Новости за 29.09.2018

Дүйнөнүн жүз жолку чемпиону болсоң да, өз билгениңди башкаларга үйрөтө албасаң машыктыруучу боло албайсың. Себеби биринчи кезекте педагог болуу керек. Акжол Ажибеков дал ушундай адамдардын катарында.

Нью-Йорктун прокуратурасы АКШда бир нече адамды автоунаа менен тебелетип өлтүрүүгө айыпталган өзбекстандык Сайфулло Саиповду өлүм жазасына тартууну федералдык сотко сунуштады. Саипов теракт уюштурууга жана адамдарды атайылап өлтүрүүгө айыпталууда. Кошмо Штаттарга 2010-жылы грин-карттын негизинде барган Сайфулла Саипов былтыр 31-октябрда Нью-Йорктун Манхэттен районундагы кол салуудан кийин камакка алынган. “Ислам мамлекети” террорчул уюму Саипов катышкан окуя боюнча жоопкерчиликти өзүнө алган. Читать дальше...

Украинанын чыгышында орусиячыл жикчилдер ээлик кылып турган Донецк аймагында 29-сентябрда жардыруу болду. Андан төрт адам жараат алганы кабарланды. Алардын арасында Донецк элдик республикасы деп атап алган аймактын башчылыгына талапкер Игорь Хакмиязов да бар. Жардыруу аймактагы бейформал топтордун биринин жыйыны өтүп жатканда болгон. “Жыйындын катышуучулары имараттан чыга баштаганда бир нерсе жарылды. Жардыруучу зат имараттын коридорунда болгон”,-деп айтып беришти окуянын күбөлөрү. Бул аталган... Читать дальше...

Кыргызстандын аймагында 30-сентябрда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет. Абанын температурасы: Чүйдө жана Баткенде түнкүсүн 9...14, күндүз 24...29, Таласта түнкүсүн 5...10, күндүз 23...28, Ош, Жалал-Абадда түнкүсүн 10...15, күндүз 24...29, Ысык-Көлдө түнкүсүн 7...12, күндүз 19...24 Нарында түнкүсүн 2...7, күндүз 18...23 градус жылуу болот. Бишкекте жаан-чачын күтүлбөйт. Абанын температурасы түнкүсүн 12…14, күндүз 27…29 градус жылуу болот.

АКШ Жогорку сотунун судьялыгына талапкер Бретт Каваного карата айыптарды Федералдык иликтөөлөр бюросу (ФБР) иликтейт. Иликтөө 5-октябрга чейин аякташы керек. Андан соң Каванонун талапкерлигин АКШнын Сенаты карайт. 28-сентябрда Бретт Каванонун талапкерлигин Сенаттын юридикалык маселелер боюнча комитети жактырган. Добуш берүүгө Сенаттын республикачы мүчөлөрү гана катышты. Демократиялык партиянын мүчөлөрү нааразылык иретинде жыйындан чыгып кетишти. Республикачы Жефф Флейктин добушунун негизинде гана Каванону комитетте өткөрүүгө мүмкүн болду. Читать дальше...

Бишкектин имараттарына, жол боюндагы дубал, өтмөктөргө тартылган өзгөчө сүрөттөргө көзүңүз түштү беле? Көчө сүрөтчүлөрүнүн колунан жаралган картиналар эч кимди кайдыгер калтырбаса керек.

Сирия менен Иорданиянын чек арасындагы өткөрмө бекеттин иши жанданганын Сириянын Транспорт министрлиги кабарлады. “Сирия-Иордан чек арасы аркылуу адамдар, товарлар өткөрүлө баштады”-деп айтылат министрлик тараткан билдирүүдө. Сирия-Иордан чек арасындагы Насебе бекети расмий Дамаск үчүн маанилүү. Бул бекет аркылуу башка араб өлкөлөрүнүн жардамы түз келип, Башар Асаддын бийлигине өз позициясын бекемдеп алууга шарт түзүлөт. 2015-жылы Асадга каршы күчтөр бул соода маршрутун ээлеп алган. Быйыл июлда... Читать дальше...

1986-жылы октябрда Ысык-Көлдө улуу жазуучу Чыңгыз Айтматовдун демилгеси менен эл аралык форум өткөн. “Ысык-Көл шеринеси” деген ат менен белгилүү бул тарыхый жыйынды чагылдырууга саналуу гана кабарчылар киргизилген. Эмне үчүн?

Нарындын Кочкор районунда манасчы Сагымбай Орозбак уулунун 150 жылдыгына карата маданий иш-чара өтүп жатат. Ага жергиликтүү тургундар, Жогорку Кеңештин депутаттары, маданият ишмерлери катышууда. Мааракенин алкагында маданий жана спорттук иш-чаралар уюштурулган. Сагымбай Орозбак уулу 1868-жылы төрөлгөн. Ал жаш жагынан тарта эле "Манас" айтып, кийин анын айтуусундагы эпостун бөлүктөрү кагаз бетине түшүрүлүп, чыгармачылык мурасына илимий изилденген баа берилген.

