Новости за 12.09.2018

Италиянын Савона шаарында Кыргызстандан бала асыроо боюнча кылмыш иши каралууда.

Түштүк Корея  2032-жылкы жайкы Олимпиада оюндарын тосууга Түндүк Корея менен бирге арыз берүүнү көздөп турат.  Бул тууралуу Түштүк Кореянын спорт министри билдирди. “Йонхап” маалымат  агенттигинин кабарына караганда, Түштүк Кореянын спорт министри То Чонхван 12-сентябрда Токиодогу сапары учурунда мындай сунуш Корей жарым аралында “тынчык орнотуу” мүдөөсүн аркаларын белгиледи. Түштүк Корея министринин айтымында, план боюнча Сеул жана Пхеньян Олимпиаданы бирге тосуусу керек. Быйыл Пхенчхандагы... Читать дальше...

“Азаттык” бул жолу Ошто ишкерлерди карактаган спортчулардын чоо-жайын иликтеди. Оштон башталган кылмыш изи мурдагы башкы прокурор Аида Салянованын инисинин өлүмүнө алып барды. Жабырлануучулар бул кылмыштардын артында укук коргоо органдарынын лөктөрү турарын айтышууда.

Ирандын Тышкы иштер министрлигинин расмий өкүлү Бахрам Касеми АКШ анын Ирактагы дипломатиялык өкүлчүлүктөрүнө каршы багытталган кол салуулар үчүн жоопкерчиликти Тегерандын өнөктөрүнө жүктөшүн “таң калыштуу жана чагымчылдык, жоопкерсиздик” деп атады. Мунун алдында Ак үйдүн 11-сентябрдагы билдирүүсүндө “Иран Иракта ал каражат, курал берип, машыктырган өнөктөрүнүн мындай кол салууларын алдын алуу үчүн эч чара көргөн жок. АКШ биздин кызматчылардын жаракат алуусуна жана өкмөттүк объектилерге зыян тийишине... Читать дальше...

Европарламенттин депутаттары Венгрияны жазалоону  12-сентябрдагы олтурумунда үчтөн эки добуш менен колдошту. Мурдараак Евросоюз Будапешти бийликти бөлүштүрүү принциптерин бузуп, саясий эркиндиктерди чектеп жатканы үчүн айыптаган. Эми Европа Биримдигинин келишимине ылайык, Венгрияга карата айып процедурасын колдонуу-колдонбоо маселесин Европа кеңеши чечүүсү керек. Эгер ал эреже колдонулса, Венгрия добуш берүү укугунан ажыратылышы да мүмкүн. Расмий Будапешт өз тарабынан Европарламенттин чечимин... Читать дальше...

“Эркин Европа/Азаттык” радиосунун казак кызматы кабарлагандай, Кытайдын Шинжаң аймагынан Казакстанга көчүп келген үй-бүлөлөрдүн өкүлдөрү мындай чакырыкты 12-сентябрда Алматыдагы басма сөз жыйынында жасашты. Улуттар уюмун алардын Кытайда “саясий жактан кайра тарбиялоо лагерлеринде” олтурган туугандарын чыгарууга жардам берүүсүн суранышты.  Басма сөз жыйынынын катышуучулары анын жүрүшүндө БУУнун Адам укуктары комитетине, казак президенти Нурсултан Назарбаевге, тышкы иштер министри Кайрат Абдрахмановго багытталган кайрылуусун окушту. Читать дальше...

Бул тууралуу 12-сентябрда Орусиянын Борбордук банкына шилтеме жасап, РБК агенттиги кабарлады.  Агенттик келтирген маалыматтарга караганда, 2018-жылдын январь-август айында Орусиядан жеке сектор сыртка чыгарып кеткен акчанын көлөмү 26,5 миллиард долларга жетти, былтыр сегиз айда бул көрсөткүч 9,6 миллиард долларды гана түзгөн. Муну менен быйылкы жылдын алгачкы сегиз айында Орусиядан жеке сектор чыгарып кеткен капиталдын көлөмү 2017-жылдын январь-августуна салыштырмалуу 2,7 эсе көп болду. РБК белгилегендей... Читать дальше...

Өзбек президенти Шавкат Мирзиёевдин 12-июнда Ферганага барганда айткандары эми ачыкка чыкты. Облустагы мунайды кайра иштеткен заводдогу сөзүндө президент Каримовдун үй-бүлөсүнүн дарегине ачуу сөздөрдү айткан.

Быйыл жыл башында Казакстандын Актөбө облусунда 52 кишинин өмүрүн алган автобустагы өрт боюнча сот уланып жатат. 3-сентябрда башталган сотто кырсыктан каза болгондордун жакындары суралууда. Ал эми айыпталуучулардын адвокаттары кырсыктан аман калган автобустун башка жүргүнчүлөрүн да сотко чакырууну талап кылып жатышат.

