Новости за 16.09.2018

Сербия борбору Белградда бүгүн кумса, лесбиян, трансгендер, бисексуал активисттердин парадына өлкөнүн премьер-министри жана борбордун мэри да катышты. Бул учурда шаар борборун полиция курчап турду. Сербиянын алгачкы аял премьер-министри Ана Брнабич өзүнүн лесбиян экенин ачык жарыялаган саясатчы. Ал Сербия борборунда соңку кездери жыл сайын өткөрүлүп келаткан гей парадга эки-үч министрин кошуп алып, былтыр дагы катышкан.  Бүгүнкү акцияга каршы Белградда отуздай киши нааразылык билдирип чыгышты. Читать дальше...

16-сентябрда Орусиянын Рязань облусунда Кыргызстандан бараткан автобус аварияга кабылганын аймактагы милицияга таянуу менен “Российская газета” басылмасы жазды. Кырсык таңында М-5 жолунда болгон. Андан бир адам каза болуп, беш адам жаракат алган. Жабыркагандар ооруканага жаткырылды. Алгачкы маалыматтарга ылайык, айдоочу рулду башкара албай калган. Транспорт жол четиндеги устунду сүзгөн. Кырсыктын себептери, каза болгон жана жаракат алгандардын аты-жөнү такталууда. (ErN)

Ирак парламенти 15-сентябрда төрагалыкка 37 жаштагы Мухаммед ал-Халбусини шайлады. Парламент башчысынын аныкталышы Ирак бир нече айга созулган сүйлөшүүлөрдөн соң өкмөт курууга жакындай баштады дегенди билдирет. Эми жаңы өкмөттү түзүү боюнча 90 күнгө чейинки мөөнөт берилген расмий жараян башталат.  Ирак парламентинин тарыхындагы эң жаш төрага Мухаммед ал-Халбуси  өлкөдө азчылыкты түзгөн суннит жамаатынын өкүлү. Анын талапкерлигин мурдагы согушкерлердин бейрасмий аскерий тобунун коалициясы жана Иранга жан тарткан Хади ал-Амери альянсы колдогон.

Өлкөнүн түштүк жээктеринин бир бөлүгү нөшөр жамгырдан жана катуу бороондон улам чукул даярдыкта турат.  “Мангхут” деген ат берилген тайфундун алдында Кытайдын Гуандун провинциясындагы шаарлардан жарым миллионго жакын киши эвакуацияланды. Ал эми кумар оюндарынын борбору саналган Макаодо казинолор жабылды. Кытайдын Метеорология боюнча улуттук борбору тайфун коркунучунан улам жергиликтүү бийликтерди ыктымал кырсыктарга даяр болууга чакырды. Адистер тайфун учурундагы шамалдын кубатын саатына 155тен 190 чакырымга чейин деп эсептөөдө. Читать дальше...

17-сентябрда Сочиде Орусиянын лидери Владимир Путин жана Түркиянын президенти Режеп Тайып Эрдоган жолугушат. Алар Сириянын Идлиб провинциясындагы кырдаалды, өкмөттүк күчтөрдүн бул аймакка пландалган чабуулун талкуулашат. Жолугушуу президент Башар Асаддын режимин колдогон Орусия, Иран   жана ага каршы Түркия президенттеринин Тегерандагы үч тараптуу саммитинде Идлиб боюнча мунаса табылбагандан он күндөн кийин өткөнү турат. Ал саммитте Режеп Тайып Эрдоган Идлибге чабуулдун арты “эбегейсиз кан төгүүгө” айланарын эскерткен. Читать дальше...

Бишкек шаарындагы “Kalipso” аквапаркында тамак-аштардын “ГурMania” деп аталган фестивалы өтүп жатат. Бул тууралуу “Азаттыкка” иш-чараны уюштуруп жаткан “Kyrgyz Organic” компаниясынын өкүлү Талгат Чынтөров билдирди. Анын айтымында, жармаңкеде 15 ресторан өзүнүн фирмалык тамактарынын түрлөрүн жана 10 чакты дүкөн кондитердик азык-түлүктөрүн көргөзмөгө коюшту. Фестивалда негизинен майсыз жана шекерсиз, органикалык жактан таза оокаттар сунушталууда. Иш-чаранын алкагында ар кандай сахналык көрүнүштөр, ток-шоу жана мастер-класстар да өтүп жатат. Читать дальше...

Дүйнөлүк басма сөзгө баяндама (10-17-сентябрь).

