Новости за 23.03.2018

Ниязакун Акуналиев эки ирет соттолуп, боштондукка Сталин өлгөндөн кийин гана чыгып, өз айылында жөн-жай турмуш кечирген. Жаш кезинде колхоз уюштуруу иштерине активдүү катышып, репрессия тушунда “эл душманы” деп 15 жылга кесилген.

Москва облусунун губернатору Андрей Воробьев Волоколамск районунун башчысы Евгений Гавриловду кызматтан кетирди. 21-мартта "Ядрово" деген таштандылар чогултулган жерде күкүрттүү суу тек абага жайылып кеткен. Жергиликтүү мектептин 30дан көп окуучусу уулануу белгилери менен ооруканага жеткирилген. ​Волоколамсктын жашоочулары менен жолугушууда Гаврилов жапа чеккен балдардын ата-энелери менен айтыша кеткен. Жергиликтүү тургундар таштанды талаасын жабууну талап кылышууда.

Ооганстандын Гилменд чөлкөмүнүн борбор шаары Лашкаргахтагы стадиондун кире беришинде дүрмөттөлгөн машине жарылып, кеминде 12 киши мерт болду, ондогону жараланды. Кол салуу эл күрөш боюнча таймаштан чыгып бараткан учурда болгон. Провинция губернаторунун маалымат катчысы жанкечти машинесин элге карай айдап барып жардырганын билдирди. Мелдеш жергиликтүү балбандар ортосунда болгон. Теракт үчүн жоопкерчиликти эч ким өзүнө ала элек.

Бүгүнтөн тарта Ташкент-Балыкчы-Ташкент багытындагы поезд каттай баштады. Каттамды "Өзбек темир жолу" ишканасы жүргүзөт. Билеттин баасы Бишкектен Ташкентке чейин плацкарттык вагон үчүн 2500 сом, купе вагон үчүн 3378 сом жана люкс вагон үчүн 6432 сом турат.

Франциянын ички иштер министри Жерар Колломб полиция супермаркетте бир нече кишини барымтага алган куралчан адамды атып өлтүргөнүн бышыктады. Окуя 23-мартта өлкө түштүгүндөгү Треб шаарчасында болду. Ал адамдын огунан эки киши набыт кетти, үч киши жараат алды деп кабарланууда. Премьер-министр Эдуард Филипп окуяны “теракт” деп сыпаттады. Кол салунун себептери белгисиз, жана ал адамдын аты-жөнү да аталган жок. Маалыматтарга караганда, барымтага алганга чейин ал Каркассон шаарында полиция бөлүмүнө ок чыгарып, бир кишини атып өлтүргөн.

Мындан 13 жыл мурда Кыргызстанда бийлик алмашып, президент Аскар Акаев Орусияга качууга аргасыз болгон. 2015-жылы 24-марттагы ыңкылапта орун алган, коомчулуктун кеңири катмарына беймаалым болгон бир нече жагдайлар бар. “Азаттык” бул окуялардын күбөлөрү менен ыңкылаптын көмүскө жактарына токтолду.

Украиналык депутат, мамлекеттик төңкөрүш даярдаган деп айыпталып жаткан Надежда Савченко ачкачылык жарыялады. Киевдин райондук соту анын бөгөт коюу чарасын карап жатат. Савченко 22-мартта Жогорку Рада аны кол тийбестиктен ажыратууну колдоп добуш бергенден кийин коопсуздук кызматы тарабынан кармалган. Башкы прокурор Юрий Луценко Савченко жана анын шериги Володимир Рубан баш калаада “ири масштабдагы теракттарды уюштуруу менен” өкмөттү төңкөрүүнү, жогорку жетекчилерди өлтүрүүнү көздөшкөн деп күнөөлөдү. Читать дальше...

Кытай соода кызыкчылыктарын коргоого бекем убада берип, АКШны “жардын кырынан артка кайтууга” чакырды.

Түштүк Кореянын дагы бир экс-президенти Ли Мен Бак кармалды. Жириновскийдин уулу атасына болушуп, “тийишкен” деген журналистке жооп кайтарды. Трамптын жаңы жарлыгы Кытай-АКШ ортосунда соода согушун чыгарат деп чочулашууда. Түркияда жарым тонна пахлава жасалды.

