КСДПдагы кризис
Кыргызстан социал-демократтар партиясынын саясий кеңеши Иса Өмүркуловду партиядан чыгаруу чечимин кабыл алды. Бирок Өмүркулов партиянын мындай чечимин легитимсиз деп атап, фракция жетекчилигинен кетпей турганын билдирди. Мурдатан тымызын жүрүп жаткан Социал-демократиялык партиядагы тиреш ачыкка чыгып, карама-каршы айыптоолор менен коштолууда. Мындай кырдаал партиянын ичиндеги жана өлкөдөгү саясатка кандай таасирин тийгизет? "Азаттык" дал ушул суроону талкуулады. Талкууга Социал-демократиялык партиянын мүчөсү, мурдагы депутат Мээрбек Мискенбаев, “Атамбаевсиз КСДП” кыймылынын башчысы Сагынбек Абдрахманов, жарандык активист Адил Турдукулов жана саясий илимдердин кандидаты, коомдук ишмер Орозбек Молдалиев катышты.