Новости за 05.11.2018

Пакистанда "Мухаммед пайгамбарга акаарат келтирген" деп айыпталган христиан аял Асия Бибинин укугун коргогон адвокат Сайфул Мулоок мажбурланып өлкөдөн чыгарылганын айтты. Нидерландга келген адвокат 5-ноябрда Гаагада маалымат жыйынын өткөрүп, Бириккен улуттар уюму жана Европа Биримдиги “өзү каалабай турса” да аны Пакистандан чыгарып кеткенин билдирди. 31-октябрда Пакистандын Жогорку Соту сегиз жыл мурда өлүм жазасына өкүм кылынып, бирок өкүмдүн ишке ашышын күтүп жаткан Асия Бибини актаган чечим чыгарган. Читать дальше...

Новак Жокович эркек теннисчилердин рейтингинде кайрадан биринчи сапка чыкты. Беш ай мурда сербиялык теннисчинин рейтинги соңку 12 жылдагы эң төмөнкү чегине түшкөн.  31 жаштагы Жокович соңку эки жылдан бери биринчи орунга чыга албай келген. Ал январь айында чыканагынан операция болуп, июнь айында Франциянын ачык чемпионатында чейрек финалда утулуп калып, теннисчилердин рейтингинде 22-орунга түшүп кеткен. Бирок июль айында төртүнчү жолу "Уимблдон" ачык чемпионатын утуп, андан соң Цинциннатидеги турнирди жеңип алды. Читать дальше...

Казакстан Шинжаңдагы айрым этникалык казактарга жасалган мамиле боюнча Кытай тарапка нота жөнөттү. Бул тууралуу Казакстандын Тышкы иштер министрлигинин расмий өкүлү Айбек Смидияров 5-ноябрда "Азаттыктын" казак кызматынын кабарчысына билдирди. Ал өткөн аптада Кытайдагы саясий лагерлердеги ата-энелерин бошотууга көмөктөшүүнү өтүнгөн өспүрүмдөрдүн видео кайрылуусу боюнча да өкмөттүн позициясын айтты: - Биз кабардарбыз. Кытай тараптан тиешелүү иш жүргүзүлүп жатат. Сүйлөшүүлөр болуп жатат. Кытайдын... Читать дальше...

Өзгөндүн Мырза-Аке айылынын демилгелүү жаштары аялдамаларды жаңылап, колунда жоктор үчүн дүкөн ачышты. Жаңы конуштардын тургундары социалдык шарттарга жарыбаган жашоосу тууралуу тасмаларды тарта баштады. Таластагы электр жарыгы жок Май айылы. Балыкчы шаар башчылыгы ишке киргизген “Коопсуз шаар”. Африкалык атасын издеген мулат кыргыз Кайрат Бекмамбетов.

Ысык-Көл облусуна караштуу Ак-Суу районунун Бөрү-Баш айылынын тургуну Нурлан Асанбеков 18 жаштагы баласынын өз жанын кыйышына милиция кызматкерлерин күнөөлөп жатат.

АКШ Иранга киргизген жаңы санкцияларынын мунай соодасына байланыштуу жобосун аткаруу маселесинде сегиз өлкөгө убактылуу жеңилдик берди. Ага ылайык, Кытай, Индия, Түштүк Корея, Түркия, Италия, Греция, Жапония жана Тайван алдыдагы 180 күндө Ирандан мунай импорттой алышат. Бул маалыматы АКШнын мамлекеттик катчысы Майк Помпео дүйшөмбү күнү Вашингтондогу басма сөз жыйынында ырастады. 5-ноябрда Вашингтондун Тегеранга каршы экономикалык чараларынын экинчи баскычы күчүнө кирди. Бул жолку санкциялар Ирандын мунай... Читать дальше...

АКШнын Иранга каршы санкцияларынын экинчи толкуну күчүнө кирди. Ал мунай, каржы, кеме куруу өңдүү өтө маанилүү тармактарды бутага алат. Тажикстанда мурдагы министр жана президенттин кудасынын уулу бир жылга эркинен ажыратылды.

Ирандын маалымат министри "өлкөнүн коммуникация тармагына каршы киберчабуулдарды уюштурду" деп Израилди күнөөлөдү. Мохаммад Жавад Азари Жахроми мындай пикирин 5-ноябрда "Твиттердеги" барагына жазып, ирандык техникалык адистер хакердик чабуулдун мизин кайтарганын билдирди.  Андан мурда министрдин орун басары Хамид Фаттахи дүйшөмбү күнү таң эрте Ирандын коммуникация тармагын бузуп кирүү аракети бир нече жолу катталганын айткан. Ал киберчабуулдун алдын алууга мүмкүн болгонун белгилеген.  Бир жума... Читать дальше...