Франциянын түштүгүндө куралчан адам супермаркетте бир нече кишини барымтага алды. Анын алдында ал полиция бөлүмүнө ок атканы кабарланууда. Маалыматтарга караганда ошондон кийин ал дүкөнгө барып, кеминде бир кишини атып өлтүрдү. Премьер-министр Эдуард Филипп Тулуз шаарынын жанындагы Требес деген жерде болгон бул окуяны “террордук акт” деп атады. Барымтага канча киши алынганы белгисиз. Полиция жолдорду тороп, жергиликтүү жашоочуларга үйлөрүнөн чыкпоого кеңеш берди. Франциянын ички иштер министри Жерар Колломб окуя болгон жерге жөнөп кетти.

Премьер-министр Сапар Исаков Башкы прокуратурага бекитилген бюджетинен тышкары кошумча 250 миллион сом бөлүп берүү тууралуу өкмөттүн буйругуна кол койгону ачыкка чыкты.

Баткен облустук милициясы билдиргендей, 21-мартта Баткен шаарында жоголгон төрт бала Кадамжай районунун Халмион айылындагы базардан табылды. Баткен шаарынын тургундары 13 жаштагы Адилет Полотов, 12 жаштагы Азизбек Мамытов, Бужум айылынын тургундары 16 жаштагы Кубат уулу Бекболот жана 11 жаштагы Илимбек Ташбаев эки күн мурда Баткендин борбордук стадионуна Нооруз майрамына чыгып кеткен бойдон кайра үйүнө барган эмес.  Аларды ата-энелери издеп, милицияга кайрылган. Балдар Бишкекке барууну көздөшкөнүн... Читать дальше...

Балбан Акжол Махмудов жакында эле Бишкекте өткөн чоңдор арасындагы Азия чемпионатында алтын медалга ээ болгон

Ноорузда өткөн көк бөрү турниринде "Ынтымак" командасынын атактуу "Ахиллес" аттуу тулпары алдына ат салдырган жок. Жекеме-жекеде каршылашына артын салып ээсине улакты эңүүгө шарт түзүп бергени байкалып турду. Натыйжада "Ынтымак" баш байгеге ээ болду.

22-мартта Европа Биримдигинин лидерлери Брюсселдеги саммиттин жыйынтыгында уюмдун Москвадагы элчисин чакыртып алуу чечимине келишти. Ошондой эле Орусияга карата башка чаралар да көрүлөрүн эскертүүдө. Алардын оюнча Британиядагы орус тыңчысынын ууландырылышына Орусия жоопкер. Москва айыптоолорду бир канча жолу четке каккан.

Франциянын түштүгүндө куралчан адам супермаркетте бир нече кишини барымтага алды. Анын алдында ал полиция бөлүмүнө ок атканы кабарланууда. Маалыматтарга караганда ошондон кийин ал дүкөнгө барып, кеминде бир кишини атып өлтүрдү. Премьер-министр Эдуард Филипп Тулуз шаарынын жанындагы Треб деген жерде болгон бул окуяны “террордук акт” деп атады. Барымтага канча киши алынганы белгисиз. Полиция жолдорду тороп, жергиликтүү жашоочуларга үйлөрүнөн чыкпоого кеңеш берди. Франциянын ички иштер министри Жерар Колломб окуя болгон жерге жөнөп кетти.

Өзгөчө кырдаалдар министрлиги билдиргендей, 23-27-март аралыгында Бишкек-Ош жолунда кар көчкү коркунучу сакталууда.  Ушундан улам бул күндөрү Чүй облусунун Жайыл районундагы "Сосновка" постунда, Жалал-Абад облусунун Токтогул районундагы "Арал" постунда жана Талас районундагы Өтмөк ашуусунда кечки саат 21:00дөн таңкы саат 06:00гө чейин жол бардык автоунаалар үчүн жабылат. Каттам таңкы саат 06:00дан кийин кайра ачылат. ӨКМ жүргүнчүлөргө, айдоочуларга бул күндөрү Бишкек-Ош жолу аркылуу кечинде алыс сапарга чыкпай туруу зарыл экенин эскертет. Читать дальше...

Орусиянын президенти Владимир Путин шайлоочуларына “болуп көрбөгөндөй колдоо” көрсөтүшкөнү үчүн ыраазычылыгын билдирди.  Бүгүн Борбордук шайлоо комиссиясы 18-марттагы шайлоодо Путин добуштардын 76,69 пайызын алганын жарыялады. Ошондон кийинки телекайрылуусунда президент саясий пикир келишпестиктерди четке коюп, алга жылууга чакырды. Ал өкмөт орусиялыктардын жашоосун оңдош үчүн колдон келишинче аракет кылаарын айтуу менен бирге элдин көйгөйлөрү бир заматта чечиле калбай тургандыгын белгиледи.... Читать дальше...