2019-жылы республикалык бюджеттин тартыштыгы 9,8 миллиард сомду түзөрү болжолдонууда. Бул тууралуу Финансы министрлигинен кабарлашты. Маалыматка ылайык, кийинки жылы республикалык бюджеттин жалпы кирешелери 149,6 миллиард сом деп эсептелсе, жалпы чыгаша 159,4 миллиард сом болору болжолдонду. Ошондо республикалык бюджеттин тартыштыгы 2019-жылы ички дүң продукцияга карата 1,6 пайызды түзүшү керек. “2019-жылга республикалык бюджети жана 2020-2021-жылдарга болжолу жөнүндө" мыйзам долбоорду өкмөт ушул аптада талкуулап, жактырды. Читать дальше...

Орусиянын курамындагы Дагенстандын мурдагы башчысы Рамазан Абдулатиповдун иниси Ражаб Абдулатипов камалды. Махачкаланын соту Абдулатиповду уюшкан кылмыштуу топко катышы болгон деген шек менен эки айга камакка алуу чечимин чыгарды. Тергөөнүн маалыматы боюнча, учурда Дагенстандын парламентинин мүчөсү болгон Ражаб Абдулатипов адамдарга майып деген документтерди мыйзамсыз жасап берип жүргөн. Ражабдын агасы Рамазан Абдулатипов былтыр октябрда Дагенстандын башчылыгынан бошотулган. Анын ордуна келген... Читать дальше...

Индонезияда эки жолу жердин силкинүүсүнөн кийинки цунами 384 адамдын өмүрүн алды. Табигый кырсыктан ажал тапкандардын жана жабыркагандардын саны дагы өсүшү мүмкүн экени болжолдонууда. Цунами Сулавеси аралындагы Палу шаарын каптап, көптөгөн имараттарды жарактан чыгарды. Жер титирөөнүн очогу дал ушу шаардан 80 чакырым алыстыкта орун алган. Учурда Палу шаарына кетчү жолдор жарактан чыкты. Бул шаардын аэропорту учактарды кабыл албай жатат. Жабыр тарткандарга жардам тик учак менен гана жеткирилүүдө. Читать дальше...

Орусия Сирияга С-300 зениттик-ракета комплекстерин жөнөтүп жатат. Бул Орусиянын аба-күчтөрүнүн Ил-20 учагы атып түшүрүлгөн күндөн бери ишке ашууда. Бул тууралуу Орусиянын тышкы иштер министри Сергей Лавров билдирди. Министрдин айтымында, Орусиянын Коргоо министрлиги чет элдик өнөктөштөрүнө акыркы жагдай боюнча кеңири маалымат берген жана өзүнүн авиациясынын коопсуздугун сактоо үчүн бардык аракетти көрөт. Өткөн аптада Орусиянын Коргоо министрлиги Сириянын аба күчтөрү орустардын аскердик чалгын... Читать дальше...

Бир жарым жылда террорчулукка шектелген 14 адам Кыргызстандын чек арасынан өтүүгө аракет кылган. Бул тууралуу Чек ара кызматынан кабарлашты. Маалыматка ылайык, кармалган адамдар тиешелүү органдарга өткөрүлгөн. Чек ара кызматы 320 адам жасалма жана башка адамдардын паспорту аркылуу чек арадан өтүүгө аракет кылса, 1380 адам мыйзамды бузганы үчүн депортацияланган. Ал эми ушул жылдын сегиз айында мамлекеттик чек арадан 11 миллион 776 миңден ашык адам өткөн. Мындан сырткары 792 миң унаа өткөрүлгөн. Читать дальше...

Орусияда абакта 139 күндөн бери ачкачылык кармап жаткан украиналык режиссер Олег Сенцов ооруканага жеткирилди. Орусиянын Ямало-Ненецк автоном округунун Жаза аткаруу кызматы кабарлагандай, Лабытнанги шаарындагы ооруканада Сенцов медициналык кароодон өтүп, дарыгерлердин кеп-кеңешин угат. Буга чейин Украинанын президенти Петро Порошенко БУУнун Башкы ассамблеясында сүйлөгөн сөзүндө Сенцов “өмүр менен өлүмдүн ортосунда турат” деп билдирген. Украин президенти Улуттар уюмунун мүчөлөрүн тиешелүү резолюция... Читать дальше...

АКШнын Федералдык соту Демократиялык партиядан Конгресстин 200 мүчөсүнүн президент Дональд Трампка каршы арызын кабыл алды. Алар "президент Кошмо Штаттардын Конституциясынын талаптарын бузду" деп эсептешет. Баш мыйзамга ылайык, президент чет өлкөдөн Конгресстин уруксаты жок акчалай сыйлык же сый акы алууга укугу жок. Демократ-конгрессмендер Трамп өзүнүн ысымын алып жүргөн отелде чет өлкөлүк элчиликтердин иш-чараларын өткөрүү менен дал ушул конституциялык жобону бузду деген жүйөнү келтирүүдө.... Читать дальше...