Өкмөт Асия Бибинин ишин кайра кароого убада бергенден кийин гана өлкөдөгү ашынган исламчылардын башамаламандыкка чейин жеткен нааразылык жүрүштөрү басаңдады. "Башаламандыктарды уюштурду" деп 150дөй адам камакка алынды.

Турнирге өлкөдөгү алдыңкы медиалардын 18 өкүлү катышты.

26 жаштагы Кайрат Бекмамбетов жарнама боюнча адис жана блогер. Анын атасы совет доорунда Кыргызстанда окуган африкалык жигит, энеси кыргыз кызы. Төрөлгөндөн тарта таенесинин колунда чоңойгон жигит атасынын дарегин издеп, аны менен жолуккусу келет. Таенесинин таалимин алган Кайрат бир ай мурун кыргыздын салты менен орус кызына баш кошкон.

Бишкектин Биринчи май райондук сотунда мурдагы вице-премьер-министр жана парламенттин экс-депутаты Аскарбек Шадиевдин өзүнүн катышуусуз соттук териштирүү башталды.

Пакистанда "Мухамед пайгамбарга акарат келтирген" деп өлүм жазасына кесилген христиан аял Асия Бибинин укугун коргогон адвокат Сайфул Мулоок өлкөдөн чыгып кетти. Ал Нидерландга келип жайгашканын бул өлкөдөгү "Куугунтукка кабылган христиандардын биримдиги" уюму 5-ноябрда кабарлады.  Эки күн мурда адвокат Мулоок "жаалданган топтон өз өмүрүн сактап калыш" үчүн жана үй-бүлөсүнүн коопсуздугун камсыз кылуу максатында Пакистандан чыгып кеткенин "Reuters" агенттигине билдирген.  Христианчылыктын католик... Читать дальше...

Казакстандын прокуратурасы кыргыз парламентинин экс-депутаты Дамирбек Асылбек уулуна "уюшкан кылмыштуу топ түзгөн" деген айып койду. Ага ылайык, камактагы мурдагы депутат Кытайдан аткезчилик жол менен товар ташыган мамлекет аралык кылмыштуу топту жетектеп турган.

Майып адамдардын укуктарына байланыштуу Бириккен Улуттар Уюмунун (БУУ) конвенциясын ратификациялоо жөнүндөгү мыйзам долбоору парламенттин тийиштүү комитетинде жактырылды. 5-ноябрда аны Жогорку Кеңештин Социалдык маселелер, билим берүү, илим, маданият жана саламаттыкты сактоо боюнча комитети караганын жана жактырганын депутат Дастан Бекешов "Твиттерге" жазып, өзү баяндамачы болгонун билдирди.  БУУ 2006-жылдын 13-декабрында кабыл алган бул конвенция 2008-жылдын 3-майында күчүнө кирген. Кыргызстан документке 2011-жылы кол койгон... Читать дальше...

Дүйшөмбү күнү АКШ менен Түштүк Кореянын чакан аскердик машыгуусу башталды. Түштүк Кореянын түштүк тарабындагы Пхохан шаарындагы машыгууга эки өлкөнүн деңиз флотторунун 500гө чукул аскерлери катышууда. Бул машыгуу АКШнын мамлекеттик катчысы Майк Помпео  Түндүк Корея лидеринин кеңешчиси Ким Йоң Чол менен Нью-Йоркто кездешер алдында өтүп жатат.  "Кореядагы деңиз флоттордун тажрыйба алмашуу программасы" деп аталган бул машыгуу июнь айында токтотулган эки өлкө ортосундагы ири аскердик манёврлардын бир бөлүгү болчу. Читать дальше...

Борбор Азия мамлекеттеринин адистери кыз-келиндерге каршы зомбулукту жок кылууга чакырууда. Бул максатта Бишкекте 5-ноябрда 60тан ашуун адис чогулду. Эки күндүк иш-чара «Саясий чечимдерден аракетти карай. Борбор Азиядагы аялдарга жана секелектерге каршы гендердик зомбулукту жок кылуу” деп аталат. Аны чөлкөмдөгү бийлик өкүлдөрүнүн, эксперттердин катышуусунда Бирикке Улуттар Уюмунун төрт агенттиги уюштурду.  Катышуучулар бул боюнча аймактык кызматташтык зарыл экенин, мындай алака-катыш туруктуу өнүгүүнүн негиздеринин бири болорун белгилешти. Читать дальше...

Украинанын чыгышында Орусия колдогон жикчилдер менен кармаштан бир украин аскери мерт болуп, төртөө жаракат алды. Жикчил топтун төрт мүчөсү каза таап, дагы төртөө жарадар болгонун Украинанын Коргоо министрлиги 5-ноябрда билдирди.  Министрлик соңку 24 саатта жикчилдер ок атышпоо келишимин 18 жолу бузганын, алар пулемёт жана гранатамёттордон ок атышканын белгиледи. Донбасстагы жикчилдер тескерисинче украин тарапты "бир сутка ичинде келишимди 21 жолу бузду" деп айыптады.  Украинанын чыгышындагы... Читать дальше...

