Новости за 24.10.2018

Кхааридийнахь Эрмалойчоьнан парламенто кхаьжнийн хьалхарчу турехь премьер-министран даржехь къобал ца вина Пашинян Никола, хаамбо Маршо Радион эрмалойн сервисо. "Елк" парламентан фракцино хьалхатеттинчехь цхьа кандидат вара Пашинян. Премьер хоржучу харжамийн шолгIа тур дIахьур ю карабогIучу беттан 1-чу дийнахь. Кхаьжнаш ца тосуш юхаяьллера парламентан кхо фракци, ткъа "Елк" куьг ца ойбуш Iийра. Ишта виссина Пашинян цхьа а кхаж боцуш. Цхьана депутато ша дуьхьал хилар дIахаийтина, 11 кхаж ца тесна. Читать дальше...

"Бакъонан зона" бакъонашларъяран организацино телефонан лоьмар билгалъяьккхина, нагахь цIерачара тIехь гIело латторах арздича полисхоша а, я хьаькамаша тергамза шаьш дуьтуш делахь шайга орца даккха аьлла. Кхааридийнера карабогIучу беттан 2-чу дийне кхаччалц схьа бакъонашларъярхоша ларбийр бу полисхойн а, социалан белхахойн а ледарлонех бахархоша шайга кхачон хаамаш. Телефон тоьхначарна хьоьхур ду, кхи дIа хьаьнга гIо деха деза, хIун кехаташ кечдан догIу а. Ишта шайга кхаьчна информаци Талламан комитете а хьажор ю бакъонашларъярхоша. Читать дальше...

Эр-Риядехь дIаяьхьначу инвесторийн конференцехь СаIуда Iаьрбийчоьно 50 миллиард долларна бартбина мехкадаьттан а, газан а, инфраструктуран а декъашкахь. Reuters агенталло бо и хаам, пачхьалкхан Iедалхойн хаамашна тIе а тевжаш. Оппозицин журналист Хашогги Джамал Истанбулехь вер толлучу юкъанна яьккхина и экономикан кхиаме гIулч. Оцу юкъанна тидам хилла Паччахьаллин энергетикан министраллехь конференцин декъашхой кIезиг хилар. Хашогги верна эргIадбахначу Iамеркан Цхьанатоьхначу Штатийн, Францин, Нидерландийн финансийн министраша а... Читать дальше...

Оьрсийчоьнан президенто шеконашка бахийтина ХIинжа-ГIалара бахархой.

ФБР-н агенташа левечу хенахь ша а, шен вашас а шайн куьйгашца лоьлхуьйтурш а кечъеш, динера тIелатар аьлла, дIахьедина 2013-чу шеран бIаьста Бостонехь марафонехь эккхийтар дина аьлла, лаьцна латточу Царнаев ЖовхIара. Дуьххьара зорбане даьхначу кхелан процессан документаш тIехь Iораяьккхина и информаци. Лоцучу заманчохь лазийначу ЖовхIарна хала дара юьхьанца къамелаш дан, цундела шега талламчаша дечу хеттаршна жоьпаш шен куьйга дIа а яздеш, лора цо. ХIетахь хаамбина хилла цо, шен вешица цхьана шаьшиммо сиз-кепаш хIиттош... Читать дальше...

Советан пачхьалкхан баьчча Сталин, гIенах вогIий, шеца къамелашка вийла воьлча, Тбилисехь Сталинан дуьненаюкъара центр йиллина Ониани Григола. Болх болор бу цо карара шо дерзале. Делахь а, Маршо Радион корреспондентан аьтто белира цигахь хила. хилира оцу центрехь.

Кавказехь стенна ло Iедал воIе, вешига, шичига? Къилбаседа Кавказехь кхо кеп ю меттигера Iедал даржашка тардеш. Цхьаъ – хьаькамалла Кремло шеггара бахкийтинчу "хьешашка" луш. Масала, Дагестанехь Васильев Владимире санна. ШолгIаниг –дарж дегара хенан йохалла воIе кховдош. КхоалгIаниг – гIенташ долахь, шича-вашалла а лоруш, латтош. Адыгейхь, ГIебарта-Балкхаройчохь, Нохчийчохь ца хеддаш лела тIаьххьара ши кеп – Москох къастийначу доьзалех бен урхалла цатешор. Стенна? Къегина масал ду дукха хан... Читать дальше...