Узак оорудан улам каза болгон белгилүү комузчу Руслан Жумабаевге мамлекеттик сыйлык берилиши мүмкүн. Бул тууралуу «Азаттык» радиосуна маданият, маалымат жана туризм министри Султан Жумагулов билдирди. Анын айтымында, наам же сыйлык берүү жагы ал көзү тирүүсүндө эле каралып келген. Былтыр атайын жыйындарда министр бул маселени көтөрүп, айрым себептер менен ишке ашпай калган. Жумагулов бул демилге быйыл да көтөрүлөрүн айтты. Комузчу Руслан Жумабаев 10-сентябрда Бишкек шаарында ооруканада кайтыш болду. Читать дальше...

Кыргызстанда коррупция, кызматтык кылмыштар боюнча соттолгон жарандардын "кара тизмеси" ушул жылдын 1-июнуна чейин түзүлүшү керек эле.

“Азаттык” радиосунун армян кызматы кабарлагандай, премьер-министр Никол Пашинян полицияга олигархтардын жансакчыларын “эки саат” ичинде куралсыздандырууну, ага катар полиция менен Улуттук коопсуздук кызматына “эки саат ичинде өлкөнүн бүткүл аймагында мыйзамды жана тартипти орнотууну” 11-сентябрда буйруган. 12-сентябрда болсо Улуттук коопсуздук кызматынан жана полициядан “Азаттык” радиосуна премьер-министрдин буйругу аткарылганын билдиришти, бирок анын чоо-жайын ачыктап, кошумча маалымат беришкен жок. Читать дальше...

Мурдагы муфтий, Аалымдар кеңешинин мүчөсү Чубак Жалилов "Азаттыкка" кайрылып, мектептерде кыз-балдарды бөлүп окутуу тууралуу айтканы туура эмес талданып жатканын билдирди: - Ал жерде медресе жана диний билим жөнүндө эмес, мектептердеги билим тууралуу сөз болгон. Мен бөлүп окутуу тууралуу талап кылып, чакырык таштаган жокмун. Кыргызстанда кыз-балдарды өз алдынча окуткан ыкманы азыр "Сапат" мектептери колдонуп жатканын айтып, илгерки "Кыз-келиндер" институтун мисал келтиргем. Булан институту (Bulan... Читать дальше...

Көчмөндөр оюндарын өткөрүүгө зор салымын кошуп, кесиптик милдетин талбай аткарган кызматкерлер көп болду. Алардын кызматы элге көрүнгөн жок, бирок зарыл учурда жок болсо кемтик дароо байкалмак.

Ооганстандагы жардыруу 70тей кишинин өмүрүн алды. Варшавада өтүп жаткан Европадагы коопсуздук жана кызматташтык уюмунун жылдык жыйынында Тажикстандан барган расмий делегация менен оппозициянын тарапкерлери мушташа кетти.

Жогорку Кеңеште 12-сентябрда Шанхай кызматташтык уюмунун (ШКУ) экстремизмге каршы аракеттенүү боюнча конвенциясын ратификациялоо жөнүндө мыйзам долбоору каралып, экинчи окууда добуш берүүгө жиберилди. Талкуу учурунда "Өнүгүү-Прогресс" фракциясынын депутаты Исхак Масалиев жыйынга катышкан укук коргоо органдарынын өкүлдөрүнө кайрылып, "Таблиги жамаат" уюмун "экстремисттик" деп табуу керек деген пикирин айтты.  - Бул конвенцияга кошулган мамлекеттердин бир тобунда "Таблиги жамаат" мыйзамдан чыгарылган, туурабы? Читать дальше...

Венгриянын премьер-министри Виктор Орбан Европа парламентинин Венгрия тууралуу баяндамасын анын өлкөсүн "кемсинтүү" катары баалады. 11-сентябрда Европарламентте Венгрия тууралуу баяндама каралып, дисциплинардык чара көрүү сунушу талкууланды. Будапешттин Брюссел менен алакасы 2015-жылы балкан маршруту аркылуу Европага агылган мигранттарды кабыл алуу маселесине байланыштуу курчуган. Брюссел ошол эле кезде Венгриянын улутчул бийлиги демократиялык баалуулуктардан четтеп кетти деп да доомат коюп келе жатат.