Ысык-Көл районунун Тамчы айылында сабалган бала башка ишенимде болгону ур-токмокко алынганын айтууда. Бирок Ысык-Көл облустук милициясы бул факты боюнча “Ээнбаштык” беренеси менен кылмыш иши козголгонун билдирди. Ушул тапта сабалган бала Бишкек шаарындагы ооруканалардын биринде дарыланып жатат.

Аткезчилик боюнча айыпталып, Казакстанда камакка алынган кыргызстандык депутат Дамирбек Асылбек уулунун кай бир кылмыштуу топко тиешеси бар экени жөнүндө Ички иштер министрлигине буга чейин маалымат түшкөн эмес. Бул тууралуу "Азаттык" радиосуна мекеменин басма сөз катчысы Бакыт Сеитов билдирди:  - Депутаттыкка өткөндө же каттоого алынганда Борбордук шайлоо комиссиясы (БШК) бизге тизме жөнөтүп, тактоо иштерин жүргүзөт. Соттолбогон болсо, кылмыштуу иштерге катышпаган болсо, анан каттайт. Ал кишинин... Читать дальше...

Сауд Арабиясынын Стамбулдагы консулдугунда өлтүрүлгөн журналист Жамал Хашогжинин (Хашогги) уулдары сауд бийлигинен атасынын сөөгүн берүүнү, анын өлүмүн иликтөөнү өтүнүштү. CNN телеканалындагы маегинде Салах менен Абдулла атасынын жасатын мусулмандар үчүн ыйык саналган Медина шаарында жерге берүүнү көздөй тургандыгын айтышты. Ал эми жума күнү Вашингтондо өткөн эскерүү иш-чарасында Хашогжинин колуктусу Хатиже Жеңгиз АКШнын президентин Түркиянын иликтөөсүн колдоого чакырган. Сауд бийлиги журналист... Читать дальше...

Ооганстандын Газни провинциясында талиб жоочулары менен кармаштан 13 коопсуздук кызматкери мерт болду. Провинциянын губернаторунун басма сөз катчысы Мохаммад Ариф Нуринин "Азаттыкка" билдиргендей, куралдуу кармаш 5-ноябрда таңга маал талибдер Когяни районундагы текшерүү пунктуна кол салгандан кийин башталган. Курман болгондордун алтоо ооган полициясынын кызматкерлери, жетөө армиянын аскерлери болгон. Нуринин айтымында, дагы төрт полиция кызматкери жабыркады. Үч саатка созулган кармаш маалында "Талибан"... Читать дальше...

8-ноябрда Кыргызстан менен Сербиянын ортосундагы визасыз каттоо боюнча өкмөт аралык келишим күчүнө кирет. Тышкы иштер министрлигинин басма сөз кызматы кабарлагандай, мындан ары эки өлкөнүн жарандары бири бирине 90 күндүк мөөнөттө визасыз каттай алат. Документке 2017-жылы 5-декабрда кол коюлган. Бул 11 айдан бери аны ишке ашыруудагы ички жараяндар жүргүзүлдү. Жогорку Кеңеш Сербия менен виза режимин жоюу боюнча макулдашууну быйыл 26-апрелде ратификациялаган. Бул мамлекет Европанын түштүк-чыгышында жайгашкан. Читать дальше...

Кошмо Штаттардын Иранга карата экономикалык санкцияларынын экинчи баскычы бүгүн (5-ноябрда) күчүнө кирди. Президент Дональд Трамп "буга чейинкилеринен күчтүү" деп мүнөздөгөн санкциялар Ирандын энергетика, кеме куруу, финансы тармактарын бутага алат. Санкцияларга ылайык, Ирандын кардарлары бул өлкөдөн мунай сатып алууну токтотушу керек. Антпесе алар АКШнын экономикалык чараларына туш болот. Ошол эле учурда сегиз "юрисдикцияга" 180 күнгө Ирандан мунай алууну улантууга уруксат берилди. Бийлик өкүлдөрү... Читать дальше...

"The Insider" басылмасынын шеф-редактору Роман Доброхотов кыргыз журналисттерине иликтөө жанрынын күнгөй-тескейин үйрөтөт. Адисти Журналисттик иликтөөлөр фонду "Интерньюс" уюмунун Кыргызстандагы өкүлчүлүгүнүн колдоосунда чакырууда.  Доброхотовдун сабагы 13-ноябрда Бишкекте "Интерньюс" жайгашкан имаратта өтөт. Кирүү акысыз. Каалоочулар төмөнкү электрондук даректерге кат жазып, маалымат алса болот: edzhaparova@internews.org, aibek.turdaaly@gmail.com Каалоочулар бул жерден онлайн каттоодон өтөт. Читать дальше...