Новости за 20.01.2018

Takhti Cup турнири 2015-жылдан бери өтүп келет. Ага курама команда биринчи жолу катышууда.

Уюшкан кылмыш тобунун мүчөсү катары башында 18 жылга соттолгон Чыңгыз Жумагуловдун эки жылга жетпей абактан мөөнөтүнөн мурда чыгарылышы сотторго карата сын пикирлердин жаңы толкунун пайда кылды.

Иш-чараны "Бир дүйнө Кыргызстан" укук коргоо кыймылы уюштуруп, ага аталган уюмдун жаш волонтерлору катышты. Жүрүш Бишкектеги Уркуя Салиеванын эстелигинин жанынан башталып,  Ала-Тоо аянтында аяктады. Катышуучулар "Аялдардын укуктары - адам укуктары!", "Биз көп аял алууга каршыбыз!", "Эрте никеге жол жок!" деген чакырыктарды жасашты. Акциянын максаты - эрте никеге, кыз уурдоого, көп аял алууга, педофилияга, үй-бүлөлүк жана сексуалдык зомбулукка, жумуштагы гендердик теңсиздикке, кулчулукка мажбурлоого... Читать дальше...

Бүгүн "Бир Дүйнө Кыргызстан" кыймылынын жаш ыктыярчы лидерлери Кыргызстандагы аялдардын укуктарын коргоого арналган тынч марш өткөрдү. Бул иш-чара эрте никеге, кыз уурдоого, көп аял алууга, педофилияга, үй-бүлөлүк жана сексуалдык зомбулукка, кулчулукка мажбурлоого жана адамдарды сатуу өңдүү көрүнүштөргө каршы өттү.

Нарын облусунун Ат-Башы районунда көчөдө жүрүп, үшүп калган наристелердин апасын энелик укуктан ажыратуу маселесин атайын комиссия карап жатат. Бул тууралуу район акиминин орун басары Ажар Дүйшөналиева билдирди.   Анын айтымында, 12-январда кечке жуук бактын арасында үшүп отурган эки баланы милиция кызматкерлери көрүп, аймактык ооруканага алып барышкан. Жети жана беш жаштагы балдар Ат-Башыга жакын жайгашкан Ача-Кайыңды айылынан келген. Алардын ата энеси ажырашып кеткени, апасы таенесинин колуна таштап, Бишкекке иштегени келгени ачыкка чыккан.

2017-жылы Улуттук эне жана баланы коргоо борборунун бет-жаак хирургиясы бөлүмүндө таңдай, ооз кемтиги менен төрөлгөн 350 балага операция жасалган. Аталган бөлүмдүн башкы дарыгери Алтынбек Мамыралиев тубаса жаак жана ооз кемтигине энелердин кош бойлуу кездеги жугуштуу оорулары, начар экология жана оор социалдык шарттар себеп болуп жатканын "Азаттык" радиосуна билдирди. Таңдай, ооз кемтиги менен төрөлгөндөргө медициналык тейлөө акысыз болушу керек. Операция толугу менен мамлекеттин эсебинен жасалат. Читать дальше...

Кыргызстанда 21-январда кар жаабайт. Жолдор тоңголок, тайгак болот. Батыштан келген шамалдын ылдамдыгы секундасына 2-7 метрге жетет. Абанын табы:  Чүйдө түнкүсүн -3...-8, күндүз 4...9; Таласта түнкүсүн -3...-8, күндүз 4...9; Ош, Жалал-Абадда түнкүсүн -3...+2, 6...11; Баткенде түнкүсүн -3...+2, күндүз 6...11; Ысык-Көлдө түнкүсүн -2...-7, күндүз 2...7; Нарын облусунда түнкүсүн -14...-19, күндүз -3...-8 градус төмөндөйт. 21-январда Бишкек шаарында күн ачык болот. Абанын табы түнкүсүн 0...2... Читать дальше...

Американын Конгрессинин Жогорку палатасы бюджет тууралуу мыйзам долбоорун бекиткен жок, көптөгөн мамлекеттик мекемелер убактылуу жабылды. Алар расмий түрдө ишембиге караган түнү ишин токтотту жана качан кайра иштей баштаары азырынча белгисиз.  Сенаттын эрежеси боюнча кандай гана каржылык мыйзам долбоору болбосун 60 добушка ээ болушу керек. Ал эми бюджет долбоору 51 гана добуш алды. 44 демократ жана төрт республикачыл сенатор "каршы" добуш беришти.  Демократтар республикачыларды АКШда көбөйүп... Читать дальше...

