Новости за 08.01.2018

Рим Папасы Франциск жылдык кайрылуусунда дүйнө өлкөлөрүн Корей жарым аралында жана Сирияда ишенимди калыбына келтирүү үчүн бирдиктүү аракеттерди жасоого чакырды.  "Учурдагы талаштарды чечүү жолун таап, эки тараптуу ишенимди өнүктүрүп, корей жана дүйнө элинин тынч келечегин камсыздоо үчүн Корей жарым аралындагы кандай гана сүйлөшүү аракеттери болбосун колдоо өтө маанилүү", деди понтифик 180 өлкөнүн элчилеринин алдында сүйлөгөн сөзүндө.  Түндүк Кореянын өзөктүк жана баллистикалык сыноолорунан улам өткөн жылы аймакта абал өзгөчө чыңалды. Читать дальше...

"Фергана" маалымат агенттигине иликтөө материал даярдаган журналист Элнура Алкановага өлкөдөн чыгууга тыюу салынды.

Австралияда абанын табы 40 градустан түшпөй жатат. Ал тургай ири шаар Сиднейде жекшембиде 47,3 градуска чейин жетти. Жергиликтүү метеорологдор бул 1939-жылдан берки эң ысык күн экенин белгилеп жатышат.  Натыйжада өлкөнүн бир топ жерлеринде токойлорду өрт чалды. Акыркы маалыматтарга караганда 50 өрт очогу табылып, ал өлкөнүн үч штатында тургундарга коркунуч жаратууда.  - Такай эскертүүлөрдү берип атабыз. Жагдай тез өзгөрүүдө. Ага жараша биз да убагында маалымат берип атабыз. Өз коопсуздугуна байланыштуу... Читать дальше...

Ирандагы сот тутумунун жетекчи орун басары Хамид Шахриари өкмөткө каршы митингдерди башкаргандар катаал жазага тартылышы керектигин 8-январда билдирди.  "Албетте бийликке каршы башаламандыктарды уюштуруп, башкаргандар жогорку жазаны күтө беришсе болот" деди ал ISNA маалымат агенттигине. Бирок ал кандай жаза экенин тактаган жок. Иранда эң жогоркусу - өлүм жазасы.  Ушул эле күнү өлкө президенти Хасан Роухани демонстрацияларды оппозиция бийликтеги эскичил өнөктөштөрүнө каршы уюштурушу ыктымалдыгын айтты. Читать дальше...

Германияда "Боруссия Дортмунд" футбол командасы бараткан автобусту жардырууга айыпталган Сергей В. күнөөсүн мойнуна алды.  Дортмунд шаарында дүйшөмбүдө өткөн сотто ал жасаганына өкүнүп турганын, бирок кимдир бирөөнү өлтүрүү ниети болбогонун айтты. Анын ырасташынча, жардыргыч зат эч кимге олуттуу зыян келтирбей тургандай бекитилген. Ага өмүргө кол салуу беренеси боюнча айыптар коюлган. Айыптоочулар жардыруу айыпталуучунун акчалай киреше табуу ниетинин бир бөлүгү болгонун билдиришет. Автобустун... Читать дальше...

15 мамлекеттик органдын коомдук кеңештеринин жаңы курамын шайлоо боюнча сынакка талапкерлерден документтерди кабыл алуу башталды. Бул тууралуу өкмөттүн аппараты билдирди. Экономика министрлиги менен Тышкы иштер министрлигинин коомдук кеңештерине кошумча мүчөлөр кабыл алынат. Өзгөчө кырдаалдар министрлиги менен өкмөткө караштуу Милдеттүү медициналык камсыздоо фондунун коомдук кеңештерине аялдар кабыл алынат. Аларга киргиси келгендер 15-январга чейин катталышы керек. Ал эми Транспорт жана жолдор министрлигинин... Читать дальше...

Чыгыш Кытай деңизинде Ирандын мунай ташыган кемеси кырсыкка кабылып, 32 киши дайынсыз. Ишембиде ирандык танкер деңизден 300 чакырым алыс жерде Гонконгдо катталган жүк ташыган кеме менен кагылышкан. Учурда издөө-куткаруу иштери жүрүп жатат.