Бардык органдарда, сот жана прокуратурада сотко жетпей жоголгон, уурдалган жана жок кылынып кеткен кылмыш иштерин инвентаризациялоо аяктап калды. Мындай маалыматты Коопсуздук кеңештин катчысы Дамир Сагынбаев Бишкекте 12-сентябрда өткөн басма сөз жыйында билдирди.    Анын айтымында, инвентаризация иштери жыйынтык берип жатат. Коомдо резонанс жараткан кылмыш иштеринин жоголушуна байланыштуу укук коргоо органдарынын 11 кызматкери кылмыш жообуна тартылды. Алардын сегизи прокуратура кызматкерлери. Читать дальше...

Эл аралык “Хьюман Райтс Уотч” укук коргоо уюму Кытайдын Шинжаң аймагындагы этностук азчылыктарга, анын ичинде уйгурларга карата саясатын сынга алды. Уюмдун апта башында жарыяланган жаңы баяндамасында Шинжаңда миңдеген уйгурлар “саясий тарбия берүүчү борборлордо” мыйзамсыз кармалып турганы, алар кыйноого алынганы белгиленген.

"Таблиги жамаат" уюму учурда Кыргызстанга коркунуч жаратпайт. Бул тууралуу Улуттук коопсуздук комитетинин (УКМК) төрагасынын орун басары Асылбек Кожобеков 12-сентябрда Жогорку Кеңеш сессиясында депутат Аида Касымалиеванын суроосуна жооп берип жатып билдирди. Кожобеков ошол эле маалда аталган уюм атайын кызматтын көз кырында экенин айтты: - Азыркы убакта коркунучтар жок. Бирок биздин көзөмөлдө. Эгерде,  аны жабуу үчүн кандайдыр бир негиз тапсак, жабабыз. "Таблиги жамаатта" "Йакын инкар" деген бөлүм бар. Читать дальше...

"Мен билген Айтматов" сынагына Жалал-Абад шаарынын тургуну Жолдошбай Осмоновдон келген аңгемени сунуш кылабыз.

11-сентябрда Нангархар провинциясында жанкечтинин жардыруусунан өлгөндөрдүн саны 68ге жеткени, дагы 165 киши жараат алганы аныкталды. Бул тууралуу “Азаттык” радиосунун ооган кызматына жергиликтүү бийликтен кабарлашты. Жардыруу провинциянын борбору Жалалабад шаары жана Пакистан менен чек арадагы Торхам бекетин бириктирген кан жолдо, эл топтошуп турган учурда болгон. Кол салуу үчүн азырынча эч ким жоопкерчилик ала элек. Жалалабад шаарында акыркы айларда жанкечтилер бир нече жардырууларды жасап, ондогон кишинин өмүрү кыйылган. Читать дальше...

"Вечерний Бишкек" басма үйү жана "Рубикон" рекламалык фирмасына байланыштуу жаңы кылмыш ишин козголгонун Башкы прокуратура ырастады. Мекеменин коомчулук менен байланыш бөлүмүнүн башчысы Наргиза Кубатова билдиргендей, 4-сентябрда кылмыш иши рейдерлик эмес, факты боюнча ачылган:  -"Вечерний Бишкек" боюнча 4-сентябрда кылмыш иши козголгон. Бирок рейдерлик боюнча эмес. Факты боюнча. Тагыраагы, Сот департаментинин Бишкектин Биринчи май райондук бөлүмүнүн кызматкерлеринин үстүнөн ачылган. Конкреттүү бир адамдарга карата эмес, факт боюнча. Читать дальше...

Кыргызгидрометеорология агенттиги билдиргендей, 13-сентябрда Ош, Жалал-Абад, Баткен, Ысык-Көл, Нарын облустарынын көпчүлүк аймактарында, Чүй, Талас облустарынын тоо этектеринде жаан жаап, күн күркүрөйт. Бийик тоолорго кар жаайт.  Батыштан келген шамалдын ылдамдыгы секундуна 4-9 метрден, Ысык-Көл, Нарын облустарында 15-20 метрге жетет. Абанын температурасы: Чүй өрөөнүндө түнкүсүн 6...11, күндүз 18...23; Таласта түнкүсүн 2...7, күндүз 17...22; Ош жана Жалал-Абад облустарында түнкүсүн 10...15... Читать дальше...

Синоптиктердин соңку эскертүүлөрүнө караганда, “Флоренс” бороону Түндүк жана Түштүк Каролина штаттарынын жээктерине 13-сентябрда кечке маал жетет деп күтүлүүдө. Мындан улам штат бийликтеринин эвакуация боюнча буйругуна ылайык, жүз миңдеген адамдар жээктеги аймактардан убактылуу көчүп кетүүгө мажбур болушту. Адистер 4-категорияга киргизген бороон бул аймактагы ондогон жылдар ичиндеги эң кубаттуусу деп бааланууда. “Бул бороон монстр, чоң жана күчтүү, адам өмүрү үчүн өтө коркунучтуу, тарыхта мындай... Читать дальше...