“Күлкү кербен” кайрадан казак азилдерине орун берет.

Улуу Британиянын премьер-министри Тереза Мэй Евросоюздан чыгуу аракетинен баш тартуу тууралуу сунуштарды четке какты. Мэй 20-январда германиялык Bild гезитине чыккан маегинде Brexit боюнча экинчи референдум болбой турганын билдирди.  Анын айтымында, Британиянын парламенти бул маселени жарандардын тандоосуна коюп, эл өзү чечим кабыл алды.  Ошол эле маалда британ премьери өз өлкөсү коргоо, коопсуздук жана башка тармактарда Европа менен кызматташтыкты улантарын кошумчалады.  - Биз Евросоюздан чыгып жатабыз, бирок Европадан эмес, - деди ал. Читать дальше...

Түркиянын каржылоосу менен Нарын облусунун Жумгал районуна көмүрдү брикеттөө, этти кайра иштетүү комбинаттарын, кымызды экспорттоо жана жүндү кайра иштетүү ишканаларын куруу пландалууда. Бул тууралуу өкмөттүн Нарындагы өкүлү Аманбай Кайыпов билдирди. Ал 11-январда Түркиянын Кастамону жана Анкара шаарынын Этимесгут райондоруна иш сапары менен барып, бийлик өкүлдөрү, ишкерлер менен экономикалык-социалдык багытта кызматташуу боюнча сүйлөшүп келген. Түркия тарап аталган ишканаларды ачууга кызыкдарлыгын маалымдап... Читать дальше...

Талас шаарынын борбордук паркында бир миллион сомдон ашык каражатка курулган даараткананын эшиги эки жылдан бери ачылбай турат. Шаар башчысынын айтымында, ага эс алуучулардын жакын арада кириши да күмөн.

Жогорку Кеңеш мыйзамда көрсөтүлгөн мөөнөтүнүн аягына чейин ишин алпарышы керек. Мындай пикирин Жогорку Кеңештин Социал-демократтар фракциясынан депутат Аалы Карашев “Азаттыкка” маегинде билдирди. Маектин жүрүшүндө парламенттин жана өкмөттүн ишмердиги, эл өкүлүнүн дарегине айтылган сын-пикирлер, жарандардын пенсияга чыгышын жеңилдетүү боюнча Аалы Карашев иштеп чыккан мыйзам долбоор боюнча сөз болду.

Чүй облустук төрөт үйүндө операция жолу менен төрөгөндөн кийин абалы оорлоп кеткен аял эсине келбей каза тапты.  Саламаттык сактоо министрлигинен "Азаттык" радиосуна билдиришкендей, 20-январдагы аялдын өлүмүнүн себеби териштириле баштады.   Маалыматка караганда, Токмок шаарынын 42 жаштагы тургуну Роза Жусубалиеванын абалы оор деген дарыгерлер аны 15-январда операция жолу менен төрөтүшкөн. Бирок төрөт маалында келин анафилаксия абалына түшүп, эсине келбей жатып көз жумган. Ымыркай 2 килограмм 800 грамм салмакта төрөлгөн... Читать дальше...

Ички иштер министрлигинин маалыматына караганда, Кыргызстандан табылган кымбат баалуу 45 автоунаа Евразия экономикалык биримдигине кирген мамлекеттерден жоголгон.   Арасында Lexus, Toyota, Mercedes-Benz үлгүсүндөгү жол тандабастар, кроссоверлер, Toyota, Mercedes-Benz, Volkswagen үлгүсүндөгү седан кузову менен чыгарылган машинелер бар. Алардын 82 пайызынын  VIN-коду өзгөртүлгөнү аныкталды.  ИИМ автоунаалар качан кармалганын тактаган жок. Машине уурдоо жана аларды Кыргызстанда легалдаштыруу боюнча... Читать дальше...

Сталинизм доорунда жазыксыз куугунтукталгандар жөнүндөгү түрмөктүн кезектеги чыгарылышы 1933-45-жж. ак жерден абакта кармалган кыргыздын насаатчы акыны жана агартуучусу, "лейлек булбулу" атыккан Абдырайим Шама уулу (Шаматов; 1892–1953) тууралуу болмокчу.

Түркияда жалпысынан 183 университетте үч миңге жакын чет өлкөлүк агартуучу эмгектенет. Алардын арасында кыргызстандык 46 улук окутуучу түрк жогорку окуу жайларында сабак берет. Илимдин эки профессору, беш доцент жана ондогон илимий кызматкерлер гуманитардык, инженердик жана медициналык факультеттердин мугалимдик курамын түзүүгө көмөк көрсөтүп келишет.