Кытайдын чыгыш жээгинде кырсыктаган ирандык танкердин ичиндеги 32 адамдын бирөөнүн сөөгү 8-январда эртең менен табылды. Бул тууралуу Кытадын Тышкы иштер министрлигинин расмий өкүлү Лу Каңг билдирип, анын тек жайын иликтеп жатышканын кошумчалады. Учурда бир нече куткаруучу кеме кырсыктаган жерде иштеп жатат. Бирок алар өз ишин толук аткара албай жатышат. “Кырсыктан кийин Ирандын кемеси өрттөнө баштаган. Жарылуудан соң түтүн каптап, кеменин тегерегине жайылган майдын кесепетинен өрттү өчүрүү кыйын болуп жатат. Читать дальше...

Нарында салбуурун боюнча облустук беттеш өтүп, мүнүшкөрлөр менен тайганчылар аңчылык оюндардын алты түрү боюнча мелдешти. Аны улуттук оюндарды өркүндөтүү максатын көздөгөн “Теңир-Тоо салбуурунчулары” уюму уюштурду. Акыркы жылдары облус аймагында салбуурун жылына эки жолу өткөрүлүп, элдин кызыгуусун жандандыра баштады.

Чүй облусунун Аламүдүн районунун Аламүдүн айылында бир аялдын жана беш жашар баланын өмүрүн алган жол кырсыгы боюнча иликтөө иштери башталды. Бул тууралуу Жол кыймылынын коопсуздугун камсыздоо башкармалыгынын Чүй облустук бөлүмүнүн ага тескөөчүсү Тилек Оторов “Азаттыкка” билдирди. Анын айтымында, бала жетелеп бараткан аялды койдуруп кеткен автоунаа "Honda CRV" үлгүсүндө, анын айдоочусу 48 жаштагы жаран болгон. Ал Алматы көчөсүнөн түндүк тарапка баратып жол кырсыгына кабылган. Айдоочу рулда мас болбогону аныкталды. Читать дальше...

Чыгыш Кытай деңизинде Ирандын мунай ташыган кемеси кырсыкка кабылды. Отуздай кишинин дайыны чыкпай жатат. Француз президенти Эммануэл Макрон биринчи жолу мамлекеттик сапар менен Кытайга келди. Париж Бээжин менен кандай кызматташтыкты көздөп турат? Лос-Анжелесте "Алтын глобус" киносыйлыгынын жеңүүчүлөрү аныкталды. Аземге актриса, актерлордун көбү эмне үчүн кара кийинип келишти? Казакстанда паракорчулук боюнча соттолуп жаткан мурдагы экономика министри Куандык Бишимбаев президент Нурсултан Назарбаевден кечирим сурады.

Бишкектеги №1 үй-бүлөлүк дарыгерлер борборунун 60тан ашуун кызматкери бейтапкананын жетекчиси Айдарбек Шакировду жемкорлук боюнча айыптап чыгышты.

Ош, Жалал-Абад жана Баткен облустарында талапка жооп бербеген алты диний окуу жайдын ишмердүүлүгү токтотулду. Бул тууралуу Дин иштери боюнча мамлекеттик комиссиянын түштүк аймактык бөлүмүнүн жетекчиси Исакбай Мурзабеков “Азаттыкка” билдирди. Маселен, Сузак районундагы “Сузак” жана “Алтын урпак” мекемелери кайрымдуулук уюму катары катталып, бирок каалоочу балдарга диний сабак берип келишкен. Аларга эгер билим бергиси келсе медресе катары каттоодон өтүп, андан кийин гана билим бериши керек экендиги эскертилип, жабылды. Читать дальше...

