Новости за 18.10.2018

Дагестанан яхархочо шен майра вийна хила мега аьлла шеко йолуш бу республикан талламан комитетан урхаллан белхахой. Цунах лаьцна хаам бо Медиазоно. Инцидент хилла Магарамкентан кIоштахь. Талламхойн версица, кху беттан 15-чохь 40 шо долчу зудчуьнан дов даьлла шен 48 шо долчу хIусамдеца, малар мелла хилар бахьана долуш. Майра етта волавелла шен зудчунна, иза а, шайн йоI а юьйр ю ша бохуш кхерамаш а туьйсуш. Цунна дуьхьало ян гIоьртинчу зудчо урс тоьхна хIусамдена. Хиллачу чевнах оццу сохьтех велла стаг.

Красноярскерчу набахтешкахь гIело латтор а, корупци лелор а таллар тIедожийна футболан фанат Свиридов Егор верна 20 шо хан тоьхначу ГIебарта-Балкхаройчуьрчу Черкесов Аслана.

10 шо долчу Берлинан вахархочо полице мукъарло дина 8 шо долу нохчийн кIант шен карах велла хилар, хаам бо Кавказ.Реалиино. Цо дийцарехь, тIекъелдинчу цIана хьалха вилспетахь вогIучу кIантана тIе балкона тIера 15 кила хир йолу гуьйриг кхоьссина цо. Нохчийн кIант кхелхинера кху беттан 14-чу сарахь. Berliner Morgenpost зорбанан гIирсо дийцарехь, цу кIанта дуьйцург догIуш ду тешаша дийцинчуьнца а, видео камераша дIаяздинчуьнца а.  Делахь а полицино дIа ца лаьцна зуламхо, ханна жима ву аьлла. Низамашлардархошна хетарехь... Читать дальше...

Забайкальехь кхело бехке вина, электрошокер а, ризянкийн гIаж а етташ, зулам дарна шеко йолуш ша лаьцначу стагана ницкъ бина полисхо. Талламхоша дийцарехь, муьлш бу ца хуучу наха Приисковая станцин вокзалехь, куьзга а дохийна, кагйина хилла цIе яьлча хоуьйту система. Хилларг къасто цига ваханчу полисхочо тIелатар дина уггаре хьалха ша тIекхаьчначу шена букъ тоьхна лаьттачу стагана. Мийра тоьхна и стаг охьа а вожийна, цунна шозза чхьонкар тоьхна цо. Цул тIаьхьа, полицин декъе а вигина, ток етташ... Читать дальше...

Нурмагомедов Хьабибца лата кийча ву ша, нагахь иза боксан низамашца тасавала реза хилахь, аьлла дIахьедар дина Iамеркерчу боксеро Мейвезер Флойда, TMZ таблоидна ша еллачу интервьюхь. Мейвезера билгалдаккхарехь, цуьнан Iалашо ю 2017-чу шарахь Макгрегорца леттачул тIаьхьа даьккхинчу ахчанал сов 100 миллион доллар даккха. Цул сов, Оьрсийчуьрчу латархочуьнан профессионалан санна лела дезар ду рингехь а, рингехь воцуш а, боху цо. Нурмагомедовс Мейвезер лата кхайкхира кху беттан 14-чу дийнахь. И дIахьедар... Читать дальше...

Дагестанан полицино лаьцна дукха хан йоцуш йийна карийначу Омарова Калиматан доьзалера ахча даккха гIоьртина хиларна шеко йолу ши стаг. Цунах лаьцна яздо Кавказ.Реалиино, "Черновик" газетана тIе а тевжаш. Калиматан да-нана дехачу хIусаман гергахь долчу тIекъелдинчу цIенон лифта чохь кехат карийна, йийначу 8 шо долчу йоIан нене хьажийна долу. Муьлш бу ца хуучу наха 2 миллион сом доьхуш хилла цуьнгара, бер долу меттиг юьйцург. Ахча даккха гIоьртинарг ву Каспийскера а, Леваши эвлара а ши вахархо. Читать дальше...

Нохчийчоьнан куьйгалхочо Кадыров Рамзана дийцина Госдуман депутато Делимхановс Петарбухера совдегар Яковлев Максим кIелхьарваккхарх лаьцна. Шен Telegram-каналехь Кадыровс яздина Яковлев Абхазехь закъалтана лаьцна латтийна хиларх лаьцна. Нохчийчоьнан куьйгалхочо дийцарехь, Делимхановс гIо дина закъалтхо латтон меттиг карош а, иза дIахоьцуйтуш.   Лачкъийна латтош волчу совдегарх Яковлевх лаьцна цхьа а хаам бацара 100 дийнахь. Иза маьршаваьккхина хиларх лаьцна хаам кхечира хIара бутт болалуш. Совдегаро дийцарехь... Читать дальше...

ГIалгIайчоьнан территори Нохчийн Республикана дIаелла бохуш, митингехь лаьттина нах дIасабевлла. Цунах лаьцна хаам бина "Кавказский узело". "Дождь" телеканало дийцарехь, дуьхьалонан акци юкъахяьккхина гIалгIайн къоман дерригдуьненан конгресс кечъярца доьзна. Цул сов ГIалгIайчоьнан Iедалша бакъо ца еллера царна кхин дIа а митинг латто. Делахь а и акци дIаяхьа бокъо елла цара ГIадужу-беттан 31-чу дийнахь дуьйна Лахьан-беттан 2-чу дийне кхаччалц. Хьалха къевлина хилла митинг дIахьочу майданна тIедоьлху некъаш даьстина. Читать дальше...