынга алып... Читать дальше...

Райондогу мектептердин башталгыч класстарынын окуучуларына быйылкы жаңы окуу жылынан тартып шашке чайы берилбей жатат. Бул тууралуу райондогу Кара-Суу айылындагы №46 орто мектептин мугалими, жергиликтүү кеңештин депутаты Тилеген Керимкулов “Азаттыкка” билдирди. Маалыматка караганда, ушул жылдын 3-сентябрында шашке чайы үчүн тендер өтүп, жеңүүчүлөр тандалып алынган. Бирок азык-түлүктөр азыркыга чейин бериле элек. - 12-сентябрда эч кандай документи жок, тендерге катышпаган адамдар мектепке азык-түлүк алып келген... Читать дальше...

Азыркы президентибиз мурдагыбызга салыштырмалуу кыйла салмактуу сүйлөп, эми дагы эмне деп "балп" этип жиберет деп санааркабай калдык. Бирок мамлекет башчы жалпы коомдогу саясий жана рухий маанайга зор таасир этерин азыркыдан да жакшыраак түшүнүп, ар бир сөзүн аптеканын таразасына салгандай кылдат тандап сүйлөшү керек экендиги борбордук мечиттин жаңы имаратынын ачылышында даана сезилди. Бул ирет сөз жазгычтар менен кеңешчилер командасы өтө жоопкерчиликтүү текстти ийине жеткире иштей албады окшойт.