Кыргызстандагы айылдарды ичүүчү суу  менен камсыздоо боюнча "Таза суу" долбоорунда кемчиликтерди кетирген бир да ишкана, мекеме же жаран жоопко тартыла элек. Бул тууралуу Архитектура, курулуш, турак жай, коммуналдык чарба агенттигине караштуу Таза суу менен камсыздоо департаментинин башчысы Аскарбек Токтошев "Азаттык" радиосуна билдирди. Анын айтымында, аталган долбоордун ​биринчи этабында долбоорчулардан, курулушчулардан баштап кетирилген кемчиликтер көп болду. - Жерине барбай туруп долбоор чийип койгон... Читать дальше...

Өткөн эки сутка ичинде Кыргызстанда он бир өрт кырсыгы болду. Өзгөчө кырдаалдар министрлиги билдиргендей, Бишкек шаарында, Чүй, Жалал-Абад, Ысык-Көл облустарында экиден, Ош шаарында, Ош жана Нарын облустарында бирден өрт катталды. Чүй облусунун Камышановка айылында өрттөнүп кеткен үйдөн анын ээсинин сөөгү табылды.   Сокулук районунун Төмөнкү Чүй айылында бала бакчанын экинчи кабатынан өрт чыккан. Азыр тилсиз жоонун себептери такталууда.

Кыргызстан 2017-жылы 19 миң 853 килограмм алтын экспорттоду. Каржы министрлигине караштуу Баалуу таштар департаменти билдиргендей, былтыр күмүштүн экспорту 17 тоннадан ашты. Кыргызстандын алтынын негизинен Швейцария сатып алат жана ал өлкөнүн башкы соода өнөктөштөрүнүн арасында төртүнчү орунда турат.    Өткөн жылдын он айынын жыйынтыгы боюнча эки мамлекеттин ортосундагы товар жүгүртүү 490 миллион долларга жеткен. Анын негизги бөлүгүн Кыргызстанда өндүрүлгөн алтын экспорту түзгөн. Кыргызстандагы... Читать дальше...

Кремль Украина парламенти кабыл алган жаңы мыйзам Донбасстагы кырдаалды жөнгө салууга багытталган Минск келишимдерин биротоло жок кылды, кошуна өлкө согушка даярданууда деп сындады. Бейшембиде Жогорку Рада көпчүлүк добуш менен жактырган Донбасстын реинтеграциясы жөнүндө мыйзамда Орусия "агрессор", ал эми москвачыл жикчилдер ээлеп алган жерлер “убактылуу оккупацияланган аймактар” деп аталган.

Орусиянын Конституциялык соту оппозициялык саясатчы Алексей Навальныйдын доо арызын кароодон баш тартты. Бул тууралуу маалымат 18-январда Конституциялык соттун сайтына жарыяланды. Навальный буга чейинки инстанциялар өзүнүн президенттик шайлоого катышуусуна тыюу салынгандан кийин Конституциялык сотко кайрылган. Чечим  арыз берилгенден кийин үч күндүн ичинде кабыл алынды. Навальныйдын Коррупцияга каршы күрөшүү фондунун юристи Иван Жданов буга чейин президент Владимир Путин Крымды Орусиянын курамына кошуу боюнча кайрылганда... Читать дальше...

Кыргызстанда "Таза суу" долбоорунун ордуна "Ала-Тоо булагы" деп аталган жаңы долбоор ишке кирди. Өкмөттүн билдиришинче, долбоордун алкагында ондогон айылдар ичүүчү суу менен камсыздалат.

Ошто "милиция кызматкерин өлтүрдү" деп шектелген Дамир Шабыралиевдин жубайы Наргиза Ражапова укук коргоо органдарынан өзү жана үй-бүлөсү кыйноо көргөнүн айтып чыкты. Ал өзүнүн жана үй-бүлөсүнүн укуктарын коргоп берүү өтүнүчү менен президентке, башкы прокурорго, Жогорку Кеңештин спикерине кайрылуу жиберди. ​Ражапова "Азаттык" радиосуна үй-бүлөсү милиционердин өлүмүнө тиешеси жок экенин, кыйноо жөнүндө ачык айтып чыкканы үчүн өзүнө ар кандай жалаа жабуу аракети көрүлүп жатканын билдирди: - Былтыркы... Читать дальше...