Соьлжа-ГIаларчу берийн бешахь хьехархочо йиттинчу 6 шо долчу кIентан могушалла цхьатеррачу тIегIанехь ю аьлла, хаамбина Нохчийчуьрчу могушаллин министралло. Берийн бешан белхахо балхара дIа а яьккхина, цунна дуьхьал айдина бехкзуламан гIуллакх талла долийна. Цкъачунна лоьрийн тергонехь латтош ву и кIант хIинца а, кху кIиранах дарбан хIусамера араваккха тарло аьлла могушаллин министраллан векало. Маршо Радионо хьалхо яздира, коьртан хье лазийна Нохчийчуьрчу дарбан цIийне 6 шо долу бер кхачорах. Болчу хаамашца... Читать дальше...

Римерчу "Республика" олучу социйлера эскалатор тIехь хиллачу бохамехь лазийнарг 15 Оьрсийчуьра вахархо ву, царех кхоъ халачу хьолехь ву аьлла, яздо "Керланаш" агенталло. Оьрсийчоьнан векалтан хаамашца, лазийначех шиъ этIийна. Шинарин суьйранна уггар а адамаш дIасалелачу юкъанна хилла бу и сингаттам Римерчу метро чохь. УЕФА-н Чемпионийн Лиган этапан гурашкахь дIахьочу матче хьовса боьлхуш хилла ЦСКА-н фанаташ бу доккхачу декъанна лазийнарш. Эскалатор сихаллица дIа а йолаелла, цIеххьашха сацаран бахьанашца хилла метро чохь и инцидент. Читать дальше...

Токхамаш лаьттачу меттигашкара нах дIакхалхош программа юхайоло дагахь бу Нохчийчоьнан Iедалхой. КарадогIучу шеран юьххьера дуьйнна йолор йолуш ю федералан и программа. Оцу гIуллакхна лерина 300 миллион сом луш ду Нохчийчоьнна. Оцу программи юкъабахначу наха шайна хIусамаш еш ца хилла хIинццалц, тIейогIучу заманчохь ахча кара а ца луш, царна хьалайина хIусамаш дIасайоькъур ю аьлла, хаамбина Нохчийчуьрчу гIишлошъяран министралло. "Кавказан узел" агенталле арздинера кху гурахь бахархоша, токхамаш... Читать дальше...

Магасехь митингаш дIахьочу юкъанна мобилан интернет дIалакъорна меттигерчу 30 вахархочо арздина Роскомнадзоре. Латкъамаш вовшахтухучу адвокато Даурбеков Хьусайна бина и хаам "Коммерсант" газете. Цо даредарца, карарчу беттан 3-чу дийнахь дуьйнна 17-чу дийне кхаччалц мобилан зIенан операторша цхьа а низаман бух а боцуш, интернетах дIахадийра шаьш аьлла, хIинцале а 400 арз кхаьчна цуьнга. Арз листа бутт хан ю Роскомнадзоран аьлла, билгалдаьккхина адвокато. Шайн бакъонаш хьаьшна аьлла, Роскомнадзоро тIечIагIдахь... Читать дальше...

Набахтехь тутмакхашна еттарна а, чохь валло Нохчийчуьра вахархо валарна а бехкевинчу колонин виъ белхахочун ладегIарш хилла Челябинскерчу Металлургийн кIоштан кхелехь. 6 шарна тIера 12,5 шаре кхаччалц царна набахтехь такха хенаш тохар тIедожийна бехкебечийн агIоно. 2015-чу шеран Iай набахтехь иккхинчу инцидентехь веллера тутмакх, адвокато Мухамеджанов Булата бахарехь.Талламчийн зерашца, шайн боцчу безамна колонин белхахочо тоьхна хиллера нохчийн тутмакхна Исраилов Султанна. Пенах корта а кхеташ, гIант тIе охьавоьжна хиллера хIетахь Исраилов. Читать дальше...