Кытайдын Коммунисттик партиясы Кыргызстан социал-демократтар партиясына жардам иретинде 1 млн. сом бөлгөн деген маалымат талкуу жаратты.

Чехиядагы заводдогу жарылууда каза тапкан алты кишинин бешөө румыниялыктар болчу. Бул тууралуу бүгүн Румыниянын Тышкы иштер министрлиги маалымдады. 22-мартта Прагадан алыс эмес жердеги Кралупы над Влтавоу шаарчасындагы химиялык заводдо индустриалдык кырсык болгон. Жарылуу учурунда өлгөн алтынчы кишинин жарандыгы айтыла элек. Эки киши оор жараат менен ооруканага жеткирилген. Unipetrol компаниясына таандык заводдо синтетикалык каучук чыгарылат. Чехиянын Чукул кырдаалдар министрлиги жарылуу резервуарлар... Читать дальше...

Кыргызстандын дизайнерлери Париж, Милан менен атаандаша албаса да, өлкөдө мода индустриясы жаңы тепкичти басып, жаңы горизонтторду багындырып жатат. Кыргызстандык чеберлердин саркеч кийимдер коллекциясынан жаңы дем, тайманбастык, өжөрлүк байкалат. "Азаттык плюстун" бул чыгарылышы Кыргызстандагы жаш дизайнерлердин ийгиликтерине арналды.

Мамлекеттик Думанын төрага орун басары, ЛДПР партиясынын лидери Владимир Жириновскийдин уулу Игорь Лебедев "Настоящее время" каналынын журналисти айткан окуяга комментарий берүүдөн баш тартты. Кечээ журналист Ренат Давлетгилдеев ЛДПР фракциясынын лидери Владимир Жириновскийди сексуалдык асылууга айыптап чыккан. Башка эркектерди да саясатчылардын ушул өңдүү жоруктарын ачык айтууга чакырган. Давлетгилдеевдин айтымында, Жириновский 2006-жылы «Орусия сулуусу» конкурсунун финалы маалында чакан интервью... Читать дальше...

Кыргызстанда 24-мартта түнкүсүн айрым жерлерде жаан, тоолуу райондордо кар, күндүз Чүй, Талас, Жалал-Абад облустарынын кээ бир райондорунда жаан, тоолуу райондордо кар жаайт. Батыштан келген шамалдын ылдамдыгы секундуна 4-9 метрден 15-20 метрге жетет.  Абанын температурасы:  Чүй өрөөнүндө түнкүсүн 3…8, күндүз 15…20; Суусамырда түнкүсүн -5…-10, күндүз -3…+2; Таласта түнкүсүн 2…7, күндүз 15…20; Баткенде түнкүсүн 4…9, күндүз 18…23; Ош жана Жалал-Абад облустарында түнкүсүн 4…9, күндүз 18…23; Ысык-Көлдө түнкүсүн -2…+3... Читать дальше...

Германиянын парламенти Ооганстандагы аскерий миссиянын мөөнөтүн узартуу чечимин жактырды. Мыйзам чыгаруучулардын көпчүлүгү НАТО миссиясынын алкагында ооган жергесинде кызмат өтөп жаткан немис контингентинин санын 1 миң 300гө чейин жеткирүүнү колдошту. Түндүк альянстын аскерлеринин ири бөлүгү чыгарылган 2014-жылдан бери Кабул өкмөтү талиптерге жана башка согушкер топторго каршы күрөшүп келет. Бир нече апта мурун Германиянын коргоо министри Урсула фон дер Ляйен немис аскерлеринин саны көбөйтүлүп... Читать дальше...

Жогорку Кеңештин басма сөз кызматынын жетекчиси Ибраим Нуракун уулу "парламент Кытайдын Компартиясынан эч кандай жардам алган эмес" деп "Азаттыкка" билдирди. Анын айтымында, былтыр Кытайдын Кыргызстандагы элчилиги Жогорку Кеңешке техникалык көмөк көрсөткөн. Бирок анын Кытай Компартиясы менен байланышы жок:  - Мен бизге келген бардык жардамдарды текшердим. Кытайдын Коммунисттик партиясынан 1 миллион сом албаптырбыз. Негизи Жогорку Кеңеш элчиликтер, парламентаризмди колдогон эл аралык уюмдар менен дайым иштешип... Читать дальше...