Ирандын тышкы иштер министри "өлкөдөгү өкмөткө каршы нааразылыкты козгоду" деп АКШ, Израил жана Сауд Арабиясы өңдүү чет мамлекеттердин атайын кызматтарын айыптады. Мохаммад Жавад Зариф 8-январда Тегеранда өткөн коопсуздук конференциясында "мындай аракеттердин кесепети болот" деп эскертти. "Бир да өлкө коңшуларынын арасында кооптуу жагдай жаратуу менен өзү үчүн коопсуз чөйрө түзө албайт" деди министр. Иранда 28-декабрда башталып, өткөн жуманын соңунда басаңдаган демонстрацияларда 22 киши мерт болуп, 1700дөйү камакка алынган. Читать дальше...

Иштамберди алтын кенинде жумушчулар менен иш берген компания жаңы эмгек келишими боюнча тил табыша элек.

АКШнын президенти Доналд Трамп өзү тууралуу чуулгандуу китеп боюнча пикирин билдирип, чыгарманы "өтө начар жазылган фантастика" деп баалады.  - Мен мыкты коллеждерге же коллежге бардым. Эң мыкты студент болгом. Миллиарддаган долларларды иштеп таап, алдыңкы бизнесмендердин бири болдум. Теледе 10 жылда ири ийгиликке жетиштим. Уксаңар керек, биринчи жолу президенттикке койдум жана жеңдим. Мени таптакыр билбеген бул жигитти ошондо уктум. Баса, ал менден интервью алган эмес. Ак үйдө мени менен үч саат маектешкенин айтыптыр. Читать дальше...

Ички иштер министрлигинин, Чүй облустук жана Москва райондук ички иштер бөлүмдөрүнүн кызматкерлери Чүйдө жаңы жылга караган түнү жасалган оор кылмыш боюнча дагы үч шектүү кишини кармады. Бул тууралуу бүгүн Ички иштер министрлиги кабарлады. Мекеменин маалыматына караганда, окуя Москва районундагы Беловодское айылында 1-январга караган түнү, таңга жуук болгон. Беткапчан кылмышкерлер жергиликтүү тургундун үйүнө кирип барып, үй ээсин оор жарадар кылып, анын 69 жаштагы жубайын жана 45 жаштагы кызын атып өлтүрүшкөн. Читать дальше...

Вице-премьер-министр Темир Жумакадыров ажал тапкан жол кырсыгына байланыштуу иш сотко өттү. Бул тууралуу Ички иштер министрлигинин басма сөз кызматы кабарлады. Маалыматка ылайык, жол кырсыгынын чоо-жай териштирилип бүтүп, Москва райондук сотуна өткөрүлүп берилди. 38 жаштагы вице-премьер-министр Темир Жумакадыров 7-октябрь күнү Бишкек-Чалдыбар жолунда жол кырсыгынан каза болгон. Жумакадыров президенттик шайлоого Талас облусунун даярдыгын текшериш үчүн бараткан. Темир Жумакадыров менен кошо 30 жаштагы... Читать дальше...

Казакстандын мурдагы экономика министри, азыр соттолуп жаткан Куандык Бишимбаев өлкө президенти Нурсултан Назарбаевден кечирим сураганын жергиликтүү басылмалар жазып чыгышты.  - Мен тааныган, мен ишке чакырган адамдар - Жаксыбаев, Жакупов жана башкалар мени уятка калтырышты. Бул үчүн өлкө башчысынын алдында жооптуумун. Президенттин ишеничин актабаганым үчүн уятым жанга батып турган кези. Кадр тандоодо жаңылып, мени жана ишеничимди колдонуп кеткен адамдарды жакындатып алыпмын. Мамлекет башчысынан жана бардык элибизден бул үчүн кечирим сурайм... Читать дальше...

Президент Сооронбай Жээнбеков мамлекеттик органдар жарандардын арыз-даттанууларына токтоосуз жооп бериши керек экенин билдирди. Ал мындай оюн бүгүн Коопсуздук кеңешинин катчысынын 1-орун басары Дамир Сагынбаевди, президенттик аппараттын жетекчисинин орун басары Алмамбет Салиевди жана кеңешчилери Жеңиш Разаков менен Асылбек Кожобековду кабыл алганда айтты. Жолугушууда Коопсуздук кеңешинин кийинки жыйынына даярдыктар жана 2018-жылдагы иш пландар талкууланды. Мамлекет башчысы Коопсуздук кеңеши буга... Читать дальше...