Жапония Орусия президенти Владимир Путиндин тынчтык келишимди жылдын аягына чейин “эч шартсыз” түзүү сунушун четке какты. Орус президентинин өткөн аптада Владивостоктогу экономикалык форумда жасаган билдирүүсү расмий Токио үчүн күтүүсүз болгон эле.

Кыргызгидрометеорология агенттиги кабарлагандай, 17-сентябрда түнкүсүн Ысык-Көл облусунун кээ бир жерлерине жаан жаайт, бийик тоолуу райондорго кар түшөт. Калган аймактарда жаан-чачын күтүлбөйт. Күндүз да өлкөдө жамгыр болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 8...13, күндүз 23...28; Таласта түнкүсүн 3...8, күндүз 21...26; Ош жана Жалал-Абадда түнкүсүн 12...17, күндүз 24...29; Баткенде түнкүсүн 11...16, күндүз 25...30; Ысык-Көлдө түнкүсүн 7...12... Читать дальше...

Кыргызстанда жылдын башынан бери бир жашка толо элек 1 627 ымыркай чарчап калды. Бул тууралуу “Азаттыкка" Саламаттык сактоо министрлигинин башкы акушер-гинекологу Раиса Асылбашева билдирди. Анын айтымында, бул 2017-жылдын ушул маалдагы көрсөткүчүнө салыштырмалуу көптүк кылат. Былтыр алгачкы сегиз айда өлкөдө бир жашка чейинки балдардын арасында 1 596 өлүм катталган. Асылбашева буга эрте төрөт, тубаса кемтик менен төрөлүү жана башка факторлор себеп экенин белгилейт. Башкы гинеколог буга анализ жасалып... Читать дальше...

Армениянын премьер-министри Никол Пашинян өлкөнүн мурдагы президенттери Роберт Кочарян менен Серж Саргсянды саясий өлүктөр деп атады. Өкмөт башчы мындай билдирүүнү 15-сентябрда жасаганын “Азаттыктын” армян кызматы жазды. “Арменияда Роберт Кочарян деген аталыштагы саясий фактор жок. Серж Саргсян да, Роберт Кочарян да, алардын айланасындагылар да саясий өлүктөр. Бирок бул саясий өлүктөр мыйзам алдында жоопкерчиликке тартылбашы керек дегенди түшүндүрбөйт. Ушу менен баары айтылды”,-деди Пашинян. ... Читать дальше...

Орусиянын сот өкүмдөрүн аткаруу боюнча федералдык кызматынын Москва шаардык башкармалыгы 3 847 чет элдик жаранды өлкөдөн чыгарды. Бул тууралуу маалымат аталган мекеменин сайтында жарыяланды. Депортация болгондордун көпчүлүгү Кыргызстандын, Өзбекстандын жана Тажикстандын жарандары экени айтылды. Ошондой эле Сенегал, Конго жана Алжир республикасынын да атуулдары бар. Сот бул жарандардын өлкө ичинде жүрүүсүн мыйзамсыз деп тапкан. Буга негизинен алардын Орусияда каттоого турбаганы жана эмгектенүүгө уруксат албаганы себеп болгон. Читать дальше...

Этти аз жесеңиз, суу көп үнөмдөлөт. Канадада табылган мумияланган бөлтүрүк менен бугу 50 000 жыл мурда жашаганы аныкталды. Австралияда 40 миллион жылда 1 секундага жаңылчу оптикалык саат жасалды. Бөбөктөр да маймылдардай жаңсап сүйлөшөт.

2018-жылдын январь-август айларында мамлекеттик бюджеттин кирешелеринин жалпы көлөмү 94 млрд. 285,4 млн. сомду түздү. Бул тууралуу Борбордук казыналыктын маалыматына таянып Финансы министрлиги билдирди. Натыйжада сегиз айга коюлган план 99,7% аткарылган. Ал эми түшпөй калган сумма 247,7 млн. сомду түздү. Былтыркы жылдын тиешелүү мезгилине салыштырмалуу бюджеттин жалпы кирешелери салыктык кирешелердин өсүшүнө байланыштуу 2,3 пайызга же 2 млрд. 136,8 млн. сомго өстү. Кыргызстандын 2018-жылкы бюджетинин кирешеси 140,8 млрд. Читать дальше...

Бишкек шаарынын түштүгүндөгү панораманын айланасында 5 гектардай аянтта чөп жана бадалдар күйүп кетти. Бул тууралуу “Азаттыкка” Өзгөчө кырдаалдар министрлигинин маалымат катчысы Эльмира Шерипова билдирди. Анын айтымында, кырсык тууралуу маалымат өрт өчүрүүчүлөргө 16-сентябрга караган түнү түшкөн. "Тилсиз жоону" токтотууга өрт өчүрүүчү эки бөлүм тартылып, таңга жуук өрттү толук өчүрүшкөн. Жабыр тарткандар жок. Өрт өчпөй калган тамекиден чыкканы болжолдонуп жатат. 15-сентябрга караган түнү Бишкек шаарындагы "Мадина" базарында да өрт чыгып... Читать дальше...