Кыргызстандык ардагер балбан атаандашын 40 секунддун ичинде жеңип алган.

Түркия президенти Режеп Тайып Эрдогандын Германияда ушул аптадагы мамлекеттик сапары учурунда диниятчы Фетхулла Гүлендин кыймылы же расмий Анкара атагандай, ФЕТО маселеси кайрадан күн тартибине чыкты. Бирок расмий Берлин түрк бийлигинин бул кыймылды “террорчу уюм” катары таанып, анын жактоочуларын экстрадициялоо мүдөөсүнө көнгөн жок. Бул үчүн жетиштүү далилдер зарылдыгы айтылды.

Индонезияга караштуу Сулавеси аралындагы Палу шаарындагы зилзала менен коштолгон цунами кеминде 48 адамдын өмүрүн алды. Бул тууралуу аталган өлкөнүн бийлиги 29-сентябрда маалымдады. Маалыматка ылайык, бийиктиги эки метрге жеткен цунами жума күнү кечинде Палу шаарындагы бир нече үйдү каптаган. Ага чейин бул шаарда очогунда 7.5 балл жер титирөө катталган эле. Жергиликтүү телеканалдар көрсөткөн видеодо күчтүү суунун агымы 350 миң киши жашаган шаардагы имараттарды каптап жатканын көрүүгө болот. ... Читать дальше...

Украинанын православ чиркөөсү Ивано-Франков облусундагы Москва патриархатына караштуу чиркөөгө “Оңчул сектор” улутчул кыймылынын мүчөлөрү кол салганын кабарлады. Чиркөөнүн маалымат кызматы кабарлагандай, улутчулдар Свято-Троицк чиркөөсүнүн эшиктерин талкалап кирип, сыйынып жаткандарды ур-токмокко алышкан. Натыйжада бир адамдын мээси чайкалып, дагы биринин колу сынган. “Оңчул сектор” кыймылы чиркөөгө кол салууга тиешеси жок экенин кабарлады. Уюмдун өкүлү Артем Скоропадский Украинадагы телеканалдардын... Читать дальше...

Кызды тарбиялоо, үй-бүлөдө кыздарды турмушка даярдоо "Эже-сиңдилер" берүүсүнүн негизги темасы болду. Студиябыздын коноктору: жазуучу Кален Сыдыкова, психолог Гүлсина Матраимова жана гинеколог Айнура Ибраева. Программанын бул жолку алып баруучусу актриса Шайыр Касмалиева.

Мурдагы ички иштер министри Мелис Турганбаев күрөш боюнча спорт ардагерлери арасында өткөн дүйнө чемпионатында коло медалга ээ болду. Македониянын борбору Скопьеде өткөн мелдеште экс-министр 50-60 жаштагы спортчулар арасында күрөшкө чыккан. Ал алгач орусиялык жана украиналык балбандарды жеңип, бирок франциялык ардагер спортчуга утулуп калды. Ошентип Турганбаев коло медал тагынды. Мелис Турганбаев буга чейин 2016-жылы Польшада өткөн чемпионатта да коло байге ээси болгон. 56 жаштагы Турганбаев 2014-2016-жылдары ички иштер министри болгон. Читать дальше...

Президент Сооронбай Жээнбеков "Кыргыз Республикасында административдик-аймактык реформаны жүргүзүү боюнча чаралар жөнүндө" жарлыкка кол койду.

БТА банктын директорлор кеңешинин буга чейин төрагасы болуп келген Темир Рыскулов кармалганы белгилүү болду. Бул тууралуу маалыматты Ички иштер министрлигинен ырасташты. Маалыматка ылайык, Рыскулов сентябрда кармалган. Ага карата Кылмыш кодексинин үч беренеси боюнча айып тагылууда. Алардын бири “Кызмат абалынан аша чаап пайдаланууга катышуу” беренеси экени айтылууда. "Тергөө кызматы толук маалыматты бере элек" деген жүйө менен ИИМдин басма сөз кызматы кеңири маалымат берген жок. Рыскулов буга... Читать дальше...

Кыргызстандын Түштүк Кореядагы элчиси Кылычбек Султан президент Сооронбай Жээнбековго жаңы кайрылуу жолдоду. Кайрылуунун текстин элчи "Фейсбуктагы" баракчасына жарыялады. Анда Султан Тышкы иштер министрлигиндеги мыйзамсыз иштер боюнча маалыматтарды Коопсуздук кеңеши иликтей баштаганын, бул иликтөө бейтарап өтүшү үчүн президенттик аппараттын башчысы Досалы Эсеналиевди, тышкы иштер министри Эрлан Абдылдаевди жана өзүн да убактылуу иштен четтете турууну өлкө башчысынан суранган. Кылычбек Султан өз... Читать дальше...