Синоптиктердин билдиргенине караганда, 9-январда Кыргызстандын кээ бир тоолуу райондорунда бир аз кар жаайт, калган аймактарда жаан-чачын күтүлбөйт. Жолдор тоңгок, тайгак болот. Батыштан соккон шамалдын ылдамдыгы секундасына 2-7 метрге жетет. Абанын температурасы: Чүй менен Таласта түнкүсүн -2…-7, күндүз 4…9; Баткен, Ош, Жалал-Абадда түнкүсүн 0…-5, күндүз 5…10; Ысык-Көлдө түнкүсүн -3…-8, күндүз 0…5; Нарында түнкүсүн -14…-19, күндүз -3…-8; Бийик тоолуу райондордо түнкүсүн -22…-27, күндүз -8…-13 Бишкекте жаан жаабайт. Читать дальше...

Иран өкмөтү бардык башталгыч мектептерде англис тилин окутууну токтотууга ниеттенүүдө. Өлкөнүн Жогорку билим боюнча кеңешинин башчысы Мехди Навид Адхамдын айтымында, бул тилди окутуу "мыйзамга жана эрежелерге каршы келет". "Анткени баштапкы билим берүү учурунда окуучуларда Иран маданиятынын өзөгү тууралуу пикир түптөлөт деп эсептелет", деди аткаминер 7-январда мамлекеттик телеканал менен болгон маегинде.  2016-жылы өлкөнүн диний жол башчысы Аятолла Али Хаменеи балдар бакчасына чейин англис тили окутулуп жатканына ачууланган болчу. Читать дальше...

Бишкектеги №1 үй-бүлөлүк дарыгерлер борборунун мурдагы директору Айдарбек Шакиров өзүнө коюлган дооматтарды "жалган" деп четке какты. Ал “Азаттыкка” радиосуна сүйлөп жатып, ага нааразы болуп митингге чыккан дарыгерлер оптимизацияга көнбөй жатышканын билдирди. - Мен ооруканада оптимизация кылып, реформаларды ишке ашырып жатам. Дарыгерлерди азайтып, айлыктарын 8 миңден 15 миңге көтөрдүм. Дарыгерлердин кабинеттерин бейтаптарга ыңгайлуу кылып өзгөрттүм. Алар ушуларга каршы чыгып жатат, - деди Шакиров. Читать дальше...

Бишкектеги №1 үй-бүлөлүк дарыгерлер борборунун 60ка жакын кызматкери Саламаттык сактоо министрлигинин алдына митингге чыгышты. Алар бейтапкананын жетекчиси Айдарбек Шакировду жемкорлук боюнча айыптап, аны кызматтан алуу талабын коюшту. Ушул эле күнү түштөн кийин №1 үй-бүлөлүк дарыгерлер тобунун Шакировдун кызматтан алынышына каршы болгон 20 чакты киши министрликтин алдына акцияга чыгышты. Жетекчи Айдарбек Шакиров болсо өзүнө айтылган дооматтарды четке кагып, жалган-жалаа экенин "Азаттыкка" билдирди.

Кыргызстандык аялдын Түркияда 2-кабаттан кулап, жардамга муктаж болуп жатканы тууралуу Интернетте тараган маалыматты Антальядагы диаспора өкүлдөрү тастыкташты. Маалыматка ылайык, 50 жаштардагы кыргызстандык Айнура аттуу аял Антальянын Финике аймагында 2-кабаттын балконунан кулап түшкөн. Анын жамбаш сөөгү сынып, колу-бутунан жарака кеткен. Диаспора өкүлдөрүнүн айтымында, жабыркаган аял азыр Финике мамлекеттик ооруканасында жатат. Ага жардам берчү тууганы жок болгондуктан Антальядагы диаспора аны чыгарып кетүүгө үй издеп жатат. Читать дальше...