Коррупционерлерден өндүрүлгөн акча үчүн ачылган бирдиктүү депозиттик эсепке 395,5 млн. сом түштү. Бул тууралуу Финансы министрлиги кабарлады. Бул сумманын ичинен 161 млн. 630,4 миң сомун Экономикалык кылмыштар менен күрөшүү боюнча мамлекеттик кызмат (Финполиция) жана 144 млн. 847,9 миң сомду Улуттук коопсуздук боюнча мамлекеттик комитет (УКМК) которгон. Башкы прокуратура 87 млн. 881,7 миң сом жана Ички иштер министрлиги 1 млн. 15,5 миң сом төккөн. Президент Сооронбай Жээнбеков жемкорлордон өндүрүлгөн... Читать дальше...

Түркиянын миграция департаментинде 20 миңден ашуун кыргызстандык катталган. Алардын басымдуу бөлүгүн кыз-келиндер түзөт. Айрымдары ден соолугун тобокелге салып бала багуучу болуп же кары жана оорукчал кишилерди карап эмгектенишет. Аптасына бир жолу гана эс алууга чыккандыктан оорулары болсо дагы көрүнө албай кыйналышат.

Эки мушкер 6-октябрда Лас-Вегаста UFC 229 турниринин алкагында беттешет.

"Мен билген Айтматов" сынагына журналист Ырысбай Абдыраимовдон келген макаланы сунуш кылабыз.

Казакстандын борбор калаасындагы эл аралык аэропортто “Air Astana” компаниясынын “А320” учагынын кыймылдаткычы күйүп кетти. Бул окуя 15-сентябрда Атырау шаарынан учуп келип, конгондон кийин болгон.  Авикомпаниядан кабарлашкандай окуя аба транспортун атайын токтотуучу жайга буруп жаткан учурда катталган. “Air Astana” кабарлагандай, бортто экипаждын сегиз мүчөсүн кошкондо 99 адам болгон. Өрттү аба майдандын өчүрүүчүлөрү токтотуп калышты. Компаниядан билдиришкендей, жабыркагандар жок. Учурда мотор эмне себептен күйүп кеткени иликтенүүдө. Читать дальше...

Алматыда Кытайдан көчүп келген бир катар кайрылмандар казак бийлигине жана Бириккен Улуттар Уюмунун адам укуктары боюнча комитетине кайрылуу жолдошту. Алар Кытайдагы саясий тарбия берүүчү лагерлерде кармалып турган жакын туугандарын бошотууга жардам берүүнү өтүнүп жатышат.

Парижде Орусиянын Франциядагы элчилигинин алдында активисттер украиналык режиссер Олег Сенцовду колдоо максатында кезектешкен ачкачылык акциясын жарыялашты. Аларга Франциянын таанымал саясатчылары, коомдук активисттери жана сүрөтчүлөрү да тилектештигин билдиришүүдө. Орус дипломатиялык миссиясында тургандар ар бир 24 саатта бири-бирин алмаштырып, кезектешип ачкачылык кармаганы турушат. Башкача айтканда бир адам бир сутка бою оозуна наар албай, экинчи киши акцияны улантып кете берет. Акцияга Франциянын... Читать дальше...

Чоң-Алай районунун Кашка-Суу жана Чоң-Алай айыл округдарында соңку эки күндөн бери кар жаап, кардын көлөмү кызыл ашыкка чейин жетти. Бул тууралуу аталган айыл округдардын жетекчилери кабарлады. Тоолордо кардын көлөмү 50 смге чейин жетти. Эки аймактагы жайлоолордо калган он чакты чабан, короо койлору жана бодо малдары менен айылга түшүрүлдү. Аларга атайын техника жиберилип, тоолорго кетчү жолдор ачылды. Кашка-Суу айыл өкмөтүнүн башчысы Салайдин Бакиров ырастагандай, картөшкө жана башка эгиндер кардын алдында калып, үшүк уруп кеткен. Читать дальше...

ШКУнун конвенциясын ратификациялоо "Таблиги жамаатка" барып такалды, тарых музейиндеги коррупциянын жана "Белизгейт" чуусунун жаңы өңүтү ачылды.

“Күлкү кербени” Батыштагы шайлоо тууралуу айрым такмазаларды сунуштайт.